ᓂᔥᑕᒻ ᑌᓴᓗᓂᔭᓇ 5:13 - ᐅᔅᑭ ᑎᔅᑌᒥᓐᑦ

¹³ ᓈᔅᐱᒡ ᒫᑲ ᑭᒋ ᑭᔅᑌᓕᒣᑾᒃ ᓵᑭᐃᐌᐎᓂᒃ ᐅᑦ ᐊᑑᔅᑫᐎᓂᐗᐤ ᐅᒋ᙮ ᓀᔥᑕ ᒫᑲ ᑳᔮᒣᐎᓰᔅᑖᑐᒃ᙮

ᓂᔥᑕᒻ ᑌᓴᓗᓂᔭᓇ 5:13 Iomraidhean Croise

ᐅᐸᓓᑭᔅ ᒫᑎᐤ 10:40

ᐊᓇ ᑳ ᐅᑎᓂᑖᒃ, ᓂᓚ ᓀᔥᑕ ᓂᑦ ᐅᑎᓂᒃ, ᐊᓇ ᓀᔥᑕ ᑳ ᐅᑎᓂᑦ, ᐅᑎᓀᐤ ᓀᔥᑕ ᐊᓂᐃ ᑳ ᐯᒋᑎᔕᐅᓕᒋ᙮

ᐅᐸᓓᑭᔅ ᒫᕐᒃ 9:50

ᔑᐎᑖᑲᓐ ᒥᓨᔑᓐ: ᒫᑲ ᑮᔥᐱᓐ ᔑᐎᑖᑲᓐ ᐱᐃᓵᑭ, ᑫᒀᓐ ᑫ ᐅᒋ ᔑᐎᑖᑲᓇᐊᒣᒃ? ᐋᔮᒃ ᔑᐎᑖᑲᓐ ᑭᒋ ᐱᒋᔅᑳᑯᔦᒃ, ᓀᔥᑕ ᒥᓗ ᐅᑐᑌᒥᒥᑐᒃ᙮

ᐅᐸᓓᑭᔅ ᒑᓐ 15:17

ᐅᐅ ᑫᒀᓇ ᑭᑦ ᐃᑕᔓᐙᑎᑎᓇᐗᐤ, ᑭᒋ ᓵᑭᐃᑐᔦᒃ᙮

ᓂᔓ ᑯᕆᓐᑎᐊᓇ 13:11

ᒫᒋᒡ, ᓂᒋᔖᓂᑐᒃ, ᓇᑕᒫ ᒥᓗᐋᔮᔦᒃ, ᒥᑐᓂ ᒥᓨᑎᓰᒃ, ᒥᓜᓕᒧᒃ, ᐯᔭᑴᓕᑕᒧᒃ, ᐎᒋᐱᒫᑎᓯᒥᑐᒃ ᑳᔮᒣᓕᑕᒧᐎᓂᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᓵᑭᐃᐌᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮

ᑲᓓᔕᐊᓇ 4:14

ᓀᔥᑕ ᓂ ᑲᑴᒋᐃᑯᓯᐎᓐ ᓂ ᐎᔮᓯᒃ ᓇᒪᐎᓚ ᑭ ᑮ ᐋᑕᐌᓕᑌᓇᐗᐤ, ᓇᒪ ᓀᔥᑕ ᑭ ᑮ ᒪᒉᓕᑌᓇᐗᐤ; ᒫᑲ ᑭ ᑮ ᐅᑎᓂᓇᐗᐤ ᑖᐱᔅᑯᒡ ᐅᑦ ᐁᓐᒐᓕᒪ ᑭᒋᒪᓂᑐ, ᑖᐱᔅᑯᒡ ᙭ ᒋᓴᔅ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᑲᓓᔕᐊᓇ 6:6

ᐁᑯᔑ ᐊᓇ ᑳ ᑭᔅᑭᓄᐊᒫᑦ ᐋᔭᒥᐎᓂᓕᐤ ᑲᑕ ᐅᒋᔅᑕᒪᐌᐤ ᐊᓂᐃ ᑳ ᑭᔅᑭᓄᐊᒫᑫᓕᒋ ᒥᓯᐌ ᑳ ᒥᓦᔑᓂᓕᑭ᙮

ᐃᐱᓯᔭᓇ 4:3

ᐁ ᓇᒋᑖᔦᒃ ᑭᒋ ᑲᓇᐌᓕᑕᒬᒃ ᐊᒑᒃ ᐅ ᐯᔭᑯᐎᓐ, ᐁ ᒫᒪᐗᐱᑎᑯᔦᒃ ᑳᔮᒣᓕᑕᒧᐎᓐ᙮

ᑯᓚᔑᔭᓇ 3:15

ᐁᑯᔑ ᒫᑲ ᑭᒋᒪᓂᑐ ᐅ ᑳᔮᒣᓕᑕᒧᐎᓐ ᑭ ᑳ ᑎᐯᓕᒥᑯᐙᓇᐗᐤ ᑭᑌᐃᐙᒃ, ᐁᐗᑯ ᓀᔥᑕ ᑳ ᐃᔑ ᓇᑐᒥᑲᐎᔦᒃ ᐯᔭᒃ ᒥᔭᐎᒃ; ᓇᓈᔅᑯᒧᒃ ᒫᑲ᙮

ᓂᔥᑕᒻ ᑌᓴᓗᓂᔭᓇ 5:14

ᐊᓄᒡ ᒫᑲ ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᔮᒀᒥᒥᑯᒃ ᐊᓂᑭ ᑳ ᐋᓉᑕᑭᒃ, ᑳᑭᒋᐃᑯᒃ ᐊᓂᑭ ᑳ ᓕᓚᒥ ᒥᑐᓀᓕᒋᑲᓂᒋᒃ, ᓂᔓᑲᒫᑯᒃ ᐊᓂᑭ ᑳ ᓕᓚᒥᓯᒋᒃ, ᔑᐱᓚᐌᓯᔅᑖᑯᒃ ᒥᓯᐌ ᐃᓕᓕᐗᒃ᙮

ᓂᔓ ᑌᓴᓗᓂᔭᓇ 3:16

ᐁᑯ ᑌᐯᓕᑕᒃ ᑳᔮᒣᓕᑕᒧᐎᓂᓕᐤ ᑫᒋᐙᒃ ᒧᔕᒃ ᑭ ᑳ ᐎ ᒥᓕᑯᐗᐤ ᑳᔮᒣᓕᑕᒧᐎᓂᓕᐤ ᒥᓯᐌ ᐃᔑ᙮ ᐅᑎᐯᓕᒋᑫᐤ ᒥᓯᐌ ᐁ ᐃᑕᔑᔦᒃ ᑭ ᑳ ᐎ ᐎᒉᐎᑯᐗᐤ᙮

ᓂᔓ ᑎᒧᑎ 2:22

ᐅᔑᒧᔅᑕ ᓀᔥᑕ ᐅᔥᑭᓂᑭᐎ ᒪᒋᓇᑕᐌᓕᑕᒧᐎᓇ; ᒫᑲ ᓄᔅᐱᓇᑕ ᒀᔭᔅᑭᑖᑎᓯᐎᓐ, ᑖᐺᔦᓕᑕᒧᐎᓐ, ᓵᑭᐃᐌᐎᓐ, ᑲᔮᒣᓕᑕᒧᐎᓐ ᐊᓯᒋ ᐊᓂᑭ ᑳ ᓇᓈᑐᒫᒋᒃ ᐅᑎᐯᓕᒋᑫᐗ ᐸᓓᑭ ᒥᑌᐃᒃ᙮

ᐦᐃᑉᕉᐗ 12:14

ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:18

ᓀᔥᑕ ᐁ ᐃᔑ ᒥᓂᔑᐗᒃ ᒀᔭᔅᑭᑖᑎᓯᐎᓐ ᓂᑕᐎᑭᑕᒪᐗᐗᒃ ᑳᔮᒣᓕᑕᒧᐎᓂᒡ ᐊᓂᑭ ᑳ ᑳᔮᒣᓕᑕᒧᐎᓂᑫᒋᒃ᙮