2 ᐌᓴ ᑭ ᑭᔅᑫᓕᑌᓇᐗᐤ ᑫᑯ ᑲᑫᔅᑴᐎᓇ ᑳ ᑮ ᒥᓕᑖᒃ ᐅᑎᐯᓕᒋᑫᐤ ᒋᓴᔅ ᐅᒋ᙮
ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮
ᑭᑭ ᐊᓂᑭ ᐁᑳ ᑳ ᐅᑦ ᐅᓚᔓᐌᐎᓂᒋᒃ, ᑖᐱᔅᑯᒡ ᐁᑳ ᐁ ᐅᑦ ᐅᓚᔓᐌᐎᓂᔮᓐ, ᓇᒪᐎᓚ ᐁᑳ ᐁ ᐅᑦ ᐅᓚᔓᐌᐎᓂᔮᓐ ᑭᒋᒪᓂᑐᒃ ᐃᔑ, ᒫᑲ ᐁ ᑎᐯᓕᒥᑯᐗᒃ ᐅᑦ ᐅᓚᔓᐌᐎᓐ ᙭, ᑭᒋ ᐃᔑ ᑲᔥᑭᐊᑭᒃ ᐊᓂᑭ ᐁᑳ ᑳ ᐅᑦ ᐅᓚᔓᐌᐎᓂᒋᒃ᙮
ᐊᐙᓯᑌ ᑫᔮᐸᒡ ᒫᑲ, ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᓀᔥᑕ ᑲᑫᔅᑭᒥᑎᓈᓐ ᐎᓚ ᐅᒋ ᐅᑎᐯᓕᒋᑫᐤ ᒋᓴᔅ, ᐁ ᑮ ᐃᔑ ᐎᑕᒫᑖᒃ ᑫ ᐃᔑ ᐱᒧᑌᔦᑭᐸᓐ ᓀᔥᑕ ᓇᐃᓚᐌᐁᑭᐸᓐ ᑭᒋᒪᓂᑐ, ᐊᐙᓯᑌ ᓀᔥᑕ ᐊᐙᓯᑌ ᑭᒋ ᐃᔑ ᑐᑕᒣᒃ᙮
ᐌᓴ ᐁᐗᑯ ᐅᒪ ᑭᒋᒪᓂᑐ ᐅᑦ ᐃᑌᓕᑕᒧᐎᓐ, ᑭ ᐸᓓᑭᐃᑯᓯᐎᓂᐗᐤ ᐅᑎ, ᐁᑳ ᑭᒋ ᑐᑕᒣᒃ ᐱᔑᒀᑎᓯᐎᓐ;
ᐌᓴ ᒣᒀᒡ ᑳ ᐎᒉᐎᑕᑾᒃ, ᐅᒪ ᑭ ᑮ ᐃᑕᔓᒥᑎᓈᓐ, ᑮᔥᐱᓐ ᐊᐌᓇ ᐁᑳ ᐁ ᐎ ᐊᑑᔅᑫᑦ, ᐁᑳ ᓀᔥᑕ ᑭᒋ ᒥᒋᓱᑦ᙮
ᑭᑦ ᐃᑕᔓᒥᑎᓈᓐ ᒫᑲ, ᓂᒋᔖᓂᑐᒃ, ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᑭᒋ ᓇᑲᑌᒃ ᒥᓯᐌ ᑕᑐ ᐎᒋᔖᓂᒪᐤ ᐁᑳ ᒀᔭᔉ ᑳ ᐱᒧᑌᑦ, ᓀᔥᑕ ᐁᑳ ᑳ ᓄᔅᐱᓇᑕᒃ ᐊᓂᐁᓕᐤ ᑭᔅᑭᓄᐊᒫᑫᐎᓂᓕᐤ ᑳ ᑮ ᒥᓚᒃ᙮
