ᓂᔥᑕᒻ ᑌᓴᓗᓂᔭᓇ 4:17 - ᐅᔅᑭ ᑎᔅᑌᒥᓐᑦ

¹⁷ ᐁᑯ ᒫᑲ ᑭᓚᓈᓇᐤ ᑫᔮᐸᒡ ᑳ ᐱᒫᑎᓯᔮᒃ ᓀᔥᑕ ᐃᔥᑯᔮᒃ, ᐊᓯᒋ ᐎᓚ ᐗᔅᑯᒃ ᑭ ᑳ ᐃᔑ ᐅᑎᓂᑲᐎᓈᓇᐤ, ᑭᒋ ᓇᑭᔥᑲᐗᒃ ᐅᑎᐯᓕᒋᑫᐤ ᒧᔐᑭᔑᑯᒃ: ᐁᑯ ᒫᑲ ᑳᑭᑫ ᑫ ᐎᒉᐗᒃ ᐅᑎᐯᓕᒋᑫᐤ᙮

ᓂᔥᑕᒻ ᑌᓴᓗᓂᔭᓇ 4:17 Iomraidhean Croise

ᐅᐸᓓᑭᔅ ᒫᑎᐤ 26:64

ᒋᓴᔅ ᐃᑌᐤ, ᑭ ᑮ ᐃᑣᓐ: ᐁᓕᐌᒃ ᒫᑲ ᑭᑦ ᐃᑌᓇᐗᐤ, ᐹᑎᒫ ᑭ ᑳ ᐙᐸᒪᐤ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒫᕐᒃ 14:62

ᒋᓴᔅ ᒫᑲ ᑮ ᐃᑗᐤ, ᐁᐁ ᓂᑦ ᐋᐐᓐ: ᑭ ᑳ ᐙᐸᒫᐗᐤ ᒫᑲ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒑᓐ 12:26

ᑮᔥᐱᓐ ᐊᐌᓇ ᐁᑑᔅᑲᐎᑴ ᐁᑯᔑ ᓂ ᑳ ᓄᔅᐱᓇᑎᒃ; ᓀᔥᑕ ᐃᑕ ᐁ ᐃᑖᔮᓐ, ᐁᑯᑕ ᐊᓯᒋ ᓂᑦ ᐊᑑᔅᑫᓛᑲᓐ ᑫ ᐃᑖᑦ: ᑮᔥᐱᓐ ᐊᐌᓇ ᐁᑑᔅᑲᐎᑴ, ᐁᐗᒀᓇ ᑫ ᑭᔅᑌᓕᒥᑯᑦ ᓄᑖᐎᔭ᙮

ᐅᐸᓓᑭᔅ ᒑᓐ 14:3

ᑮᔥᐱᓐ ᓀᔥᑕ ᓇᑕᐎ ᐋᔦᔅᑲᐎᑕᒫᑕᑾᑫ ᐃᑕ ᑫ ᐃᑖᔦᒃ, ᒥᓇ ᓂ ᑳ ᐯᒋ ᐃᑐᑖᓐ, ᓀᔥᑕ ᑭ ᑳ ᐅᑎᓂᑎᓇᐗᐤ; ᐁᑕ ᐁ ᐁᑖᔮᓐ ᓂᓚ, ᐁᑯᑕ ᓀᔥᑕ ᑭᓚᐗᐤ ᑭᒋ ᐃᑖᔦᒃ᙮

ᐅᐸᓓᑭᔅ ᒑᓐ 17:24

ᓄᑖ, ᓂ ᓇᑕᐌᓕᑌᓐ ᐎᓚᐗᐤ ᐊᓯᒋ, ᑳ ᑮ ᒥᓕᔭᓐ, ᐃᑕ ᐁ ᐃᑖᔮᓐ ᑭᒋ ᐎᒉᐎᒋᒃ; ᑭᒋ ᐙᐸᑕᑭᒃ ᓂ ᑭᔅᑌᓕᑖᑯᓯᐎᓂᓕᐤ, ᑳ ᑮ ᒥᓕᔭᓐ: ᐌᓴ ᑭ ᑮ ᓵᑭᐃᓐ ᐸᒧᔑ ᐅᔑᑖᓂᐗᒃ ᐊᔅᑭ᙮

ᐊᐸᔅᑕᓚᒃ 1:9

ᐃᔅᐱ ᒫᑲ ᐅᐅ ᑫᒀᓇ ᑳ ᑮ ᐃᑗᑦ, ᒣᒀᒡ ᐁ ᑲᓇᐙᐱᓕᒋ, ᑮ ᐅᐱᓈᑲᓂᐎᐤ, ᓀᔥᑕ ᐗᔅᑯᒃ ᑮ ᐅᑎᓈᑲᓂᐎᐤ, ᑮ ᐹᔑᑯᓈᑯᓰᔅᑖᑯᐗᒃ ᒫᑲ᙮

ᐊᐸᔅᑕᓚᒃ 8:39

ᐃᔅᐱ ᒫᑲ ᑳ ᑮ ᐯᒋ ᑲᐹᒋᒃ ᓂᐱᒃ ᐅᒋ, ᐅᑦ ᐊᒑᑾ ᐅᑎᐯᓕᒋᑫᐤ ᑮ ᑭᒋᐎᓓᓕᐗ ᐱᓕᐸ, ᐊᓇ ᔫᓇᒃ ᒫᑲ ᓇᒪᐎᓚ ᒥᓇ ᐅᒋ ᐙᐸᒣᐤ: ᑮ ᑭᑐᑌᐤ ᒫᑲ ᐁ ᒥᓚᐙᑕᒃ᙮

ᓂᔥᑕᒻ ᑯᕆᓐᑎᐊᓇ 15:52

ᓴᔅᒋᑯᒡ ᐁ ᐸᓴᑳᐱᓈᓂᐗᒃ ᐃᔥᐱᔥ, ᓄᑖᑾᑫ ᒫᒋᒡ ᐳᑖᒋᑲᓐ: ᐌᓴ ᐳᑖᒋᑲᓐ ᑲᑕ ᓄᑖᑾᓐ, ᐅᓂᐱᐗᒃ ᒫᑲ ᑲᑕ ᐗᓂᔥᑳᓇᐗᒃ ᐁᑳ ᑭᒋ ᓂᔑᐗᓈᑎᓯᒋᒃ, ᑭ ᑳ ᑴᔅᑭᓈᑯᐃᑲᐎᓈᓇᐤ ᒫᑲ᙮

ᓂᔓ ᑯᕆᓐᑎᐊᓇ 5:8

ᑭ ᑫᒋᓇᐅᓈᓇᐤ, ᓂᑦ ᐃᑣᓐ, ᐊᐙᓯᑌ ᓀᔥᑕ ᑭ ᓇᑕᐌᓕᑌᓋᓇᐤ ᑭᒋ ᓇᑲᑕᒪᒃ ᐅᒪ ᒥᔭᐤ ᓀᔥᑕ ᑭᒋ ᐎᒉᐗᒃ ᐅᑎᐯᓕᒋᑫᐤ᙮

ᐱᓕᐱᔭᓇ 1:23

ᐌᓴ ᓂ ᐙᐙᓀᓕᔅᑳᑯᓐ ᑳ ᓂᔑᑭ, ᐁ ᓇᑕᐌᓕᑕᒫᓐ ᑭᒋ ᑭᑐᑌᔮᓐ, ᓀᔥᑕ ᑭᒋ ᐎᒋᑕᔑᑫᒪᒃ ᙭, ᐁᐗᑯ ᓈᔅᐱᒡ ᐊᐙᓯᑌ ᐁ ᒥᓨᔑᒃ:

ᓂᔥᑕᒻ ᑌᓴᓗᓂᔭᓇ 3:13

ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔥᑕᒻ ᑌᓴᓗᓂᔭᓇ 4:15

ᐌᓴ ᐅᒪ ᑭᑦ ᐃᑎᓈᓐ ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᐅᒋ, ᑭᓚᓈᓇᐤ ᑫᔮᐸᒡ ᑫ ᐱᒫᑎᓯᔭᒃ, ᓀᔥᑕ ᑫ ᐃᔥᑯᔮᒃ ᐃᓕᑯᒃ ᑫ ᑕᑯᔑᒃ ᐅᑎᐯᓕᒋᑫᐤ, ᓇᒪᐎᓚ ᑭ ᑳ ᐅᑕᒥᐊᓈᐗᒃ ᐊᓂᑭ ᑳ ᓂᐹᒋᒃ᙮

ᓂᔥᑕᒻ ᑌᓴᓗᓂᔭᓇ 4:18

ᐁᐗᑯ ᐅᒋ, ᑳᑭᒋᐃᑐᒃ ᐅᐅ ᐋᔭᒥᐎᓇ ᐅᒋ᙮

ᓂᔥᑕᒻ ᑌᓴᓗᓂᔭᓇ 5:10

ᐊᓇ ᑳ ᑮ ᓂᐳᔅᑕᒫᑕᒃ, ᑮᔥᐱᓐ ᑴᔅᑯᓯᐗᑴ ᓀᔥᑕᐱᑯ ᓀᐸᐗᑴ, ᑭᒋ ᐎᒋ ᒫᒪᐎ ᐱᒫᑎᓯᒪᒃ᙮

ᓂᔓ ᐱᑕᕐ 3:13

ᐁᓕᐌᒃ ᒫᑲ ᑭᓚᓈᓇᐤ, ᑳ ᐃᑕᔅᑌᓕᒃ ᐅᑦ ᐊᔓᑕᒫᑫᐎᓐ, ᑭᑦ ᐊᔕᐙᐸᑌᓈᓇᐤ ᐅᔥᑭ ᑭᔑᑾ ᓀᔥᑕ ᐅᔥᑭ ᐊᔅᑭ, ᐁᑯᑕ ᑫ ᐃᔑ ᐎᑭᒪᑲᒃ ᒀᔭᔅᑭᑖᑎᓯᐎᓐ᙮

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 11:12

ᑮ ᐯᑕᒶᒃ ᒫᑲ ᑭᒋ ᐯᑖᑯᓯᐎᓂᓕᐤ ᑭᒋᑭᔑᑯᒃ ᐅᒋ, ᐁ ᐃᑎᑯᒋᒃ, ᐅᑕ ᐯᒋ ᐃᑐᑌᒃ, ᐗᔅᑯᒃ ᒫᑲ ᑮ ᐃᔑ ᐅᐱᔅᑲᐗᒃ ᑭᒋᑭᔑᑯᒃ; ᑮ ᐙᐸᒥᑯᐗᒃ ᒫᑲ ᐊᓂᐃ ᑳ ᐸᒀᑎᑯᒋᒃ᙮

ᑭᔅᑫᓕᑖᑯᑖᑫᐎᓐ 12:5

ᑮ ᓂᑕᐎᑭᐁᐤ ᒫᑲ ᓈᐯ ᐊᐙᔑᔕ, ᐱᐙᐱᔅᑯᓕᐤ ᑫ ᐅᒋ ᑎᐯᓕᒫᑦ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ: ᐅᑦ ᐊᐙᔑᒥᔕ ᒫᑲ ᑭᒋᒪᓂᑐᐗ ᐁ ᐃᑖᓕᒋ ᑮ ᐃᔅᐸᓕᐃᒪᐗ ᓀᔥᑕ ᐅᑦ ᐅᑭᒪᐗᐱᐎᓂᓕᐤ᙮