ᓂᔥᑕᒻ ᑌᓴᓗᓂᔭᓇ 4:16 - ᐅᔅᑭ ᑎᔅᑌᒥᓐᑦ

¹⁶ ᐌᓴ ᑌᐯᓕᒋᑫᑦ ᑫᒋᐙᒃ ᑭᒋᑭᔑᑯᒃ ᑲᑕ ᐅᒋ ᐯᒋᓛᔑᐤ, ᐁ ᑭᔗᐙᓂᐗᒃ, ᑭᑭ ᐅ ᐯᑖᑯᓯᐎᓐ ᑭᒋᐁᓐᒐᓪ, ᑭᑭ ᓀᔥᑕ ᐅ ᐳᑖᒋᑲᓐ ᑭᒋᒪᓂᑐ: ᐊᓂᑭ ᒫᑲ ᑳ ᓂᐱᒋᒃ ᙭ᑎᒃ ᐁᐗᒀᓂᑭ ᓃᔥᑕᒻ ᑫ ᐗᓂᔥᑳᒋᒃ:

ᓂᔥᑕᒻ ᑌᓴᓗᓂᔭᓇ 4:16 Iomraidhean Croise

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᒫᑎᐤ 16:28

ᑖᐺ ᑭᑦ ᐃᑎᓇᐗᐤ, ᐅᑕ ᓂᐸᐎᐗᒃ ᐋᑎᑦ, ᐁᑳ ᑫ ᑯᒋᔅᑕᑭᒃ ᓂᐱᐎᓂᓕᐤ, ᐹᑎᒫ ᑮ ᐙᐸᒫᑣᐌ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐅᑦ ᐅᑭᒫᐎᐎᓂᓕᒃ᙮

ᐅᐸᓓᑭᔅ ᒫᑎᐤ 25:31

ᐃᔅᐱ ᐃᓕᓕᐎᑯᓯᓵᓐ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᒥᓯᐌ ᐸᓓᑭ ᐁᓐᒐᓚᒃ ᐊᓯᒋ, ᐁᑯ ᑫ ᐊᐱᑦ ᐅ ᑭᔅᑌᓕᑖᑯᓯᐎ ᐅᑭᒪᐗᐱᐎᓂᒃ:

ᐅᐸᓓᑭᔅ ᒫᑎᐤ 26:64

ᒋᓴᔅ ᐃᑌᐤ, ᑭ ᑮ ᐃᑣᓐ: ᐁᓕᐌᒃ ᒫᑲ ᑭᑦ ᐃᑌᓇᐗᐤ, ᐹᑎᒫ ᑭ ᑳ ᐙᐸᒪᐤ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐊᐸᔅᑕᓚᒃ 1:11

ᑳ ᐃᑗᒋᒃ ᒫᑲ, ᑭᓚᐗᐤ ᐃᓕᓕᑐᒃ ᑲᓕᓖᒃ ᐅᒋ, ᑖᓀᑭ ᐌᒋ ᐃᔑᑳᐸᐎᔦᒃ ᐁ ᐃᑖᐱᔦᒃ ᑭᒋᑭᔑᑯᒃ? ᐊᐗ ᑫᔮᐸᒡ ᒋᓴᔅ, ᑳ ᐅᑎᓈᑲᓂᐎᑦ ᐃᔥᐱᒥᒃ ᐃᔑ ᑭᓚᐗᐤ ᐅᒋ, ᐁᑯ ᑖᐱᔅᑯᒡ ᑫ ᐃᔑ ᑕᑯᔑᒃ, ᑳ ᐃᔑ ᐙᐸᒣᒃ ᐁ ᐃᑐᑌᑦ ᑭᒋᑭᔑᑯᒃ᙮

ᓂᔥᑕᒻ ᑯᕆᓐᑎᐊᓇ 15:18

ᐁᑯ ᓀᔥᑕ ᐊᓂᑭ ᑳ ᑮ ᓂᐹᒋᒃ ᙭ᑎᒃ, ᑮ ᓂᔑᐗᓈᑎᓯᐗᒃ᙮

ᓂᔥᑕᒻ ᑯᕆᓐᑎᐊᓇ 15:20

ᒫᑲ ᐁᑯ ᙭ ᐗᓂᔥᑲᐤ ᐅᓂᐱᐗ ᐅᒋ, ᓀᔥᑕ ᑮ ᓂᑳᓄᑕᐌᐤ ᐊᓂᐃ ᑳ ᑮ ᓂᐹᓕᒋ᙮

ᓂᔥᑕᒻ ᑯᕆᓐᑎᐊᓇ 15:23

ᒫᑲ ᒥᓯᐌ ᑕᑐ ᐃᓕᓕᐤ ᐃᔅᐱ ᐁ ᐃᑌᓕᑖᑯᓯᑦ: ᙭ ᑳ ᓂᑳᓄᑖᑫᑦ; ᐹᑎᒫ ᒫᑲ ᐊᓂᐃ ᙭ ᑳ ᑎᐱᓚᐌᐎᓯᑦ ᐯᒋ ᑕᑯᔑᑫ᙮

ᓂᔥᑕᒻ ᑌᓴᓗᓂᔭᓇ 1:10

ᓀᔥᑕ ᑭᒋᑭᔑᑯᒃ ᑭᒋ ᐅᒋ ᐯᐃᒫᔦᒃ ᐅᑯᓯᓴ, ᐊᓂᐃ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑦ, ᒋᓴᓴ ᐅᑎ, ᑳ ᐱᒫᒋᐃᑕᒃ ᐋᑯᓚᐌᓯᐎᓐ ᐅᒋ ᑫ ᐅᑎᒋᐸᓕᒃ᙮

ᓂᔥᑕᒻ ᑌᓴᓗᓂᔭᓇ 3:11

ᐁᑯ ᓇᑕᒫᑕ ᑭᒋᒪᓂᑐ ᑫᒋᐙᒃ ᑯᑖᐎᓇᐤ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭᔅᑭᓄᑕᐃᔭᒥᑦ ᑭᒋ ᓈᑎᑖᒃ᙮

ᓂᔓ ᑌᓴᓗᓂᔭᓇ 1:7

ᑭᓚᐗᐤ ᓀᔥᑕ ᑳ ᐊᓕᒥᐃᑲᐎᔦᒃ ᑭ ᐎᒋᐋᓜᐱᒥᓈᓐ, ᐃᔅᐱ ᐅᑎᐯᓕᒋᑫᐤ ᒋᓴᔅ ᑭᒋᑭᔑᑯᒃ ᑫ ᐅᒋ ᐯᒋ ᓄᑯᓯᑦ, ᐊᓯᒋ ᑳ ᓱᑳᑎᓯᓕᑭ ᐅᑦ ᐁᓐᒐᓕᒪ,

ᓂᔓ ᑌᓴᓗᓂᔭᓇ 2:1

ᐁᑯ ᐯᑯᓭᓕᒥᑕᑾᒃ, ᓂᒋᔖᓂᑐᒃ, ᐅ ᑕᑯᔑᓂᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ, ᓀᔥᑕ ᐁ ᒫᒪᐎᐃᑐᔭᒃ ᐁ ᐅᑎᔥᑲᐎᑳᐸᐎᔅᑕᐗᒃ,

ᓂᔓ ᐱᑕᕐ 3:10

ᒫᑲ ᐅᑎᐯᓕᒋᑫᐤ ᐅ ᑭᔑᑳᒻ ᑲᑕ ᐹᐸᓕᓕᐤ ᑖᐱᔅᑯᒡ ᑭᒧᑎᔉ ᐁ ᑎᐱᔅᑳᓕᒃ; ᐁᑯᔅᐱ ᑭᔑᑾ ᑫ ᐌᐱᐸᓕᑭ ᐁ ᑭᒋ ᓄᑖᑾᒃ, ᓀᔥᑕ ᑭᔑᑯᒃ ᑳ ᐊᑯᑎᑭ ᑲᑕ ᑎᑭᑌᐗ ᐁ ᐃᔅᐱᒋ ᑭᔑᑌᒃ; ᐊᔅᑭ ᓀᔥᑕ ᓀᔥᑕ ᒥᓯᐌ ᐊᑐᔅᑫᐎᓇ ᐁᑯᑕ ᑳ ᐃᑕᑾᑭ ᑲᑕ ᒑᑳᔅᑭᑌᐗ᙮

ᒎᑦ 1:9

ᐁᓕᐌᒃ ᒫᑳ ᒫᐃᑫᓪ ᐊᓇ ᑭᒋᐁᓐᒐᓪ, ᐃᔅᐱ ᐃᐋᔑᑌᒫᑦ ᒪᒋᒪᓂᑐᐗ, ᑮ ᐙᔦᔥ ᐃᑗᐤ, ᒧᓯᓴ ᐎᔭᐎᓕᐤ ᐅᒋ, ᓇᒪᐎᓚ ᑮ ᐃᑌᓕᑕᒻ ᑭᒋ ᑭᑳᒫᑦ, ᒫᑲ ᑮ ᐃᑗᐤ, ᐅᑎᐯᓕᒋᑫᐤ ᑭ ᑳ ᐎ ᑭᑕᐊᒫᒃ᙮

ᑭᔅᑫᓕᑖᑯᑖᑫᐎᓐ 1:10

ᐊᒑᑯᒃ ᓂ ᑮ ᐃᑖᓐ ᐅᑎᐯᓕᒋᑫᐤ ᐅ ᑭᔑᑳᒥᒃ, ᓀᔥᑕ ᓂᔅᐱᔅᑾᓂᒃ ᓂ ᑮ ᐯᑌᓐ ᑭᒋ ᐯᑖᑯᓯᐎᓐ, ᑖᐱᔅᑯᒡ ᐳᑖᒋᑲᓐ,

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 14:13

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᒪᓯᓇᐊ, ᔕᐌᓕᑖᑯᓯᐗᒃ ᐅᓂᐱᐗᒃ ᑳ ᓂᐱᒋᒃ ᐅᑎᐯᓕᒋᑫᒃ ᐊᓄᒡ ᐅᒋ: ᐁᐁ, ᐃᑗᐤ ᐊᒑᒃ, ᐅᑦ ᐊᑑᔅᑫᐎᓂᐙᒃ ᑭᒋ ᐅᒋ ᐋᓜᐱᒋᒃ: ᓄᔅᐱᓈᑎᑯᐗᒃ ᒫᑲ ᐅᑦ ᐊᑑᔅᑫᐎᓂᐙᐗ᙮

ᑭᔅᑫᓕᑖᑯᑖᑫᐎᓐ 8:13

ᓂ ᑮ ᐙᐸᑌᓐ ᒫᑲ, ᓂ ᑮ ᐯᑕᐗᐤ ᒫᑲ ᐯᔭᒃ ᐁᓐᒐᓪ ᐁ ᔖᐳᓛᑦ ᑭᔑᑯᒃ, ᐁ ᐃᑗᑦ, ᐁ ᑭᔗᐌᑦ, ᑲᒀᑕᑭᓯᐗᒃ, ᑲᒀᑕᑭᓯᐗᒃ, ᑲᒀᑕᑭᓯᐗᒃ ᐊᓂᑭ ᑳ ᑕᔑᑫᒋᒃ ᐊᔅᑮᒃ, ᐊᓂᐃ ᐅᒋ ᑫ ᐃᔑ ᓄᑖᑾᓂᓕᑭ ᐅ ᐳᑖᒋᑲᓂᐙᐗ ᐊᓂᑭ ᓂᔅᑐ ᐁᓐᒐᓚᒃ ᐁᔥᑾ ᑫ ᑭᑐᑖᒋᒃ!

ᑭᔅᑫᓕᑖᑯᑖᑫᐎᓐ 8:2

ᓂ ᑮ ᐙᐸᒪᐗᒃ ᒫᑲ ᐊᓂᑭ ᓂᔂᔅ ᐁᓐᒐᓚᒃ ᑳ ᐅᑎᔥᑲᐎᑳᐸᐎᔅᑕᐙᒋᒃ ᑭᒋᒪᓂᑐᐗ; ᑮ ᒥᓛᐗᒃ ᒫᑲ ᓂᔂᔅ ᐳᑖᒋᑲᓇ᙮