ᓂᔥᑕᒻ ᑌᓴᓗᓂᔭᓇ 3:3 - ᐅᔅᑭ ᑎᔅᑌᒥᓐᑦ

³ ᐁᑳᐎᓚ ᐊᐌᓇ ᐃᓕᓕᐤ ᑭᒋ ᒥᑯᔥᑳᑎᔥᑳᑯᑦ ᐅᐅ ᑲᒀᑕᑭᓯᐎᓇ: ᐌᓴ ᑭᓚᐗᐤ ᑭ ᑭᔅᑫᓕᑌᓇᐗᐤ ᐁᑯᑕ ᐁ ᐸᑭᑌᓕᑖᑯᓯᔭᒃ᙮

ᓂᔥᑕᒻ ᑌᓴᓗᓂᔭᓇ 3:3 Iomraidhean Croise

ᐅᐸᓓᑭᔅ ᓘᒃ 21:12

ᒫᑲ ᐸᒧᔑ ᒥᓯᐌ ᐅᐅ, ᑭ ᑳ ᒫᑯᓂᑯᐙᐗᒃ, ᓀᔥᑕ ᑭ ᑳ ᑲᒀᑕᑭᐃᑯᐙᐗᒃ, ᐁ ᐸᑭᑎᓂᑖᑾᒃ ᐋᔭᒥᐁᐎᑲᒥᑯᒃ, ᓀᔥᑕ ᑭᐸᐅᑐᐎᑲᒥᑯᒃ, ᐁ ᐃᑐᑕᐃᑲᐎᔦᒃ ᐅᑎᔥᑳᐤ ᑭᒋᐅᑭᒫᐗᒃ ᓀᔥᑕ ᐅᑎᐯᓕᒋᑫᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒑᓐ 16:2

ᑭ ᑳ ᐗᓚᐎᐌᐱᓂᑯᐙᐗᒃ ᐋᔭᒥᐁᐎᑲᒥᑯᒃ ᐅᒋ: ᐁᐁ, ᑎᐹᔨᑲᓐ ᐱᓯᒧᑳᓂᒃ ᐹᐸᓕᐤ, ᐃᔅᐱ ᒥᓯᐌ ᐊᐌᓇ ᑫ ᓂᐹᔨᑖᒃ, ᓂᑦ ᐊᑑᔅᑲᐗᐤ ᑭᒋᒪᓂᑐ, ᑲᑕ ᐃᑌᓕᑕᒻ᙮

ᐅᐸᓓᑭᔅ ᒑᓐ 16:33

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮

ᐊᐸᔅᑕᓚᒃ 14:22

ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 2:25

ᑌᐱᑦ ᒫᑲ ᐅᒪ ᐃᔑ ᐋᔭᒥᐤ ᐎᓚ ᐅᒋ, ᓂ ᑮ ᐙᐸᒪᐤ ᐅᑎᐯᓕᒋᑫᐤ ᒨᔕᒃ ᐅᑎᔥᑲᐤ ᓂᑖᔅᑕᒥᑯᒃ ᐁ ᐃᑖᑦ; ᐌᓴ ᐃᑖᐤ ᓂ ᑭᒋᓂᔅᑭᒃ ᐃᑌᑫ ᐁᑳ ᐙᔦᔥ ᑭᒋ ᑮ ᑐᑖᑲᐎᔮᓐ:

ᐊᐸᔅᑕᓚᒃ 21:11

ᐃᔅᐱ ᒫᑲ ᑳ ᑮ ᐯᒋ ᓈᔑᔭᒥᑦ, ᑮ ᐅᑎᓇᒬᐤ ᐹᓪ ᐅ ᐸᑾᑌᐅᓂᓕᐤ, ᐁ ᑮ ᒫᒫᑯᐱᑕᒃ ᒫᑲ ᑎᐱᓚᐌ ᐅᒋᒋᔭ ᓀᔥᑕ ᐅᓯᑕ, ᑮ ᐃᑗᐤ, ᐁᑴᑗᑦ ᐸᓓᑭ ᐊᒑᒃ, ᐁᑯ ᑖᐱᔅᑯᒡ ᒎᐗᒃ ᒋᕉᓴᓚᒥᒃ ᑳ ᐃᑖᒋᒃ ᑫ ᐃᔑ ᒫᒪᒋᑯᐱᑖᒋᒃ ᐊᓂᐃ ᐃᓕᓕᐗ ᑳ ᑎᐱᓚᐌᐎᓯᓕᒋ ᐅᒣᓕᐤ ᐸᑾᑌᐅᓂᓕᐤ, ᑲᑕ ᐸᑭᑎᓀᐗᒃ ᒫᑲ ᐅ ᒋᒋᓖᒃ ᒉᓐᑖᐃᓚ᙮

ᐊᐸᔅᑕᓚᒃ 21:13

ᐁᑯ ᐹᓪ ᓀᔥᑴᐗᔑᐃᐌᑦ, ᑫᒀᓐ ᑭᑦ ᐃᑌᓕᑌᓈᐗᐤ ᓈ ᑭᒋ ᒫᑐᔦᒃ ᓀᔥᑕ ᑭᒋ ᐱᑯᐸᓕᑖᔦᒃ ᓂᑌᐃ? ᐌᓴ ᓂᑦ ᐋᔦᔅᑯᓯᓐ ᓇᒪᐎᓚ ᐱᑯ ᑭᒋ ᒫᒪᒋᑯᐱᑎᑲᐎᔮᓐ, ᒫᑲ ᐊᓯᒋ ᑭᒋ ᓂᐱᔮᓐ ᒋᕉᓴᓚᒥᒃ ᐅᑦ ᐃᔑᓂᑳᓱᐎᓐ ᐅᒋ ᐅᑎᐯᓕᒋᑫᐤ ᒋᓴᔅ᙮

ᐊᐸᔅᑕᓚᒃ 9:16

ᐌᓴ ᓂ ᑳ ᐙᐸᑎᓛᐤ ᐊᓂᐃ ᑭᒋ ᑫᒀᓇ ᑫ ᐙᐎᓴᑫᓕᑕᒃ ᓂᑦ ᐃᔑᓂᑳᓱᐎᓂᓕᐤ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:3

ᓇᒪᐎᓚ ᓀᔥᑕ ᐅᒪ ᐱᑯ, ᒫᑲ ᑭ ᒥᓚᐙᓈᓇᐤ ᓀᔥᑕ ᐊᓕᒥᓯᐎᓂᒃ; ᐁ ᑭᔅᑫᓕᑕᒪᒃ ᐊᓕᒥᓯᐎᓐ ᐁ ᐃᔅᐸᓕᒃ ᔑᐱᓚᐌᓯᐎᓂᒃ;

ᓂᔥᑕᒻ ᑯᕆᓐᑎᐊᓇ 15:58

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐋᐃᒋᑳᐸᐎᒃ, ᒥᒋᒥᑳᐸᐎᒃ, ᒧᔕᒃ ᐁ ᑎᐱᑐᑕᒬᒃ ᐅᑎᐯᓕᒋᑫᐤ ᐅᑦ ᐊᑑᔅᑫᐎᓐ, ᐁ ᑭᔅᑫᓕᑕᒣᒃ ᐁᑳ ᐸᑾᓐᑕᐤ ᐁ ᐃᑌᓕᑖᑾᒃ ᑭᑦ ᐊᑑᔅᑫᐎᓇᐗᐤ ᐅᑎᐯᓕᒋᑫᒃ᙮

ᓂᔥᑕᒻ ᑯᕆᓐᑎᐊᓇ 4:9

ᐌᓴ ᓂᑦ ᐃᑌᓕᑌᓐ ᑭᒋᒪᓂᑐ ᒫᒋᒡ ᐁ ᑮ ᐃᑕᓕᑖᒃ ᓂᓚᓈᓐ ᑳ ᐊᐸᔅᑕᓕᐎᔮᒃ, ᑖᐱᔅᑯᒡ ᐊᓂᑭ ᑳ ᑮ ᐃᑕᑭᒫᑲᓂᐎᒋᒃ ᑭᒋ ᓂᐱᒋᒃ; ᐌᓴ ᓂᑦ ᐃᔑᐃᑲᐎᓈᓐ ᑲᓇᐙᐸᒋᑲᓇᒃ ᑭᒋ ᑲᓇᐙᐸᒥᑖᑾᒃ ᐊᔅᑮᒃ ᑳ ᐃᑖᒋᒃ, ᓀᔥᑕ ᐁᓐᒐᓚᒃ, ᓀᔥᑕ ᐃᓕᓕᐗᒃ᙮

ᐃᐱᓯᔭᓇ 3:13

ᐁᐗᑯ ᒫᑲ ᐅᒋ ᓂ ᓇᑕᐌᓕᑌᓐ ᐁᑳ ᑭᒋ ᐊᑲᐌᓕᑕᒥᐃᑯᔦᒃ ᓂᑦ ᐊᓕᒥᓯᐎᓇ ᑭᓚᐗᐤ ᑳ ᐅᒋ ᐅᑎᑎᑯᔮᓐ, ᑳ ᐃᔅᐯᓕᑖᑯᐃᑯᔦᒃ᙮

ᐱᓕᐱᔭᓇ 1:28

ᐁᑳ ᑫᒀᓐ ᒫᑲ ᐁ ᓭᑭᐃᑖᑾᒃ ᐊᓂᑭ ᑳ ᓄᑎᓂᑖᑾᒃ: ᑳ ᐸᔭᑌ ᑭᔅᑭᓄᐙᒋᑕᒫᒋᒃ ᓂᔑᐗᓈᑎᓯᐎᓂᓕᐤ, ᑭᓚᐗᐤ ᒫᑲ ᐱᒫᒋᐃᑯᓯᐎᓐ, ᐁᐗᑯ ᓀᔥᑕ ᑭᒋᒪᓂᑐ ᐅᒋ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᓂᔥᑕᒻ ᑌᓴᓗᓂᔭᓇ 5:9

ᐌᓴ ᑭᒋᒪᓂᑐ ᓇᒪᐎᓚ ᐊᑯᓚᐌᓯᐎᓂᒃ ᑭ ᑮ ᐃᔑ ᓇᑐᒥᓈᓐ; ᒫᑲ ᑭᒋ ᐋᔮᔮᒃ ᐱᒫᒋᐃᐌᐎᓐ ᐎᓚ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭,

ᓂᔓ ᑌᓴᓗᓂᔭᓇ 1:4

ᑳ ᐅᒋ ᒫᒪᑖᑯᒧᔮᒃ ᓂᓚᓈᓐ ᑫᒋᐗᒃ ᑭᓚᐗᐤ ᐅᒋ, ᐃᑕ ᐁ ᐃᑖᓕᒋ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑭ ᔑᐱᓚᐌᓯᐎᓂᐗᐤ ᐅᒋ ᓀᔥᑕ ᑭ ᑖᐺᔦᓕᑕᒧᐎᓂᐗᐤ, ᒥᓯᐌ ᑭ ᑲᒀᑕᑭᓯᐎᓂᐙᒃ ᓀᔥᑕ ᑭᑦ ᐊᓕᒥᓯᐎᓂᐙᒃ ᑳ ᑮ ᐅᑎᑎᑯᔦᒃ:

ᓂᔓ ᑎᒧᑎ 1:8

ᐁᐗᑯ ᐅᒋ ᐁᑳᐎᓚ ᓇᓀᐯᐎᓰᔅᑕᒻ ᐅ ᑎᐹᒋᒧᐎᓐ ᑭ ᑎᐯᓕᒋᑫᒥᓇᐤ, ᐁᑳ ᓀᔥᑕ ᓂᓚ ᐅᒋ ᐅ ᑭᐸᐙᑲᓇ: ᒫᑲ ᐎᒋᐅᑎᓇ ᑲᒀᑕᑭᓯᐎᓇ ᒥᓗᐋᒋᒧᐎᓂᒃ ᑳ ᐅᒋᐸᓕᑭ, ᑳ ᐃᑕᔅᑌᓕᒃ ᑭᒋᒪᓂᑐ ᐅ ᑲᔥᑭᐅᐎᓐ;

ᓂᔥᑕᒻ ᐱᑕᕐ 2:21

ᐌᓴ ᐁᐗᑯ ᐌᒋ ᓇᑐᒥᑲᐎᔦᒃ: ᐌᓴ ᙭ ᓀᔥᑕ ᑭ ᐙᐎᓴᑫᓕᑕᒥᔅᑕᒫᑯᓇᐤ, ᐁ ᓇᑲᑕᒫᑕᒃ ᑭᔅᑭᓄᐙᐸᑎᓕᐌᐎᓂᓕᐤ ᑭᒋ ᑖᑖᐸᐊᒣᐌᒃ ᐅ ᑕᑯᔅᑫᐎᓇ:

ᑭᔅᑫᓕᑖᑯᑖᑫᐎᓐ 2:10

ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮

ᑭᔅᑫᓕᑖᑯᑖᑫᐎᓐ 2:13

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᐃᑕ ᑳ ᐎᑭᔭᓐ, ᐊᓐᑕ ᐅᑎ ᐁ ᐃᑕᑾᓂᓕᒃ ᓭᑕᓐ ᐅᑦ ᐊᐱᐎᓐ: ᑭ ᒪᔥᑲᐎ ᒥᒋᒥᓀᓐ ᒫᑲ ᓂᑦ ᐃᔑᓂᑳᓱᐎᓐ, ᓇᒪ ᓀᔥᑕ ᑭ ᑮ ᐋᓉᑌᓐ ᓂ ᑖᐺᔦᓕᑕᒧᐎᓐ, ᐊᐳᒋᑲ ᒣᒀᒡ ᐊᓂᐃ ᐁ ᑭᔑᑳᑭ ᐃᔅᐱ ᐋᓐᑎᐹᔅ ᑳ ᒀᔭᔅᑭᑎᑦ ᓂ ᒫᕐᑕᐱᒻ, ᑳ ᑭ ᓂᐸᐋᑲᓂᐎᑦ ᐃᑕ ᐁ ᐃᑖᔦᒃ, ᐃᑕ ᓭᑖᓐ ᑳ ᐎᑭᑦ᙮