ᓂᔥᑕᒻ ᑌᓴᓗᓂᔭᓇ 3:2 - ᐅᔅᑭ ᑎᔅᑌᒥᓐᑦ

² ᓀᔥᑕ ᒫᑲ ᓂ ᑮ ᐃᔑᑎᔕᐙᓈᓐ ᑎᒧᑎ, ᓂᒋᔖᓂᓈᓐ, ᓀᔥᑕ ᐅᑦ ᐋᔭᒥᐋᐎ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᓂᒋᐊᑑᔅᑫᓛᑲᓂᓈᓐ ᐅ ᒥᓗᐋᒋᒧᐎᓂᒃ ᙭, ᑭᒋ ᐊᔨᒋᐃᑖᒃ ᓀᔥᑕ ᑭᒋ ᑳᑭᒋᐃᑖᒃ ᑭ ᑖᐺᔦᓕᑕᒧᐎᓂᐗᐤ ᐅᒋ:

ᓂᔥᑕᒻ ᑌᓴᓗᓂᔭᓇ 3:2 Iomraidhean Croise

ᐊᐸᔅᑕᓚᒃ 16:1

ᐁᑯ ᐱᐁᒋ ᑕᑯᔑᒃ ᑕᕐᐱᐃᒃ ᓀᔥᑕ ᓕᔅᑦᕋᐃᒃ; ᒫᑎᑲ, ᒫᑲ, ᐯᔭᒃ ᑭᔅᑭᓅᐊᒪᐙᑲᓐ ᐊᓐᑕ ᑮ ᐃᑖᐤ, ᑕᐃᒧᑎᐊᔅ ᐁ ᐃᔑᓂᑳᓱᑦ, ᐅᑯᓯᓴ ᐯᔭᒃ ᐃᔅᑴᐤ ᑳ ᒍᐎᐃᔅᑴᐎᑦ, ᑳ ᑖᐺᑕᒃ ᓀᔥᑕ; ᒫᑲ ᐅᑖᐎᔭ ᑳ ᒃᕆᑭᐎᓕᒋ;

ᐊᐸᔅᑕᓚᒃ 16:5

ᐁᑯ ᒫᑲ ᒫᒪᐎᐋᔭᒥᐊᐗᒃ ᑳ ᒫᔥᑲᐎᐋᑲᓂᐎᒋᒃ ᑖᐺᔦᓕᑕᒧᐎᓂᒃ, ᓀᔥᑕ ᑮ ᓚᑭᐅᐗᒃ ᐁ ᐃᑕᓯᒋᒃ ᑕᑡᐤ ᐁ ᑭᔑᑳᓕᒃ᙮

ᐊᐸᔅᑕᓚᒃ 18:5

ᐃᔅᐱ ᒫᑲ ᓵᐃᓚᔅ ᓀᔥᑕ ᑕᐃᒧᑎᐊᔅ ᑳ ᐯᒋ ᐅᑐᑌᒋᒃ ᒫᓯᑐᓂᐊᐃᒃ ᐅᒋ, ᐹᓪ ᑮ ᐋᑲᒣᓕᑕᒻ ᐅᑦ ᐊᒑᑯᒃ, ᓀᔥᑕ ᑮ ᑎᐸᒋᒧᔅᑕᐌᐤ ᐊᓂᐃ ᒎᐗ ᒋᓴᓴ ᐁ ᙭ᑎᐎᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:21

ᑎᒧᑎ ᓂᒋᐊᑑᔅᑫᓛᑲᓐ, ᓀᔥᑕ ᓘᓯᔭᔅ, ᓀᔥᑕ ᒉᓴᓐ, ᓀᔥᑕ ᓱᓯᐯᑕᕐ, ᓂ ᐙᑯᒫᑲᓇᒃ ᑭᑦ ᐊᑕᒥᔅᑳᑯᐗᐗᒃ᙮

ᓂᔥᑕᒻ ᑯᕆᓐᑎᐊᓇ 3:10

ᑳ ᐃᔑ ᒥᓕᑲᐎᔮᓐ ᑭᒋᒪᓂᑐ ᐅ ᔕᐌᓕᒋᑫᐎᓐ, ᑖᐱᔅᑯᒡ ᑫᑫᑕᐌᓕᑕᒃ ᐅᓂᑲᓂ ᐙᔅᑳᔨᑲᓂᑫᐤ, ᓂ ᑮ ᐅᓚᔅᑕᒋᑳᓐ, ᑯᑕᒃ ᒫᑲ ᐁᑯᑕ ᐎᐋᔅᑳᔨᑲᓂᑫᑦ᙮ ᒫᑲ ᐁᑯᔑ ᒥᓯᐌ ᑕᑐ ᐃᓕᓕᐤ ᑲᑕ ᔮᒀᒥᓯᐤ ᐁ ᐃᔑ ᐙᔅᑳᔨᑲᓂᑫᑦ ᐁᑯᑕ᙮

ᓂᔥᑕᒻ ᑯᕆᓐᑎᐊᓇ 4:17

ᐅᒪ ᐅᒋ ᓀᔥᑕ ᑭ ᑮ ᐃᔑᑎᔕᐊᒫᑎᓇᐗᐤ ᑎᒧᑎᔭᔅ, ᐊᓇ ᑳ ᓵᑭᐊᒃ ᓂᑯᓯᔅ, ᓀᔥᑕ ᑳ ᑳᔭᔅᑭᑎᔅᑕᐙᑦ ᐅᑎᐯᓕᑭᑫᐗ, ᑫ ᑭᔅᑭᓯᑐᑕᒫᑖᒃ ᓂᑦ ᐃᔑᑣᐎᓇ ᑳ ᐃᑕᑾᑭ ᙭ᑎᒃ, ᐁ ᐃᔑ ᑭᔅᑭᓄᐊᒫᑫᔮᓐ ᒥᓯᐌ ᐃᑕ ᒣᑴᔭᔥ ᒥᓯᐌ ᒫᒪᐎᐋᔭᒥᐋᐗ᙮

ᓂᔓ ᑯᕆᓐᑎᐊᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭ ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓯᒋ ᓀᔥᑕ ᒥᓯᐌ ᐊᓂᐃ ᐅᐸᓓᑭᓴ ᑳ ᐃᑖᓂᒋ ᒥᓯᐌ ᐊᑳᔭᐃᒃ:

ᓂᔓ ᑯᕆᓐᑎᐊᓇ 1:19

ᐌᓴ ᑭᒋᒪᓂᑐ ᐅᑯᓯᓴ, ᒋᓴᔅ ᙭, ᑳ ᑮ ᐋᓕᒧᑕᒫᑕᑾᒃ, ᓂᓚ ᐅᑎ ᓀᔥᑕ ᓵᐃᓚᔅ ᓀᔥᑕ ᑎᒧᑎ ᓇᒪᐎᓚ ᐁᐁ ᓀᔥᑕ ᓇᒪᐎᓚ ᑮ ᐃᑌᓕᑖᑾᓐ, ᒫᑲ ᐎᓚ ᐅᒋ ᐁᐁ ᑮ ᐃᑌᓕᑖᑾᓐ᙮

ᓂᔓ ᑯᕆᓐᑎᐊᓇ 2:12

ᓀᔥᑕ ᒫᑲ, ᐃᔅᐱ ᐱᐁᒋ ᐅᑎᑕᒫᓐ ᑦᕈᐊᔅ, ᑭᒋ ᐙᐎᑕᒶᒃ ᙭ ᐅ ᒥᓗᐋᒋᒧᐎᓐ, ᓀᔥᑕ ᐁ ᑮ ᐹᔅᑭᑌᓇᒪᐎᑦ ᐅᑎᐯᓕᒋᑫᐤ ᐃᔥᒀᑌᒥᓕᐤ,

ᓂᔓ ᑯᕆᓐᑎᐊᓇ 2:13

ᓇᒪᐎᓚ ᓂ ᑮ ᐋᔮᓐ ᐋᓜᓯᐎᓐ ᓂᑦ ᐊᒑᑯᒃ, ᐁᑳ ᐁ ᑮ ᒥᔅᑲᐗᒃ ᓂᒋᔖᓐ ᑕᐃᑕᔅ: ᒫᑲ, ᐁ ᐊᑎ ᓇᑲᑕᑭᒃ, ᐊᓐᑕ ᐁ ᐅᑐᑌᔮᓐ ᓂ ᑮ ᐃᑐᑖᓐ ᒫᓯᑐᓂᔭᐃᒃ᙮

ᓂᔓ ᑯᕆᓐᑎᐊᓇ 8:23

ᑮᔥᐱᓐ ᐊᐌᓇ ᑲᑴᒋᑫᒧᑌ ᑖᐃᑕᔅ ᐅᒋ, ᓂᑦ ᐅ ᐎᒉᐙᑲᓂᒪᐤ ᓀᔥᑕ ᓂᑦ ᐅ ᐎᒋᐙᑲᓂᒪᐤ ᑭᓚᐙᐤ ᐅᒋ, ᓀᔥᑕᐱᑯ ᓂᒋᔖᓂᓈᓇᒃ, ᐎᓚᐗᐤ ᐁᐗᑳᓂᑭ ᐅᑦ ᐃᔑᑎᔕᐙᑲᓂᐙᐗ ᒫᒪᐎᐊᔭᒥᐋᐗᒃ, ᑫ ᐅᒋ ᒫᒥᒋᒫᑲᓂᐎᑦ ᙭᙮

ᐱᓕᐱᔭᓇ 1:25

ᐁ ᐋᔮᔮᓐ ᒫᑲ ᐅᒪ ᒪᔥᑲᐎ ᐊᔅᐯᓕᒧᐎᓐ, ᓂ ᑭᔅᑫᓕᑌᓐ ᑭᒋ ᐃᑖᔮᓐ ᓀᔥᑕ ᑭᒋ ᐎᒋᑕᔑᑫᒥᑕᑾᒃ ᒥᓯᐌ ᐁ ᐃᑕᔑᔦᒃ, ᑭᒋ ᐅᒋ ᓚᑭᐋᔮᔦᒃ ᓀᔥᑕ ᑭᒋ ᐅᒋ ᒥᓚᐙᑕᒣᒃ ᑖᐺᔦᓕᑕᒧᐎᓐ;

ᑯᓚᔑᔭᓇ 1:1

ᐹᓪ, ᐅᑦ ᐊᐸᔅᑕᓕᒪ ᒋᓴᔅ ᙭, ᑭᒋᒪᓂᑐ ᐁ ᐃᑌᓕᑕᒃ, ᓀᔥᑕ ᑎᒧᑎ, ᑭᒋᔖᓂᓇᐤ:

ᑯᓚᔑᔭᓇ 1:7

ᑖᐱᔅᑯᒡ ᓀᔥᑕ ᑳ ᑮ ᐃᔑ ᑭᔅᑭᓄᐊᒫᑖᒃ ᐃᐸᑉᕌᔅ, ᑳ ᓵᑭᐊᑭᑦ ᓂᒋ ᐊᑑᔅᑫᓛᑲᓂᓈᓐ, ᐊᓇ ᑭᓚᐗᐤ ᐅᒋ ᑳ ᐋᐎᑦ ᑳ ᒀᔭᔅᑭᑎᑦ ᐅᑦ ᐊᔭᒥᐊᐎ ᐊᑑᔅᑫᓛᑲᓂᒪ ᙭;

ᑯᓚᔑᔭᓇ 4:12

ᐃᐸᑉᕌᔅ, ᑭᓚᐗᐤ ᑳ ᐅᒌᑦ, ᐅᑦ ᐊᑑᔅᑫᓛᑲᓂᒪ ᙭, ᑭᑦ ᐊᑕᒥᔅᑳᑯᐗᐤ, ᒧᔕᒃ ᓱᑲ ᑳ ᐊᑐᔅᑳᑖᒃ ᐋᔭᒥᐋᐎᓂᒃ, ᑭᒋ ᓂᐸᐎᔦᒃ ᓈᔅᐱᒡ ᐁ ᒥᓨᑎᓯᔦᒃ ᓀᔥᑕ ᐁ ᒥᑐᓂᐎᓯᔦᒃ ᒥᓯᐌ ᐅᑦ ᐃᑌᓕᑕᒧᐎᓂᒃ ᑭᒋᒪᓂᑐ᙮

ᑯᓚᔑᔭᓇ 4:9

ᐊᓯᒋ ᐅᓂᓯᒪᔅ, ᑳ ᒀᔭᔅᑭᑎᑦ ᓀᔥᑕ ᓵᑭᐋᑲᓂᐎᑦ ᐎᒋᔖᓇᒪᐤ, ᐁᐗᑯ ᐯᔭᒃ ᑭᓚᐗᐤ ᐅᒋ᙮ ᐎᓚᐗᐤ ᑭ ᑳ ᑭᔅᑫᓕᑕᒥᐃᑯᐗᐤ ᒥᓯᐌ ᑫᒀᓇ ᐅᑕ ᑳ ᐋᔨᑐᒋᑳᑌᑭ᙮

ᓂᔥᑕᒻ ᑌᓴᓗᓂᔭᓇ 3:13

ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔥᑕᒻ ᑌᓴᓗᓂᔭᓇ 3:5

ᐌᐗᑯ ᐅᒋ, ᐃᔅᐱ ᐁᑳ ᑫᔮᐸᒡ ᐁ ᑮ ᑭᐱᒋᔮᓐ, ᓂ ᑮ ᐃᔑᑎᔕᐅᐙᓐ ᑭᒋ ᑭᔅᑫᓕᑕᒫᓐ ᑭ ᑖᐺᔦᓕᑕᒧᐎᓂᐗᐤ, ᒫᔅᑯᒡ ᓈᓐᑕᐤ ᐃᔑ ᑳ ᑲᑴᒋᐃᑖᑴ ᐅᑲᑴᒋᐃᐌᐤ, ᓀᔥᑕ ᐸᑾᓐᑕᐤ ᑭᒋ ᐊᑑᔅᑫᔮᒃ᙮

ᓂᔓ ᑌᓴᓗᓂᔭᓇ 2:17

ᑭ ᑳ ᐎ ᑳᑭᒋᐃᑯᐗᐤ ᑭᑌᐃᐙᒃ, ᓀᔥᑕ ᑭ ᑳ ᐎ ᐋᔨᒋᐃᑯᐗᐤ ᒥᓯᐌ ᑕᑐ ᒥᓗ ᐋᔭᒥᐎᓂᒃ ᓀᔥᑕ ᐊᑖᔅᑫᐎᓂᒃ᙮