ᓂᔥᑕᒻ ᑌᓴᓗᓂᔭᓇ 3:13 - ᐅᔅᑭ ᑎᔅᑌᒥᓐᑦ

¹³ ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔥᑕᒻ ᑌᓴᓗᓂᔭᓇ 3:13 Iomraidhean Croise

ᐅᐸᓓᑭᔅ ᒫᑎᐤ 25:31

ᐃᔅᐱ ᐃᓕᓕᐎᑯᓯᓵᓐ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᒥᓯᐌ ᐸᓓᑭ ᐁᓐᒐᓚᒃ ᐊᓯᒋ, ᐁᑯ ᑫ ᐊᐱᑦ ᐅ ᑭᔅᑌᓕᑖᑯᓯᐎ ᐅᑭᒪᐗᐱᐎᓂᒃ:

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐅᐸᓓᑭᔅ ᓘᒃ 1:6

ᑖᐱᔅᑯᒡ ᒫᑲ ᑮ ᒀᔭᔅᑭᑖᑎᓯᐗᒃ ᐁ ᐙᐸᒥᑯᒋᒃ ᑭᒋᒪᓂᑐᐗ, ᐁ ᐱᒧᑖᑕᒸᒋᒃ ᒥᓯᐌ ᐅ ᑲᑫᔅᑴᐎᓂᓕᐗ ᓀᔥᑕ ᐃᑕᔓᐌᐎᓂᓕᐗ ᐅᑎᐯᓕᒋᑫᐗ ᐁᑳ ᐁ ᐋᓉᓕᑖᑯᓯᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:4

ᐊᐌᓇ ᑭᓚ ᑳ ᑎᐹᔅᑯᓂᒪᑦ ᑯᑕᒃ ᐃᓕᓕᐤ ᐅᑦ ᐊᑑᔅᑫᓛᑲᓂᒪ? ᑎᐱᓚᐌ ᐅᑦ ᐅᑭᒫᒪ ᐅᒋ ᓂᐸᐎᐤ ᓀᔥᑕ ᐸᑭᔑᓐ, ᐁᐁ, ᑲᑕ ᓯᑐᓇᐤ: ᐌᓴ ᑭᒋᒪᓂᑐ ᑲᔥᑭᑕᐤ ᑭᒋ ᓂᐸᐎᐋᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25

ᐁᑯ ᐊᓇ ᑳ ᑲᔥᑭᑖᑦ ᑭᒋ ᐋᔨᒋᐃᑖᒃ ᐁ ᐃᑗᒪᑲᒃ ᓂ ᒥᓗᐋᒋᒪᐎᓐ, ᓀᔥᑕ ᐁ ᐃᔑ ᑎᐹᒋᒫᑲᓂᐎᑦ ᒋᓴᔅ ᙭, ᑳ ᑮ ᐃᔑ ᑭᔅᑫᓕᑖᑯᑖᓂᐗᒃ ᑳ ᒫᒪᔅᑳᑕᒃ, ᐊᓂᒪ ᑳ ᑮ ᑭᒧᒡ ᑲᓇᐌᓕᒋᑳᑌᒃ ᐊᔅᐱᓐ ᑳ ᐯᒋ ᐊᔅᑭᐗᒃ,

ᓂᔥᑕᒻ ᑯᕆᓐᑎᐊᓇ 15:23

ᒫᑲ ᒥᓯᐌ ᑕᑐ ᐃᓕᓕᐤ ᐃᔅᐱ ᐁ ᐃᑌᓕᑖᑯᓯᑦ: ᙭ ᑳ ᓂᑳᓄᑖᑫᑦ; ᐹᑎᒫ ᒫᑲ ᐊᓂᐃ ᙭ ᑳ ᑎᐱᓚᐌᐎᓯᑦ ᐯᒋ ᑕᑯᔑᑫ᙮

ᑲᓓᔕᐊᓇ 1:4

ᐊᓇ ᑭ ᒪᒋᑡᐎᓂᓇᐗ ᑳ ᑮ ᐅᒋ ᐸᑭᑎᓂᑎᓱᑦ, ᑭᒋ ᑮ ᐎᑾᒋᐃᑕᒃ ᐅᒪ ᒪᒋ ᐊᔅᑮᒃ ᐅᒋ, ᑳ ᐃᑌᓕᑕᒃ ᑭᒋᒪᓂᑐ ᑯᑖᐎᓇᐤ;

ᐃᐱᓯᔭᓇ 5:27

ᑭᒋ ᑮ ᐸᑭᑎᓇᒫᓱᑦ ᐁ ᑭᔅᑖᑎᓯᓕᒋ ᒫᒪᐎᐋᔭᒥᐊᐗ, ᐁᑳ ᐁ ᐸᐸᑌᐎᓯᓕᒋ, ᐁᑳ ᓀᔥᑕ ᐁ ᐅᓯᑭᓯᓕᒋ, ᐁᑳ ᓀᔥᑕ ᐁ ᐋᔮᓕᒋ ᐅᒪ ᑐᐎ ᑫᒀᓕᐤ; ᒫᑲ ᑭᒋ ᐸᓓᑭᓯᓕᒋ ᓀᔥᑕ ᐁᑳ ᑭᒋ ᒪᔅᑭᓯᓕᒋ᙮

ᐱᓕᐱᔭᓇ 1:10

ᑭᒋ ᑯᒋᑭᔅᑫᓕᑕᒣᒃ ᑫᒀᓇ ᑳ ᒥᓨᔑᑭ; ᑭᒋ ᐸᓓᑭᓯᔦᒃ ᓀᔥᑕ ᐁᑳ ᑭᒋ ᓈᔦᑕᐌᓕᒥᑲᐎᔦᒃ ᐱᓕᔥ ᐅᑎᒋᐸᓕᓕᑫ ᐅ ᑭᔑᑳᒻ ᙭;

ᑯᓚᔑᔭᓇ 1:22

ᐁ ᐎᔭᐎᒪᑲᓂᓕᒃ ᐅ ᐎᔮᓯᒃ ᓂᐱᐎᓐ ᐅᒋ, ᐁ ᐸᓓᑭᓯᔦᒃ, ᓀᔥᑕ ᐁᑳ ᐁ ᐊᑖᒣᓕᑖᑯᓯᔦᒃ, ᓀᔥᑕ ᐁᑳ ᐁ ᑭᑐᑖᑯᓯᔦᒃ ᐁ ᑲᓇᐗᐸᒥᑖᒃ:

ᓂᔥᑕᒻ ᑌᓴᓗᓂᔭᓇ 2:19

ᐌᓴ ᑫᒀᓐ ᓂᑦ ᐊᔅᐯᓕᒧᐎᓂᓈᓐ, ᓀᔥᑕᐱᑯ ᓂ ᒥᓚᐙᑕᒧᐎᓂᓈᓐ, ᓀᔥᑕᐱᑯ ᓂ ᒧᒋᑫᓕᑕᒧᐎᓂ ᐊᔅᑐᑎᓂᓈᓐ? ᓇᒪ ᓈ ᑭᓚᐗᐤ, ᐁ ᑲᓇᐙᐸᒥᑖᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐯᒋ ᑕᑯᔑᑫ?

ᓂᔥᑕᒻ ᑌᓴᓗᓂᔭᓇ 3:11

ᐁᑯ ᓇᑕᒫᑕ ᑭᒋᒪᓂᑐ ᑫᒋᐙᒃ ᑯᑖᐎᓇᐤ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭᔅᑭᓄᑕᐃᔭᒥᑦ ᑭᒋ ᓈᑎᑖᒃ᙮

ᓂᔥᑕᒻ ᑌᓴᓗᓂᔭᓇ 3:2

ᓀᔥᑕ ᒫᑲ ᓂ ᑮ ᐃᔑᑎᔕᐙᓈᓐ ᑎᒧᑎ, ᓂᒋᔖᓂᓈᓐ, ᓀᔥᑕ ᐅᑦ ᐋᔭᒥᐋᐎ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᓂᒋᐊᑑᔅᑫᓛᑲᓂᓈᓐ ᐅ ᒥᓗᐋᒋᒧᐎᓂᒃ ᙭, ᑭᒋ ᐊᔨᒋᐃᑖᒃ ᓀᔥᑕ ᑭᒋ ᑳᑭᒋᐃᑖᒃ ᑭ ᑖᐺᔦᓕᑕᒧᐎᓂᐗᐤ ᐅᒋ:

ᓂᔥᑕᒻ ᑌᓴᓗᓂᔭᓇ 4:15

ᐌᓴ ᐅᒪ ᑭᑦ ᐃᑎᓈᓐ ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᐅᒋ, ᑭᓚᓈᓇᐤ ᑫᔮᐸᒡ ᑫ ᐱᒫᑎᓯᔭᒃ, ᓀᔥᑕ ᑫ ᐃᔥᑯᔮᒃ ᐃᓕᑯᒃ ᑫ ᑕᑯᔑᒃ ᐅᑎᐯᓕᒋᑫᐤ, ᓇᒪᐎᓚ ᑭ ᑳ ᐅᑕᒥᐊᓈᐗᒃ ᐊᓂᑭ ᑳ ᓂᐹᒋᒃ᙮

ᓂᔥᑕᒻ ᑌᓴᓗᓂᔭᓇ 4:17

ᐁᑯ ᒫᑲ ᑭᓚᓈᓇᐤ ᑫᔮᐸᒡ ᑳ ᐱᒫᑎᓯᔮᒃ ᓀᔥᑕ ᐃᔥᑯᔮᒃ, ᐊᓯᒋ ᐎᓚ ᐗᔅᑯᒃ ᑭ ᑳ ᐃᔑ ᐅᑎᓂᑲᐎᓈᓇᐤ, ᑭᒋ ᓇᑭᔥᑲᐗᒃ ᐅᑎᐯᓕᒋᑫᐤ ᒧᔐᑭᔑᑯᒃ: ᐁᑯ ᒫᑲ ᑳᑭᑫ ᑫ ᐎᒉᐗᒃ ᐅᑎᐯᓕᒋᑫᐤ᙮

ᓂᔥᑕᒻ ᑌᓴᓗᓂᔭᓇ 5:23

ᐊᓇ ᒫᑲ ᑖᐺ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᒥᑐᓂ ᑭ ᑳ ᐎ ᐸᓓᑭᐃᓂᐊᐤ; ᓂ ᓇᑐᑕᒪᐗᐤ ᒫᑲ ᒥᑐᓂ ᑭᑦ ᐊᒑᑯᐗᐤ ᓀᔥᑕ ᑭ ᒥᑐᓀᓕᒋᑲᓂᐗᐤ ᓀᔥᑕ ᑭᔭᐎᐗᐤ ᑭᒋ ᑲᓇᐌᓕᒋᑳᑌᑭ ᐁᑳ ᐋᑕᒣᓕᑖᑯᓯᐎᓂᒃ ᐱᓕᔥ ᑫ ᑕᑯᔑᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔓ ᑌᓴᓗᓂᔭᓇ 1:10

ᐃᔅᐱ ᐯᒋ ᑕᑯᔑᑫ ᑭᒋ ᑭᔅᑌᓕᑖᑯᐃᑯᑦ ᐅ ᐸᓓᑭᓯᒪ, ᓀᔥᑕ ᑭᒋ ᑭᔅᑌᓕᒥᑯᑦ ᒥᓯᐌ ᐊᓂᐃ ᑳ ᑖᐺᑕᒥᓕᑭ (ᐌᓴ ᓂ ᑎᐹᒋᒧᐎᓂᓈᓐ ᑮ ᑖᐺᒋᑳᑌᐤ ᐃᑕ ᐁ ᐃᑖᔦᒃ,) ᐁᑯᔅᐱ ᐁ ᑭᔑᑳᒃ᙮

ᓂᔓ ᑌᓴᓗᓂᔭᓇ 1:7

ᑭᓚᐗᐤ ᓀᔥᑕ ᑳ ᐊᓕᒥᐃᑲᐎᔦᒃ ᑭ ᐎᒋᐋᓜᐱᒥᓈᓐ, ᐃᔅᐱ ᐅᑎᐯᓕᒋᑫᐤ ᒋᓴᔅ ᑭᒋᑭᔑᑯᒃ ᑫ ᐅᒋ ᐯᒋ ᓄᑯᓯᑦ, ᐊᓯᒋ ᑳ ᓱᑳᑎᓯᓕᑭ ᐅᑦ ᐁᓐᒐᓕᒪ,

ᓂᔓ ᑌᓴᓗᓂᔭᓇ 2:1

ᐁᑯ ᐯᑯᓭᓕᒥᑕᑾᒃ, ᓂᒋᔖᓂᑐᒃ, ᐅ ᑕᑯᔑᓂᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ, ᓀᔥᑕ ᐁ ᒫᒪᐎᐃᑐᔭᒃ ᐁ ᐅᑎᔥᑲᐎᑳᐸᐎᔅᑕᐗᒃ,

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:8

ᑭᓚᐗᐤ ᓀᔥᑕ ᔑᐱᓚᐌᓯᒃ; ᐋᔨᒋᑖᒃ ᑭᑌᐃᐙᐗ; ᐌᓴ ᐯᔓᓈᑾᓂᓕᐤ ᑭᒋ ᑕᑯᔑᒃ ᐅᑎᐯᓕᒋᑫᐤ᙮

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᒎᑦ 1:14

ᐃᓇᒃ ᒫᑲ ᓀᔥᑕ, ᐊᓇ ᓂᑯᑣᔅ ᑳ ᐋᓂᔅᑫ ᐅᒌᑦ ᐋᑕᒥᒃ, ᑮ ᑭᔅᑭᐙᐃᑫᐎ ᐋᓕᒧᒣᐤ ᐅᐅ, ᐁ ᐃᑗᑦ, ᒫᑎᑲ, ᐅᑎᐯᓕᒋᑫᐤ ᐯᒋ ᐃᑐᑌᐤ ᐁ ᐎᒉᐙᑦ ᒥᑖᑡᐤ ᑭᒋᒥᑖᑐᒥᑕᓇᐤ ᐅ ᐸᓓᑭᓯᒪ,

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,