ᓂᔥᑕᒻ ᑌᓴᓗᓂᔭᓇ 2:5 - ᐅᔅᑭ ᑎᔅᑌᒥᓐᑦ

⁵ ᐌᓴ ᐊᐳᒋᑲ ᓇᒪᐎᔅᑳᑦ ᓂ ᑮ ᐋᐸᒋᑖᓈᓐ ᓱᔅᒀᒋ ᐋᔭᒥᐎᓇ, ᐁ ᐃᔑ ᑭᔅᑫᓕᑕᒣᒃ, ᓇᒪ ᓀᔥᑕ ᒧᔅᑌᓇᒪᑫᐎᓂ ᐊᑾᓂᐎᓐ; ᑭᒋᒪᓂᑐ ᑭᔅᑫᓕᑕᒻ:

ᓂᔥᑕᒻ ᑌᓴᓗᓂᔭᓇ 2:5 Iomraidhean Croise

ᐅᐸᓓᑭᔅ ᒫᑎᐤ 22:16

ᑮ ᐃᔑᑎᔕᐊᒪᐌᐗᒃ ᒫᑲ ᐅ ᑭᔅᑭᓄᐊᒪᐙᑲᓂᐙᐗ ᐊᓯᒋ ᐦᐁᕈᑎᔭᓇ, ᐁ ᐃᑗᓕᒋ, ᐅᑭᔅᑭᓄᐊᒫᑫᐤ, ᓂ ᑭᔅᑫᓕᑌᓈᓐ ᐁ ᑖᐺᔭᓐ, ᓀᔥᑕ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ ᑖᐺᐎᓂᒃ, ᐁᑳ ᓀᔥᑕ ᐊᐌᓇ ᐁ ᑯᔅᑕᑦ; ᐌᓴ ᓇᒪᐎᓚ ᑮ ᐱᓯᔅᑫᓕᑕᒸᓐ ᐃᓕᓕᐗᒃ ᐁ ᐃᔑᓈᑯᓯᒋᒃ᙮

ᐅᐸᓓᑭᔅ ᒫᑎᐤ 23:13

ᒫᑲ ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ!! ᐌᓴ ᑭ ᑭᐸᐁᓇᐗᐤ ᑭᒋᑭᔑᑳᐎ ᐅᑭᒫᐎᐎᓐ ᐃᓕᓕᐗᒃ ᐁᑳ ᑭᒋ ᐱᑐᑫᒋᒃ: ᐌᓴ ᑭᓚᐗᐤ ᓇᒪᐎᓚ ᑭ ᐱᑐᑳᓇᐗᐤ, ᓇᒪᐎᓚ ᓀᔥᑕ ᑭᑦ ᐃᓕᓇᐗᐗᐗᒃ ᑭᒋ ᐱᑐᑫᒋᒃ ᐊᓂᑭ ᐙ ᐱᑐᑫᒋᒃ᙮

ᐊᐸᔅᑕᓚᒃ 20:33

ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᒧᔅᑌᓇᒸᓐ ᐅ ᔓᓕᐋᓈᐱᔅᑯᒪ, ᓀᔥᑕᐱᑯ ᐅᑦ ᐅᓴᐎᔓᓕᐋᓈᐱᔅᑯᒪ, ᒋᑲ ᓀᔥᑕ ᐱᑯ ᐅ ᐎᓛᒋᑲᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:9

ᐌᓴ ᑭᒋᒪᓂᑐ ᓂ ᑭᔅᑫᓕᒥᒃ, ᐊᓇ ᓂᑦ ᐊᒐᑯᒃ ᑳ ᐅᒋ ᐊᑖᔅᑲᐗᒃ ᐅ ᒥᓗᐋᒋᒧᐎᓂᓕᒃ ᐅᑯᓯᓴ, ᐁᑳ ᐁ ᐳᓂᔮᓐ ᒧᔕᒃ ᐁ ᐋᔭᒥᐁᔅᑕᒫᑕᑾᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:18

ᐌᓴ ᐁᐗᒀᓂᑭ ᑐᐎᑳᓇᒃ ᐁᑳ ᑳ ᐊᑑᔅᑫᔅᑕᐙᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ, ᒫᑲ ᑎᐱᓚᐌ ᐙᑖᐗᐤ; ᓀᔥᑕ ᐁ ᒥᓗᐋᔭᒥᒋᒃ ᓀᔥᑕ ᐁ ᓱᔅᒀᒋ ᐋᔭᒥᒋᒃ ᑳ ᐙᔦᔑᑕᒸᒋᒃ ᐅᑌᐃᓕᐗ ᐊᓂᐃ ᐁᑳ ᑳ ᓕᑆᑳᓂᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:1

ᓂ ᑖᑆᓐ ᑳ ᐃᑗᔮᓐ ᙭ᑎᒃ, ᓇᒪᐎᓚ ᓂ ᑭᓛᔅᑭᓐ, ᓂ ᒥᑐᓀᓕᒋᑲᓐ ᓀᔥᑕ ᓂ ᑎᐹᒋᒥᑯᓐ ᐯᓓᑭᓯᑦ ᐊᒑᑯᒃ,

ᓂᔓ ᑯᕆᓐᑎᐊᓇ 12:17

ᓂ ᑮ ᐅᑎᓰᓐ ᓈ ᑭᓚᐗᐤ ᐅᒋ ᐊᓂᑭ ᐅᒋ ᑳ ᑮ ᐃᔑᑎᔕᐊᒫᑕᑾᒃ?

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 7:2

ᐅᑎᓂᓈᓐ: ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᐗᓂᑐᑕᐙᓈᓐ, ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᒪᓀᐋᓈᓐ, ᓇᒪᐎᓚ ᐊᐌᓇ ᐃᓕᓕᐤ ᓂ ᑮ ᐙᔦᔑᐋᓈᓐ᙮

ᑲᓓᔕᐊᓇ 1:20

ᐅᐅ ᑫᒀᓇ ᒫᑲ ᑳ ᒪᓯᓇᐊᒫᑕᑾᒃ, ᒫᑎᑲ, ᐅᑎᔥᑲᐤ ᑭᒋᒪᓂᑐᐗ, ᓇᒪᐎᓚ ᓂ ᑭᓛᔅᑭᓐ᙮

ᓂᔥᑕᒻ ᑌᓴᓗᓂᔭᓇ 2:10

ᑭᓚᐗᐤ ᑭ ᑭᔅᑫᓕᑌᓇᐗᐤ, ᐊᓯᒋ ᓀᔥᑕ ᑭᒋᒪᓂᑐ, ᑖᐺ ᐸᓓᑭᓯᐎᓂᒃ, ᓀᔥᑕ ᒀᔭᔅᑭᑎᐎᓂᒃ, ᓀᔥᑕ ᒥᓨᑎᓯᐎᓂᒃ, ᓂ ᑮ ᐃᑖᑎᓯᓈᓐ ᐃᑕ ᐁ ᐃᑖᔦᒃ ᑭᓚᐗᐤ ᑳ ᑖᐺᑕᒣᒃ;

ᓂᔥᑕᒻ ᑎᒧᑎ 3:3

ᐁᑳ ᐁ ᐅᓵᒥᓂᑴᑦ ᔓᒥᓈᐳᓕᐤ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ; ᒫᑲ ᐁ ᔑᐱᓚᐌᓯᑦ, ᐁᑳ ᐁ ᒀᓗᑐᑖᑫᑦ, ᐁᑳ ᐁ ᒧᔅᑌᓇᒫᑫᑦ;

ᓂᔥᑕᒻ ᑎᒧᑎ 3:8

ᑖᐱᔅᑯᒡ ᓀᔥᑕ ᑫᒋᓈᔥ ᐋᔭᒥᐁᐎᑭᒪᐗᒃ ᑲᑕ ᓕᑆᑲᐗᒃ, ᐁᑳ ᐁ ᓂᔓᑌᓕᓕᒋᒃ, ᐁᑳ ᒥᔅᑕᐃ ᐁ ᒥᓂᑴᒋᒃ ᔓᒥᓈᐳᓕᐤ, ᐁᑳ ᐁ ᓵᑭᐋᒋᒃ ᔔᓕᐋᓇ;

ᑕᐃᑕᔅ 1:7

ᐌᓴ ᑭᒋᐋᔭᒥᐁᐎᑭᒪᐤ ᑲᑕ ᒥᓗᐃᑌᓕᑖᑯᓯᐤ, ᑖᐱᔅᑯᒡ ᐅ ᑲᓇᐌᓕᑎᓛᑲᓇ ᑭᒋᒪᓂᑐ: ᐁᑳ ᐁ ᐯᔭᑯᑴᓕᒥᑎᓱᑦ, ᐁᑳ ᐎᐸᒡ ᐁ ᑭᓯᐙᓯᑦ, ᐁᑳ ᐁ ᐅᓵᒥᓂᑴᑦ ᔓᒥᓈᐳ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ;

ᓂᔥᑕᒻ ᐱᑕᕐ 5:2

ᐊᔕᒥᑯᒃ ᐅ ᒫᓂᔥᒑᓂᔑᒪ ᑭᒋᒪᓂᑐ ᑳ ᐎᒉᐎᑖᑾᒃ, ᐁ ᓈᓈᑲᑕᐙᐸᒣᑾᒃ, ᓇᒪᐎᓚ ᐱᑯ ᐁ ᔑᑭᒥᑲᐎᔦᒃ ᐅᒋ, ᒫᑲ ᐁ ᒥᓜᓕᑕᒣᒃ; ᓇᒪᐎᓚ ᒪᒋ ᐅᑎᓯᐎᓐ ᐅᒋ ᐋᔦᔅᑲᐎᓯᐎ ᒥᑐᓀᓕᒋᑲᓂᒃ:

ᓂᔓ ᐱᑕᕐ 2:18

ᐌᓴ ᐃᔅᐱ ᐋᔭᒥᒋᒃ ᑭᒋ ᑭᔅᑌᓕᒥᑎᓱᐎ ᐋᔭᒥᐎᓇ, ᐙᔦᔑᒣᐗᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᐎᔮᓯᐎᓐ ᐅᒋ, ᒥᔅᑕᐃ ᐎᓂᓯᐎ ᐃᑌᓕᑕᒧᐎᓐ ᐅᒋ, ᐊᓂᐃ ᐊᑳᐙᒡ ᑳ ᑮ ᐅᔑᒫᓕᒋ ᐊᓂᐃ ᐗᓀᓕᑕᒧᐎᓂᒃ ᑳ ᐱᒫᑎᓯᓕᒋ᙮

ᓂᔓ ᐱᑕᕐ 2:3

ᓀᔥᑕ ᒧᔅᑌᓇᒫᑫᐎᓂᒃ, ᐁ ᑲᑳᔦᓕᓯᐎ ᐊᔭᒥᒋᒃ, ᑭ ᑳ ᐊᑖᐌᑐᑖᑯᐗᐗᒃ: ᐅ ᑎᐹᔅᑯᓂᑯᓯᐎᓂᐗᐤ ᑳᔮᔥ ᐅᒋ ᐁᑳ ᐁ ᑆᔅᑕᐎᐸᓕᓕᐤ, ᓀᔥᑕ ᐅ ᓂᔑᐗᓈᒋᐃᑯᓯᐎᓂᐗᐤ ᐁᑳ ᐁ ᓂᐹᒪᑲᓂᓕᒃ᙮

ᒎᑦ 1:11

ᑲᒀᑕᑭᓯᐗᒃ! ᐌᓴ ᑮ ᐱᒧᑌᐗᒃ ᐅ ᒣᔅᑲᓈᓕᒃ ᑫᓇ, ᓀᔥᑕ ᑮ ᐱᒥᐸᑕᐗᒃ ᐅ ᐗᓂᔑᓄᐎᓂᓕᒃ ᐯᓚᒪ ᑭᒋ ᐅᑎᓯᒋᒃ, ᑮ ᓂᔑᐗᓈᑎᓯᐗᒃ ᒫᑲ ᐅᑦ ᐋᓉᑕᒧᐎᓂᓕᒃ ᑯᕋᐊ᙮