ᓂᔥᑕᒻ ᑌᓴᓗᓂᔭᓇ 2:4 - ᐅᔅᑭ ᑎᔅᑌᒥᓐᑦ

⁴ ᒫᑲ ᑳ ᑮ ᐃᑌᓕᒥᔭᒥᑦ ᑭᒋᒪᓂᑐ ᑭᒋ ᐸᑭᑎᓇᒫᑲᐎᔮᒃ ᒥᓗᐋᒋᒧᐎᓐ, ᐁᑯ ᐁ ᐃᔑ ᐋᔭᒥᔮᒃ; ᓇᒪᐎᓚ ᐁ ᐎ ᓇᐃᓚᐌᐊᑭᒋᒃ ᐃᓕᓕᐗᒃ, ᒫᑲ ᑭᒋᒪᓂᑐ ᑳ ᑲᑴᒋᑖᑦ ᓂᑌᐃᓈᓇ᙮

ᓂᔥᑕᒻ ᑌᓴᓗᓂᔭᓇ 2:4 Iomraidhean Croise

ᐅᐸᓓᑭᔅ ᓘᒃ 12:42

ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᐊᐌᓇ ᒫᑲ ᐊᓇ ᐁ ᒀᔭᔅᑭᑎᑦ ᓀᔥᑕ ᐁ ᑲᑫᑕᐌᓕᑕᒃ ᑲᓇᐌᓕᑎᓛᑲᓐ, ᑫ ᑎᐯᓕᑕᒥᐃᑯᑦ ᐅᑦ ᐅᑭᒫᒪ ᐅ ᐙᔅᑲᔨᑲᓂᒥᓕᐤ, ᑭᒋ ᒫᑎᓇᒪᐗᑦ ᐅ ᒥᒋᒥᒥᓕᐤ, ᐌᑎᒋᐸᓕᓕᑭ?

ᐅᐸᓓᑭᔅ ᓘᒃ 16:11

ᑮᔥᐱᓐ ᒫᑲ ᐁᑳ ᑳ ᒀᔭᔅᑭᑎᐌᑴ ᒥᔭᓛᑕᑭ ᒥᔕᑭᓯᐎᓇ ᐅᒋ, ᐊᐌᓇ ᑫ ᑲᓇᐌᓕᑎᓕᑖᒃ ᑖᐺ ᒥᔕᑭᓯᐎᓇ?

ᐅᐸᓓᑭᔅ ᒑᓐ 21:17

ᐃᑌᐤ ᐁᑯ ᓂᔅᑡᐤ, ᓵᐃᒪᓐ, ᒑᓐ ᐅᑯᓯᓴ, ᑭ ᓵᑭᐃᓐ ᓈ? ᐱᑕᕐ ᓇᒪ ᑭ ᓇᐁᓕᑕᒻ ᐁᑯ ᓂᔅᑡᐤ ᐁ ᑮ ᐃᑎᑯᑦ, ᑭ ᓵᑭᐃᓐ ᓈ? ᑮ ᐃᑌᐤ ᒫᑲ, ᑌᐯᓕᒋᑫᔭᓐ, ᑭ ᑭᔅᑫᓕᑌᓐ ᒥᓯᐌ ᑫᒀᓇ; ᑭ ᑭᔅᑫᓕᑌᓐ ᐁ ᓵᑭᐃᑖᓐ᙮ ᒋᓴᔅ ᐃᑌᐤ, ᐊᔕᒥᒃ ᓂ ᒫᓂᔥᒑᓂᔑᒪᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:27

ᐊᓇ ᒫᑲ ᑳ ᓈᓇᑕᐎᑭᔅᑫᓕᑕᒃ ᒥᑌᐊ, ᑭᔅᑫᓕᑕᒻ ᑫᒀᓕᐤ ᐁᑌᓕᑕᒥᓕᒋ ᐊᒑᑾ, ᐌᓴ ᐋᔭᒥᐁᔅᑕᒪᐌᐤ ᐅᐸᓓᑭᓴ ᐁ ᐃᔑ ᓇᑕᐌᓕᑕᒥᓕᒋ ᑭᒋᒪᓂᑐᐗ᙮

ᓂᔥᑕᒻ ᑯᕆᓐᑎᐊᓇ 7:25

ᐅᔥᑭᓂᑭᔅᑴᐗᒃ ᐅᒋ ᒫᑲ, ᓇᒪᐎᓚ ᓂ ᑮ ᐃᑕᔓᒥᒃ ᑭᒋᒪᓂᑐ: ᐁᓕᐌᒃ ᒫᑲ ᓂ ᐎᑌᐤ ᑳ ᐃᑌᓕᑕᒫᓐ, ᑖᐱᔅᑯᒡ ᐊᐌᓇ ᑳ ᑮ ᒥᓕᑯ ᔕᐌᓕᒋᑫᐎᓂᓕᐤ ᐅᑎᐯᓕᒋᑫᐗ ᑭᒋ ᒀᔭᔅᑭᑎᑦ᙮

ᓂᔥᑕᒻ ᑯᕆᓐᑎᐊᓇ 9:17

ᐌᓴ ᑮᔥᐱᓐ ᓂᓚ ᐁ ᐃᑌᓕᑕᒫᓐ ᐅᒪ ᐁ ᑐᑕᒫᓐ, ᓂᑦ ᐋᔮᓐ ᑎᐸᐊᒫᑯᓯᐎᓐ: ᒫᑲ ᑮᔥᐱᓐ ᐁᑳ ᐁ ᐃᑌᓕᑕᒫᓐ ᓂᓚ, ᑭᒋ ᒫᑎᓇᒫᑫᔮᓐ ᒥᓗᐋᒋᒧᐎᓐ ᓂ ᑮ ᐸᑭᑎᓇᒫᑲᐎᓐ᙮

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 5:11

ᐁ ᑭᔅᑫᓕᑕᒶᑭ ᒫᑲ ᐅ ᑯᔅᑖᑎᑯᓯᐎᓐ ᐅᑎᐯᓕᒋᑫᐤ, ᓂ ᔑᑭᒫᓈᓇᒃ ᐃᓕᓕᐗᒃ; ᒫᑲ ᐎᓚ ᑭᒋᒪᓂᑐ ᓂ ᑭᔅᑫᓕᒥᑯᓈᓐ; ᓀᔥᑕ ᓂᑦ ᐃᔑ ᐸᑯᓭᓕᑌᓐ ᐁ ᑭᔅᑫᓕᒥᑳᐎᔮᒃ ᑭ ᒥᑐᓀᓕᒋᑲᓂᐙᒃ᙮

ᓂᔓ ᑯᕆᓐᑎᐊᓇ 5:16

ᐁᐗᑯ ᐅᒋ ᐊᓄᒡ ᐅᒋ ᓇᒪᐎᓚ ᐊᐌᓇ ᐃᓕᓕᐤ ᓂ ᑭᔅᑫᓕᒫᓈᓐ ᐎᔮᓯᐎᓂᒃ ᐃᔑ: ᐁᐁ, ᐋᑕ ᐁ ᑮ ᑭᔅᑫᓕᒪᒃ ᙭ ᐎᔮᓯᐎᓂᒃ ᐃᔑ, ᐁᓕᐌᒃ ᒫᑲ ᐊᓄᒡ ᐅᒋ ᓇᒪᐎᔅᑳᑦ ᐅᒪ ᓂᑦ ᐃᔑ ᑭᔅᑫᓕᒫᓈᓐ᙮

ᑲᓓᔕᐊᓇ 1:10

ᐌᓴ ᓂᓚ ᓈ ᐊᓄᒡ ᓂ ᔑᑭᒪᐗᒃ ᐃᓕᓕᐗᒃ, ᓀᔥᑕᐱᑯ ᑭᒋᒪᓂᑐ? ᓀᔥᑕᐱᑯ ᓂ ᑯᒋ ᓇᐃᓚᐌᐋᐗᒃ ᓈ ᐃᓕᓕᐗᒃ? ᐌᓴ ᑮᔥᐱᓐ ᑫᔮᐸᒡ ᓇᐃᓚᐌᐊᑭᒃ ᐃᓕᓕᐗᒃ, ᓇᒪᐎᓚ ᓂ ᑳ ᐅᑦ ᐊᑑᔅᑫᓚᑲᓂᐎᑕᐃ ᙭᙮

ᑲᓓᔕᐊᓇ 2:7

ᒫᑲ ᐱᑐᔥ ᐃᔑ, ᐃᔅᐱ ᐎᐋᐸᑕᑭᒃ ᐁ ᑮ ᐸᑭᑎᓂᒫᑲᐎᔮᓐ ᓂᓚ ᑭᒋ ᑲᑫᔅᑭᒪᑭᒃ ᒥᓗᐋᒋᒧᐎᓂᓕᐤ ᐊᓂᑭ ᐁᑳ ᑳ ᑭᔅᑭᓄᐙᒋᔣᑲᓂᐎᒋᒃ, ᑖᐱᔅᑯᒡ ᐁ ᑮ ᐸᑭᑎᓇᒪᐙᑦ ᐱᑕᕐ ᐊᓂᐃ ᑳ ᑭᔅᑭᓄᐙᒋᔣᑲᓂᐎᓕᒋ;

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᐃᐱᓯᔭᓇ 6:6

ᓇᒪᐎᓚ ᐙᐸᒥᑯᐎ ᐊᑑᔅᑫᐎᓂᒃ, ᑖᐱᔅᑯᒡ ᐊᓂᑭ ᐃᓕᓕᐗ ᐱᑯ ᐁ ᓇᐃᓚᐌᐋᒋᒃ: ᒫᑲ ᑖᐱᔅᑯᒡ ᙭ ᐅᑦ ᐊᑑᔅᑫᓛᑲᓂᒪ, ᐁ ᑐᑕᒬᒃ ᑭᑌᐃᐙᒃ ᐅᒋ ᑭᒋᒪᓂᑐ ᐅᑦ ᐃᑌᓕᑕᒧᐎᓐ;

ᑯᓚᔑᔭᓇ 3:22

ᐊᑑᔅᑫᓛᑲᓂᑐᒃ, ᒥᓯᐌ ᐃᔑ ᓇᓇᐃᑖᑯᒃ ᑭᑦ ᐅᑭᒫᒥᐗᐗᒃ ᐎᔮᓯᐎᓂᒃ ᐃᔑ; ᓇᒪᐎᓚ ᐁ ᑲᓇᐗᐸᒥᑲᐎᔦᒃ ᐱᑯ, ᑖᐱᔅᑯᒡ ᐊᓂᑭ ᑳ ᓇᐃᓚᐌᐋᒋᒃ ᐃᓕᓕᐗ; ᒫᑲ ᐸᓓᑭ ᒥᑌᐃᒃ, ᐁ ᓂᓇᒋᔅᑕᐌᒃ ᑭᒋᒪᓂᑐ:

ᓂᔥᑕᒻ ᑎᒧᑎ 6:20

ᐅ ᑎᒧᑎ, ᑲᓇᐌᓕᑕ ᐊᓂᒪ ᑳ ᑲᓇᐌᓕᑎᓕᑲᐎᔭᓐ, ᐁ ᐌᐱᓇᒪᓐ ᒪᒋ ᓀᔥᑕ ᐸᑾᓐᑕᐤ ᐱᑭᔅᑴᐎᓇ, ᓀᔥᑕ ᓇᔅᑯᔅᑕᒧᐎᓇ ᑳ ᐅᒋᐸᓕᑭ ᑭᔅᑫᓕᑕᒧᐎᓂᒃ ᐁᑳ ᒀᔭᔉ ᒫᑲ ᐅᒪ ᐁ ᐃᔑᓂᑳᑌᒃ;

ᓂᔓ ᑎᒧᑎ 1:14

ᐊᓂᒪ ᒥᓗ ᑫᒀᓐ ᑳ ᑮ ᐸᑭᑎᓇᒫᑲᐎᔭᓐ, ᑲᓇᐌᓕᑕ ᐸᓓᑭ ᐊᒑᒃ ᐅᒋ ᑳ ᐱᒋᔅᑳᑕᒃ᙮

ᓂᔓ ᑎᒧᑎ 2:2

ᐊᓂᐃ ᒫᑲ ᑳ ᑮ ᐯᑕᐎᔭᓐ ᐁ ᐊᔨᑖᒋᒧᔮᓐ ᐊᓯᒋ ᒥᒉᑦ ᐅᑎᐹᒋᒧᐗᒃ, ᐁᐗᒀᓂᐃ ᐸᑭᑎᓇᒪᐎᒃ ᑳ ᒀᔭᔅᑭᑎᒋᒃ ᐃᓕᓕᐗᒃ, ᑫ ᑲᔥᑭᑖᒋᒃ ᑯᑕᑭᔭ ᓀᔥᑕ ᑭᒋ ᑭᔅᑭᓄᐊᒪᐙᒋᒃ᙮

ᑕᐃᑕᔅ 1:3

ᒫᑲ ᒣᒀᒡ ᐁ ᓇᐃᐸᓕᑭ ᐁ ᑭᔑᑳᑭ ᑳ ᑮ ᓄᑯᑖᑦ ᐅᑦ ᐋᔭᒥᐎᓐ ᑲᑫᔅᑭᒥᐌᐎᓐ ᐅᒋ, ᑳ ᐸᑭᑎᓇᒫᑲᐎᔮᓐ, ᐁ ᐃᑗᒪᑲᓂᓕᒃ ᐅ ᑲᑫᔅᑴᐎᓐ ᑭᒋᒪᓂᑐ ᑭ ᐱᒫᒋᐃᐌᒥᓇᐤ:

ᐦᐃᑉᕉᐗ 4:13

ᓇᒪᐎᓚ ᓀᔥᑕ ᐊᐌᓇ ᐃᑖᐤ ᐁᑳ ᑳ ᐹᔭᑌᓈᑯᓯᑦ ᐁ ᑲᓇᐙᐸᒥᑯᑦ: ᒫᑲ ᒥᓯᐌ ᑫᒀᓇ ᒧᔐᔅᑌᐗ ᓀᔥᑕ ᐸᔭᑕᔅᑌᐗ ᐅᔅᑭᔑᑯᒃ ᐊᓇ ᑳ ᑲᓇᐙᐸᒥᑕᒃ᙮

ᓂᔥᑕᒻ ᐱᑕᕐ 4:11

ᑮᔥᐱᓐ ᐊᐌᓇ ᐋᔭᒥᑌ, ᐁᑯᔑ ᑲᑕ ᐋᔭᒥᐤ ᑖᐱᔅᑯᒡ ᑭᒋᒪᓂᑐ ᐅᑦ ᐋᔭᒥᐎᓇ: ᑮᔥᐱᓐ ᐊᐌᓇ ᐋᔭᒥᐋᐎ ᐊᑑᔅᑫᑌ, ᐁᑯᔑ ᑲᑕ ᑐᑕᒻ ᐃᔥᐱᔥ ᐁ ᒥᓕᑯᑦ ᑲᔥᑭᐅᐎᓂᓕᐤ ᑭᒋᒪᓂᑐᐗ; ᒥᓯᐌ ᑫᒀᓇ ᑭᒋ ᐅᒋ ᑭᔅᑌᓕᑖᑯᐋᑲᓂᐄᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭; ᑫ ᐎ ᒫᒥᒋᒫᑲᓂᐎᑦ ᓀᔥᑕ ᑎᐯᓕᒋᑫᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 2:23

ᓂ ᑳ ᓂᐹᐃᒫᐗ ᒫᑲ ᐅᑦ ᐊᐙᔑᒥᔕ ᓂᐱᐎᓐ ᐅᒋ; ᓀᔥᑕ ᒥᓯᐌ ᒫᒪᐎᐋᔭᒥᐋᐗᒃ ᑲᑕ ᑭᔅᑫᓕᑕᒶᒃ ᓂᓚ ᐁ ᐋᐎᔮᓐ ᐊᓇ ᑳ ᑲᑴᒋᑖᑦ ᐱᒋᓚᐗ ᓀᔥᑕ ᒥᑌᐊ: ᑭ ᑳ ᒥᓕᑎᓇᐗᐤ ᒫᑲ ᒥᓯᐌ ᐁ ᐃᑕᔑᔦᒃ ᑳ ᑭ ᐃᔑ ᐊᔭᑑᔅᑫᔦᒃ᙮