ᓂᔥᑕᒻ ᑌᓴᓗᓂᔭᓇ 2:2 - ᐅᔅᑭ ᑎᔅᑌᒥᓐᑦ

² ᒫᑲ ᐃᔅᐱ ᐋᔕᔾ ᑳ ᑮ ᐙᐎᓴᑫᓕᑕᒫᒃ, ᓀᔥᑕ ᐁ ᑮ ᓇᓀᐯᐎ ᐋᔨᑐᑖᑲᐎᔮᒃ, ᐁ ᐃᔑ ᑭᔅᑫᓕᑕᒣᒃ ᐊᓐᑕ ᐱᓕᐸᐃᐃᒃ, ᓂ ᑮ ᓱᑭᑌᐁᔅᑕᐙᓈᓐ ᓂ ᑭᒋᒪᓂᑐᒥᓈᓐ ᑭᒋ ᐃᑕᒫᑖᒃ ᐅ ᒥᓗᐋᒋᒧᐎᓐ ᑭᒋᒪᓂᑐ ᑭᒋ ᐋᑴᓕᒧᐎᓂᒃ᙮

ᓂᔥᑕᒻ ᑌᓴᓗᓂᔭᓇ 2:2 Iomraidhean Croise

ᐊᐸᔅᑕᓚᒃ 14:3

ᐁᐗᑯ ᐅᒋ ᑭᓉᔥ ᑭ ᑕᔑᑫᐗᒃ ᐁ ᓱᑭᑌᐁᐎ ᐋᔭᒥᒋᒃ ᐅᑎᐯᓕᒋᑫᒃ, ᑳ ᑮ ᐋᑐᑕᒃ ᐅ ᔕᐌᓕᒋᑫᐎᓂ ᐋᔭᒥᐎᓐ, ᐁ ᑮ ᒥᓕᐌᑦ ᒫᑲ ᑭᔅᑭᓄᐗᒋᒋᑲᓇ ᓀᔥᑕ ᒫᒪᔅᑲᒋᐃᓯᒋᑫᐎᓇ ᑭᒋ ᑐᒋᑲᑌᓕᒋ ᐅᒋᒋᓕᒃ ᐅᒋ᙮

ᐊᐸᔅᑕᓚᒃ 14:5

ᐃᔅᐱ ᒫᑲ ᐗ ᒪᑯᓈᒋᒃ, ᑖᐱᔅᑯᒡ ᒉᓐᑖᐃᓚᒃ ᓀᔥᑕ ᒎᐗᒃ, ᐊᓯᒋ ᐅ ᑎᐯᓕᒋᑫᐎᓕᓕᒥᐙᐗ, ᑭᒋ ᒪᒋ ᑐᑕᐙᒋᒃ, ᓀᔥᑕ ᑭᒋ ᐱᒧᓯᓈᑕᐙᒋᒃ,

ᐊᐸᔅᑕᓚᒃ 16:12

ᐊᓐᑕ ᒫᑲ ᐅᒋ ᐱᓕᐹᐃ ᓂ ᑮ ᐅᑎᑕᐁᓈᓐ, ᑳ ᒫᐗᒋ ᑭᒋ ᐃᑖᐎᓂᐗᒃ ᐊᓂᒪ ᐸᔅᑭ ᒪᓯᑐᓂᔭ ᐊᔅᑮᒃ, ᓀᔥᑕ ᐁ ᑲᓚᓂᐗᒃ: ᐊᓂᒪ ᐃᑖᐃᓂᒃ ᒫᑲ ᓂ ᑮ ᑕᔑᑳᓈᓐ ᐋᑎᑦ ᑭᔑᑳᐗ᙮

ᐊᐸᔅᑕᓚᒃ 16:19

ᐃᔅᐱ ᒫᑲ ᐅᑦ ᐅᑭᒫᒪ ᑳ ᐙᐸᑕᒥᓕᒋ ᐊᓂᒪ ᑳ ᐊᔅᐯᓕᒧᑐᑕᒧᐗᔅᐸᓐ ᑭᒋ ᐅᑎᓯᒋᒃ ᐁ ᑮ ᓇᑲᑎᑯᒋᒃ, ᑮ ᒪᑯᓀᐗᒃ ᐹᓚ ᓀᔥᑕ ᓵᐃᓚᓴ, ᑮ ᐃᔑ ᑖᐯᐗᒃ ᒫᑲ ᑳ ᐃᔑ ᐊᑖᒥᑐᓈᓂᐗᒃ, ᑳ ᐃᔑ ᐃᑕᓕᒋ ᐅᓚᔓᐌᐎᑭᒫᐗ᙮

ᐊᐸᔅᑕᓚᒃ 16:37

ᒫᑲ, ᐹᓪ ᑮ ᐃᑌᐤ, ᓂ ᑮ ᐸᐸᓴᔅᑌᐅᑯᓈᓇᒃ ᒧᔑᔐ ᐁᑳ ᐁ ᐅᒋ ᒪᒋᑣᐌᓕᑖᑯᓯᔮᒃ, ᐁ ᕈᒥᐎᓕᓕᐎᔮᒃ, ᓀᔥᑕ ᐁ ᑮ ᐌᐱᓂᔭᒥᒋᒃ ᑭᐸᐅᑐᐎᑲᒥᑯᒃ; ᐊᓄᒡ ᒫᑲ ᑭᒧᒡ ᓈ ᓂ ᐗᓚᐎᑎᔕᐅᑯᓈᓇᒃ? ᓇᒪᐎᓚ, ᑖᐺ; ᒫᑲ ᐁᑯᔑ ᐎᓚᐗᐤ ᑫᒋᐙᒃ ᑲᑕ ᐯᒋ ᐃᑐᑌᐗᒃ, ᓀᔥᑕ ᓂ ᑳ ᐗᓚᐎᑕᐃᑯᓈᓇᒃ᙮

ᐊᐸᔅᑕᓚᒃ 17:1

ᐁᑯ ᐃᔅᐱ ᑳ ᑮ ᔕᐳᔥᑲᑭᒃ ᐊᒻᐱᐳᓕᔅ ᓀᔥᑕ ᐊᐸᓗᓂᐊ, ᑮ ᐯᒋ ᐃᑐᑌᐗᒃ ᐊᓐᑕ ᑌᓴᓗᓈᐃᑲᐃᒃ, ᐃᑕ ᑳ ᐃᑕᑾᓂᓕᒃ ᒎᐗᒃ ᐅᑦ ᐋᔭᒥᐁᐎᑲᒥᑯᐗᐤ:

ᐊᐸᔅᑕᓚᒃ 17:17

ᐁᐗᑯ ᐅᒋ ᑮ ᐋᔭᒥᐁᐤ ᐊᓂᐃ ᒎᐗ ᐱᒋ ᐊᔭᒥᐁᐎᑲᒥᑯᒃ, ᓀᔥᑕ ᐊᓂᐃ ᑳ ᐊᔭᒥᐁᐙᑎᓯᓕᒋ ᐃᓕᓕᐗ, ᓀᔥᑕ ᐱᒋ ᐊᓐᑕ ᑳ ᐃᔑ ᐊᑖᒥᑐᓇᓂᐗᒃ ᑕᑣᐤ ᑳᔑᑳᓕᒃ ᐊᓂᐃ ᐊᓐᑕ ᑳ ᓇᑭᔥᑳᑯᑦ᙮

ᐊᐸᔅᑕᓚᒃ 19:8

ᑮ ᐱᑐᑫᐤ ᒫᑲ ᐋᔭᒥᐁᐎᑲᒥᑯᒃ, ᓀᔥᑕ ᑮ ᓱᑫᓕᒧᐎᐊᔭᒥᐤ ᓂᔅᑐ ᐱᓯᒶ ᐃᔥᐱᔥ, ᐁ ᐗᐎᑕᒪᑫᑦ, ᓀᔥᑕ ᐁ ᔑᑭᒥᐌᑦ ᐊᓂᐃ ᑫᒀᓇ ᐅᒋ ᑳ ᐃᑕᑾᓂᓕᑭ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 4:13

ᐁᑯ ᐃᔅᐱ ᐎᐋᐸᑕᑭᒃ ᐅ ᓱᑭᑌᐁᐎᓂᓕᐤ ᐊᓂᐃ ᐱᑕᕋ ᓀᔥᑕ ᒑᓇ, ᓀᔥᑕ ᐁ ᑭᔅᑫᓕᑕᑭᒃ ᐁᑳ ᐁ ᑭᔅᑫᓕᑕᒪᐎᓯᓕᒋ ᓀᔥᑕ ᐁᑳ ᐁ ᑭᔅᑭᓄᐊᒫᑯᓯᓕᒋ ᐃᓕᓕᐗ ᒫᑲ, ᑮ ᒫᒪᔅᑳᑕᒶᒃ; ᓀᔥᑕ ᑮ ᓇᓈᑲᑕᐌᓕᒣᐗᒃ ᐁ ᑮ ᐎᒉᐙᒋᒃ ᒋᓴᓴ᙮

ᐊᐸᔅᑕᓚᒃ 4:20

ᐌᓴ ᓇᒪᐎᓚ ᓂ ᑮ ᑐᑌᓈᓐ ᐁᑳ ᑭᒋ ᐋᓕᒨᑕᒫᒃ ᐊᓂᐃ ᑫᒀᓇ ᑳ ᑮ ᐙᐸᑕᒫᒃ ᓀᔥᑕ ᐯᑕᒫᒃ᙮

ᐊᐸᔅᑕᓚᒃ 4:31

ᐃᔅᐱ ᒫᑲ ᑳ ᑮ ᐋᔭᒥᐋᒋᒃ, ᐃᑕ ᑳ ᐃᔑ ᒫᐗᒋᐃᑐᒋᒃ ᑮ ᓇᓇᒥᐸᓕᐤ; ᒥᓯᐌ ᒫᑲ ᑮ ᓵᑲᔅᑭᓀᔅᑳᑯᐗᒃ ᐸᓓᑭ ᐊᒑᑾ, ᓀᔥᑕ ᑮ ᐋᓕᒨᑕᒶᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᒥᓯᐌ ᓱᑫᓕᒧᐎᓂᒃ᙮

ᐊᐸᔅᑕᓚᒃ 5:41

ᑮ ᑭᑐᑌᐙᒃ ᒫᑲ ᐅᑎᔥᑲᐤ ᐊᓂᐃ ᑳ ᒥᐗᒋᐃᑐᓕᒋ ᐅᒋ, ᐁ ᓯᑭᓓᓯᒋᒃ ᐁ ᑮ ᐃᑕᑭᒥᒋᒃ ᐁ ᑌᐸᑫᓕᑖᑯᓯᒋᒃ ᑭᒋ ᒧᔑᑖᒋᑲ ᓀᐯᐎᓯᐎᓂᓕᐤ ᐅᑦ ᐃᔑᓂᑳᓱᐎᓂᓕᐤ ᐅᒋ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:1

ᐹᓪ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᐁ ᑮ ᓇᑐᒥᑲᐎᔮᓐ ᑭᒋ ᐊᐸᔅᑕᓕᐎᔭᓐ, ᐁ ᑮ ᐹᑲᓂᐃᑲᐎᔮᓐ ᑭᒋᒪᓂᑐ ᐅ ᒥᓗᐋᒋᒧᐎᓂᒃ ᐃᔑ,

ᓂᔓ ᑯᕆᓐᑎᐊᓇ 3:12

ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᑐᐎ ᐊᔅᐯᓕᒧᐎᓐ, ᓂ ᓱᑭᑌᐁᐎ ᐋᔭᒥᓈᓐ:

ᑯᓚᔑᔭᓇ 2:1

ᐌᓴ ᓂ ᓇᑕᐌᓕᑌᓐ ᑭᑭ ᑭᔅᑫᓕᑕᒣᒃ ᐁᔅᐱᒋ ᓈᔅᐱᒡ ᑯᔅᐸᓀᓕᑕᒫᑕᑾᒃ, ᐊᓂᑭ ᓀᔥᑕ ᓓᐅᑕᓯᐊᐃᒃ ᑳ ᐃᑖᒋᒃ, ᓀᔥᑕ ᒥᓯᐌ ᐊᓂᑭ ᐁᑳ ᑳ ᑮ ᐙᐸᒥᒋᒃ ᓂ ᐎᔮᓯᒃ;

ᓂᔥᑕᒻ ᑌᓴᓗᓂᔭᓇ 1:5

ᐌᓴ ᓂ ᒥᓗᐋᒋᒧᐎᓂᓈᓐ ᓇᒪᐎᓚ ᐱᑯ ᐊᔮᒥᐎᓂᒃ ᑭ ᑮ ᐅᑎᑎᑯᓇᐗᐤ, ᒫᑲ ᑲᔥᑭᐅᐎᓂᒃ ᐊᓯᒋ, ᓀᔥᑕ ᐸᓓᑭ ᐊᒑᑯᒃ, ᓀᔥᑕ ᒥᔅᑕᐃ ᑫᒋᓇᐅᐎᓂᒃ; ᐁ ᐃᔑ ᑭᔅᑫᓕᑕᒣᒃ ᑳ ᑮ ᐃᔑᑣᔮᒃ ᐃᑕ ᐁ ᐃᑖᔦᒃ ᑭᓚᐗᐤ ᐅᒋ᙮

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᒎᑦ 1:3

ᓯᐋᑭᐃᑕᑾᒃ, ᐃᔅᐱ ᓈᔅᐱᒡ ᒥᐋᒥᑐᓀᓕᑕᒫᓐ ᑭᒋ ᒪᓯᓇᐊᒫᑕᑾᒃ ᐁ ᐋᓕᒧᑕᒫᓐ ᒫᒪᐎ ᐱᒫᒋᐃᐌᐎᓐ, ᑮ ᓇᑕᐌᓕᑖᑾᓐ ᑭᒋ ᒪᓯᓇᐊᒫᑕᑾᒃ ᑭᒋ ᔑᑭᒥᑕᑾᒃ ᐁᓕᑯᒃ ᑭᒋ ᐎ ᑲᑴ ᑲᓇᐁᓕᑕᒣᒃ ᐊᓂᒪ ᑖᐺᔦᓕᑕᒧᐎᓐ ᐯᔭᑾᐤ ᑳ ᑮ ᐸᑭᑎᓇᒪᐙᑲᓂᐎᒋᒃ ᐅᐸᓓᑭᓴᒃ᙮