ᓂᔥᑕᒻ ᑌᓴᓗᓂᔭᓇ 2:17 - ᐅᔅᑭ ᑎᔅᑌᒥᓐᑦ

¹⁷ ᒫᑲ ᓂᓚᓈᓐ, ᓂᒋᔖᓂᑐᒃ, ᐁ ᑮ ᐅᑎᓂᑳᐎᔮᒃ ᑭᓚᐗᐤ ᐅᒋ, ᐊᒋᓚᐤ, ᒥᔭᐎᐤ ᓇᒪ ᒫᑲ ᒥᑌᐃᒃ, ᓈᔅᐱᒡ ᐁ ᑮ ᐸᑯᓭᓕᒧᔮᒃ ᐊᐙᓯᑌ ᓂ ᑮ ᑯᒋᑖᓈᓐ ᑭᒋ ᐙᐸᑕᒫᒃ ᑭᑖᔅᑕᒥᑯᐗᐤ᙮

ᓂᔥᑕᒻ ᑌᓴᓗᓂᔭᓇ 2:17 Iomraidhean Croise

ᐅᐸᓓᑭᔅ ᓘᒃ 12:58

ᐃᔅᐱ ᐙᒉᐗᒋ ᐊᓇ ᑳ ᓈᔦᑕᐌᓕᒥᔉ, ᐁ ᓇᑕᐙᐸᒣᒃ ᐅᑎᐹᔅᑯᓂᑫᐤ, ᒣᒀᒡ ᐁ ᐃᑐᑌᔭᓐ, ᔮᒀᒥᓯ ᑭᒋ ᐎᑾᒋᐃᑳᐎᔭᓐ ᐅᒋᒌᒃ ᐅᒋ; ᐁᑳ ᑭᒋ ᐃᑐᑕᐃᔉ ᐅᑎᔥᑳᐤ ᐅᑎᐹᔅᑯᓂᑫᐤ, ᐅᑎᐹᔅᑯᓂᑫᐤ ᒫᑲ ᑭᒋ ᐸᑭᑎᓂᔉ ᐊᑑᔅᑫᓛᑲᓇ ᐅᒋᒋᓕᒃ, ᐊᑑᔅᑫᓛᑲᓐ ᒫᑲ ᑭᒋ ᐃᑎᔑᓂᔉ ᑭᐸᐅᑐᐎᑲᒥᑯᒃ᙮

ᐅᐸᓓᑭᔅ ᓘᒃ 22:15

ᑮ ᐃᑌᐤ ᒫᑲ, ᓈᔅᐱᒡ ᓂ ᑮ ᓇᑕᐌᓕᑌᓐ ᑭᒋ ᐎᒋᒥᒋᓱᒥᑕᑾᒃ ᐅᒪ ᒥᔮᔥᑳᑫᐎ ᒪᑯᔐᐎᓐ ᐸᒧᔑ ᐎᓴᑫᓕᑕᒫᓐ:

ᐊᐸᔅᑕᓚᒃ 17:10

ᑳ ᐎᒋᔖᓂᑐᒋᒃ ᒫᑲ ᑣᔦᒃ ᑮ ᑭᒋᑎᔕᐌᐗᒃ ᐹᓚ ᓀᔥᑕ ᓵᐃᓚᓴ ᓂᐹᑎᐱᔉ ᐱᕇᐊᐃᒃ ᐃᔑ: ᐊᓂᑭ ᐁ ᐯᒋ ᑕᑯᔑᑭᒃ ᐊᓐᑕ ᑮ ᐱᑐᑫᐗᒃ ᒎᐗ ᐅᑦ ᐋᔭᒥᐁᐎᑲᒥᑯᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:13

ᓇᒪᐎᓚ ᑭ ᓇᑕᐌᓕᒥᑎᓇᐗᐤ, ᓂᒋᔖᓂᑐᒃ, ᑭᒋ ᐁᑳ ᑭᔅᑫᓕᑕᒣᒃ ᒥᒉᑡᐤ ᐁ ᑮ ᐃᑌᓕᑕᒫᓐ ᑭᒋ ᐯᒋ ᓈᑎᑖᑾᒃ, ᒫᑲ ᐊᓄᒡ ᐃᔅᑯ ᓂ ᑮ ᐅᒋᐃᑲᐎᓐ, ᑭᒋ ᑮ ᐋᔮᔮᓐ ᑳ ᒥᓂᔑᐎᔦᒃ ᑭᓚᐗᐤ ᐊᓯᒋ, ᑖᐱᔅᑯᒡ ᑯᑕᑭᔭᒃ ᒉᓐᑖᐃᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:23

ᒫᑲ ᐁᑯ ᐁᑳ ᐙᔦᔥ ᐁ ᐋᔮᔮᓐ ᐅᑕ ᐃᑌᑫ, ᓀᔥᑕ ᒥᒉᑦ ᐱᐴᓋ ᓈᔅᐱᒡ ᐁ ᑮ ᓇᑕᐌᓕᑕᒫᓐ ᑭᒋ ᓈᑎᑕᑾᒃ;

ᓂᔥᑕᒻ ᑯᕆᓐᑎᐊᓇ 5:3

ᐌᓴ ᓂᓚ ᑖᐺ, ᐁ ᐃᑖᐱᒋᔮᓐ ᓂᔭᐎᒃ, ᒫᑲ ᐁ ᐎᒉᐎᑕᑾᒃ ᓂᑦ ᐊᒑᑯᒃ, ᐋᔕᔾ ᓂ ᑮ ᑎᐹᔅᑯᓂᑳᓐ, ᑖᐱᔅᑯᒡ ᐁ ᐎᒉᐎᑕᑾᒃ ᐊᓇ ᐅᒋ ᐅᒣᓕᐤ ᑳ ᑮ ᑐᑕᒃ;

ᑯᓚᔑᔭᓇ 2:5

ᐌᓴ ᐋᑕ ᐁ ᐃᑖᐱᒋᔮᓐ ᐎᔮᓯᒃ, ᐁᓕᐌᒃ ᒫᑲ ᑭ ᐎᒉᐎᑎᓇᐗᐤ ᐊᒑᑯᒃ, ᐁ ᒥᓚᐙᑕᒫᓐ ᓀᔥᑕ ᐁ ᑲᓇᐙᐸᑕᒫᓐ ᐁ ᒀᔭᔉ ᐋᔨᑎᔦᒃ, ᓀᔥᑕ ᐁ ᐋᔨᒋ ᑖᐺᔦᓕᒣᒃ ᙭᙮

ᓂᔥᑕᒻ ᑌᓴᓗᓂᔭᓇ 3:6

ᒫᑲ ᐁᑯ ᐃᔅᐱ ᑳ ᐯᒋ ᑖᑯᔑᒃ ᑎᒧᑎ ᑭᓚᐗᐤ ᐅᒋ, ᓀᔥᑕ ᐁ ᑮ ᒥᓗ ᐋᓕᒧᑕᒪᐎᔭᒥᑦ ᑭ ᑖᐺᔦᓕᑕᒧᐎᓂᐗᐤ ᓀᔥᑕ ᑭ ᓵᑭᐃᐌᐎᓂᐗᐤ, ᓀᔥᑕ ᒧᔕᒃ ᐁ ᒥᓗ ᑭᔅᑭᓯᑐᑕᐎᔭᒥᑦ, ᓈᔅᐱᒡ ᐁ ᐎ ᐙᐸᒥᔭᒥᑦ, ᑖᐱᔅᑯᒡ ᓂᓚᓈᓐ ᓀᔥᑕ ᑭᒋ ᐙᐸᒥᑖᒃ;