ᓂᔥᑕᒻ ᑌᓴᓗᓂᔭᓇ 2:16 - ᐅᔅᑭ ᑎᔅᑌᒥᓐᑦ

¹⁶ ᐁ ᑭᑕᐊᒪᐎᔭᒥᒋᒃ ᑭᒋ ᐋᔭᒥᐊᑭᒋᒃ ᒉᓐᑖᐃᓚᒃ ᑭᒋ ᐱᒫᒋᐋᑲᓂᐎᒋᒃ, ᑭᒋ ᑌᐱᐸᓕᑖᒋᒃ ᐅ ᒪᒋᑐᑕᒧᐎᓂᐗᐤ ᒧᔕᒃ: ᐌᓴ ᐋᑯᓚᐌᓯᐎᓂᓕᐤ ᒥᑐᓂ ᐅᑎᑎᑯᐗᒃ᙮

ᓂᔥᑕᒻ ᑌᓴᓗᓂᔭᓇ 2:16 Iomraidhean Croise

ᐅᐸᓓᑭᔅ ᒫᑎᐤ 12:45

ᐁᑯ ᐁᑐᑌᑦ, ᐅᑎᓇᒫᓱ ᒫᑲ ᓂᔂᔅ ᑯᑕᑭᔭ ᐊᒑᑾ ᐊᐙᓯᑌ ᒣᒋᑣᓕᒋ ᐃᔥᐱᔥ ᐎᓚ ᑫᒋᐙᒃ; ᐱᑐᑫᐗᒃ ᒫᑲ ᐁᑯᑕ ᓀᔥᑕ ᐙᑭᒋᒃ: ᒫᒋᒡ ᐅᑦ ᐃᔑᐋᔮᐎᓐ ᐊᐗ ᐃᓕᓕᐤ ᐊᐙᓯᑌ ᒫᓛᑕᓂᓕᐤ ᐃᔥᐱᔥ ᓃᔥᑕᒻ᙮ ᐁᑯ ᓀᔥᑕ ᑫ ᐃᑎᒋᒃ ᐅᑯ ᒪᒋ ᐃᓕᓕᐗᒃ ᐊᓄᒡ ᑳ ᐱᒫᑎᓯᒋᒃ᙮

ᐅᐸᓓᑭᔅ ᒫᑎᐤ 23:32

ᓵᑲᔅᑭᓇᑖᐙᒃ ᒫᑲ ᑯᑖᐎᐙᐗᒃ ᑳ ᐃᔅᐱᒋ ᒪᒑᑎᓯᒋᒃ᙮

ᐅᐸᓓᑭᔅ ᒫᑎᐤ 24:14

ᐅᒪ ᐅᑭᒫᐎᐎᓂ ᒥᓗᐋᒋᒧᐎᓐ ᒫᑲ ᑲᑕ ᐙᐎᑖᑲᓂᐗᓐ ᒥᓯᐌ ᐊᔅᑮᒃ, ᑭᒋ ᐎᑕᒫᑯᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ; ᐁᑯ ᒫᑲ ᑫ ᐃᔥᒀᐸᓕᒃ᙮

ᐅᐸᓓᑭᔅ ᒫᑎᐤ 24:6

ᑭ ᑳ ᐯᑌᓇᐗᐤ ᒫᑲ ᓇᑐᐸᓕᐎᓇ, ᓀᔥᑕ ᓇᑐᐸᓕᐎᓇ ᐁ ᑎᐹᑐᑖᑲᓂᐎᑭ: ᔮᒀᒥᓯᒃ ᒫᑲ ᐁᑳ ᑭᒋ ᒥᑯᔥᑳᑌᓕᑕᒥᐃᑲᐎᔦᒃ; ᐌᓴ ᒥᓯᐌ ᐅᐅ ᑫᒀᓇ ᑫᒋᓈᑦ ᑲᑕ ᐃᑭᓋ, ᒫᑲ ᓇᒪᐎᓚ ᐁᔥᑾ ᑲᑕ ᐃᔥᒀᐸᓕᐤ᙮

ᐅᐸᓓᑭᔅ ᒫᑎᐤ 3:12

ᐅ ᐺᔮᔅᒋᒋᑲᓐ ᑕᑯᓇᒻ ᐅᒋᒌᒃ, ᒥᑐᓂ ᒫᑲ ᑲᑕ ᐹᔦᑭᑕᐤ ᐃᑕ ᐁ ᐃᔑ ᐸᑭᑎᓂᒪᒋ ᐅ ᐸᑴᔑᑲᓂᒥᓇ, ᑲᑕ ᒪᐗᒋᑕᐤ ᒫᑲ ᐅ ᐸᑴᔑᑲᓂᒥᓇ ᐅ ᐸᑴᔑᑲᓂᑲᒥᑯᒃ, ᑲᑕ ᐃᔅᒀᓴᒻ ᒫᑲ ᓯᑲᐌᐸᓕᒋᑲᓂᓕᐤ ᐃᔥᑯᑌᒃ ᐁᑳ ᑫ ᐋᔅᑕᐌᓕᒃ᙮

ᐅᐸᓓᑭᔅ ᒫᕐᒃ 16:16

ᐊᓇ ᑫ ᑖᐺᑕᒃ ᓀᔥᑕ ᑫ ᓯᑲᐋᑕᐙᑲᓂᐎᑦ ᑲᑕ ᐱᒫᒋᐊᐤ; ᒫᑲ ᐊᓇ ᐁᑳ ᑫ ᑖᐺᑕᒃ ᑲᑕ ᓂᔑᐗᓈᒋᒪᐤ᙮

ᐊᐸᔅᑕᓚᒃ 13:45

ᐃᔅᐱ ᒫᑲ ᒎᐗᒃ ᐎᐋᐸᒫᒋᒃ ᑳ ᒫᐗᒋᐃᑑᓕᒋ ᐃᓕᓕᐗ, ᑮ ᓵᑲᔅᑭᓀᐗᒃ ᐅᑌᓕᑕᒧᐃᓂᓕᐤ, ᓀᔥᑕ ᐁ ᒪᒋ ᐋᓕᒧᑕᑭᒃ ᐊᓂᐃ ᑫᒀᓇ ᑳ ᑎᐹᑐᑕᒥᓕᒋ ᐹᓚ, ᐁ ᐋᓉᑖᑫᒋᒃ ᓀᔥᑕ ᐁ ᐹᔅᑖᒧᒋᒃ᙮

ᐊᐸᔅᑕᓚᒃ 13:50

ᒎᐗᒃ ᒫᑲ ᑮ ᔑᑭᐁᐗᒃ ᑳ ᐋᔭᒥᐁᐙᑎᓯᓕᒋ ᓀᔥᑕ ᑳ ᑭᔅᑌᓕᑕᑯᓯᓕᒋ ᐃᔅᑴᐗ, ᓀᔥᑕ ᑭᒋ ᐃᓕᓕᐗ ᐃᑖᐎᓂᒃ ᑳ ᐃᑖᓕᒋ, ᑳ ᑮ ᐅᒋ ᑲᒀᑕᑭᐋᒋᒃ ᐊᓂᐃ ᐹᓚ ᓀᔥᑕ ᐸᕐᓇᐸᓴ, ᓀᔥᑕ ᐅᑦ ᐊᔅᑭᐙᒃ ᑮ ᐅᒋ ᑭᒋᑎᔕᐌᐗᒃ᙮

ᐊᐸᔅᑕᓚᒃ 14:19

ᐁᑯᑕ ᒫᑲ ᑌᑯᔑᑭᒃ ᐊᑎᑦ ᒎᐗᒃ ᑳ ᐅᑐᑌᒋᒃ ᐊᓐᑎᐊᑭᒃ ᓀᔥᑕ ᐋᐃᑯᓂᐊᒥᒃ, ᑮ ᔕᑯᒋᒣᐗᒃ ᐃᓕᓕᐗ, ᓀᔥᑕ, ᐁ ᑮ ᐱᒧᓯᓈᑕᐙᒋᒃ ᐹᓚ, ᑭ ᐗᓚᐎ ᑖᐹᑌᐗᒃ ᐃᑖᐎᓂᒃ ᐅᒋ, ᓂᐱᐤ ᐁ ᑮ ᐃᑌᓕᒫᒋᒃ᙮

ᐊᐸᔅᑕᓚᒃ 14:2

ᒫᑲ ᐊᓂᑭ ᒎᐗᒃ ᐁᑳ ᑳ ᑖᐺᑕᑭᒃ ᑮ ᒥᑯᔅᑳᒋᐁᐗᒃ ᒉᓐᑖᐃᓚ, ᓀᔥᑕ ᑮ ᑐᑕᐌᐗᒃ ᑭᒋ ᒪᒋ ᒫᒥᑐᓀᓕᒫᒋᒃ ᐊᓂᐃ ᑳ ᐎᒋᔖᓂᑐᓕᑭ᙮

ᐊᐸᔅᑕᓚᒃ 14:5

ᐃᔅᐱ ᒫᑲ ᐗ ᒪᑯᓈᒋᒃ, ᑖᐱᔅᑯᒡ ᒉᓐᑖᐃᓚᒃ ᓀᔥᑕ ᒎᐗᒃ, ᐊᓯᒋ ᐅ ᑎᐯᓕᒋᑫᐎᓕᓕᒥᐙᐗ, ᑭᒋ ᒪᒋ ᑐᑕᐙᒋᒃ, ᓀᔥᑕ ᑭᒋ ᐱᒧᓯᓈᑕᐙᒋᒃ,

ᐊᐸᔅᑕᓚᒃ 17:13

ᒫᑲ ᐃᔅᐱ ᐊᓂᑭ ᒎᐗᒃ ᐊᓐᑕ ᑌᓴᓗᓈᐃᑲ ᑳ ᐃᑖᒋᒃ ᑳ ᑭᔅᑫᓕᑕᑭᒃ ᑭᒋᒪᓂᑐ ᐅᑦ ᐋᔭᒥᐎᓐ ᐁ ᑮ ᐙᐎᑕᒥᓕᒋ ᐹᓚ ᐊᓐᑕ ᐱᕆᐊᐃᒃ, ᐎᓚᐗᐤ ᐊᓯᒋ ᐊᓐᑕ ᑮ ᐯᒋ ᐃᑐᑌᐗᒃ, ᓀᔥᑕ ᑮ ᒥᑯᔅᑳᒋᐁᐗᒃ ᐃᓕᓕᐗ᙮

ᐊᐸᔅᑕᓚᒃ 19:9

ᒫᑲ ᐃᔅᐱ ᐊᑎᑦ ᑳ ᒫᔥᑳᐎᑌᐁᒋᒃ ᓀᔥᑕ ᐁᑳ ᑳ ᑖᐺᑕᑭᒃ, ᒫᑲ ᑳ ᒪᒋ ᐊᓕᒧᑕᑭᒃ ᐅᒣᓕᐤ ᐃᔑᑣᐎᓂᓕᐤ ᐅᑎᔥᑲᐤ ᑳ ᒥᒉᑎᓕᒋ ᐃᓕᓕᐗ, ᑮ ᓇᑲᑌᐤ, ᓀᔥᑕ ᑮ ᐸᑳᓂᐁᐤ ᐊᓂᐃ ᑭᔅᑭᓄᐊᒪᐗᑲᓇ, ᐁ ᑭᔅᑭᓄᐊᒫᑫᑦ ᑕᑡᐤ ᐁ ᑭᔑᑳᓕᒃ ᐅ ᑭᔅᑭᓄᐊᒫᑫᐎᑳᒥᑯᓕᒃ ᑕᐃᕋᓇᓴ᙮

ᐊᐸᔅᑕᓚᒃ 21:21

ᑮ ᐎᑕᒪᐙᑲᓂᐎᐗᒃ ᒫᑲ ᑭᓚ ᐅᒋ ᐁ ᑭᔅᑭᓄᐊᒪᐗᒋᒃ ᒥᓯᐌ ᒎᐗᒃ ᑳ ᐃᑖᒋᒃ ᒣᑴᔭᔥ ᒉᓐᑖᐃᓚ ᑭᒋ ᐌᐱᓈᒋᒃ ᒣᓯᓴ, ᐁ ᐃᑗᔭᓐ ᐁᑳ ᑭᒋ ᑭᔅᑭᓄᐙᒋᔣᒋᒃ ᐅᑦ ᐊᐙᔑᒥᔑᐙᐗ, ᐁᑳ ᓀᔥᑕ ᑭᒋ ᓄᔅᐱᓇᑕᑭᒃ ᐊᓂᐃ ᐋᔨᑎᐎᓇ᙮

ᐊᐸᔅᑕᓚᒃ 23:12

ᐃᔅᐱ ᒫᑲ ᐎᐋᐸᒃ, ᐋᑎᑦ ᐊᓂᑭ ᒎᐗᒃ ᑮ ᒫᒪᐎ ᓇᔅᑯᒥᑐᐗᒃ, ᓀᔥᑕ ᑮ ᒫᑯᐱᑎᓱᐗᒃ ᑭᒋ ᒪᒐᑭᒥᐌᐎᓐ ᐅᒋ, ᐁ ᐃᑗᒋᒃ ᐁᑳ ᑭᒋ ᒥᒋᓱᒋᒃ ᐁᑳ ᓀᔥᑕ ᑭᒋ ᒥᓂᑴᒋᒃ ᐹᑎᒫ ᑮ ᓂᐸᐋᑣᐌ ᐹᓚ᙮

ᐊᐸᔅᑕᓚᒃ 24:9

ᒎᐗᒃ ᓀᔥᑕ ᑮ ᓇᔅᑯᒧᐗᒃ ᐊᓯᒋ, ᐁ ᐃᑗᒋᒃ ᐁᑯ ᑳ ᐃᔑ ᐃᑭᓂᓕᑭ᙮

ᐊᐸᔅᑕᓚᒃ 25:2

ᐁᑯ ᑭᒋ ᓵᓵᑭᐎᓕᐌᐎᓕᓕᐤ ᓀᔥᑕ ᑳ ᓂᑳᓀᓕᑖᑯᓯᒋᒃ ᒎᐗᒃ ᑮ ᐎᑕᒪᐌᐗᒃ ᐹᓪ ᐅᒋ, ᓀᔥᑕ ᑮ ᐸᑯᓭᓕᒣᐗᒃ᙮

ᐊᐸᔅᑕᓚᒃ 25:7

ᐃᔅᐱ ᒫᑲ ᑎᑯᔑᓂᓕᒋ, ᐊᓂᑭ ᒎᐗᒃ ᒋᕉᓴᓚᒥᒃ ᑳ ᑮ ᐱᒋ ᐅᑐᑌᒋᒃ ᐙᔅᑲ ᐁ ᓂᐹᐎᒋᒃ, ᓈᔅᐱᒡ ᒥᔅᑕᐃ ᑮ ᒪᒋ ᒫᒥᔑᒣᐗᒃ ᐹᓚ, ᐁᑳ ᑳ ᑲᔥᑭᑖᒋᒃ ᑭᒋ ᑖᐺᔦᓕᑖᑯᑖᒋᒃ᙮

ᐊᐸᔅᑕᓚᒃ 4:12

ᓇᒪᐎᓚ ᑯᑕᒃ ᐊᐌᓇ ᐱᒫᒋᐃᐌᐎᓐ ᐊᔮᐤ; ᐌᓴ ᓇᒪᐎᓚ ᐃᑕᑾᓐ ᑯᑕᒃ ᐃᔑᓂᑳᓱᐎᓐ ᔑᐸ ᑭᔑᑯᒃ ᑳ ᒥᓕᒋᒃ ᐃᓕᓕᐗᒃ, ᑫ ᑮ ᐅᒋ ᐱᒫᒋᐃᑲᐎᔭᒃ᙮

ᐊᐸᔅᑕᓚᒃ 9:23

ᐹᑎᒪ ᒫᑲ ᒥᒉᑦ ᑭᔑᑳᐗ ᑳ ᑎᐱᐸᓕᑭ, ᒎᐗᒃ ᑮ ᐊᔭᔭᒥᐃᑐᐗᒃ ᑭᒋ ᓂᐸᐋᒋᒃ:

ᓂᔥᑕᒻ ᑯᕆᓐᑎᐊᓇ 10:33

ᐁ ᐃᔑ ᓇᐃᓚᐌᐊᑭᒃ ᒥᓯᐌ ᐃᓕᓕᐗᒃ ᒥᓯᐌ ᐃᔑ, ᐁᑳ ᐁ ᓈᓇᑕᐌᓕᑕᒫᓐ ᑎᐱᓚᐌ ᓂᑦ ᐅᑎᓯᐎᓐ, ᒫᑲ ᐅᑦ ᐅᑎᓯᐎᓂᐗᐤ ᒥᒉᑦ, ᑭᒋ ᐅᒋ ᐱᒫᒋᐋᑲᓂᐎᒋᒃ᙮

ᑲᓓᔕᐊᓇ 5:11

ᓂᓚ ᒫᑲ, ᓂᒋᔖᓂᑐᒃ, ᑮᔥᐱᓐ ᑫᔮᐸᒡ ᑫᑫᔅᑭᒥᐌᔮᓂ ᑭᔅᑭᓄᐙᒋᔓᐎᓐ, ᑖᓀᑭ ᐌᒋ ᑫᔮᐸᒡ ᑲᒀᑕᑭᐃᑲᐎᔮᓐ? ᐁᑯᔑ ᒫᑲ ᐱᐅᓂᐸᓕᒃ ᐁ ᓈᔦᑕᐌᓕᒋᑳᑌᒃ ᐋᔑᑌᐋᑎᒃ᙮

ᐃᐱᓯᔭᓇ 3:13

ᐁᐗᑯ ᒫᑲ ᐅᒋ ᓂ ᓇᑕᐌᓕᑌᓐ ᐁᑳ ᑭᒋ ᐊᑲᐌᓕᑕᒥᐃᑯᔦᒃ ᓂᑦ ᐊᓕᒥᓯᐎᓇ ᑭᓚᐗᐤ ᑳ ᐅᒋ ᐅᑎᑎᑯᔮᓐ, ᑳ ᐃᔅᐯᓕᑖᑯᐃᑯᔦᒃ᙮

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᓂᔥᑕᒻ ᑌᓴᓗᓂᔭᓇ 1:10

ᓀᔥᑕ ᑭᒋᑭᔑᑯᒃ ᑭᒋ ᐅᒋ ᐯᐃᒫᔦᒃ ᐅᑯᓯᓴ, ᐊᓂᐃ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑦ, ᒋᓴᓴ ᐅᑎ, ᑳ ᐱᒫᒋᐃᑕᒃ ᐋᑯᓚᐌᓯᐎᓐ ᐅᒋ ᑫ ᐅᑎᒋᐸᓕᒃ᙮

ᓂᔓ ᑌᓴᓗᓂᔭᓇ 2:10

ᓀᔥᑕ ᒥᓯᐌ ᒪᒑᑎᓯᐎᓂ ᑲᑳᔦᓕᓯᐎᓂᒃ ᐊᓂᐃ ᐅᒋ ᑫ ᓂᔑᐗᓈᑎᓯᓕᒋ; ᐁᑳ ᐁ ᑮ ᐅᑎᓇᒥᓕᒋ ᑭᒋ ᓵᑭᑖᓕᒋ ᑖᐺᐎᓂᓕᐤ, ᑭᒋ ᐱᒫᑎᓯᓕᒋ᙮

ᓂᔥᑕᒻ ᑎᒧᑎ 2:4

ᐊᓇ ᑳ ᓇᑕᐌᓕᒫᑦ ᒥᓯᐌ ᐃᓕᓕᐗ ᑭᒋ ᐱᒫᒋᐋᑲᓂᐎᓕᒋ, ᓀᔥᑕ ᑭᒋ ᐯᒋ ᑭᔅᑫᓕᑕᒥᓕᒋ ᑖᐺᐎᓂᓕᐤ᙮

ᐦᐃᑉᕉᐗ 6:8

ᒫᑲ ᐊᓂᒪ ᑳ ᓂᑕᐎᑭᑖᒪᑲᒃ ᒪᓵᓇᔅᑾ ᓀᔥᑕ ᒥᔑᑲᐎᒥᓇᑯᔑᔭ ᐋᑕᐌᓕᑖᑾᓐ, ᓀᔥᑕ ᑫᑳᑦ ᐃᔅᐸᓕᐤ ᑭᒋ ᒪᒐᑭᒋᑳᑌᒃ; ᑳ ᐃᑌᓕᑖᑾᒃ ᑭᒋ ᐃᔅᒀᓯᑳᑌᒃ᙮

ᑭᔅᑫᓕᑖᑯᑖᑫᐎᓐ 22:11

ᐊᓇ ᑳ ᒪᒑᑎᓰᑦ, ᐁᑯᔑ ᑫᔮᐸᒡ ᑲᑕ ᒪᒑᑎᓯᐤ; ᐊᓇ ᓀᔥᑕ ᑳ ᐎᓂᓯᑦ, ᐁᑯᔑ ᑫᔮᐸᒡ ᑲᑕ ᐎᓂᓯᐤ; ᐊᓇ ᓀᔥᑕ ᑳ ᒀᔭᔅᑭᑖᑎᓰᑦ ᐁᑯᔑ ᑫᔮᐸᒡ ᑲᑕ ᒀᔭᔅᑭᑖᑎᓯᐤ; ᐊᓇ ᓀᔥᑕ ᑳ ᐸᓓᑭᓯᑦ ᐁᑯᔑ ᑫᔮᐸᒡ ᑲᑕ ᐸᓓᑭᓯᐤ᙮