ᓂᔥᑕᒻ ᑌᓴᓗᓂᔭᓇ 2:14 - ᐅᔅᑭ ᑎᔅᑌᒥᓐᑦ

¹⁴ ᐌᓴ ᑭᓚᐗᐤ, ᓂᒋᔖᓂᑐᒃ, ᑭ ᑮ ᓄᔅᐱᓈᑎᒪᐗ ᑭᒋᒪᓂᑐ ᐅ ᒫᒪᐎᐋᔭᒥᐋᒪ ᑳ ᐃᑖᓕᒋ ᒎᑎᐊᐃᒃ ᑳ ᑖᐺᔦᓕᒫᓕᒋ ᙭ ᒋᓴᓴ: ᐌᓴ ᑭᓚᐗᐤ ᓀᔥᑕ ᑖᐱᔅᑯᒡ ᑭ ᑮ ᐙᐎᓴᑫᓕᑕᒥᐃᑯᐗᐗᒃ ᑎᐱᓇᐌ ᑮ ᐎᑕᔅᑭᒫᑲᓂᐗᐗᒃ, ᑖᐱᔅᑯᒡ ᐎᓚᐗᐤ ᑳ ᑮ ᐃᑐᑖᑯᒋᒃ ᒎᐗ,

ᓂᔥᑕᒻ ᑌᓴᓗᓂᔭᓇ 2:14 Iomraidhean Croise

ᐊᐸᔅᑕᓚᒃ 11:19

ᐁᑯ ᐊᓂᑭ ᑳ ᑮ ᐗᓴᓶᑎᔕᐙᑲᓂᐎᒋᒃ ᐊᓂᒪ ᑲᒀᑕᑭᐃᐌᐎᓐ ᑳ ᑮ ᐃᑭᒃ ᐊᓇ ᔅᑎᐱᓐ ᐅᒋ, ᑮ ᐃᑐᑌᐗᒃ ᐱᓇᐃᓯᐃᒃ ᐃᔅᑯ, ᓀᔥᑕ ᓵᐃᑉᕋᓯᒃ, ᓀᔥᑕ ᐋᓐᑎᐊᑭᒃ, ᐁᑳ ᐊᐌᓕᐗ ᐁ ᑲᑫᔅᑭᒫᒋᒃ ᐋᔭᒥᐎᓂᓕᐤ ᐱᑯ ᐊᓂᐃ ᒎᐗ᙮

ᐊᐸᔅᑕᓚᒃ 13:50

ᒎᐗᒃ ᒫᑲ ᑮ ᔑᑭᐁᐗᒃ ᑳ ᐋᔭᒥᐁᐙᑎᓯᓕᒋ ᓀᔥᑕ ᑳ ᑭᔅᑌᓕᑕᑯᓯᓕᒋ ᐃᔅᑴᐗ, ᓀᔥᑕ ᑭᒋ ᐃᓕᓕᐗ ᐃᑖᐎᓂᒃ ᑳ ᐃᑖᓕᒋ, ᑳ ᑮ ᐅᒋ ᑲᒀᑕᑭᐋᒋᒃ ᐊᓂᐃ ᐹᓚ ᓀᔥᑕ ᐸᕐᓇᐸᓴ, ᓀᔥᑕ ᐅᑦ ᐊᔅᑭᐙᒃ ᑮ ᐅᒋ ᑭᒋᑎᔕᐌᐗᒃ᙮

ᐊᐸᔅᑕᓚᒃ 14:19

ᐁᑯᑕ ᒫᑲ ᑌᑯᔑᑭᒃ ᐊᑎᑦ ᒎᐗᒃ ᑳ ᐅᑐᑌᒋᒃ ᐊᓐᑎᐊᑭᒃ ᓀᔥᑕ ᐋᐃᑯᓂᐊᒥᒃ, ᑮ ᔕᑯᒋᒣᐗᒃ ᐃᓕᓕᐗ, ᓀᔥᑕ, ᐁ ᑮ ᐱᒧᓯᓈᑕᐙᒋᒃ ᐹᓚ, ᑭ ᐗᓚᐎ ᑖᐹᑌᐗᒃ ᐃᑖᐎᓂᒃ ᐅᒋ, ᓂᐱᐤ ᐁ ᑮ ᐃᑌᓕᒫᒋᒃ᙮

ᐊᐸᔅᑕᓚᒃ 14:2

ᒫᑲ ᐊᓂᑭ ᒎᐗᒃ ᐁᑳ ᑳ ᑖᐺᑕᑭᒃ ᑮ ᒥᑯᔅᑳᒋᐁᐗᒃ ᒉᓐᑖᐃᓚ, ᓀᔥᑕ ᑮ ᑐᑕᐌᐗᒃ ᑭᒋ ᒪᒋ ᒫᒥᑐᓀᓕᒫᒋᒃ ᐊᓂᐃ ᑳ ᐎᒋᔖᓂᑐᓕᑭ᙮

ᐊᐸᔅᑕᓚᒃ 14:4

ᒫᑲ ᑳ ᒥᒉᑎᒋᒃ ᐃᓕᓕᐗᒃ ᐃᑖᐎᓂᒃ ᑳ ᐃᑖᒋᒃ ᑮ ᓂᔓᑣᑐᐗᒃ; ᐋᑎᑦ ᒫᑲ ᑮ ᐎᒋᐁᐗᒃ ᐊᓂᐃ ᒎᐗ, ᐋᑎᑦ ᓀᔥᑕ ᐊᓂᐃ ᐊᐸᔅᑕᓚ᙮

ᐊᐸᔅᑕᓚᒃ 14:5

ᐃᔅᐱ ᒫᑲ ᐗ ᒪᑯᓈᒋᒃ, ᑖᐱᔅᑯᒡ ᒉᓐᑖᐃᓚᒃ ᓀᔥᑕ ᒎᐗᒃ, ᐊᓯᒋ ᐅ ᑎᐯᓕᒋᑫᐎᓕᓕᒥᐙᐗ, ᑭᒋ ᒪᒋ ᑐᑕᐙᒋᒃ, ᓀᔥᑕ ᑭᒋ ᐱᒧᓯᓈᑕᐙᒋᒃ,

ᐊᐸᔅᑕᓚᒃ 17:13

ᒫᑲ ᐃᔅᐱ ᐊᓂᑭ ᒎᐗᒃ ᐊᓐᑕ ᑌᓴᓗᓈᐃᑲ ᑳ ᐃᑖᒋᒃ ᑳ ᑭᔅᑫᓕᑕᑭᒃ ᑭᒋᒪᓂᑐ ᐅᑦ ᐋᔭᒥᐎᓐ ᐁ ᑮ ᐙᐎᑕᒥᓕᒋ ᐹᓚ ᐊᓐᑕ ᐱᕆᐊᐃᒃ, ᐎᓚᐗᐤ ᐊᓯᒋ ᐊᓐᑕ ᑮ ᐯᒋ ᐃᑐᑌᐗᒃ, ᓀᔥᑕ ᑮ ᒥᑯᔅᑳᒋᐁᐗᒃ ᐃᓕᓕᐗ᙮

ᐊᐸᔅᑕᓚᒃ 18:12

ᐃᔅᐱ ᒫᑲ ᑳᓕᐅ ᑳ ᑎᐯᓕᑕᒃ ᐊᑳᐃᐊᐃᓕᐤ, ᐊᓂᑭ ᒎᐗᒃ ᑮ ᒫᒪᐎ ᐸᓯᑯᔅᑕᐌᐗᒃ ᐹᓚ, ᑮ ᐯᔑᐌᐗᒃ ᒫᑲ ᐊᓐᑕ ᑎᐸᔅᑯᓂᑫᐎ ᐊᐱᐎᓂᒃ,

ᐊᐸᔅᑕᓚᒃ 8:1

ᓵᓪ ᒫᑲ ᑮ ᓇᔅᑯᒧ ᑭᒋ ᓂᐸᐃᒥᒋ᙮ ᐁᑯᔅᐱ ᒫᑲ ᓈᔅᐱᒡ ᑮ ᓇᓀᑲᒋᐋᑲᓂᐎᐙᒃ ᒫᒪᐎᐋᔭᒥᐋᐗᒃ ᒋᕉᓴᓚᒥᒃ ᑳ ᐃᑖᒋᒃ; ᓀᔥᑕ ᒥᓯᐌ ᑮ ᐗᓴᓶᑎᔕᐗᑲᓂᐎᐗᒃ ᒥᓯᐌ ᐁᔅᐱᔖᒃ ᒍᑎᐊᐃᒃ, ᓀᔥᑕ ᓵᒣᕆᔭᐃᒃ, ᐱᑯ ᐊᓂᑭ ᐊᐸᔅᑕᓚᒃ᙮

ᐊᐸᔅᑕᓚᒃ 8:3

ᓵᓪ ᒫᑲ ᐎᓚ ᑮ ᓂᔑᐗᓈᒋᐁᐤ ᒫᒪᐎᐋᔭᒥᐋᐗ, ᐁ ᐱᑐᑫᑦ ᑕᑐ ᐗᔅᑳᔨᑲᓂᒃ, ᓀᔥᑕ ᐁ ᑭᑐᑕᐋᑦ ᓈᐯᐗ ᓀᔥᑕ ᐃᔅᑫᐗ, ᑮ ᐸᑭᑎᓀᐤ ᑭᐹᐅᑐᐎᑲᒥᑯᒃ᙮

ᐊᐸᔅᑕᓚᒃ 9:1

ᓵᓪ ᒫᑲ, ᑫᔮᐸᒡ ᐁ ᐗᓚᐎ ᓚᑲᑖᒧᑐᑕᒃ ᑭᓯᔅᑖᑫᐎᓇ ᓀᔥᑕ ᓂᐸᐃᐌᐎᓇ ᐅᑎᐯᓕᒋᑫᐤ ᐅ ᑭᔅᑭᓄᐊᒪᐙᑲᓇ ᐅᒋ, ᑮ ᓈᑌᐤ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐗ,

ᐊᐸᔅᑕᓚᒃ 9:13

ᐁᑯ ᐋᓇᓈᐃᐊᔅ ᓀᔅᑴᐙᔑᐃᐌᑦ, ᑌᐯᓕᒋᑫᔭᓐ, ᓂ ᑮ ᐯᑌᓐ ᒥᒉᑦ ᐅᒋ ᑳ ᐊᔨᑎᑦ ᐊᐗ ᐃᓕᓕᐤ, ᐃᔥᐱᔥ ᑳ ᑮ ᒪᒋᑐᑕᐙᑦ ᑭᑦ ᐋᔭᒥᐋᒪ ᐊᓐᑕ ᒋᕉᓴᓚᒥᒃ:

ᐊᐸᔅᑕᓚᒃ 9:31

ᐁᑯ ᐁ ᐋᔮᒋᒃ ᐊᓜᐱᐎᓂᓕᐤ ᒫᒪᐎᐊᔭᒥᐋᐗᒃ ᒥᓯᐌ ᒎᑎᐊᐃᒃ ᓀᔥᑕ ᑳᓚᓕᒃ ᓀᔥᑕ ᓵᒣᕆᔭᐃᒃ, ᓀᔥᑕ ᑮ ᑭᔅᑭᓄᐊᒪᐗᑲᓂᐎᐗᒃ; ᐁ ᐱᒧᑌᒋᒃ ᒫᑲ ᐅᑎᐯᓕᒋᑫᐗ ᐅ ᓇᓂᒌᔅᑖᑯᓯᐎᓂᓕᒃ, ᓀᔥᑕ ᐸᓓᑭ ᐊᒑᑾ ᐅ ᑳᑭᒋᐃᐌᐎᓂᓕᒃ, ᑮ ᐊᑎ ᒥᒉᑎᐗᒃ᙮

ᓂᔥᑕᒻ ᑯᕆᓐᑎᐊᓇ 10:32

ᐁᑳᐎᓚ ᓈᔦᑕᐌᓕᑕᒥᐃᑯᒃ ᒎᐗᒃ, ᐁᑳ ᓀᔥᑕ ᒉᓐᑖᐃᓚᒃ, ᐁᑳ ᓀᔥᑕ ᐅ ᒫᒪᐎᐊᔭᒥᐋᒥ ᑭᒋᒪᓂᑐ;

ᓂᔥᑕᒻ ᑯᕆᓐᑎᐊᓇ 7:17

ᒫᑲ ᑳ ᑮ ᐃᔑ ᒫᑎᓇᒪᐙᑦ ᑭᒋᒪᓂᑐ ᒥᓯᐌ ᑕᑐ ᐃᓕᓕᐗ ᑳ ᑮ ᐃᔑ ᓇᑐᒫᑦ ᐅᑎᐯᓕᒋᑫᐤ ᒥᓯᐌ ᑕᑐ ᐊᐌᓕᐗ, ᐁᑯᔑ ᐁᑯ ᑫ ᐃᔑ ᐱᒧᑌᓕᒋ: ᐁᑯ ᐁᑕᔓᒪᑭᒃ ᒥᓯᐌ ᒫᒪᐎᐋᔭᒥᐋᐗᒃ᙮

ᑲᓓᔕᐊᓇ 1:22

ᓇᒪᐎᓚ ᒫᑲ ᓂ ᑮ ᑭᔅᑫᓕᒥᑾᒃ ᐊᓂᑭ ᒫᒪᐎᐋᔭᒥᐋᐗᒃ ᒍᑎᐊᐃᒃ, ᑳ ᑮ ᐃᑖᒋᒃ ᙭ᑎᒃ:

ᓂᔥᑕᒻ ᑌᓴᓗᓂᔭᓇ 1:1

ᐹᓪ, ᓀᔥᑕ ᓵᐃᓚᔅ, ᓀᔥᑕ ᑎᒧᑎ, ᐁ ᒪᓯᓇᐊᒪᐙᒋᒃ ᐊᓂᐃ ᑌᓴᓗᓂᔭ ᒫᒪᐎᐋᔭᒥᐊᐗ, ᑳ ᐃᑖᓕᒋ ᑭᒋᒪᓂᑐᓈᒃ ᐌᐅᑖᐎᒪᐎᑦ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒲᐎᓐ, ᑭᒋᒪᓂᑐ ᐅᒋ ᐌᐅᑖᐎᒪᐎᑦ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮

ᓂᔥᑕᒻ ᑌᓴᓗᓂᔭᓇ 1:6

ᓀᔥᑕ ᒫᑲ ᑭ ᑮ ᓄᔅᐱᓇᔑᓈᓐ, ᓀᔥᑕ ᐅᑎᐯᓕᒋᑫᐤ, ᐁ ᑮ ᐅᑎᓇᒣᒃ ᐋᔭᒥᐎᓐ ᒥᔅᑕᐃ ᑲᑾᑕᑭᓯᐎᓂᒃ, ᐁ ᒥᓚᐙᑕᔦᒃ ᐯᓓᑭᓯᑦ ᐊᒑᒃ:

ᓂᔥᑕᒻ ᑌᓴᓗᓂᔭᓇ 3:4

ᐌᓴ ᑖᐺ, ᐃᔅᐱ ᒣᒀᒡ ᐁ ᐎᒉᐎᑖᑭᐸᓐ, ᑭ ᑮ ᐎᑕᒫᑎᓈᓐ ᐁ ᐃᑌᓕᑖᑯᓯᔭᒃ ᑭᒋ ᑲᒀᑕᑭᐃᑲᐎᔭᒃ; ᑖᐱᔅᑯᒡ ᑳ ᐃᑭᑯᐸᓐ, ᓀᔥᑕ ᑳ ᑭᔅᑫᓕᑕᒣᒃ᙮

ᓂᔓ ᑌᓴᓗᓂᔭᓇ 1:1

ᐹᓪ, ᓀᔥᑕ ᓵᐃᓚᔅ, ᓀᔥᑕ ᑎᒧᑎ, ᐁ ᒪᓯᓇᐊᒪᐙᒋᒃ ᐊᓂᐃ ᑌᓴᓗᓂᔭ ᒫᒪᐎᐋᔭᒥᐊᐗ, ᑳ ᐃᑖᓕᒋ ᑭᒋᒪᓂᑐᒃ ᑯᑖᐎᓇᐤ ᓀᔥᑕ ᐅᑎᐯᓕᒋᑫᒃ ᒋᓴᔅ ᙭:

ᓂᔓ ᑌᓴᓗᓂᔭᓇ 1:4

ᑳ ᐅᒋ ᒫᒪᑖᑯᒧᔮᒃ ᓂᓚᓈᓐ ᑫᒋᐗᒃ ᑭᓚᐗᐤ ᐅᒋ, ᐃᑕ ᐁ ᐃᑖᓕᒋ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑭ ᔑᐱᓚᐌᓯᐎᓂᐗᐤ ᐅᒋ ᓀᔥᑕ ᑭ ᑖᐺᔦᓕᑕᒧᐎᓂᐗᐤ, ᒥᓯᐌ ᑭ ᑲᒀᑕᑭᓯᐎᓂᐙᒃ ᓀᔥᑕ ᑭᑦ ᐊᓕᒥᓯᐎᓂᐙᒃ ᑳ ᑮ ᐅᑎᑎᑯᔦᒃ: