ᓂᔥᑕᒻ ᑌᓴᓗᓂᔭᓇ 2:13 - ᐅᔅᑭ ᑎᔅᑌᒥᓐᑦ

¹³ ᐅᒪ ᐅᒋ ᓀᔥᑕ ᓇᒪᐎᓚ ᓂ ᐳᓂᓇᓈᔅᑯᒫᓈᓐ ᑭᒋᒪᓂᑐ, ᐌᓴ ᐃᔅᐱ ᐌᑎᓇᒬᒃ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑮ ᐯᑕᒬᒃ ᓂᓚᓈᓐ ᐅᒋ, ᑭ ᑮ ᐅᑎᓀᓇᐗᐤ ᓇᒪᐎᓚ ᑖᐱᔅᑯᒡ ᐅᑦ ᐋᔭᒥᐎᓂᐗᐤ ᐃᓕᓕᐗᒃ, ᒫᑲ, ᑳ ᐃᔑ ᑖᐺᐎᓂᐗᒃ ᑭᒋᒪᓂᑐ ᐅᑦ ᐋᔭᒥᐎᓐ, ᐱᒋᓛᒃ ᑳ ᑲᔥᑭᐅᐎ ᐊᑐᔅᑳᑯᔦᒃ ᑭᓚᐗᐤ ᑳ ᑖᐺᑕᒣᒃ᙮

ᓂᔥᑕᒻ ᑌᓴᓗᓂᔭᓇ 2:13 Iomraidhean Croise

ᐅᐸᓓᑭᔅ ᒫᑎᐤ 10:20

ᐌᓴ ᓇᒪᔦᐤ ᑭᓚᐗᐤ ᑳ ᐋᔭᒥᐁᒃ, ᒫᑲ ᐅᑦ ᐊᒑᑾ ᑯᑖᐎᐗᐤ ᐁᐗᒀᓇ ᑳ ᐋᔭᒥᔅᑳᑖᒃ᙮

ᐅᐸᓓᑭᔅ ᒫᑎᐤ 10:40

ᐊᓇ ᑳ ᐅᑎᓂᑖᒃ, ᓂᓚ ᓀᔥᑕ ᓂᑦ ᐅᑎᓂᒃ, ᐊᓇ ᓀᔥᑕ ᑳ ᐅᑎᓂᑦ, ᐅᑎᓀᐤ ᓀᔥᑕ ᐊᓂᐃ ᑳ ᐯᒋᑎᔕᐅᓕᒋ᙮

ᐅᐸᓓᑭᔅ ᓘᒃ 11:28

ᒫᑲ ᑮ ᐃᑗᐤ, ᐁᐁ, ᐊᐙᓯᑌ ᔕᐌᓕᑖᑯᓯᐗᒃ ᐊᓂᑭ ᑳ ᐯᑕᒸᒋᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ, ᓀᔥᑕ ᑳ ᐱᔑᒋᑕᒀᒋᒃ᙮

ᐅᐸᓓᑭᔅ ᓘᒃ 5:1

ᑮ ᐃᑭᓐ ᒫᑲ, ᐁ ᒫᑯᔥᑳᑯᑦ ᐃᓕᓕᐗ ᑭᒋ ᐯᑕᒸᓕᒋ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ, ᑮ ᓂᐸᐎᐤ ᔑᔓᒡ ᑭᓀᓴᕆᑦ ᓵᑲᐃᑲᓂᒃ,

ᐅᐸᓓᑭᔅ ᓘᒃ 8:11

ᐁᐗᑯ ᐅᒪ ᒫᑲ ᐊᓂᒪ ᓇᔅᐱᑐᐌᐎ ᐋᑕᓗᑳᓐ; ᓯᒥᓇ ᐁᐗᒀᓂᐃ ᑭᒋᒪᓂᑐ ᐅᑦ ᐋᔭᒥᐎᓐ᙮

ᐅᐸᓓᑭᔅ ᓘᒃ 8:21

ᑮ ᓇᔥᑴᐗᔑᐁᐤ ᒫᑲ ᐁ ᐃᑖᑦ, ᓂᑳᐎ ᓀᔥᑕ ᓂᒋᔖᓇᒃ ᐁᐗᒀᓂᑭ ᑳ ᐯᑕᒸᒋᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ, ᓀᔥᑕ ᑳ ᐱᔑᒋᑕᒸᒋᒃ᙮

ᐅᐸᓓᑭᔅ ᒑᓐ 15:3

ᐁᑯ ᐯᔦᑭᓯᔦᒃ ᐋᔭᒥᐎᓐ ᐅᒋ ᑳ ᑮ ᐎᑕᒫᑕᑾᒃ᙮

ᐅᐸᓓᑭᔅ ᒑᓐ 17:17

ᑭ ᑖᐺᐎᓂᓕᐤ ᐅᒋ ᐸᓓᑭᐃᒃ: ᑭᑦ ᐋᔭᒥᐎᓐ ᑖᐺᐎᓂᐗᓐ᙮

ᐅᐸᓓᑭᔅ ᒑᓐ 17:19

ᓀᔥᑕ ᐎᓚᐗᐤ ᐅᒋ ᓂ ᐸᓓᑭᐃᑎᓱᓐ, ᐎᓚᐗᐤ ᐊᓯᒋ ᑭᒋ ᐸᓓᑭᐃᑯᒋᒃ ᑖᐺᐎᓂᓕᐤ᙮

ᐊᐸᔅᑕᓚᒃ 10:33

ᑣᔦᒃ ᒫᑲ ᑭ ᑮ ᐃᔑᑎᔕᐊᒫᑎᓐ: ᓀᔥᑕ ᒀᔭᔉ ᑭ ᑮ ᑐᑌᓐ ᐁ ᑕᑯᔑᓂᔭᓐ᙮ ᐊᓄᒡ ᒫᑲ ᒥᓯᐌ ᐅᑕ ᓂᑦ ᐃᑖᓈᓐ ᐅᑎᔥᑲᐤ ᑭᒋᒪᓂᑐ, ᑭᒋ ᐯᑕᒫᒃ ᒥᓯᐌ ᑫᒀᓇ ᑳ ᐃᑕᔓᐙᑎᔉ ᑭᒋᒪᓂᑐ᙮

ᐊᐸᔅᑕᓚᒃ 13:48

ᐃᔅᐱ ᒫᑲ ᒉᓐᑖᐃᓚᒃ ᐅᒪ ᐱᐁᑕᑭᒃ ᑭ ᓯᑭᓓᓯᐗᒃ, ᓀᔥᑕ ᑭ ᑭᔅᑌᓕᑕᒶᒃ ᐅᑎᐯᓕᒋᑫᐗ ᐅᑦ ᐊᔭᒥᐎᓂᓕᐤ: ᒥᓯᐌ ᒫᑲ ᑳ ᑮ ᐃᑕᑭᒥᒋᒃ ᑳᑭᑫ ᐱᒫᑎᓯᐃᓂᒃ ᐃᔑ, ᑮ ᑖᐺᑕᒶᒃ᙮

ᐊᐸᔅᑕᓚᒃ 16:14

ᐯᔭᒃ ᐃᔅᑴᐤ ᒫᑲ ᓕᑎᐊ ᐁ ᐃᔑᓂᑳᓱᑦ, ᑳ ᐃᑖᐙᑫᑦ ᒥᑴᑭᓂᓕᐤ, ᑕᐃᐊᑕᐃᕋ ᐃᑖᐎᓂᒃ ᑳ ᐅᒌᑦ, ᑳ ᐅᒋᒋᑾᓇᐱᔅᑕᐗᑦ ᑭᒋᒪᓂᑐᐗ, ᓂ ᑮ ᐯᑖᑯᓈᓐ; ᐁᐗᑯ ᐅᑌᐃᓕᐤ ᐅᑎᐯᓕᒋᑭᐤ ᑮ ᐋᐸᐊᒬᐤ, ᑮ ᓈᑲᑕᐌᓕᑕᒻ ᒫᑲ ᐊᓂᐃ ᑫᒀᓇ ᑳ ᑮ ᐋᓕᒧᑕᒥᓕᒋ ᐹᓚ᙮

ᐊᐸᔅᑕᓚᒃ 17:11

ᐅᑯ ᐊᐙᓯᑌ ᑮ ᑭᔅᑌᓕᑖᑯᓯᐗᒃ ᐃᔥᐱᔥ ᐊᓂᑭ ᑌᓴᓗᓈᐃᑲᐃᒃ ᑳ ᐃᑖᒋᒃ, ᐊᓂᒪ ᐅᒋ ᐁ ᑮ ᐅᑎᓇᑭᒃ ᐋᔭᒥᐎᓂᓕᐤ ᒥᓯᐌ ᒋᑫᓕᑕᒧᐎᓂᒃ, ᓀᔥᑕ ᐁ ᑮ ᓈᓈᑕᐎᑭᔅᑫᓕᑕᑭᒃ ᒪᓯᓇᐃᑫᐎᓇ ᑕᑡᐤ ᑳᔑᑳᓕᑭ, ᑮᔥᐱᓐ ᐊᓂᐃ ᑫᒀᓇ ᐁ ᐃᑭᓄᐗᑴ᙮

ᐊᐸᔅᑕᓚᒃ 17:32

ᐃᔅᐱ ᒫᑲ ᐱᐁᑕᑭᒃ ᒥᓇ ᑭᒋ ᐗᓂᔥᑲᓕᒋ ᐊᓂᐃ ᑳ ᓂᐱᓕᒋ, ᐊᑎᑦ ᑮ ᐹᐱᓄᑕᑫᐗᒃ: ᑯᑕᑭᔭᒃ ᒫᑲ ᑮ ᐃᑗᐗᒃ, ᒥᓇ ᑭ ᑳ ᐯᑖᑎᓈᓐ ᐅᒪ ᑫᒀᓐ ᐅᒋ᙮

ᐊᐸᔅᑕᓚᒃ 2:41

ᐁᑯ ᒥᓯᐌ ᐊᓂᑭ ᑳ ᐱᔑᒋᐋᒋᒃ ᓯᑭᓓᓯᐎᓂᒃ ᑮ ᓯᑲᐊᑕᐙᑲᓂᐎᐗᒃ; ᐊᓂᒪ ᐁ ᑭᔑᑳᒃ ᒫᑲ ᑮ ᓚᑭᐳᐗᒃ ᐊᓂᑭ ᐅᑕᔭᒥᐋᐙᒃ ᓈᓐᑕᐤ ᓂᔅᑡᐤ ᑭᒋᒥᑖᑐᒥᑕᓇᐤ ᐊᒑᑯᔕ᙮

ᐊᐸᔅᑕᓚᒃ 8:14

ᐃᔅᐱ ᒫᑲ ᐊᓂᑭ ᐊᐸᔅᑕᓚᒃ ᑳ ᐃᑖᒋᒃ ᒋᕉᓴᓚᒥᒃ ᐱᐁᑕᑭᒃ ᓴᒣᕆᔭ ᐁ ᑮ ᐅᑎᓇᒥᓕᒋ ᑭᒋᒪᓂᑐ ᐅᑦ ᐋᔭᒥᐎᓂᓕᐤ, ᑮ ᐃᔑᑎᔕᐊᒪᐌᐗᒃ ᐱᑕᕋ ᓀᔥᑕ ᒑᓇ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:17

ᐁᐗᑯ ᐌᒋ ᒫᑲ, ᑖᐺᔦᓕᑕᒧᐎᓐ ᐅᒋᐸᓕᐤ ᐁ ᑲᑫᔅᑭᒥᐙᓂᐗᒃ, ᓀᔥᑕ ᐁ ᑲᑫᔅᑭᒥᐙᓂᐗᒃ ᐅᒋᐸᓕᐤ ᑭᒋᒪᓂᑐ ᐅᑦ ᐋᔭᒥᐎᓂᒃ᙮

ᓂᔓ ᑯᕆᓐᑎᐊᓇ 3:18

ᒫᑲ ᒥᓯᐌ ᐁ ᐃᑕᔑᔭᒃ, ᒧᔐ ᐁ ᐅᑖᔅᑕᒥᑯᔭᒃ, ᐁ ᐙᐸᑕᒶᒃ ᑖᐱᔅᑯᒡ ᐗᐹᒧᐎᓂᐤ, ᐅ ᑭᔅᑌᓕᑖᑯᓯᐎᓐ ᐅᑎᐯᓕᒋᑫᐤ, ᑭ ᑴᔅᑭᓈᑯᐃᑲᐎᓈᓇᐤ ᐊᓂᒪ ᐃᔑᓈᑯᓯᐎᓂᒃ ᑭᔅᑌᓕᑖᑯᓯᐎᓂᒃ ᐅᒋ ᑭᔅᑌᓕᑖᑯᓯᐎᓂᒃ ᐃᔑ, ᑖᐱᔅᑯᒡ ᐅᑎᐯᓕᒋᑫᐤ ᐅᒋ ᑳ ᐊᒑᑯᐎᑦ᙮

ᑲᓓᔕᐊᓇ 4:14

ᓀᔥᑕ ᓂ ᑲᑴᒋᐃᑯᓯᐎᓐ ᓂ ᐎᔮᓯᒃ ᓇᒪᐎᓚ ᑭ ᑮ ᐋᑕᐌᓕᑌᓇᐗᐤ, ᓇᒪ ᓀᔥᑕ ᑭ ᑮ ᒪᒉᓕᑌᓇᐗᐤ; ᒫᑲ ᑭ ᑮ ᐅᑎᓂᓇᐗᐤ ᑖᐱᔅᑯᒡ ᐅᑦ ᐁᓐᒐᓕᒪ ᑭᒋᒪᓂᑐ, ᑖᐱᔅᑯᒡ ᙭ ᒋᓴᔅ᙮

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᐦᐃᑉᕉᐗ 4:12

ᐌᓴ ᑭᒋᒪᓂᑐ ᐅᑦ ᐋᔭᒥᐎᓐ ᐱᒫᑎᓯᒪᑲᓂᓕᐤ, ᓀᔥᑕ ᓱᑳᑎᓯᒪᑲᓂᓕᐤ, ᓀᔥᑕ ᐊᐙᓯᑌ ᑳᔖᓕᐤ ᐃᔥᐱᔥ ᐁ ᓂᔓᐱᔅᑲᒧᑭ ᔑᒫᑲᓐ, ᐁ ᔖᐳᐸᓕᓕᒃ ᐃᔥᐱᔥ ᑮ ᐅᒋ ᓀᓇᐎᓂᑳᑌᒃ ᐊᒑᒃ ᓀᔥᑕ ᒥᑐᓀᓕᒋᑲᓐ, ᓀᔥᑕ ᐋᓂᔅᑲᐎᑲᓇᓇ ᓀᔥᑕ ᐅᔅᑲᓂᐱᒥ, ᓀᔥᑕ ᓂᓯᑕᐌᓕᑕᒧᒪᑲᓂᓕᐤ ᑳ ᒥᑐᓀᓕᒋᑳᑌᒃ ᓀᔥᑕ ᑳ ᐃᑌᓕᒋᑳᑌᒃ ᒥᑌᐃᒃ᙮

ᐦᐃᑉᕉᐗ 4:2

ᐌᓴ ᑭᓚᓈᓇᐤ ᓀᔥᑕ ᑭ ᑮ ᐎᑕᒫᑲᐎᓈᓇᐤ ᒥᓗᐋᒋᒧᐎᓐ, ᑖᐱᔅᑯᒡ ᐎᓚᐗᐤ: ᒫᑲ ᐊᓂᐁᓕᐤ ᐋᔭᒥᐎᓂᓕᐤ ᑳ ᑮ ᐯᑕᑭᒃ ᓇᒪᐎᓚ ᐙᔦᔥ ᑮ ᐃᑖᐸᒋᐃᑯᐗᒃ, ᐁᑳ ᐊᓯᒋ ᐁ ᑮ ᑖᐺᔦᓕᑕᑭᒃ ᐊᓂᑭ ᑳ ᑮ ᐯᑕᑭᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:18

ᑎᐱᓚᐌ ᐅᑦ ᐃᑌᓕᑕᒧᐎᓂᒃ ᑭ ᑮ ᓂᑕᐎᑭᐃᑯᓇᐤ ᑖᐺᐎᓂ ᐋᔭᒥᐎᓂᓕᐤ ᐅᒋ, ᑭᓚᓈᓇᐤ ᑭᒋ ᓂᑳᓄᑕᐗᑯᒃ ᐅᑦ ᐅᔑᐋᑲᓇ᙮

ᓂᔥᑕᒻ ᐱᑕᕐ 1:23

ᒥᓇ ᐁ ᑮ ᓂᑕᐎᑭᔦᒃ ᓇᒪᐎᓚ ᑳ ᓂᔑᐗᓈᑕᑭ ᓯᒥᓇ ᐅᒋ, ᒫᑲ ᐁᑳ ᑫ ᓂᔑᐗᓈᑕᑭ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ ᑳ ᐱᒫᑕᓂᓕᒃ ᓀᔥᑕ ᑳᑭᑫ ᑳ ᐃᑕᑾᓂᓕᒃ᙮

ᓂᔥᑕᒻ ᐱᑕᕐ 1:25

ᒫᑲ ᑭᒋᒪᓂᑐ ᐅᑦ ᐋᔭᒥᐎᓐ ᑳᑭᑫ ᐱᒫᑕᓂᓕᐤ᙮ ᐁᐗᑯ ᒫᑲ ᐅᒪ ᐋᔭᒥᐎᓐ ᒥᓗᐋᒋᒧᐎᓂᒃ ᑳ ᐅᒋ ᑲᑫᔅᑭᒥᑲᐎᔦᒃ᙮

ᓂᔥᑕᒻ ᐱᑕᕐ 2:2

ᑖᐱᔅᑯᒡ ᑳ ᐅᔥᑭ ᓂᑕᐎᑭᒋᒃ ᐊᐱᔅᑕᐙᔑᔕᒃ, ᓇᑕᐌᓕᑕᒧᒃ ᑖᐺ ᒍᒍᒋᒫᐳ ᐋᔭᒥᐎᓂᒃ ᑳ ᐅᒋᐸᓕᒃ, ᑭᒋ ᐅᒋ ᐅᐱᑭᔦᒃ;

ᓂᔓ ᐱᑕᕐ 3:2

ᑭᒋ ᒥᑐᓀᓕᑕᒣᒃ ᐊᓂᐃ ᐋᔭᒥᐎᓇ ᐌᔅᑳᒡ ᑳ ᑮ ᐃᑗᒋᒃ ᐊᓂᑭ ᐸᓓᑭ ᐅᑭᔅᑭᐙᐃᑫᐗᒃ, ᓀᔥᑕ ᐊᓂᐃ ᑳ ᑮ ᐃᑕᔓᐌᔮᒃ ᓂᓚᓈᓐ ᐅᑦ ᐊᐸᔅᑕᓕᒪ ᐅᑎᐯᓕᒋᑫᐤ ᐯᒫᒋᐃᐌᑦ;

ᓂᔥᑕᒻ ᒑᓐ 3:3

ᓀᔥᑕ ᒥᓯᐌ ᑕᑐ ᐃᓕᓕᐤ ᑳ ᐋᔮᑦ ᐅᒣᓕᐤ ᐊᔅᐯᓕᒧᐎᓂᓕᐤ, ᐹᔦᑭᐃᑎᓱ, ᑖᐱᔅᑯᒡ ᐁ ᐃᔑ ᐸᓓᑭᓯᓕᒋ᙮