ᓂᔥᑕᒻ ᑌᓴᓗᓂᔭᓇ 1:7 - ᐅᔅᑭ ᑎᔅᑌᒥᓐᑦ

⁷ ᐁᑯᔑ ᒫᑲ ᑭ ᑮ ᑭᔅᑭᓄᐙᐸᒥᑯᐗᐗᒃ ᒥᓯᐌ ᐊᓂᑭ ᑳ ᑖᐺᑕᑭᒃ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ᙮

ᓂᔥᑕᒻ ᑌᓴᓗᓂᔭᓇ 1:7 Iomraidhean Croise

ᐊᐸᔅᑕᓚᒃ 1:13

ᐃᔅᐱ ᒫᑲ ᑳ ᐱᑐᑫᒋᒃ, ᑮ ᑯᔅᐹᑕᐎᐗᒃ ᐃᔥᐱᒥᒃ ᐱᔅᑭᒋᐙᔅᑳᔨᑲᓂᒃ, ᑳ ᐃᔑ ᑕᔑᑫᒋᒃ ᐱᑕᕐ, ᓀᔥᑕ ᒉᒻᔅ, ᓀᔥᑕ ᒑᓐ, ᓀᔥᑕ ᐋᓐᑦᕉ, ᐱᓕᑉ, ᓀᔥᑕ ᑕᒪᔅ, ᐹᕐᑕᓚᒻᔫ, ᓀᔥᑕ ᒫᑎᐤ, ᒉᒻᔅ, ᐋᓪᐱᔭᔅ ᐅᑯᓯᓴ, ᓀᔥᑕ ᓵᐃᒪᓐ ᓯᓗᑎᔅ, ᓀᔥᑕ ᒎᑕᔅ ᐎᒋᔖᓇ ᒉᒻᔅ᙮

ᐊᐸᔅᑕᓚᒃ 16:12

ᐊᓐᑕ ᒫᑲ ᐅᒋ ᐱᓕᐹᐃ ᓂ ᑮ ᐅᑎᑕᐁᓈᓐ, ᑳ ᒫᐗᒋ ᑭᒋ ᐃᑖᐎᓂᐗᒃ ᐊᓂᒪ ᐸᔅᑭ ᒪᓯᑐᓂᔭ ᐊᔅᑮᒃ, ᓀᔥᑕ ᐁ ᑲᓚᓂᐗᒃ: ᐊᓂᒪ ᐃᑖᐃᓂᒃ ᒫᑲ ᓂ ᑮ ᑕᔑᑳᓈᓐ ᐋᑎᑦ ᑭᔑᑳᐗ᙮

ᐊᐸᔅᑕᓚᒃ 18:1

ᐹᑎᒪ ᐅᐅ ᑫᒀᓇ, ᐹᓪ ᑮ ᑭᑐᑌᐤ ᐊᑎᓐᓯᒃ ᐅᒋ, ᓀᔥᑕ ᑮ ᐯᒋ ᑕᑯᔑᓐ ᐊᓐᑕ ᑯᕆᓐᑎᒃ;

ᐊᐸᔅᑕᓚᒃ 18:12

ᐃᔅᐱ ᒫᑲ ᑳᓕᐅ ᑳ ᑎᐯᓕᑕᒃ ᐊᑳᐃᐊᐃᓕᐤ, ᐊᓂᑭ ᒎᐗᒃ ᑮ ᒫᒪᐎ ᐸᓯᑯᔅᑕᐌᐗᒃ ᐹᓚ, ᑮ ᐯᔑᐌᐗᒃ ᒫᑲ ᐊᓐᑕ ᑎᐸᔅᑯᓂᑫᐎ ᐊᐱᐎᓂᒃ,

ᐊᐸᔅᑕᓚᒃ 19:21

ᐹᑎᒪ ᐅᐅ ᑫᒀᓇ ᑳ ᑮ ᑐᒋᑲᑌᑭ, ᐹᓪ ᑮ ᐃᑌᓕᑕᒻ ᐅᑦ ᐊᒑᑯᒃ, ᐃᔅᐱ ᑳ ᑮ ᔖᐳᔥᑲᒃ ᒫᓯᑐᓂᐊ ᓀᔥᑕ ᐊᑳᐃᐊ ᑭᒋ ᐃᑐᑌᑦ ᒋᕉᓴᓚᒥᒃ, ᐁ ᐃᑗᑦ, ᐹᑎᒪ ᐊᓐᑕ ᑮ ᐃᑐᑌᔮᓀ, ᓂ ᑳ ᐎ ᐙᐸᑌᓐ ᕈᒻ ᐊᓯᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:26

ᐌᓴ ᑮ ᐃᔑ ᒥᓜᓕᑕᒶᒃ ᐊᓂᑭ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ ᑭᒋ ᒫᒪᐎ ᒥᓕᐌᐎᓂᑫᒋᒃ ᐊᓂᐃ ᑭᑎᒫᑭᓯᐎ ᐅᐸᓓᑭᓯᐗ ᒋᕉᓴᓚᒥᒃ ᑳ ᐃᑖᓕᒋ ᐅᒋ᙮

ᓂᔓ ᑯᕆᓐᑎᐊᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭ ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓯᒋ ᓀᔥᑕ ᒥᓯᐌ ᐊᓂᐃ ᐅᐸᓓᑭᓴ ᑳ ᐃᑖᓂᒋ ᒥᓯᐌ ᐊᑳᔭᐃᒃ:

ᓂᔓ ᑯᕆᓐᑎᐊᓇ 9:2

ᐌᓴ ᓂ ᑭᔅᑫᓕᑌᓐ ᐁ ᐃᔑ ᓂᑳᒪᔅᑌᒃ ᑭ ᒥᑐᓀᓕᒋᑲᓂᐗᐤ, ᑳ ᐅᒋ ᒫᒪᑖᑯᒥᑕᑾᒃ ᐁ ᑎᐹᒋᒧᔅᑕᐗᑭᒃ ᐊᓂᑭ ᑳ ᐃᑖᒋᒃ ᒫᓯᑐᓂᔭᐃᒃ, ᐊᑳᔭ ᐁ ᑮ ᐋᔦᔅᑲᐎᓯᒪᑲᒃ ᐱᐴᓄᒃ; ᓀᔥᑕ ᑭ ᓱᑫᓕᑕᒧᐎᓂᐗᐤ ᓈᔅᐱᒡ ᒥᒉᑦ ᑮ ᔑᑭᐃᑯᐗᒃ᙮

ᓂᔥᑕᒻ ᑌᓴᓗᓂᔭᓇ 1:8

ᐌᓴ ᑭᓚᐗᐤ ᐅᒋ ᑮ ᐅᒋ ᓄᑖᑾᓂᓕᐤ ᐅᑦ ᐋᔭᒥᐎᓐ ᐅᑎᐯᓕᒋᑫᐤ, ᓇᒪᐎᓚ ᐱᑯ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ, ᒫᑲ ᒥᓯᐌ ᐃᑌ ᓀᔥᑕ ᐁ ᐃᔑᑖᐺᔦᓕᒣᒃ ᑭᒋᒪᓂᑐ ᒥᓯᐌ ᐗᓴᓶᐸᓕᐤ; ᑳ ᐅᒋ ᐁᑳ ᓇᑕᐌᓕᑖᑯᓯᔮᒃ ᐙᔦᔥ ᑭᒋ ᐃᑗᔮᒃ᙮

ᓂᔥᑕᒻ ᑌᓴᓗᓂᔭᓇ 4:10

ᐁᑯᔑ ᑖᐺ ᑭᑦ ᐃᑐᑕᒪᐙᐗᐗᒃ ᒥᓯᐌ ᐎᒋᔖᓂᒪᐗᒃ ᑳ ᐃᑖᒋᒃ ᒥᓯᐌ ᒫᓯᑐᓂᔭᐃᒃ: ᒫᑲ, ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᐋᒋᐱᑯ ᐋᒋᐱᑯ ᑭᒋ ᐊᑎ ᓚᑭᐋᔮᔦᒃ;

ᓂᔥᑕᒻ ᑎᒧᑎ 4:12

ᐁᑯᔑ ᐁᑳᐎᓚ ᐊᐌᓇ ᑭ ᑳ ᐋᑕᐌᓕᒥᒃ ᐁ ᐅᔥᑭᓂᑭᔭᓐ; ᒫᑲ ᐁᑯᔑ ᑭ ᑳ ᑭᔅᑭᓄᐙᐸᒥᑾᒃ ᐊᓂᑭ ᑳ ᑖᐺᔦᓕᑕᑭᒃ, ᐋᔭᒥᐎᓂᒃ, ᐊᔭᒥᐃᑐᐎᓂᒃ, ᓵᑭᐃᐌᐎᓂᒃ, ᐊᒑᑯᐎᓂᒃ, ᑖᐺᔦᓕᑕᒧᐎᓂᒃ, ᐸᓓᑭᓯᐎᓂᒃ᙮

ᑕᐃᑕᔅ 2:7

ᒥᓯᐌ ᑫᒀᓐ ᐃᔑ ᐁ ᐙᐸᑎᓕᐌᔭᓐ ᑭᒋ ᑭᔅᑭᓄᐙᐸᒥᑲᐎᔭᓐ ᒥᓗ ᐊᑑᔅᑫᐎᓂᒃ: ᑭᔅᑭᓄᐊᒫᑫᐎᓂᒃ ᐁ ᐙᐸᑎᓕᐌᔭᓐ ᐸᓓᑭᓯᐎᓐ, ᓕᑆᑳᐎᓐ, ᒀᔭᔉ ᐃᑌᓕᑕᒧᐎᓐ;

ᓂᔥᑕᒻ ᐱᑕᕐ 5:3

ᐁᑳ ᓀᔥᑕ ᑖᐱᔅᑯᒡ ᐁ ᐅᑭᒫᐎ ᑎᐯᓕᑕᒬᒃ ᑭᒋᒪᓂᑐ ᐅ ᑎᐯᓕᒋᑲᓐ, ᒫᑲ ᐁ ᑭᔅᑭᓄᐙᐸᒥᑖᑾᒃ ᒫᓂᔥᒑᓂᔕᒃ᙮