ᓂᔥᑕᒻ ᑌᓴᓗᓂᔭᓇ 1:3 - ᐅᔅᑭ ᑎᔅᑌᒥᓐᑦ

³ ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ;

ᓂᔥᑕᒻ ᑌᓴᓗᓂᔭᓇ 1:3 Iomraidhean Croise

ᐅᐸᓓᑭᔅ ᒑᓐ 14:15

ᑮᔥᐃᓐ ᓯᐋᑭᐃᐌᑴ, ᑲᓇᐎᑖᒃ ᓂ ᑲᑫᔅᑴᐎᓇ᙮

ᐅᐸᓓᑭᔅ ᒑᓐ 15:10

ᑮᔥᐱᓐ ᑲᓇᐎᑕᒣᑴ ᓂ ᑲᑫᔅᑴᐎᓇ, ᑭ ᑳ ᑕᔑᑳᓇᐗᐤ ᓂ ᓵᑭᐃᐌᐎᓂᒃ; ᑖᐱᔅᑯᒡ ᐁ ᑮ ᐃᔑ ᑲᓇᐎᑕᐗᒃ ᓄᑖᐎ ᐅ ᑲᑫᔅᑴᐎᓇ, ᓀᔥᑕ ᐁ ᐃᔑ ᑕᔑᑫᐗᒃ ᐅ ᓵᑭᐃᐌᐎᓂᒃ᙮

ᐊᐸᔅᑕᓚᒃ 10:31

ᑮ ᐃᑗᐤ ᒫᑲ, ᑳᕐᓂᓕᔭᔅ, ᑭᑦ ᐋᔭᒥᐋᐎᓐ ᐯᒋᑳᑌᐤ, ᓀᔥᑕ ᑭ ᒥᓕᐌᐎᓇ ᑭᔅᑭᓯᑐᒋᑳᑌᐗ ᐁ ᐙᐸᑕᒃ ᑭᒋᒪᓂᑐ᙮

ᐊᐸᔅᑕᓚᒃ 3:19

ᐁᐗᑯ ᐅᒋ ᒥᒋᓚᐌᔦᓕᑕᒧᒃ, ᑴᔅᑳᑎᓰᒃ ᒫᑲ, ᑭ ᒪᒋᑖᐎᓂᐙᐗ ᑭᒋ ᑮ ᑳᓯᐃᑳᑌᑭ, ᐃᔅᐱ ᐹᐸᓕᓕᑫ ᑭᒋ ᒥᓜᓕᒧᓇᓂᐗᒃ ᐅᑎᔥᑲᐤ ᐅᑎᐯᓕᒋᑫᐤ ᐅᒋ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:12

ᐁ ᒥᓚᐙᑕᒣᒃ ᐊᔅᐯᓕᒧᐎᓂᒃ; ᐁ ᔑᐱᓚᐌᓯᔦᒃ ᐊᓕᒥᓯᐎᓂᒃ; ᐁ ᐸᑳᔅᑭᔦᒃ ᐋᔭᒥᐋᐎᓂᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:4

ᐌᓴ ᑫᒀᓇ ᑳ ᑮ ᒪᓯᓇᐃᑳᑌᑭ ᐌᔅᑲᒡ ᑮ ᒪᓯᓇᐃᑳᑌᐗ ᑭᓚᓈᓇᐤ ᑭᒋ ᑭᔅᑫᓕᑕᒪᒃ, ᑭᓚᓈᓇᐤ ᔑᐱᓚᐌᓯᐎᓂᒃ ᐅᒋ, ᓀᔥᑕ ᐁ ᒥᓜᓕᒧᐃᑯᔭᒃ ᑭᒋ ᒪᓯᓇᐃᑫᐎᓇ, ᑭᒋ ᐅᒋ ᐋᔮᔭᒃ ᐊᔅᐯᓕᒧᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:26

ᒫᑲ ᐊᓄᒡ ᑳ ᑭᔅᑫᓕᑖᑯᑖᑲᓂᐗᒃ, ᓀᔥᑕ ᐅ ᒪᓯᓇᐃᑫᐎᓂᐗᐗ ᐅᒋ ᐊᓂᑭ ᐅᑭᔅᑭᐙᐃᑫᐗᒃ, ᑳ ᑮ ᐃᑕᔓᐌᑦ ᐊᓇ ᑳᑭᑫ ᐯᒫᑎᓰᑦ ᑭᒋᒪᓂᑐ, ᑳ ᑭᔅᑫᓕᑕᒥᐋᑲᓂᐄᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:6

ᐊᑕᒥᔅᑳᒃ ᒣᕆ, ᒥᔅᑕᐃ ᑳ ᑮ ᐊᑐᔅᑳᐎᔭᒥᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7

ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

ᓂᔥᑕᒻ ᑯᕆᓐᑎᐊᓇ 13:13

ᐊᓄᒡ ᒫᑲ ᐃᑕᑾᓋ ᑖᐺᔦᓕᑕᒧᐎᓐ, ᐊᔅᐯᓕᒧᐎᓐ, ᓵᑭᐃᐌᐎᓐ, ᐅᐅ ᓂᔅᑐ; ᒫᑲ ᐊᓂᒪ ᑳ ᒪᐗᒋ ᑭᔅᑌᓕᑖᑾᒃ ᐁᐗᑯ ᓵᑭᐃᐌᐎᓐ᙮

ᓂᔥᑕᒻ ᑯᕆᓐᑎᐊᓇ 15:58

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐋᐃᒋᑳᐸᐎᒃ, ᒥᒋᒥᑳᐸᐎᒃ, ᒧᔕᒃ ᐁ ᑎᐱᑐᑕᒬᒃ ᐅᑎᐯᓕᒋᑫᐤ ᐅᑦ ᐊᑑᔅᑫᐎᓐ, ᐁ ᑭᔅᑫᓕᑕᒣᒃ ᐁᑳ ᐸᑾᓐᑕᐤ ᐁ ᐃᑌᓕᑖᑾᒃ ᑭᑦ ᐊᑑᔅᑫᐎᓇᐗᐤ ᐅᑎᐯᓕᒋᑫᒃ᙮

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᑲᓓᔕᐊᓇ 1:4

ᐊᓇ ᑭ ᒪᒋᑡᐎᓂᓇᐗ ᑳ ᑮ ᐅᒋ ᐸᑭᑎᓂᑎᓱᑦ, ᑭᒋ ᑮ ᐎᑾᒋᐃᑕᒃ ᐅᒪ ᒪᒋ ᐊᔅᑮᒃ ᐅᒋ, ᑳ ᐃᑌᓕᑕᒃ ᑭᒋᒪᓂᑐ ᑯᑖᐎᓇᐤ;

ᑲᓓᔕᐊᓇ 5:13

ᐌᓴ, ᓂᒋᔖᓂᑐᒃ, ᑭ ᑮ ᓇᑐᒥᑲᐎᓇᐗᐤ ᑎᐯᓕᒥᑎᓱᐎᓂᒃ ᐃᔑ; ᐁᑳᐎᓚ ᒫᑲ ᐋᐸᒋᑖᒃ ᑎᐯᓕᒥᑎᓱᐎᓐ ᐎᔮᓯᐎᓂᒃ ᐃᔑ, ᒫᑲ ᓵᑭᐃᐌᐎᓂᒃ ᐊᑑᔅᑳᑐᒃ᙮

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᑲᓓᔕᐊᓇ 6:9

ᐁᑳᐎᓚ ᒫᑲ ᐋᔦᔅᑯᓯᑖᐤ ᐁ ᒥᓗᑐᑖᑫᔭᒃ; ᐌᓴ ᐃᔅᐱ ᓇᐃᐸᓕᑫ ᑭ ᑳ ᒪᐗᒋᒋᑳᓈᓇᐤ, ᐁᑳ ᓄᑌᔑᓂᔮᑫ᙮

ᓂᔥᑕᒻ ᑌᓴᓗᓂᔭᓇ 3:6

ᒫᑲ ᐁᑯ ᐃᔅᐱ ᑳ ᐯᒋ ᑖᑯᔑᒃ ᑎᒧᑎ ᑭᓚᐗᐤ ᐅᒋ, ᓀᔥᑕ ᐁ ᑮ ᒥᓗ ᐋᓕᒧᑕᒪᐎᔭᒥᑦ ᑭ ᑖᐺᔦᓕᑕᒧᐎᓂᐗᐤ ᓀᔥᑕ ᑭ ᓵᑭᐃᐌᐎᓂᐗᐤ, ᓀᔥᑕ ᒧᔕᒃ ᐁ ᒥᓗ ᑭᔅᑭᓯᑐᑕᐎᔭᒥᑦ, ᓈᔅᐱᒡ ᐁ ᐎ ᐙᐸᒥᔭᒥᑦ, ᑖᐱᔅᑯᒡ ᓂᓚᓈᓐ ᓀᔥᑕ ᑭᒋ ᐙᐸᒥᑖᒃ;

ᓂᔓ ᑌᓴᓗᓂᔭᓇ 1:11

ᐁᐗᑯ ᐅᒋ ᒧᔕᒃ ᑭᑦ ᐋᔭᒥᐁᔅᑕᒫᑎᓈᓐ, ᑭ ᑭᒋᒪᓂᑐᒥᓇᐤ ᑭᒋ ᑌᐸᑫᓕᒥᑖᒃ ᐅᒪ ᓇᑐᑫᐎᓂᒃ, ᓀᔥᑕ ᑭᒋ ᑎᐱᑐᑕᒫᑖᒃ ᒥᓯᐌ ᐁ ᐃᔑ ᒥᓨᔑᑭ, ᓀᔥᑕ ᑖᐺᔦᓕᑕᒧᐎᓂ ᐊᑑᔅᑫᐎᓐ ᑲᔅᑭᐅᐎᓂᒃ;

ᓂᔓ ᑌᓴᓗᓂᔭᓇ 1:3

ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ ᓂᒋᔖᓂᑐᒃ, ᐁ ᐃᔑ ᒥᓗᐃᑌᓕᑖᑾᒃ, ᑭ ᑖᐺᔦᓕᑕᒧᐎᓂᐗᐤ ᐁ ᐌᓗᒋ ᓂᑕᐎᑭᒃ, ᓀᔥᑕ ᑭ ᓵᑭᐃᑐᐎᓂᐗᐤ ᐁ ᐃᔑ ᓵᑭᐃᑐᔦᒃ ᐁ ᐌᓗᒋᐸᓕᒃ;

ᓂᔥᑕᒻ ᑎᒧᑎ 1:14

ᓀᔥᑕ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᓈᔅᐱᒡ ᑮ ᐌᓗᒋᐸᓕᓕᐤ, ᐊᓯᒋ ᑖᐺᔦᓕᑕᒧᐎᓐ ᓀᔥᑕ ᓵᑭᐃᐌᐎᓐ ᑳ ᐃᔑ ᐱᒋᔅᑳᑯᑦ ᙭ ᒋᓴᔅ᙮

ᓂᔥᑕᒻ ᑎᒧᑎ 2:3

ᐌᓴ ᐁᐗᑯ ᒥᓨᔑᓐ ᓀᔥᑕ ᒥᓗ ᑲᓇᐙᐸᑕᒻ ᑭᒋᒪᓂᑐ ᑭ ᐱᒫᒋᐃᐌᒥᓇᐤ᙮

ᐦᐃᑉᕉᐗ 10:36

ᐌᓴ ᑭ ᓇᑕᐌᓕᑌᓇᐗᐤ ᔑᐱᓚᐌᓯᐎᓐ; ᐹᑎᒫ ᑮ ᑐᑕᒬᑴ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᑭᒋ ᒥᓕᑲᐎᔦᒃ ᐊᓂᒪ ᐊᔓᑕᒫᑫᐎᓐ᙮

ᐦᐃᑉᕉᐗ 11:17

ᑖᐺᔦᓕᑕᒧᐎᓐ ᐅᒋ ᐁᑉᕃᐋᒻ, ᐃᔅᐱ ᑫᑴᒋᐋᑲᓂᐎᑦ, ᑮ ᐸᑭᑎᓂᑫᐤ ᐋᐃᓯᑲ: ᐊᓇ ᒫᑲ ᑳ ᑮ ᒥᓛᑲᓂᐎᑦ ᐊᓂᐃ ᐊᔓᑕᒫᑫᐎᓇ, ᑮ ᐸᑭᑎᓂᑫᐤ ᐅ ᐯᔭᑯᔖᓇ,

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᐦᐃᑉᕉᐗ 4:11

ᐁᑯᔑ ᒫᑲ ᐊᑐᔅᑫᑕᐤ ᑭᒋ ᐱᑐᑫᔭᒃ ᐊᓂᒪ ᐋᓜᓯᐎᓂᒃ, ᐁᑳᐎᓚ ᐊᐌᓇ ᑭᒋ ᐸᑭᔑᒃ ᐊᓂᒪ ᑳ ᑮ ᐃᔑ ᐸᑭᔑᓈᓂᐗᒃ ᐁᑳ ᐁ ᑮ ᑖᐺᔦᓕᒋᑳᑌᒃ᙮

ᐦᐃᑉᕉᐗ 6:15

ᐁᑯᔑ ᒫᑲ, ᐃᔅᐱ ᑳ ᑮ ᔑᐱᓚᐌᓯᐎ ᔑᐯᓕᑕᒃ, ᑮ ᒥᓚᐤ ᐊᔓᑕᒫᑫᐎᓂᓕᐤ᙮

ᓂᔥᑕᒻ ᐱᑕᕐ 3:4

ᒫᑲ ᐁᑯᔑ ᐊᓂᒪ ᐊᑖᒥᒃ ᐃᑖᑎᓯᐎᓐ ᒥᑌᐃᒃ ᑳ ᐃᑕᑾᒃ, ᐊᓂᒪ ᐁᑳ ᑫ ᓂᔑᐗᓈᑕᒃ; ᐊᓂᒪ ᐙᐌᔑᐅᓐ ᐅᑎ ᓗᔅᐱᓯᐎ ᓀᔥᑕ ᑳᔮᒣᐎᓯᐎ ᐊᒑᒃ ᑳ ᑭᔅᑕᑭᒥᑯᑦ ᑭᒋᒪᓂᑐᐗ᙮

ᓂᔥᑕᒻ ᒑᓐ 3:18

ᓂᑦ ᐊᐱᔅᑕᐙᔑᒥᔑᒥᑐᒃ, ᐁᑳᐎᓚ ᑭᑦ ᐋᔭᒥᐎᓂᓈᒃ ᓀᔥᑕ ᑭᑌᓚᓕᓈᒃ ᓵᑭᐃᐌᑕᐤ; ᒫᑲ ᑭᑦ ᐃᑐᑕᒧᐎᓂᓈᒃ ᓀᔥᑕ ᑖᐺᐎᓂᒃ᙮

ᓂᔥᑕᒻ ᒑᓐ 3:21

ᓯᐋᑭᐃᑕᑾᒃ, ᑮᔥᐱᓐ ᑭᑌᐃᓇᐤ ᐁᑳ ᐎᑕᒫᑯᔭᑴ ᐁ ᒪᒋᑣᔭᒃ, ᐁᑯ ᑭᐁᒋᓇᐅᔅᑕᐗᒃ ᑭᒋᒪᓂᑐ᙮

ᓂᔥᑕᒻ ᒑᓐ 3:3

ᓀᔥᑕ ᒥᓯᐌ ᑕᑐ ᐃᓕᓕᐤ ᑳ ᐋᔮᑦ ᐅᒣᓕᐤ ᐊᔅᐯᓕᒧᐎᓂᓕᐤ, ᐹᔦᑭᐃᑎᓱ, ᑖᐱᔅᑯᒡ ᐁ ᐃᔑ ᐸᓓᑭᓯᓕᒋ᙮

ᓂᔥᑕᒻ ᒑᓐ 5:3

ᐌᓴ ᐁᐗᑯ ᐅᒪ ᑭᒋᒪᓂᑐ ᐅ ᓵᑭᐃᑯᓯᐎᓐ, ᑭᒋ ᑲᓇᐌᓕᑕᒶᒃ ᐅ ᑲᑫᔅᑴᐎᓇ: ᐅ ᑲᑫᔅᑴᐎᓇ ᒫᑲ ᓇᒪᐎᓚ ᐋᓕᒪᓂᓕᐗ᙮

ᑭᔅᑫᓕᑖᑯᑖᑫᐎᓐ 2:19

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭ ᓵᑭᐃᐌᐎᓐ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᑖᐺᔦᓕᑕᒧᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᑭᑦ ᐊᑑᔅᑫᐎᓇ; ᓀᔥᑕ ᐊᓂᐃ ᒫᒋᒡ ᐊᐙᓯᑌ ᐁ ᑭᔅᑕᑭᑖᑾᑭ ᐃᔥᐱᔥ ᐊᓂᐃ ᓃᔥᑕᒻ᙮

ᑭᔅᑫᓕᑖᑯᑖᑫᐎᓐ 3:10

ᐁ ᑮ ᑲᓇᐌᓕᑕᒪᓐ ᓂ ᔑᐱᓚᐌᓯᐎᓂ ᐋᔭᒥᐎᓐ, ᓂᓚ ᓀᔥᑕ ᑭ ᑳ ᑲᓇᐌᓕᒥᑎᓐ ᐃᔅᐱ ᐅᑎᒋᐸᓕᑫ ᑭᒋ ᑲᑴᒋᐃᐌᐎᓂᐗᒃ, ᑫ ᐯᒋ ᐱᒥᐸᓕᒃ ᒥᓯᐌ ᐊᔅᑮᒃ, ᑭᒋ ᑲᑴᒋᐃᑯᒋᒃ ᐊᓂᑭ ᐊᔅᑮᒃ ᑳ ᑕᔑᑫᒋᒃ᙮