ᓂᔥᑕᒻ ᐱᑕᕐ 5:8 - ᐅᔅᑭ ᑎᔅᑌᒥᓐᑦ

⁸ ᐯᑳᒡ ᐃᑕᑎᓰᒃ, ᔮᒀᒥᓯᒃ; ᐌᓴ ᑳ ᐎ ᒪᒋᑐᑖᑖᒃ ᒪᒋᒪᓂᑐ, ᑖᐱᔅᑯᒡ ᐁ ᐅᓗᑦ ᒥᔑᐱᔑᐤ ᐸᐹᒧᑌᐤ ᐁ ᓈᓇᑕᐙᐸᒫᑦ ᐊᐌᓕᐗ ᑫ ᑯᒋᐸᓕᐋᑦ:

ᓂᔥᑕᒻ ᐱᑕᕐ 5:8 Iomraidhean Croise

ᐅᐸᓓᑭᔅ ᒫᑎᐤ 13:39

ᑳ ᐸᒀᔑᐃᐌᑦ ᑳ ᐗᓴᓶᐱᓇᒃ ᐁᐗᑯ ᒪᒋᒪᓂᑐ; ᐁ ᒫᐗᒋᒋᑳᓂᐗᒃ ᐁᐗᑯ ᐁ ᐃᔥᒀᐸᓕᒃ ᐊᔅᑭ; ᐅᒪᓂᔑᑫᐗᒃ ᓀᔥᑕ ᐁᐗᒀᓂᑭ ᐁᓐᒐᓚᒃ᙮

ᐅᐸᓓᑭᔅ ᒫᑎᐤ 24:42

ᐁᐗᑯ ᐌᒋ ᐊᔕᐙᐱᒃ; ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᑫᑯ ᑎᐹᔨᑲᓐ ᐱᓯᒧᑳᓂᒃ ᐃᔅᐱ ᑫ ᐯᒋ ᐃᑐᑌᒃ ᑭ ᑎᐯᓕᒋᑫᒥᐗᐤ᙮

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᒫᑎᐤ 4:1

ᐁᑯ ᒫᑲ ᒋᓴᔅ ᑳ ᐃᑐᑕᐃᑯᑦ ᐊᒑᑾ ᐸᑾᑕᔅᑲᒥᑳᒃ ᑭᒋ ᑲᑴᒋᐃᑯᑦ ᒪᒋᒪᓂᑐᐗ᙮

ᐅᐸᓓᑭᔅ ᒫᑎᐤ 4:11

ᐁᑯ ᒫᑲ ᓀᑲᑎᑯᑦ ᒪᒋᒪᓂᑐᐗ, ᒫᑎᑲ, ᒫᑲ, ᑮ ᐯᒋ ᓈᑎᑯ ᐁᓐᒐᓚ ᐁ ᐅᒋᔅᑕᒫᑯᑦ᙮

ᐅᐸᓓᑭᔅ ᒫᕐᒃ 4:15

ᐅᑯ ᒫᑲ ᐁᐗᑾᓂᑭ ᐅᐱᒣ ᒣᔅᑲᓈᒃ, ᐃᑕ ᐋᔭᒥᐎᓐ ᑳ ᐗᓴᓶᐱᓂᑳᑌᒃ, ᒫᑲ, ᐃᔅᐱ ᑳ ᐯᑕᑭᒃ, ᑣᔦᒃ ᐯᒋ ᐃᑐᑌᐤ ᓭᑖᓐ ᒪᔅᑲᒣᐤ ᒫᑲ ᐋᔭᒥᐎᓂᓕᐤ ᑳ ᑮ ᐸᑭᑎᓂᑳᑌᓕᒃ ᐅᑌᐃᐙᒃ᙮

ᐅᐸᓓᑭᔅ ᓘᒃ 21:34

ᔮᒀᒥᓰᒃ ᒫᑲ ᐁᑳ ᑭᒋ ᒫᑕᑯᔥᑭᑳᑌᑭ ᑭᑌᐃᐙᐗ ᒥᔅᑕᐃ ᐁ ᒥᒋᓱᔦᒃ ᓀᔥᑕ ᐁ ᑭᔥᑴᐯᔦᒃ, ᓀᔥᑕ ᐁ ᐅᑕᒣᓕᑕᒣᒃ ᐅᒪ ᐱᒫᑎᓯᐎᓐ, ᐁᑳ ᐊᓂᒪ ᐁ ᑭᔑᑳᒃ ᑫᑕᑕᐌ ᑭᒋ ᐅᑎᑎᑯᔦᒃ᙮

ᐅᐸᓓᑭᔅ ᓘᒃ 21:36

ᐁᐗᑯ ᐅᒋ ᒫᑲ ᐊᔕᐙᐱᒃ ᓀᔥᑕ ᐋᔭᒥᐋᒃ ᒧᔕᒃ, ᑭᒋ ᐃᑕᑭᒥᑳᐎᔦᒃ ᐁ ᑌᐸᑫᓕᑖᑯᓯᔦᒃ ᐁᑳ ᑭᒋ ᐅᑎᑎᑯᔦᒃ ᒥᓯᐌ ᐅᐅ ᑫᒀᓇ ᑫ ᐃᑭᑭ, ᓀᔥᑕ ᑭᒋ ᐅᑎᔥᑲᐎᑳᐸᐎᔅᑕᐌᒃ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᓘᒃ 22:31

ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᓵᐃᒪᓐ, ᓵᐃᒪᓐ, ᒫᑎᑲ, ᓭᑖᓐ ᑭ ᑮ ᓇᑕᐌᓕᒥᑯᐗᐤ ᑭᒋ ᓯᑳᐌᐸᓕᐃᑖᒃ ᑖᐱᔅᑯᒡ ᐸᑴᔑᑲᓂᒥᓇ᙮

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᓂᔓ ᑯᕆᓐᑎᐊᓇ 2:11

ᓭᑕᓐ ᐁᑳ ᑭᒋ ᐙᔦᔑᐃᑕᒃ: ᐌᓴ ᑭ ᑭᔅᑫᓕᑕᒸᓈᓇᐤ ᐅ ᑲᑳᔦᓕᓯᐎᓇ᙮

ᐃᐱᓯᔭᓇ 4:27

ᐁᑳᐎᓚ ᓀᔥᑕ ᐸᑭᑎᓂᑎᓱᒃ ᑭᒋ ᐙᔦᔑᐃᑖᒃ ᒪᒋᒪᓂᑐ᙮

ᐃᐱᓯᔭᓇ 6:11

ᐳᔅᑎᔥᑲᒸᒃ ᒥᓯᐌ ᐅ ᓇᑐᐸᓕᐎ ᐋᐸᒋᑖᐎᓇ ᑭᒋᒪᓂᑐ, ᑭᒋ ᑮ ᓂᐸᐎᔅᑕᒬᒃ ᒪᒋᒪᓂᑐ ᐅ ᐙᔦᔑᐃᐌᐎᓇ᙮

ᓂᔥᑕᒻ ᑎᒧᑎ 2:15

ᐁᓕᐌᒃ ᒫᑲ ᑲᑕ ᐱᒫᒋᐊᐤ ᐁ ᐗᐸᒪᐗᓱᑦ, ᑮᔥᐱᓐ ᑕᑭ ᐃᑕᑡᐌ ᑖᐺᔦᓕᑕᒧᐎᓂᒃ ᓀᔥᑕ ᓵᑭᐃᐌᐎᓂᒃ, ᓀᔥᑕ ᐸᓓᑭᓯᐎᓂᒃ ᐊᓯᒋ ᐯᑳᒡ ᐃᑖᑎᓯᐎᓂᒃ᙮

ᓂᔥᑕᒻ ᑎᒧᑎ 2:9

ᐁᑯᔑ ᓀᔥᑕ ᑖᐱᔅᑯᒡ ᐃᔅᑴᐗᒃ ᑭᒋ ᐙᐌᔑᐅᒋᒃ ᒀᔭᔉ ᐎᓛᒋᑲᓂᒃ, ᓕᑆᑳᐎᑯᒃ ᓀᔥᑕ ᐯᑳᒡ ᐃᑖᑎᓯᐎᓂᒃ; ᐁᑳ ᐁ ᐋᐱᑳᑕᑭᒃ ᐅᔅᑎᒀᓂᐱᐌᐗᐗ, ᐁᑳ ᓀᔥᑕ ᐅᓵᐎᔔᓕᐋᓈᐱᔅᑯᓕᐤ, ᐁᑳ ᓀᔥᑕ ᐙᐌᔑᐅᓇ, ᐁᑳ ᓀᔥᑕ ᑳ ᑭᔅᑕᑭᒋᑳᑌᓕᑭ ᐋᐸᒋᑖᐎᓇ;

ᓂᔥᑕᒻ ᑎᒧᑎ 3:11

ᐁᑯᔑ ᒫᑲ ᑖᐱᔅᑯᒡ ᐎᐎᐙᐗ, ᑫ ᐃᔑ ᓕᑆᑳᓕᒋ, ᐁᑳ ᐁ ᐸᑾᓄᒥᐌᓕᒋ, ᐁ ᐯᑳᒡ ᐃᑖᑎᓯᓕᒋ, ᐁ ᒀᔭᔅᑭᑎᓕᑭ ᒥᓯᐌ ᐃᔑ᙮

ᓂᔥᑕᒻ ᑎᒧᑎ 3:2

ᑭᒋᐋᔭᒥᐁᐎᑭᒪᐤ ᒫᑲ ᑫᒋᓈᔥ ᑲᑕ ᒥᓗᐃᑌᓕᑖᑯᓯᐤ, ᐁ ᐅ ᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᑭᓯᓴᐎᓰᑦ, ᐁ ᐯᑳᒡ ᐃᑖᑎᓰᑦ, ᐁ ᒥᓦᑎᓰᑦ ᑭᔐᐙᑐᑕᐙᑦ ᒫᓐᑌᐗ, ᐁ ᑲᔥᑭᑖᑦ ᑭᒋ ᑭᔅᑭᓄᐊᒫᑫᑦ;

ᓂᔓ ᑎᒧᑎ 4:17

ᐁᓕᐌᒃ ᒫᑲ, ᐅᑎᐯᓕᒋᑫᐤ ᓂ ᑮ ᐎᒋᑲᐸᐎᔅᑖᒃ, ᓀᔥᑕ ᓂ ᑮ ᐋᔨᒋᐃᒃ; ᓂᓚ ᐅᒋ ᒥᑐᓂ ᑭᒋ ᑭᔅᑫᓕᒋᑳᑌᒃ ᑲᑫᔅᑭᒥᐌᐎᓐ, ᓀᔥᑕ ᒥᓯᐌ ᒉᓐᑖᐃᓚᒃ ᑭᒋ ᐯᑕᑭᒃ: ᓀᔥᑕ ᒫᑲ ᒥᔑᐱᔑᐤ ᐅᑐᓂᒃ ᓂ ᑮ ᐅᒋ ᐎᑾᑭᐃᑲᐎᓐ᙮

ᑕᐃᑕᔅ 1:8

ᒫᑲ ᐁ ᑭᔐᐙᑐᑕᐙᑦ ᒫᓐᑌᐗ, ᐁ ᓵᑭᐋᑦ ᑳ ᒥᓗᑣᓕᒋ, ᐁ ᐯᑳᒡ ᐃᑖᑎᓰᑦ, ᐁ ᒀᔭᔅᑭᑎᑦ, ᐁ ᐸᓓᑭᓯᑦ, ᐁ ᑖᐱᑕᐙᑎᓰᑦ:

ᑕᐃᑕᔅ 2:12

ᐁ ᑭᔅᑭᓄᐊᒫᑯᔭᒃ, ᐁ ᐋᓉᑕᒪᒃ ᒪᒑᑎᓯᐎᓐ ᓀᔥᑕ ᐊᔅᑭᐎ ᓇᑕᐌᓕᒋᑫᐎᓇ, ᑭᒋ ᐯᑳᒡ ᐱᒫᑎᓯᔭᒃ, ᑭᒋ ᒀᔭᔅᑭᑖᑎᓯᔭᒃ, ᓀᔥᑕ ᒪᓂᑐᐙᑎᓯᔭᒃ, ᐅᒪ ᐊᔅᑮᒃ ᐊᓄᒡ ᑳ ᐃᑕᑾᒃ;

ᑕᐃᑕᔅ 2:2

ᑭᔐᓕᓕᐗᒃ ᑭᒋ ᐯᑳᒡ ᐃᑖᑎᓯᒋᒃ, ᓕᑆᑳᒋᒃ, ᑖᐱᑕᐙᑎᓯᒋᒃ, ᒪᔥᑲᐎᓯᒋᒃ ᑖᐺᔦᓕᑕᒧᐎᓂᒃ, ᓵᑭᐃᐌᐎᓂᒃ, ᔑᐱᓚᐌᓯᐎᓂᒃ᙮

ᑕᐃᑕᔅ 2:4

ᑭᒋ ᑭᔅᑭᓄᐊᒪᐙᒋᒃ ᐅᔥᑭᓂᑭᔅᑴᐗ ᑭᒋ ᐯᑳᒡ ᐃᑖᑎᓯᒋᒃ, ᑭᒋ ᓵᑭᐋᒋᒃ ᐅ ᓈᐯᒥᐗᐗ, ᑭᒋ ᓵᑭᐋᒋᒃ ᐅᑦ ᐊᐙᔑᒥᔑᐗᐗ᙮

ᑕᐃᑕᔅ 2:6

ᐅᔥᑭᓂᑭᐗᒃ ᓀᔥᑕ ᔑᑭᒥᒃ ᑭᒋ ᓕᑄᑲᐎ ᒥᑐᓀᓕᒋᑲᓂᒋᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:7

ᐸᑭᑎᓂᑎᓱᔅᑖᒃ ᒫᑲ ᑭᒋᒪᓂᑐ, ᓇᔅᑯᔅᑖᒃ ᒪᒋᒪᓂᑐ, ᐁᑯ ᒫᑲ ᑫ ᐅᔑᒥᑖᒃ᙮

ᓂᔥᑕᒻ ᐱᑕᕐ 1:13

ᐁᐗᑯ ᐅᒋ, ᐸᑾᑌᐊᒧᒃ ᑭ ᒥᑐᓀᓕᒋᑲᓂᐙᐗ, ᐯᑳᒡ ᐃᑖᑎᓰᒃ, ᓀᔥᑕ ᐃᔅᒀᔮᒡ ᐃᔅᑯ ᐊᔅᐯᓕᒧᑐᑕᒧᒃ ᐊᓂᒪ ᔕᐌᓕᒋᑫᐎᓐ ᑫ ᐯᒋ ᒥᓕᑲᐎᔦᒃ ᑭᔅᑫᓕᑖᑯᐋᑲᓂᐎᑌ ᒋᓴᔅ ᙭;

ᓂᔥᑕᒻ ᐱᑕᕐ 4:7

ᒫᑲ ᐯᔓᓈᑾᒃ ᑭᒋ ᐃᔥᒀᐸᓕᑭ ᒥᓯᐌ ᑫᒀᓇ: ᐁᐗᑯ ᐌᒋ ᐯᑳᒡ ᐃᑖᑎᓰᒃ, ᐊᔕᐙᐱᒃ ᒫᑲ ᐁ ᐋᔭᒥᐊᔦᒃ᙮

ᑭᔅᑫᓕᑖᑯᑖᑫᐎᓐ 12:10

ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᐁ ᑭᔗᐌᒪᑲᒃ, ᐁ ᐃᑗᒪᑲᒃ ᑭᒋᑭᔑᑯᒃ, ᐁᑯ ᐌᑎᒋᐸᓕᒃ ᐱᒫᒋᐃᐌᐎᓐ, ᓀᔥᑕ ᒪᔥᑲᐎᓯᐎᓐ, ᓀᔥᑕ ᑭ ᑭᒋᒪᓂᑐᒥᓇᐤ ᐅᑦ ᐅᑭᒫᐎᐎᓐ, ᓀᔥᑕ ᐅ ᙭ᑎᒪ ᐅ ᑲᔥᑭᐅᐎᓂᓕᐤ; ᐌᓴ ᐊᓇ ᑳ ᒪᒥᔑᒫᑦ ᑭᒋᔖᓂᓇᐗ ᓂᒋ ᐌᐱᓈᑲᓂᐎᐤ ᐅᑎᔥᑲᐤ ᑭ ᑭᒋᒪᓂᑐᒥᓇᐗ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ᙮

ᑭᔅᑫᓕᑖᑯᑖᑫᐎᓐ 12:12

ᐁᐗᑯ ᐅᒋ ᒥᓚᐙᑕᒧᒃ ᑭᓚᐗᐤ ᑭᒋᑭᔑᑾ, ᑭᓚᐗᐤ ᓀᔥᑕ ᐁᑯᑕ ᑳ ᑕᔑᑫᔦᒃ᙮ ᑭ ᑲᒀᑕᑭᓯᓇᐗᐤ ᑭᓚᐗᐤ ᑳ ᑕᔑᑫᔦᒃ ᐊᔅᑮᒃ, ᓀᔥᑕ ᑭᒋᑲᒦᒃ, ᐌᓴ ᒪᒋᒪᓂᑐ ᐁ ᓛᔑᑦ ᑭᑦ ᐅᑎᑎᑯᐗᐤ, ᐁ ᐋᔮᑦ ᑭᒋ ᑭᓯᐙᓯᐎᓂᓕᐤ, ᐁ ᑭᔅᑫᓕᑕᒃ ᐎᓕᐱᔉ ᐱᑯ ᐁ ᐋᔮᑦ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 20:2

ᑮ ᐅᑎᑎᓀᐤ ᒫᑲ ᒥᔑᑭᓀᐱᑾ, ᐊᓂᐃ ᑭᔐ ᒥᔑᑭᓀᐱᑾ, ᐁᐗᑯ ᒪᒋᒪᓂᑐ ᓀᔥᑕ ᓭᑖᓐ, ᑮ ᒫᒫᒋᒀᐱᑌᐤ ᒫᑲ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ,