ᓂᔥᑕᒻ ᐱᑕᕐ 4:4 - ᐅᔅᑭ ᑎᔅᑌᒥᓐᑦ

⁴ ᐃᑕ ᐁ ᒫᒪᔅᑳᑌᓕᑕᑭᒃ ᐁᑳ ᐁ ᐎᒋᐱᒥᐸᑕᒣᑾᒃ ᐁᐗᑯ ᑫᔮᐸᒡ ᑭᔥᑴᐎᓂ ᒪᔥᑫᑯᒃ ᐁ ᐸᑾᓄᒥᑖᑾᒃ:

ᓂᔥᑕᒻ ᐱᑕᕐ 4:4 Iomraidhean Croise

ᐅᐸᓓᑭᔅ ᒫᑎᐤ 23:25

ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ! ᐌᓴ ᑭ ᐸᔦᑭᑖᓇᐗᐤ ᐗᔅᑮᒡ ᒥᓂᑾᑲᓐ ᓀᔥᑕ ᐅᓛᑲᓐ, ᒫᑲ ᐱᒋ ᓴᑲᔅᑭᓀᐗ ᒪᔅᑲᒋᐃᐌᐎᓐ ᓀᔥᑕ ᐅᓵᒥᐃᓱᐎᓐ᙮

ᐅᐸᓓᑭᔅ ᓘᒃ 15:13

ᓇᒪᐎᓚ ᒫᑲ ᒥᒉᑐ ᑭᔑᑳᐗ ᐃᓕᑯᒃ, ᐊᓇ ᐌᔑᒥᒫᐎᑦ ᑮ ᒫᒪᐎ ᒪᐗᒋᑕᐤ ᒥᓯᐌ, ᓀᔥᑕ ᑮ ᑭᑐᑌᐤ ᐊᔅᑭᒃ ᐗᓚᐤ ᐁ ᐃᑐᑌᑦ, ᐁᑯᑕ ᒫᑲ ᒥᐁᔅᑎᓇᒃ ᐅ ᑎᐱᓚᐌᐎᓯᐎᓐ ᐁ ᑮᔥᑴᐎ ᐱᒪᑎᓰᑦ᙮

ᐊᐸᔅᑕᓚᒃ 13:45

ᐃᔅᐱ ᒫᑲ ᒎᐗᒃ ᐎᐋᐸᒫᒋᒃ ᑳ ᒫᐗᒋᐃᑑᓕᒋ ᐃᓕᓕᐗ, ᑮ ᓵᑲᔅᑭᓀᐗᒃ ᐅᑌᓕᑕᒧᐃᓂᓕᐤ, ᓀᔥᑕ ᐁ ᒪᒋ ᐋᓕᒧᑕᑭᒃ ᐊᓂᐃ ᑫᒀᓇ ᑳ ᑎᐹᑐᑕᒥᓕᒋ ᐹᓚ, ᐁ ᐋᓉᑖᑫᒋᒃ ᓀᔥᑕ ᐁ ᐹᔅᑖᒧᒋᒃ᙮

ᐊᐸᔅᑕᓚᒃ 18:6

ᐃᔅᐱ ᒫᑲ ᑳ ᐋᓉᑖᑫᒋᒃ, ᓀᔥᑕ ᐁ ᐸᐸᔅᑖᒧᒋᒃ, ᑮ ᐸᐸᐎᐸᓕᑕᐤ ᐅ ᐎᓚᒋᑲᓐ, ᑮ ᐃᑌᐤ ᒫᑲ, ᑭᒥᑯᐙᐤ ᑲᑕ ᐊᔅᑌᐤ ᑎᐯᓚᐌ ᑭᔅᑎᒀᓂᐙᒃ: ᓂᓚ ᓂ ᐸᔦᑭᓯᓐ: ᐊᓄᒡ ᐅᒋ ᓂ ᑳ ᓈᑖᐗᒃ ᐊᓂᑭ ᒉᓐᑖᐃᓚᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:13

ᐁᑯᔑ ᒀᔭᔉ ᐃᔑ ᐱᒧᑌᑕᐤ ᑖᐱᔅᑯᒡ ᐁ ᑭᔑᑳᒃ; ᐁᑳᐎᓚ ᒪᒋ ᒪᑯᔕᐎᓂᒃ ᓀᔥᑕ ᑮᔥᑴᐯᐎᓂᒃ; ᐁᑳᐎᓚ ᒪᒋ ᑳᐎᔑᒧᑐᑖᑐᐎᓂᒃ ᓀᔥᑕ ᐱᔑᑳᑎᓯᐎᓂᒃ; ᐁᑳᐎᓚ ᒀᓗᑖᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ᙮

ᐃᐱᓯᔭᓇ 5:18

ᐁᑳᐎᓚ ᓀᔥᑕ ᑮᔥᑴᐯᒃ ᔓᒥᓈᐳ ᐅᒋ, ᐁᐗᑯ ᐅᓵᒥᐃᓱᐎᓐ: ᒫᑲ ᑭ ᑳ ᐎ ᓴᑲᔅᑭᓀᔅᑳᑯᐗᐤ ᐊᒑᒃ;

ᓂᔥᑕᒻ ᐱᑕᕐ 2:12

ᒀᔭᔉ ᐁ ᐃᑎᔦᒃ ᑭᑦ ᐃᔑᐱᒫᑎᓯᐎᓂᐙᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ: ᐋᑕ ᐁ ᐸᑾᓄᒥᑖᑾᒃ ᑖᐱᔅᑯᒡ ᐅᒪᒋᐋᔨᑎᐗ, ᐁᓕᐌᒃ ᒫᑲ ᑭ ᒥᓗ ᐊᑑᔅᑫᐎᓂᐙᐗ, ᑫ ᐙᐸᑕᑭᒃ, ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ ᓇᑕᐙᐸᒥᐌᐎ ᑭᔑᑳᑫ᙮

ᓂᔥᑕᒻ ᐱᑕᕐ 3:16

ᐁ ᒥᓗ ᒥᑐᓀᓕᒋᑲᓂᔦᒃ; ᐁ ᒪᒋ ᐋᓕᒧᒥᑖᑾᒃ, ᑖᐱᔅᑰᒡ ᐅᒪᒋᑐᑕᒧᔅᑲᒃ, ᑭᒋ ᓇᓀᐯᐎᓯᒋᒃ ᐊᓂᑭ ᑳ ᑭᓛᔅᑭᐎ ᒪᒥᔑᑐᑕᑭᒃ ᑭ ᒥᓗ ᐃᔑᐱᒫᑎᓯᐎᓂᐗᐤ ᙭ᑎᒃ᙮

ᓂᔓ ᐱᑕᕐ 2:12

ᒫᑲ ᐅᑯ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐁ ᑮ ᐅᔑᐋᑲᓂᐎᒋᒃ ᑭᒋ ᐅᑎᓈᑲᓂᐎᒋᒃ ᓀᔥᑕ ᑭᒋ ᓂᔑᐗᓈᒋᐋᑲᓂᐎᒋᒃ, ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᓂᓯᑐᑕᑭᒃ; ᒥᑐᓂ ᒫᑲ ᑲᑕ ᓂᔑᐗᓈᑎᓯᐗᒃ ᑎᐱᓚᐌ ᐅ ᒪᒑᑎᓯᐎᓂᐙᒃ;

ᓂᔓ ᐱᑕᕐ 2:22

ᒫᑲ ᑮ ᐃᑎᐗᒃ ᑖᐱᔅᑯᒡ ᐁ ᐃᑗᒪᑲᒃ ᑕᐺ ᐊᔅᐸᐊᑫᒧᐎᓐ, ᐊᑎᒻ ᒥᓇ ᑮ ᑭᐌᓈᑕᒻ ᐅ ᐹᑯᒧᐎᓐ; ᓀᔥᑕ ᓄᔐ ᑯᑯᔥ ᑳ ᑮ ᑭᒋᔅᑖᐸᐗᓛᑲᓂᐎᑦ ᑭᒋ ᑎᑎᐱᔑᒧᑦ ᓕᐹᑕᓄᒃ᙮

ᒎᑦ 1:10

ᒫᑲ ᐅᑯ ᒪᒋ ᐋᓕᒧᑕᒶᒃ ᐊᓂᐃ ᑫᒀᓇ ᐁᑳ ᑳ ᑭᔅᑫᓕᑕᑭᒃ: ᒫᑲ ᑫᒀᓐ ᐅᒋᑕᐤ ᑳ ᑭᔅᑫᓕᑕᑭᒃ, ᑖᐱᔅᑯᒡ ᐃᓚᑐ ᐊᐌᓯᓴᒃ, ᐅᐅ ᑫᒀᓇ ᐅᒋ ᐎᓂᐃᑎᓱᐗᒃ᙮