ᓂᔥᑕᒻ ᐱᑕᕐ 4:2 - ᐅᔅᑭ ᑎᔅᑌᒥᓐᑦ

² ᐁᑳᐎᓚ ᑫᔮᐸᒡ ᑭᒋ ᐱᒫᑎᓯᑦ ᐃᔥᐱᔥ ᐁ ᐅ ᑭᔑᑳᒥᑦ ᐎᔮᓯᐎᓂᒃ ᐅ ᒪᒋᓇᑕᐌᓕᑕᒧᐎᓂᓕᒃ ᐃᓕᓕᐗ, ᒫᑲ ᐅᑦ ᐃᑌᓕᑕᒧᐎᓂᓕᒃ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 4:2 Iomraidhean Croise

ᐅᐸᓓᑭᔅ ᒫᑎᐤ 12:50

ᐌᓴ ᐊᐌᓇ ᑫ ᑐᑕᒧᑴ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ, ᐁᐗᒀᓇ ᓂᒋᔖᓐ, ᓀᔥᑕ ᓂᒋᔖᓂᔅᑴᒻ ᓀᔥᑕ ᓂᑳᐎ᙮

ᐅᐸᓓᑭᔅ ᒫᑎᐤ 20:4

ᑮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ, ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑎᓇᐗᐤ᙮ ᐁᑯ ᒫᑲ ᐁᑐᑌᒋᒃ᙮

ᐅᐸᓓᑭᔅ ᒫᑎᐤ 21:31

ᐊᐌᓇ ᐅᑯ ᑳ ᓂᔑᒋᒃ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᐅᑖᐎᐙᐗ? ᐃᑌᐗᒃ, ᐊᓇ ᓃᔥᑕᒻ᙮ ᒋᓴᔅ ᐃᑌᐤ, ᑖᐺ ᑭᑦ ᐃᑎᓇᐗᐤ, ᐎᓚᐗᐤ ᐸᑉᓕᑳᓇᒃ ᓀᔥᑕ ᐱᔑᒀᑎᔅᑴᐗᒃ ᑲᑕ ᐱᑐᑫᐌᐗᒃ ᑭᒋᒪᓂᑐᐗ ᐅᑦᐅᑭᒫᐎᐎᓂᓕᒃ ᐸᒧᔑ ᑭᓚᐗᐤ᙮

ᐅᐸᓓᑭᔅ ᒫᑎᐤ 7:21

ᓇᒪᐎᓚ ᒥᓯᐌ ᑕᑐ ᐊᐌᓇ ᑳ ᐃᔑᑦ, ᑌᐯᓕᒋᑫᔭᓐ, ᑌᐯᓕᒋᑫᔭᓐ, ᑲᑕ ᐱᑐᑫᐤ ᑭᒋᑭᔑᑳᐎ ᐅᑭᒫᐎᐎᓂᒃ; ᒫᑲ ᐊᓇ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᕐᒃ 3:35

ᐌᓴ ᐊᐌᓇ ᑫ ᑐᑕᒸᑴ ᐅᑦ ᐃᑌᓕᑕᒧᐎᓂᓕᐤ ᑭᒋᒪᓂᑐᐗ, ᐁᐗᒀᓇ ᓂᒋᔖᓐ, ᓀᔥᑕ ᓂᒋᔖᓂᔅᑴᒻ, ᓀᔥᑕ ᓂᑳᐎ᙮

ᐅᐸᓓᑭᔅ ᒫᕐᒃ 7:21

ᐌᓴ ᐱᒋ ᐅᒋ, ᐃᓕᓕᐗᒃ ᐅᑌᐃᐙᒃ, ᐅᒋᐸᓕᐗ ᒪᒋ ᒥᑐᓀᓕᒋᑫᐎᓇ, ᒫᒪᐎᐃᑐᐎᓇ, ᐯᔑᑾᑎᓯᐎᓇ, ᓂᐹᔭᐌᐎᓇ,

ᐅᐸᓓᑭᔅ ᒑᓐ 1:13

ᐊᓂᑭ ᐁᑳ ᒥᑯᒃ ᑳ ᐅᒋ ᓂᑖᐎᑭᒋᒃ, ᐁᑳ ᓀᔥᑕ ᐎᔮᓯᐎ ᐃᑌᓕᑕᒧᐎᓂᒃ, ᐁᑳ ᓀᔥᑕ ᐃᓕᓕᐎ ᐃᑌᓕᑕᒧᐎᓂᒃ, ᒫᑳ ᑭᒋᒪᓂᑐᒃ ᐅᒋ᙮

ᐅᐸᓓᑭᔅ ᒑᓐ 7:17

ᑮᔥᐱᓐ ᐊᐌᓇ ᐎ ᑐᑕᒸᑌ ᐅᑦ ᐃᑌᓕᑕᒧᐎᓂᓕᐤ, ᑲᑕ ᑭᔅᑫᓕᑕᒻ ᑭᔅᑭᓄᐊᒫᑫᐎᓂᓕᐤ, ᑮᔥᐱᓐ ᑭᒋᒪᓂᑐᒃ ᐌᒋᒪᑲᓂᓕᑴ, ᓀᔥᑕᐱᑯ ᑎᐱᓚᐌ ᓂ ᒥᑐᓀᓕᒋᑲᓂᒃ ᐌᒋ ᐋᔭᒥᐙᓀ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:2

ᓀᔥᑕ ᒫᑲ ᐁᑳᐎᓚ ᓇᔅᐱᑕᒧᒃ ᐊᔅᑭᐎ ᐃᔑᑣᐎᓇ; ᒫᑲ ᑴᔅᑳᑎᓰᒃ ᐁ ᐅᔥᑭᑖᓂᐗᒃ ᑭ ᒥᑐᓀᓕᒋᑲᓂᐗᐤ, ᑭᒋ ᓇᑕᐎ ᑭᔅᑫᓕᑕᒬᒃ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᐁᐗᒀᓂᒪ ᑳ ᒥᓨᔑᒃ, ᓀᔥᑕ ᑳ ᓇᐃᓕᐌᐃᐌᒪᑲᒃ, ᓀᔥᑕ ᒥᑐᓂ ᑳ ᒀᔭᔅᑭᑌᓕᑖᑾᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:7

ᐌᓴ ᓇᒪᐎᓚ ᐊᐌᓇ ᐁ ᐃᑕᔑᔭᒃ ᐱᒫᑎᓰᔅᑖᓱ, ᓇᒪ ᓀᔥᑕ ᐊᐌᓇ ᓂᐳᔅᑖᓱ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:11

ᐁᑯ ᓀᔥᑕ ᑭᓚᐗᐤ ᐃᑕᑭᒥᑎᓯᒃ ᐁ ᓂᐱᔦᒃ ᒪᒋᑣᐎᓂᒃ ᐅᒋ, ᒫᑲ ᐁ ᐱᒫᑎᓲᔅᑕᐌᒃ ᑭᒋᒪᓂᑐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:2

ᓇᒪᐎᓚ ᑲᑕ ᐎ ᐃᑭᓐ᙮ ᑭᓚᓈᓇᐤ ᑳ ᓂᐱᔭᒃ ᒪᒋᑣᐎᓂᒃ ᐅᒋ, ᑖᓂ ᑫ ᐃᔑ ᐱᒫᑎᓯᔭᒃ ᐁᑯᑕ ᑭᔮᐸᒡ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:4

ᐁᐗᑯ ᐅᒋ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐅᓚᔓᐌᐎᓂᒃ ᑭᑦ ᐅᒋ ᓂᐱᓇᐗᐤ ᙭ ᐎᔭᐤ ᐅᒋ; ᑭᒋ ᑮ ᐎᑭᒣᒃ ᑯᑕᒃ, ᐊᓇ ᐅᑎ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑲᓂᐎᑦ ᒥᓂᔕ ᑭᒋ ᑮ ᓂᑕᐎᑭᑕᒪᐗᒃ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 5:15

ᓀᔥᑕ ᐁ ᑮ ᓂᐳᔅᑕᒪᐙᑦ ᒥᓯᐌ, ᐊᓂᑭ ᑳ ᐱᒫᑎᓯᒋᒃ ᐁᑳ ᐊᓄᒡ ᐅᒋ ᑭᒋ ᐱᒫᑎᓰᒻ ᑖᓯᒋᒃ, ᒫᑲ ᐊᓂᐃ ᑳ ᓂᐳᔅᑕᒫᑯᒋᒃ, ᓀᔥᑕ ᒥᓇ ᑳ ᑮ ᐗᓂᔥᑳᓕᒋ᙮

ᐃᐱᓯᔭᓇ 2:3

ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮

ᐃᐱᓯᔭᓇ 4:17

ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᐃᐱᓯᔭᓇ 5:17

ᐁᐗᑯ ᐌᒋ ᐁᑳᐎᓚ ᑲᑫᐹᑎᓰᒃ, ᒫᑲ ᐁ ᓂᓯᑐᑕᒬᒃ ᐅᑎᐯᓕᒋᑫᐤ ᐅᑦ ᐃᑌᓕᑕᒧᐎᓐ᙮

ᐃᐱᓯᔭᓇ 6:6

ᓇᒪᐎᓚ ᐙᐸᒥᑯᐎ ᐊᑑᔅᑫᐎᓂᒃ, ᑖᐱᔅᑯᒡ ᐊᓂᑭ ᐃᓕᓕᐗ ᐱᑯ ᐁ ᓇᐃᓚᐌᐋᒋᒃ: ᒫᑲ ᑖᐱᔅᑯᒡ ᙭ ᐅᑦ ᐊᑑᔅᑫᓛᑲᓂᒪ, ᐁ ᑐᑕᒬᒃ ᑭᑌᐃᐙᒃ ᐅᒋ ᑭᒋᒪᓂᑐ ᐅᑦ ᐃᑌᓕᑕᒧᐎᓐ;

ᑯᓚᔑᔭᓇ 1:9

ᐅᒪ ᐅᒋ ᓂᓚᓈᓐ ᓀᔥᑕ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒫᒃ, ᓇᒪᐎᓚ ᓂ ᐳᓂᓈᓐ ᐁ ᐋᔭᒥᐁᔅᑕᒫᑕᑾᒃ, ᑭᒋ ᓴᑲᔅᑭᓀᔅᑳᑯᐌᒃ ᐁ ᑭᔅᑫᓕᒋᑳᑌᓕᒃ ᐅᑦ ᐃᑌᓕᑕᒧᐎᓐ, ᒥᓯᐌ ᑲᑫᑕᐌᓕᑕᒧᐎᓂᒃ ᓀᔥᑕ ᐊᒑᑯᐎ ᓂᓯᑐᑕᒧᐎᓂᒃ;

ᑯᓚᔑᔭᓇ 3:3

ᐌᓴ ᑭ ᓂᐱᓇᐗᐤ, ᓀᔥᑕ ᑭ ᐱᒫᑎᓯᐎᓂᐗᐤ ᑳᑖᓂᐗᓐ ᐊᓯᒋ ᙭ ᑭᒋᒪᓂᑐᓈᒃ᙮

ᑯᓚᔑᔭᓇ 4:12

ᐃᐸᑉᕌᔅ, ᑭᓚᐗᐤ ᑳ ᐅᒌᑦ, ᐅᑦ ᐊᑑᔅᑫᓛᑲᓂᒪ ᙭, ᑭᑦ ᐊᑕᒥᔅᑳᑯᐗᐤ, ᒧᔕᒃ ᓱᑲ ᑳ ᐊᑐᔅᑳᑖᒃ ᐋᔭᒥᐋᐎᓂᒃ, ᑭᒋ ᓂᐸᐎᔦᒃ ᓈᔅᐱᒡ ᐁ ᒥᓨᑎᓯᔦᒃ ᓀᔥᑕ ᐁ ᒥᑐᓂᐎᓯᔦᒃ ᒥᓯᐌ ᐅᑦ ᐃᑌᓕᑕᒧᐎᓂᒃ ᑭᒋᒪᓂᑐ᙮

ᓂᔥᑕᒻ ᑌᓴᓗᓂᔭᓇ 5:18

ᒥᓯᐌ ᑫᒀᓐ ᐅᒋ ᓈᓈᔅᑯᒧᒃ: ᐌᓴ ᐁᐗᑯ ᑭᒋᒪᓂᑐ ᐅᑦ ᐃᑌᓕᑕᐊᐎᓐ ᙭ ᒋᓴᓯᒃ ᑭᓚᐗᐤ ᐅᒋ᙮

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:18

ᑎᐱᓚᐌ ᐅᑦ ᐃᑌᓕᑕᒧᐎᓂᒃ ᑭ ᑮ ᓂᑕᐎᑭᐃᑯᓇᐤ ᑖᐺᐎᓂ ᐋᔭᒥᐎᓂᓕᐤ ᐅᒋ, ᑭᓚᓈᓇᐤ ᑭᒋ ᓂᑳᓄᑕᐗᑯᒃ ᐅᑦ ᐅᔑᐋᑲᓇ᙮

ᓂᔥᑕᒻ ᐱᑕᕐ 1:14

ᑖᐱᔅᑯᒡ ᑳ ᓇᓇᐃᑕᑭᒃ ᐊᐙᔑᔕᒃ, ᐁᑳ ᐁ ᐃᔑᐃᑎᓱᔦᒃ ᑳ ᑮ ᐃᔑ ᒪᒋ ᓇᑕᐌᓕᑕᒣᒃ ᐌᔅᑳᒡ ᐃᔅᐱ ᐁᑳ ᑳ ᑮ ᑭᔅᑫᓕᑕᒣᒃ;

ᓂᔥᑕᒻ ᐱᑕᕐ 2:1

ᐁᐗᑯ ᐅᒋ, ᐁ ᐃᑲᑌᓇᒣᒃ ᒥᓯᐌ ᑭᒧᒋᐸᒀᑎᑐᐎᓐ, ᓀᔥᑕ ᒥᓯᐌ ᑲᑳᔦᓕᓯᐎᓐ, ᓀᔥᑕ ᐋᔭᒥᐁᑳᓱᐎᓇ, ᓀᔥᑕ ᐅᑌᓕᒥᑐᐎᓇ, ᓀᔥᑕ ᒥᓯᐌ ᒪᒋ ᐋᔭᒥᐎᓇ,

ᓂᔥᑕᒻ ᒑᓐ 2:17

ᐊᔅᑭ ᒫᑲ ᐌᐱᐸᓕᐤ, ᓀᔥᑕ ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ: ᒫᑲ ᐊᓇ ᑳ ᑐᑕᒸᑦ ᑭᒋᒪᓂᑐᐗ ᐅᑦ ᐃᑌᓕᑕᒧᐎᓂᓕᐤ ᑳᑭᑫ ᐃᑖᐤ᙮