ᓂᔥᑕᒻ ᐱᑕᕐ 4:14 - ᐅᔅᑭ ᑎᔅᑌᒥᓐᑦ

¹⁴ ᑮᔥᐱᓐ ᑭᑳᒥᑲᐎᔦᑴ ᐅᑦ ᐃᔑᓂᑳᓱᐎᓐ ᙭ ᐅᒋ, ᒥᓚᐙᑌᓇᐗᐤ; ᐌᓴ ᑭᔅᑌᓕᑖᑯᓯᐎ ᐊᒑᒃ ᓀᔥᑕ ᑭᒋᒪᓂᑐ ᐅᑦ ᐊᒑᑾ ᑭ ᐎᒉᐎᑯᐗᐤ: ᐎᓚᐗᐤ ᐅᒋ ᒪᒋᐋᓕᒧᒪᐤ, ᒫᑲ ᑭᓚᐗᐤ ᐅᒋ ᑭᔅᑌᓕᑖᑯᐊᐤ᙮

ᓂᔥᑕᒻ ᐱᑕᕐ 4:14 Iomraidhean Croise

ᐅᐸᓓᑭᔅ ᒫᑎᐤ 5:11

ᑭ ᔕᐌᓕᑖᑯᓯᓇᐗᐤ ᐁ ᓈᔦᑕᐎᐃᑎᑖᑾᒃ ᐃᓕᓕᐗᒃ, ᓀᔥᑕ ᑲᒀᑕᑭᐃᑖᑾᒃ, ᓀᔥᑕ ᒥᓯᐌ ᐃᔑ ᑭᓛᔅᑭ ᐋᓕᒧᒥᑖᑾᒃ ᓂᓚ ᐅᒋ᙮

ᐅᐸᓓᑭᔅ ᒫᑎᐤ 5:16

ᐁᑯᔑ ᑮ ᐙᔅᑌᐄᓂᐗᐤ ᑲᑕ ᐃᔑ ᒐᑳᔅᑌᔅᑳᑯᐗᒃ ᐃᓕᓕᐗᒃ, ᑭᒋ ᑮ ᐙᐸᑕᑭᒃ ᑭ ᒥᓗ ᐊᑑᔅᑫᐄᓂᐙᐗ, ᑭᒋ ᑭᔅᑖᒋᒫᒋᒃ ᒫᑲ ᑯᑖᐎᐙᐗ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᓘᒃ 6:22

ᑭ ᔕᐌᓕᑖᑯᓯᓇᐗᐤ ᐃᔅᐱ ᐗᑳᑎᑖᑾᐌ ᐃᓕᓕᐗᒃ, ᓀᔥᑕ ᐹᑳᓂᐃᑖᑾᐌ ᐁᑳ ᑭᒋ ᐎᒉᐌᑾᒃ, ᓀᔥᑕ ᒪᒋ ᐋᔭᒥᐃᑖᑾᐌ, ᓀᔥᑕ ᐗᓚᐎᐌᐱᓇᑾᐌ ᑭᑦ ᐃᔑᓂᑳᓱᐎᓂᐙᐗ ᑖᐱᔅᑯᒡ ᐁ ᒫᓛᑕᑲ, ᐃᓕᓕᐎᑯᓯᓵᓐ ᐅᒋ᙮

ᐅᐸᓓᑭᔅ ᒑᓐ 15:21

ᒫᑲ ᒥᓯᐌ ᐅᐅ ᑫᒀᓇ ᑭ ᑳ ᑐᑖᑯᐙᐗᒃ ᓂᑦ ᐃᔑᓂᑳᓱᐎᓂᓕᐤ ᐅᒋ, ᐁᑳ ᐁ ᑭᔅᑫᓕᒫᒋᒃ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᐅᐸᓓᑭᔅ ᒑᓐ 8:48

ᐁᑯ ᒎᐗᒃ ᓀᔥᑴᐗᔑᐋᒋᒃ, ᐁ ᐃᑖᒋᒃ, ᓇᒪ ᓈ ᒀᔭᔉ ᓂᑦ ᐃᑣᓈᓐ ᐁ ᐃᑗᔮᒃ, ᑭ ᓴᒣᕆᔭ ᐁᓕᓕᐎᓐ, ᓀᔥᑕ ᑭᑦ ᐋᔭᐗᐤ ᒪᒋ ᐊᒑᒃ?

ᐅᐸᓓᑭᔅ ᒑᓐ 9:28

ᐁᑯ ᑳ ᑭᑳᒫᒋᒃ, ᓀᔥᑕ ᑮ ᐃᑗᐗᒃ, ᑭᓚ ᑭᑦ ᐅᑭᔅᑭᓄᐊᒪᐙᑲᓂᒥᒃ; ᒫᑲ ᓂᓚᓈᓐ ᒧᓯᔅ ᓂᑦ ᐅ ᑭᔅᑭᓄᐊᒪᐙᑲᓂᒥᑯᓈᓐ᙮

ᐅᐸᓓᑭᔅ ᒑᓐ 9:34

ᐁ ᓇᔥᑴᐗᔑᐋᒋᒃ ᒫᑲ ᑮ ᐃᑌᐗᒃ, ᒥᑐᓂ ᒪᒋᑣᐎᓂᒃ ᑭ ᑮ ᓂᑖᐎᑭᓐ, ᑭ ᑭᔅᑭᓄᐊᒪᐎᓈᓐ ᓈ ᒫᑲ ᓂᓚᓈᓐ? ᐁᑯ ᐌᓚᐎᑎᔑᓈᒋᒃ᙮

ᐊᐸᔅᑕᓚᒃ 13:45

ᐃᔅᐱ ᒫᑲ ᒎᐗᒃ ᐎᐋᐸᒫᒋᒃ ᑳ ᒫᐗᒋᐃᑑᓕᒋ ᐃᓕᓕᐗ, ᑮ ᓵᑲᔅᑭᓀᐗᒃ ᐅᑌᓕᑕᒧᐃᓂᓕᐤ, ᓀᔥᑕ ᐁ ᒪᒋ ᐋᓕᒧᑕᑭᒃ ᐊᓂᐃ ᑫᒀᓇ ᑳ ᑎᐹᑐᑕᒥᓕᒋ ᐹᓚ, ᐁ ᐋᓉᑖᑫᒋᒃ ᓀᔥᑕ ᐁ ᐹᔅᑖᒧᒋᒃ᙮

ᐊᐸᔅᑕᓚᒃ 18:6

ᐃᔅᐱ ᒫᑲ ᑳ ᐋᓉᑖᑫᒋᒃ, ᓀᔥᑕ ᐁ ᐸᐸᔅᑖᒧᒋᒃ, ᑮ ᐸᐸᐎᐸᓕᑕᐤ ᐅ ᐎᓚᒋᑲᓐ, ᑮ ᐃᑌᐤ ᒫᑲ, ᑭᒥᑯᐙᐤ ᑲᑕ ᐊᔅᑌᐤ ᑎᐯᓚᐌ ᑭᔅᑎᒀᓂᐙᒃ: ᓂᓚ ᓂ ᐸᔦᑭᓯᓐ: ᐊᓄᒡ ᐅᒋ ᓂ ᑳ ᓈᑖᐗᒃ ᐊᓂᑭ ᒉᓐᑖᐃᓚᒃ᙮

ᐊᐸᔅᑕᓚᒃ 28:22

ᒫᑲ ᓂ ᓇᑕᐌᓕᑌᓈᓐ ᑭᒋ ᐯᑖᑖᒃ ᑖᓂ ᐁᑌᓕᑕᒪᓐ: ᐌᓴ ᐅᒪ ᐋᔭᒥᐋᐎᓐ ᐁ ᐋᓕᒧᒋᑳᑌᒃ, ᓂ ᑭᔅᑫᓕᑌᓈᓐ ᒥᓯᐌ ᐃᑕ ᐁ ᒪᒋ ᐋᓕᒧᒋᑳᑌᒃ᙮

ᐊᐸᔅᑕᓚᒃ 5:41

ᑮ ᑭᑐᑌᐙᒃ ᒫᑲ ᐅᑎᔥᑲᐤ ᐊᓂᐃ ᑳ ᒥᐗᒋᐃᑐᓕᒋ ᐅᒋ, ᐁ ᓯᑭᓓᓯᒋᒃ ᐁ ᑮ ᐃᑕᑭᒥᒋᒃ ᐁ ᑌᐸᑫᓕᑖᑯᓯᒋᒃ ᑭᒋ ᒧᔑᑖᒋᑲ ᓀᐯᐎᓯᐎᓂᓕᐤ ᐅᑦ ᐃᔑᓂᑳᓱᐎᓂᓕᐤ ᐅᒋ,

ᓂᔓ ᑯᕆᓐᑎᐊᓇ 12:10

ᐁᐗᑯ ᐌᒋ ᒥᓜᓕᑕᒫᓐ ᓕᓚᒥᓯᐎᓂᒃ, ᑭᑐᑎᑯᓯᐎᓂᒃ, ᐙᐙᓀᓕᑕᒧᐎᓂᒃ, ᑲᒀᑕᑭᐃᑯᓯᐎᓂᒃ, ᐊᓕᒥᐃᑯᓯᐎᓂᒃ ᙭ ᐅᒋ: ᐌᓴ ᐃᔅᐱ ᓕᓚᒥᓯᔮᓐ, ᐁᑯ ᒣᔥᑲᐎᓯᔮᓐ᙮

ᓂᔓ ᑯᕆᓐᑎᐊᓇ 4:10

ᒧᔕᒃ ᐁ ᐸᐸᒧᑕᑖᐗᑭᑦ ᓂᔭᐎᓈᒃ ᐅ ᓂᐱᐎᓐ ᐅᑎᐯᓕᒋᑫᐤ ᒋᓴᔅ, ᐅ ᐱᒫᑎᓯᐎᓐ ᓀᔥᑕ ᒋᓴᔅ ᑭᒋ ᓄᑯᑖᓂᐗᓂᓕᒃ ᓂᔭᐎᓋᒃ᙮

ᓂᔓ ᑯᕆᓐᑎᐊᓇ 4:16

ᐁᐗᑯ ᐅᒋ ᓇᒪᐎᓚ ᓂ ᔖᑯᑌᐋᓈᓐ; ᒫᑲ ᐋᑕ ᐗᔅᑭᒡ ᓂᑦ ᐃᓕᓕᐎᓂᓈᓐ ᐁ ᓂᔑᐗᓈᑕᒃ, ᐁᓕᐌᒃ ᒫᑲ ᐱᒋ ᓂᑦ ᐃᓕᓕᐎᓂᓈᓐ ᐅᔥᑭᐸᓕᑖᓂᐗᓐ ᑕᑡᐤ ᐁ ᑭᔑᑳᒃ᙮

ᑲᓓᔕᐊᓇ 1:24

ᑮ ᒫᒥᒋᒣᐗᒃ ᒫᑲ ᑭᒋᒪᓂᑐᐗ ᓂᓚ ᐅᒋ᙮

ᐦᐃᑉᕉᐗ 11:26

ᐅ ᒫᓓᓕᒥᑯᓯᐎᓐ ᙭ ᐁ ᐃᑌᓕᑕᒃ ᐊᐙᓯᑌ ᐁ ᒥᔕᑭᓯᐎᓂᐗᓂᓕᒃ ᐃᔥᐱᔥ ᐊᓂᐃ ᐌᓗᑎᓯᐎᓇ ᑳ ᐃᑕᑾᓂᓕᑭ ᐃᒋᑉᑎᒃ: ᐌᓴ ᑮ ᒫᒥᑐᓀᓕᑕᒻ ᐁ ᐃᔑᓈᑾᓂᓕᒃ ᑎᐸᐊᒫᑯᓯᐎᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:12

ᔕᐌᓕᑖᑯᓯᐤ ᐊᓇ ᐃᓕᓕᐤ ᑳ ᑎᐸᒪᒋᑖᑦ ᑲᑴᒋᐃᑯᓯᐎᓂᓕᐤ: ᐌᓴ ᐃᔅᐱ ᑮ ᑲᑴᒋᐋᑲᓂᐎᑌ, ᑲᑕ ᒥᓚᐤ ᐱᒫᑎᓯᐎᓂ ᑭᒋᐅᑭᒪᐗᔅᑐᑎᓂᓕᐤ, ᐅᑎᐯᓕᒋᑫᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:11

ᒫᑎᑲ, ᑭᑦ ᐊᑭᒫᓇᐗᒃ ᐁ ᒥᓜᓕᑕᑭᒃ ᐊᓂᑭ ᑳ ᔑᐯᓕᑕᑭᒃ᙮ ᑭ ᑮ ᐯᑕᒸᓇᐗᐤ ᐅ ᔑᐱᓚᐌᓯᐎᓐ ᒍᑉ, ᓀᔥᑕ ᑭ ᑮ ᐙᐸᑌᓇᐗᐤ ᒫᒋᒡ ᑳ ᑮ ᑐᑕᒃ ᐅᑎᐯᓕᒋᑫᐤ; ᐅᑎᐯᓕᒋᑫᐤ ᓈᔅᐱᒡ ᐁ ᑭᔐᐙᑎᓰᑦ, ᓀᔥᑕ ᐁ ᓗᔅᐱᓯᐎ ᔕᐌᓕᒋᑫᑦ᙮

ᓂᔥᑕᒻ ᐱᑕᕐ 2:12

ᒀᔭᔉ ᐁ ᐃᑎᔦᒃ ᑭᑦ ᐃᔑᐱᒫᑎᓯᐎᓂᐙᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ: ᐋᑕ ᐁ ᐸᑾᓄᒥᑖᑾᒃ ᑖᐱᔅᑯᒡ ᐅᒪᒋᐋᔨᑎᐗ, ᐁᓕᐌᒃ ᒫᑲ ᑭ ᒥᓗ ᐊᑑᔅᑫᐎᓂᐙᐗ, ᑫ ᐙᐸᑕᑭᒃ, ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ ᓇᑕᐙᐸᒥᐌᐎ ᑭᔑᑳᑫ᙮

ᓂᔥᑕᒻ ᐱᑕᕐ 3:14

ᒫᑲ ᑮᔥᐱᓐ ᒀᔭᔅᑭᑖᑎᓯᐎᓐ ᐅᒋ ᓇᓀᑳᒋᐃᑲᐎᔦᑴ, ᑭ ᒥᓚᐙᑌᓇᐗᐤ: ᐁᑳᐎᓚ ᓀᔥᑕ ᑯᔅᑕᒸᒃ ᐊᓂᐃ ᑳ ᐎ ᐅᒋ ᓭᑭᐃᑖᑾᒃ, ᐁᑳ ᓀᔥᑕ ᒥᑯᔥᑳᑌᓕᑕᒧᒃ;

ᓂᔥᑕᒻ ᐱᑕᕐ 3:16

ᐁ ᒥᓗ ᒥᑐᓀᓕᒋᑲᓂᔦᒃ; ᐁ ᒪᒋ ᐋᓕᒧᒥᑖᑾᒃ, ᑖᐱᔅᑰᒡ ᐅᒪᒋᑐᑕᒧᔅᑲᒃ, ᑭᒋ ᓇᓀᐯᐎᓯᒋᒃ ᐊᓂᑭ ᑳ ᑭᓛᔅᑭᐎ ᒪᒥᔑᑐᑕᑭᒃ ᑭ ᒥᓗ ᐃᔑᐱᒫᑎᓯᐎᓂᐗᐤ ᙭ᑎᒃ᙮

ᓂᔥᑕᒻ ᐱᑕᕐ 4:16

ᐁᓕᐌᒃ ᒫᑲ ᑮᔥᐱᓐ ᐊᐌᓇ ᐎᓴᑫᓖᑕᒥᐋᑲᓂᐎᑌ ᑖᐱᔅᑯᒡ ᑳ ᒃᕆᔅᑎᔮᓂᐎᑦ, ᐁᑯᔑ ᐁᑳᐎᓚ ᑲᑕ ᓇᓀᐯᐎᓯᐤ; ᒫᑲ ᐅᒪ ᐅᒋ ᐁᑯᔑ ᑲᑕ ᑭᔅᑌᓕᒣᐤ ᑭᒋᒪᓂᑐᐗ᙮

ᓂᔓ ᐱᑕᕐ 2:2

ᒥᒉᑦ ᒫᑲ ᑲᑕ ᓇᔅᐱᑕᒬᐗᒃ ᐅ ᒪᒋ ᐃᔑᑡᐎᓂᓕᐗ; ᐅᑯ ᐅᒋ ᒫᑲ ᑖᐺᐎᓂ ᐃᔑᑡᐎᓐ ᑕ ᒪᒋ ᐋᓕᒧᒋᑳᑌᐤ᙮