ᓂᔥᑕᒻ ᐱᑕᕐ 4:13 - ᐅᔅᑭ ᑎᔅᑌᒥᓐᑦ

¹³ ᒫᑲ ᒥᓚᐙᑕᒧᒃ, ᐁ ᑮ ᐎᒋᐃᐌᔦᐤ ᙭ ᐅ ᐙᐎᓴᑫᓕᑕᒧᐎᓇ; ᐃᔅᐱ ᓄᑾᓂᓕᑫ ᐅ ᑭᔅᑌᓕᑖᑯᓯᐎᓐ, ᑭᓚᐗᐤ ᓀᔥᑕ ᑭᒋ ᓯᑭᓓᓯᔦᑳ ᑭᒋ ᒥᓚᐙᑕᒧᐎᓂᒃ᙮

ᓂᔥᑕᒻ ᐱᑕᕐ 4:13 Iomraidhean Croise

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᒫᑎᐤ 25:21

ᑮ ᐃᑎᑯ ᒫᑲ ᐅᑦ ᐅᑭᒫᒪ, ᐁᑯᔖᓂ, ᑭᓚ ᒥᓗ ᐊᑑᔅᑫᓛᑲᓐ ᐁ ᒀᔭᔅᑭᑎᔭᓐ; ᑭ ᑮ ᒀᔭᔅᑯᑐᑌᓐ ᐋᑎᑦ ᑫᒀᓇ, ᑭ ᑳ ᑎᐯᓕᑕᒥᐃᑎᓐ ᒥᒉᑦ ᑫᒀᓇ; ᐱᑐᑫᐤ ᑭᑦ ᐅᑭᒫᒻ ᐅ ᒧᒋᑫᓕᑕᒧᐎᓂᒃ᙮

ᐅᐸᓓᑭᔅ ᒫᑎᐤ 25:23

ᑮ ᐃᑎᑯ ᐅᑦ ᐅᑭᒫᒪ, ᐁᑯᔖᓂ, ᑭᓚ ᒥᓗ ᐊᑑᔅᑫᓛᑲᓐ ᐁ ᒀᔭᔅᑭᑎᔭᓐ, ᑭ ᑮ ᒀᔭᔅᑯᑐᑌᓐ ᐋᑎᑦ ᑫᒀᓇ, ᑭ ᑳ ᑎᐯᓕᑕᒥᐃᑎᓐ ᒥᒉᑦ ᑫᒀᓇ: ᐱᑐᑫᐤ ᑭᑦ ᐅᑭᒫᒻ ᐅ ᒧᒋᑫᓕᑕᒧᐎᓂᒃ᙮

ᐅᐸᓓᑭᔅ ᒫᑎᐤ 25:31

ᐃᔅᐱ ᐃᓕᓕᐎᑯᓯᓵᓐ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᒥᓯᐌ ᐸᓓᑭ ᐁᓐᒐᓚᒃ ᐊᓯᒋ, ᐁᑯ ᑫ ᐊᐱᑦ ᐅ ᑭᔅᑌᓕᑖᑯᓯᐎ ᐅᑭᒪᐗᐱᐎᓂᒃ:

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᒫᑎᐤ 5:12

ᒪᓚᐙᑕᒧᒃ, ᓈᔅᐱᒡ ᒫᑲ ᓯᑭᓓᓯᒃ; ᐌᓴ ᒥᔕᐤ ᑭ ᑎᐸᐊᒫᑯᓯᐎᓂᐗᐤ ᑭᒋᑭᔑᑯᒃ: ᐌᓴ ᐁᑯ ᑳ ᑮ ᐃᔑ ᑲᒀᑕᑭᐋᒋᒃ ᐅᑭᔅᑭᐙᐃᑫᐗ ᑳ ᐯᒋ ᓂᑳᓂᔅᑳᑖᑾᒃ

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐅᐸᓓᑭᔅ ᓘᒃ 17:30

ᐁᑯ ᑖᐱᔅᑯᒡ ᑫ ᐃᑭᓂᓕᒃ ᐊᓂᐁᓕᐤ ᐁ ᑭᔑᑳᓕᒃ ᐃᔅᐱ ᐃᓕᓕᐎᑯᓯᓵᓐ ᑫ ᓄᑯᓯᑦ᙮

ᐊᐸᔅᑕᓚᒃ 16:25

ᐃᔅᐱ ᒫᑲ ᐁ ᐋᐱᑖᑎᐱᔅᑳᓕᒃ ᐹᓪ ᓀᔥᑕ ᓵᐃᓚᔅ ᑮ ᐋᔭᒥᐋᐗᒃ, ᓀᔥᑕ ᑮ ᓂᑲᒧᐗᒃ ᐁ ᒫᒥᒋᒫᒋᒃ ᑭᒋᒪᓂᑐᐗ: ᑭᐸᐙᑲᓇ ᒫᑲ ᑮ ᐯᑖᑯᐗᒃ᙮

ᐊᐸᔅᑕᓚᒃ 5:41

ᑮ ᑭᑐᑌᐙᒃ ᒫᑲ ᐅᑎᔥᑲᐤ ᐊᓂᐃ ᑳ ᒥᐗᒋᐃᑐᓕᒋ ᐅᒋ, ᐁ ᓯᑭᓓᓯᒋᒃ ᐁ ᑮ ᐃᑕᑭᒥᒋᒃ ᐁ ᑌᐸᑫᓕᑖᑯᓯᒋᒃ ᑭᒋ ᒧᔑᑖᒋᑲ ᓀᐯᐎᓯᐎᓂᓕᐤ ᐅᑦ ᐃᔑᓂᑳᓱᐎᓂᓕᐤ ᐅᒋ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:3

ᓇᒪᐎᓚ ᓀᔥᑕ ᐅᒪ ᐱᑯ, ᒫᑲ ᑭ ᒥᓚᐙᓈᓇᐤ ᓀᔥᑕ ᐊᓕᒥᓯᐎᓂᒃ; ᐁ ᑭᔅᑫᓕᑕᒪᒃ ᐊᓕᒥᓯᐎᓐ ᐁ ᐃᔅᐸᓕᒃ ᔑᐱᓚᐌᓯᐎᓂᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17

ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:18

ᐌᓴ ᓂᑦ ᐊᑭᑌᓐ ᐊᓂᐃ ᐎᓴᑫᓕᑕᒧᐎᓇ ᐊᓄᒡ ᑳ ᐃᑕᑾᑭ ᐁᑳ ᐙᔦᔥ ᐁ ᐃᑌᓕᑖᑾᑭ ᐃᔥᐱᔥ ᐊᓂᒪ ᑭᔅᑌᓕᑖᑯᓯᐎᓐ ᑫ ᐙᐸᑎᓕᑲᐎᔭᒃ᙮

ᓂᔓ ᑯᕆᓐᑎᐊᓇ 1:5

ᐌᓴ ᑖᐱᔅᑯᒡ ᐁ ᐃᔑ ᐋᔭᐗᑭᑦ ᑳ ᒥᒉᑎᓂᓕᑭ ᐅ ᐎᓴᑫᓕᑕᒧᐎᓇ ᙭, ᐁᑯ ᑖᐱᔅᑯᒡ ᙭ ᐅᒋ ᐁ ᒥᒉᑎᒃ ᓂ ᑳᑮᒋᐃᑯᓯᐎᓂᓈᓐ᙮

ᓂᔓ ᑯᕆᓐᑎᐊᓇ 1:7

ᓀᔥᑕ ᓂᑦ ᐊᔅᐯᓕᒧᐎᓂᓈᓐ ᐁ ᐃᔑ ᐊᔅᐯᓕᒧᑐᑖᑾᒃ ᐋᔨᑕᔅᑌᐤ, ᐁ ᑭᔅᑫᓕᑕᒫᒃ ᐁ ᐎᒋᐃᐌᔦᒃ ᐎᓴᑫᓕᑕᒧᐎᓂᒃ, ᑖᐱᔅᑯᒡ ᓀᔥᑕ ᑭᒋ ᐎᒋᐃᐌᔦᒃ ᑲᑮᒋᐃᐌᐎᓂᒃ᙮

ᓂᔓ ᑯᕆᓐᑎᐊᓇ 4:10

ᒧᔕᒃ ᐁ ᐸᐸᒧᑕᑖᐗᑭᑦ ᓂᔭᐎᓈᒃ ᐅ ᓂᐱᐎᓐ ᐅᑎᐯᓕᒋᑫᐤ ᒋᓴᔅ, ᐅ ᐱᒫᑎᓯᐎᓐ ᓀᔥᑕ ᒋᓴᔅ ᑭᒋ ᓄᑯᑖᓂᐗᓂᓕᒃ ᓂᔭᐎᓋᒃ᙮

ᓂᔓ ᑯᕆᓐᑎᐊᓇ 4:17

ᐌᓴ ᑳ ᓛᑯᔑᒃ ᑭ ᑲᒀᑕᑭᓯᐎᓂᓇᐤ, ᐱᑕᒫ ᐱᑯ ᑳ ᐃᑭᒃ, ᓂ ᑲᔥᑭᑕᒫᑯᓈᓐ ᓈᔅᐱᒡ ᐊᐙᓯᑌ ᑴᓯᑾᒃ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓐ;

ᐱᓕᐱᔭᓇ 3:10

ᑭᒋ ᑭᔅᑫᓕᒪᒃ, ᓀᔥᑕ ᐁᔅᐱᒋ ᑲᔥᑭᐅᒪᑲᓂᓕᒃ ᐅ ᐗᓂᔥᑲᐎᓐ, ᓀᔥᑕ ᐊᓂᒪ ᐎᒉᐎᐌᐎᓐ ᐅ ᐙᐎᓴᑫᓕᑕᒧᐎᓂᒃ ᑳ ᐅᒋᐸᓕᒃ, ᐁ ᐃᔑᓈᑯᐃᑲᐎᐗᒃ ᐅ ᓂᐱᐎᓐ;

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᓂᔓ ᑎᒧᑎ 2:12

ᑮᔥᐱᓐ ᐎᓴᑫᓕᑕᒥᐃᑲᐎᔭᒃ, ᐊᓯᒋ ᓀᔥᑕ ᑭ ᑳ ᐎᒋᑎᐯᓕᒋᑫᒫᓇᐤ; ᑮᔥᐱᓐ ᐋᓉᑕᐗᒃ, ᐎᓚ ᓀᔥᑕ ᑭ ᑳ ᐋᓉᑖᑯᓇᐤ:

ᓂᔥᑕᒻ ᐱᑕᕐ 1:13

ᐁᐗᑯ ᐅᒋ, ᐸᑾᑌᐊᒧᒃ ᑭ ᒥᑐᓀᓕᒋᑲᓂᐙᐗ, ᐯᑳᒡ ᐃᑖᑎᓰᒃ, ᓀᔥᑕ ᐃᔅᒀᔮᒡ ᐃᔅᑯ ᐊᔅᐯᓕᒧᑐᑕᒧᒃ ᐊᓂᒪ ᔕᐌᓕᒋᑫᐎᓐ ᑫ ᐯᒋ ᒥᓕᑲᐎᔦᒃ ᑭᔅᑫᓕᑖᑯᐋᑲᓂᐎᑌ ᒋᓴᔅ ᙭;

ᓂᔥᑕᒻ ᐱᑕᕐ 2:21

ᐌᓴ ᐁᐗᑯ ᐌᒋ ᓇᑐᒥᑲᐎᔦᒃ: ᐌᓴ ᙭ ᓀᔥᑕ ᑭ ᐙᐎᓴᑫᓕᑕᒥᔅᑕᒫᑯᓇᐤ, ᐁ ᓇᑲᑕᒫᑕᒃ ᑭᔅᑭᓄᐙᐸᑎᓕᐌᐎᓂᓕᐤ ᑭᒋ ᑖᑖᐸᐊᒣᐌᒃ ᐅ ᑕᑯᔅᑫᐎᓇ:

ᓂᔥᑕᒻ ᐱᑕᕐ 5:1

ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮