ᓂᔥᑕᒻ ᐱᑕᕐ 3:7 - ᐅᔅᑭ ᑎᔅᑌᒥᓐᑦ

⁷ ᑖᐱᔅᑯᒡ ᓀᔥᑕ, ᑭᓚᐗᐤ ᓈᐯᑐᒃ, ᐎᒋᑕᔑᑫᒥᑯᒃ ᐁ ᐃᔑ ᑭᔅᑫᓕᒋᑳᑌᒃ, ᐁ ᑭᔅᑌᓕᒣᑾᒃ ᑭᐎᐗᐗᒃ ᑖᐱᔅᑯᒡ ᑳ ᓕᓚᒪᒃ ᐊᓱᐗᒋᑲᓐ, ᑖᐱᔅᑯᒡ ᓀᔥᑕ ᐁ ᐃᑌᓕᑖᑯᓯᔦᒃ ᑭᒋ ᐊᑎ ᐋᔭᔦᒃ ᐱᒫᑎᓯᐎᓂ ᔕᐌᓕᒋᑫᐎᓐ; ᑭᑦ ᐋᔭᒦᐋᐎᓂᐙᐗ ᐁᑳ ᑭᒋ ᑭᐱᒋᑖᓂᐗᑭ᙮

ᓂᔥᑕᒻ ᐱᑕᕐ 3:7 Iomraidhean Croise

ᐅᐸᓓᑭᔅ ᒫᑎᐤ 18:19

ᒥᓇ ᑭᑦ ᐃᑎᓇᐗᐤ, ᑮᔥᐱᓐ ᓂᔓ ᐁ ᐃᑕᔑᔦᒃ ᑖᐱᔅᑯᒡ ᐃᑌᓕᑕᑾᐌ ᐅᑕ ᐊᔅᑮᒃ ᑫᒀᓕᐤ ᑫ ᓇᑐᑕᒫᒋᒃ, ᑲᑕ ᑐᑕᒫᑯᐗᒃ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᓂᔥᑕᒻ ᑯᕆᓐᑎᐊᓇ 7:3

ᐁᑯᔑ ᐊᓇ ᑳ ᐎᐎᑦ ᑲᑕ ᐎ ᑎᐱ ᑭᔐᐙᑐᑕᐌᐤ ᐎᐗ: ᑕᐱᔅᑯᒡ ᓀᔥᑕ ᐊᓇ ᑳ ᐅ ᓈᐯᒥᑦ ᑫ ᑐᑕᐙᑦ ᐅ ᓈᐯᒪ᙮

ᐃᐱᓯᔭᓇ 3:6

ᒉᓐᑖᐃᓚᒃ ᑭᒋ ᐎᒋ ᑎᐯᓕᑕᒧᒥᐌᒋᒃ, ᐊᓂᒪ ᑫᔮᐸᒡ ᒥᔭᐎᒃ ᓀᔥᑕ ᑭᒋ ᑕᑯᐋᑲᓂᐎᒋᒃ, ᓀᔥᑕ ᑭᒋ ᐎᒋ ᐅᑎᓇᒧᒥᐌᒋᒃ ᐅᑦ ᐊᔓᑕᒫᑫᐎᓂᓕᐤ ᙭ᑎᒃ ᒥᓗᐋᒋᒧᐎᓐ ᐅᒋ:

ᐃᐱᓯᔭᓇ 4:30

ᐁᑳᐎᓚ ᓀᔥᑕ ᒪᒥᔕᒣᓕᑕᒥᐃᒥᒃ ᑭᒋᒪᓂᑐ ᐅ ᐸᓓᑭ ᐊᒑᑾ, ᑳ ᐅᒋ ᑭᔅᑭᓄᐙᒋᐃᑲᐎᔦᒃ ᐹᑎᒪ ᑎᐸᐊᒫᑫᔅᑕᒫᑫᐎ ᑮᔑᑳᑫ᙮

ᐃᐱᓯᔭᓇ 5:33

ᐁᓕᐌᒃ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᑲᑕ ᐃᔑ ᓵᑭᐁᐤ ᐎᐗ ᑖᐱᔅᑯᒡ ᐁ ᐃᔑᓵᑭᐃᑎᓱᑦ: ᓀᔥᑕ ᐃᔅᑴᐤ ᑲᑕ ᔮᒀᒥᓯᐤ ᐁ ᑭᔅᑌᓕᒫᑦ ᐅ ᓈᐯᒪ᙮

ᐃᐱᓯᔭᓇ 6:18

ᒧᔕᒃ ᐁ ᐋᔭᒥᐋᔦᒃ ᒥᓯᐌ ᐋᔭᒥᐋᐎᓂᒃ ᓀᔥᑕ ᓇᑐᑕᒫᑫᐎᓂᒃ ᐊᒑᑯᒃ, ᐁᑯᑕ ᓀᔥᑕ ᐁ ᐃᔑ ᐊᔕᐙᐱᔦᒃ ᒥᓯᐌ ᐋᔑᑫᓕᑕᒧᐎᓂᒃ, ᓀᔥᑕ ᐁ ᐋᔭᒥᐁᔅᑕᒪᐌᑾᒃ ᒥᓯᐌ ᐅᐸᓓᑭᓴᒃ;

ᑯᓚᔑᔭᓇ 3:19

ᓇᐯᑐᒃ, ᓵᑭᐃᑯᒃ ᑭᐎᐙᐗᒃ, ᐁᑳᐎᓚ ᓀᔥᑕ ᒪᒋᑐᑖᑯᒃ᙮

ᓂᔥᑕᒻ ᑌᓴᓗᓂᔭᓇ 4:4

ᒥᓯᐌ ᐊᐌᓇ ᐁ ᐃᑕᔑᔦᒃ ᑭᒋ ᑭᔅᑫᓕᑕᒃ ᑫ ᐃᔑ ᑲᓇᐌᓕᑕᒃ ᐅᑦ ᐊᓱᐗᒋᑲᓐ ᐸᓓᑭᓯᐎᓂᒃ ᓀᔥᑕ ᑭᔅᑌᓕᑕᑯᓯᐎᓂᒃ;

ᑕᐃᑕᔅ 3:7

ᐁ ᑮ ᒀᔭᔅᑭᑖᑎᓯᐃᑯᐗᒃ ᐅ ᔕᐌᓕᒋᑫᐎᓐ, ᑭᒋ ᐋᓂᔅᑫ ᐋᔮᔭᒃ, ᐊᔅᐯᓕᒧᐎᓐ ᐅᒋ, ᑳᑭᑫ ᐱᒫᑎᓯᐎᓐ᙮

ᐦᐃᑉᕉᐗ 1:14

ᓇᒪ ᓈ ᒥᓯᐌ ᐊᑑᔅᑫᐎ ᐊᒑᑯᐎᐗᒃ, ᐁ ᐯᒋᑎᔕᐙᑲᓂᐎᒋᒃ ᑭᒋ ᐊᔭᒥᐊᐎ ᐊᑑᔅᑲᐙᒋᒃ ᐊᓂᐃ ᑫ ᐊᑎ ᐊᔮᓕᒋ ᐱᒫᒋᐃᐌᐎᓂᓕᐤ?

ᓂᔥᑕᒻ ᐱᑕᕐ 3:1

ᑖᐱᔅᑯᒡ ᓀᔥᑕ ᑭᓚᐗᐤ ᐃᔅᑴᑐᒃ, ᓇᓇᐃᑖᑯᒃ ᑎᐱᓚᐌ ᑭ ᓈᐯᒥᐗᐗᒃ; ᑮᔥᐱᓐ ᐊᐌᓇ ᐁᑳ ᑎᐋᐺᑕᒧᐙᑴ ᐋᔭᒥᐎᓂᓕᐤ, ᐁᑳ ᐁ ᐋᐸᒋᑖᓂᐗᓂᓕᒃ ᐋᔭᒥᐎᓂᓕᐤ, ᑭᒋ ᑲᔥᑭᐃᑯᒋᒃ ᐅᑦ ᐃᔑᐱᒫᑎᓯᐎᓂᓕᐤ ᐎᐎᐙᐗ: