ᓂᔥᑕᒻ ᐱᑕᕐ 3:21 - ᐅᔅᑭ ᑎᔅᑌᒥᓐᑦ

²¹ ᐊᓂᒪ ᑳ ᓇᔅᐱᑕᒧᒪᑲᒃ ᓯᑲᐋᑖᑫᐎᓐ ᐊᓄᒡ ᓀᔥᑕ ᑳ ᐱᒫᒋᐃᑯᔭᒃ, (ᓇᒪᐎᓚ ᐁ ᐌᐱᓂᑳᑌᒃ ᐎᔮᓯᐎ ᐎᓂᓯᐎᓐ, ᒫᑲ ᐁ ᓇᔥᑴᐗᔑᐃᐌᒪᑲᒃ ᒥᓗ ᒥᑐᓀᓕᒋᑲᓐ ᐅᑎᔥᑲᐤ ᑭᒋᒪᓂᑐ,) ᐅ ᐗᓂᔥᑲᐎᓐ ᐅᒋ ᒋᓴᔅ ᙭:

ᓂᔥᑕᒻ ᐱᑕᕐ 3:21 Iomraidhean Croise

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐅᐸᓓᑭᔅ ᒫᕐᒃ 16:16

ᐊᓇ ᑫ ᑖᐺᑕᒃ ᓀᔥᑕ ᑫ ᓯᑲᐋᑕᐙᑲᓂᐎᑦ ᑲᑕ ᐱᒫᒋᐊᐤ; ᒫᑲ ᐊᓇ ᐁᑳ ᑫ ᑖᐺᑕᒃ ᑲᑕ ᓂᔑᐗᓈᒋᒪᐤ᙮

ᐅᐸᓓᑭᔅ ᒑᓐ 13:9

ᓵᐃᒪᓐ ᐱᑕᕐ ᐃᑌᐤ, ᑌᐯᓕᒋᑫᔭᓐ, ᓇᒪᐎᓚ ᓂᓯᑕ ᐱᑯ, ᒫᑲ ᓂᒋᒋᔭ ᓀᔥᑕ ᓂᔅᑎᒀᓐ ᐊᓯᒋ᙮

ᐊᐸᔅᑕᓚᒃ 16:33

ᑮ ᐅᑎᓀᐤ ᒫᑲ ᐊᓂᒪ ᑫᔮᐸᒡ ᑎᐹᐃᑲᓐ ᐱᓯᒧᑳᓂᒃ ᐁ ᑎᐱᔅᑳᒃ, ᓀᔥᑕ ᑮ ᑭᒋᔅᑕᑄᐙᑕᐌᐤ ᐅ ᐸᓴᔅᑌᐅᑯᐎᓂᓕᐗ; ᑮ ᓯᑲᐊᑕᑣᑲᓂᐎᐤ ᒫᑲ, ᐎᓚ ᓀᔥᑕ ᒥᓯᐌ ᑳ ᐃᑕᔑᑦ ᑣᔦᒃ᙮

ᐊᐸᔅᑕᓚᒃ 2:38

ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 22:16

ᐊᓄᒡ ᒫᑲ ᑖᓀᑭ ᐌᒋ ᑆᔅᑕᐎᔭᓐ? ᐸᓯᑯ, ᑭ ᑳ ᓯᑲᐋᑖᑲᐎᓐ ᒫᑲ, ᑭᒋ ᐌᐹᐸᐗᑖᔭᓐ ᑭ ᒪᒋᑣᐎᓇ, ᐁ ᓇᓈᑐᑕᒶᑦ ᐅᑦ ᐃᔑᓂᑳᓱᐎᓐ ᐅᑎᐯᓕᒋᑫᐤ᙮

ᐊᐸᔅᑕᓚᒃ 8:36

ᒣᒀᒡ ᒫᑲ ᐁ ᐊᑎ ᐱᒧᑌᒋᒃ, ᑮ ᐅᑎᑕᒶᒃ ᐃᑕ ᐁ ᐃᑕᒀᓂᓕᒃ ᓂᐱᓕᐤ: ᐊᓇ ᔫᓇᒃ ᒫᑲ ᑮ ᐃᑗᐤ, ᐗᐸᑕ, ᐅᑕ ᐃᑕᒀᓐ ᓂᐱ; ᑫᒀᓐ ᑫ ᐅᒋᐃᑯᔮᓐ ᑭᒋ ᓯᑲᐊᑖᑲᐎᔮᓐ?

ᐊᐸᔅᑕᓚᒃ 8:37

ᐱᓕᑉ ᒫᑲ ᑮ ᐃᑗᐤ, ᑮᔥᐱᓐ ᑎᐋᐺᑕᒧᐗᓀ ᒥᓯᐌ ᑭᑌᐃ ᐅᒋ ᑭ ᑳ ᑮ ᑐᑕᑲᐎᓐ᙮ ᑮ ᓇᔥᑴᐗᔑᐃᐌᐤ ᒫᑲ ᓀᔥᑕ ᑮ ᐃᑗᐤ, ᓂ ᑖᐺᑌᓐ ᐊᓇ ᒋᓴᔅ ᙭ ᐁ ᐋᐎᑦ ᑭᒋᒪᓂᑐ ᐅᑯᓯᓴ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:14

ᐁᓕᐌᒃ ᒫᑲ ᓂᐱᐎᓐ ᑮ ᑎᐯᓕᒋᑫᒪᑲᓐ ᐊᔅᐱᓐ ᐋᑕᒻ ᐅᒋ ᐱᓕᔥ ᒧᓯᔅ, ᐙᐙᒡ ᐁ ᑎᐯᓕᒥᑯᒋᒃ ᐊᓂᑭ ᑳ ᑮ ᒪᒋᑐᑕᑭᒃ ᒬᒋ ᑖᐱᔅᑯᒡ ᐋᑕᒻ ᐅ ᒪᒋᑐᑕᒧᐎᓂᓕᐤ, ᐊᓇ ᑳ ᑭᔅᑭᓄᐙᒋᓇᔅᐱᑕᐙᑦ ᐊᓂᐃ ᑳ ᑕᑯᔑᓂᓕᔅᐸᓐ᙮

ᓂᔥᑕᒻ ᑯᕆᓐᑎᐊᓇ 12:13

ᐌᓴ ᐯᔭᒃ ᐊᒑᒃ ᐅᒋ ᒥᓯᐌ ᐁ ᐃᑕᔑᔭᒃ ᑭ ᓯᑲᐊᑖᑲᐎᓈᓇᐤ ᐯᔭᒃ ᒥᔭᐎᒃ, ᑮᔥᐱᓐ ᒎᐎᐗᑴ ᓀᔥᑕᐱᑯ ᒉᓐᑖᐃᓕᐗᑴ, ᑮᔥᐱᓐ ᐃᐋᐎᑳᓂᐗᑴ, ᓀᔥᑕᐱᑯ ᑌᐯᓕᒥᑎᓱᐗᑴ; ᓀᔥᑕ ᒥᓯᐌ ᑭ ᑮ ᒥᓂᒀᑕᒧᐃᑲᐎᓈᓇᐤ ᐯᔦᑯ ᐊᒑᑯᒃ ᐃᔑ᙮

ᓂᔥᑕᒻ ᑯᕆᓐᑎᐊᓇ 4:6

ᐅᐅ ᑫᒀᓇ, ᓂᒋᔖᓂᑐᒃ, ᑭᔅᑭᓄᐙᒋᒋᑲᓇᒃ ᓂ ᑮ ᐊᔓᐃᐎᓇᒫᓱᓐ ᓀᔥᑕ ᐊᐸᓚᔅ ᑭᓚᐗᐤ ᐅᒋ; ᑭᒋ ᐃᔑ ᑭᔅᑫᓕᑕᒣᒃ ᓂᓚᓈᓐ ᐅᒋ ᐁᑳ ᐋᓕᐙᒃ ᑭᒋ ᐃᑌᓕᒣᑾᒃ ᐃᓕᓕᐗᒃ, ᐃᔥᐱᔥ ᑳ ᐃᑕᓯᓇᐃᑳᑌᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᑭᔅᑌᓕᒥᑎᓱᔅᑕᐙᑦ ᑯᑕᑭᔭ᙮

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᓂᔓ ᑯᕆᓐᑎᐊᓇ 7:1

ᐁ ᐋᔮᔮᒃ ᒫᑲ ᐅᐅ ᐊᔓᑕᒫᑫᐎᓇ ᑳ ᑭᒋ ᓵᑭᐃᑖᑾᒃ, ᐁᑯᔑ ᐹᔦᑭᐃᑎᓱᑕᐤ ᒥᓯᐌ ᐎᓕᐱᓯᐎᓐ ᐅᒋ ᐎᔮᓯᐎᓂᒃ ᓀᔥᑕ ᐊᒑᑯᒃ, ᐁ ᒥᑐᓂᐎᑖᔭᒃ ᐸᓓᑭᓯᐎᓐ ᐅ ᓇᓂᒋᔅᑖᑯᓯᐎᓂᒃ ᑭᒋᒪᓂᑐ᙮

ᑲᓓᔕᐊᓇ 3:27

ᐌᓴ ᒥᓯᐌ ᐁ ᐃᑕᔑᔦᒃ ᑳ ᑮ ᓯᑲᐊᑖᑲᐎᔦᒃ ᙭ᑎᒃ ᑭ ᑮ ᐳᔅᑎᔥᑲᐙᐗᐤ ᙭᙮

ᐃᐱᓯᔭᓇ 5:26

ᑭᒋ ᑮ ᐸᓓᑭᐋᑦ ᐁ ᑭᒋᔅᑖᐸᐗᓛᑦ ᓂᐱᓕᐤ ᐅᒋ, ᐋᔭᒥᐎᓂᓕᐤ ᐅᒋ,

ᑯᓚᔑᔭᓇ 2:12

ᐁ ᐎᒋᓇᐃᑳᑲᐎᒣᒃ ᓯᑲᐋᑖᑫᐎᓂᒃ, ᐃᑕ ᓀᔥᑕ ᐁ ᑮ ᐎᒋᐗᓂᔥᑳᒣᒃ, ᐁ ᑖᐺᔦᓕᑕᒬᒃ ᑭᒋᒪᓂᑐ ᐅ ᑐᑕᒧᐎᓐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ᙮

ᓂᔥᑕᒻ ᑎᒧᑎ 1:5

ᐁ ᑭᔑᐹᒃ ᒫᑲ ᑲᑫᔅᑴᐎᓐ ᐁᐗᑯ ᓵᑭᐃᐌᐎᓐ ᐸᓓᑭ ᒥᑌᐃᒃ ᐁ ᐅᒋᐸᓕᒃ, ᓀᔥᑕ ᒥᓗ ᒥᑐᓀᓕᒋᑲᓂᒃ, ᓀᔥᑕ ᑳ ᑖᐺᔦᓕᑖᑾᒃ ᑖᐺᔦᓕᑕᒧᐎᓂᒃ;

ᓂᔥᑕᒻ ᑎᒧᑎ 6:12

ᓄᑎᓂᑫ ᒥᓗ ᑖᐺᔦᓕᑕᒧᐎᓂ ᓄᑎᓂᑫᐎᓐ, ᒥᒋᒥᓇ ᑲᑭᑫ ᐱᒫᑎᓯᐎᓐ, ᐃᑕ ᑳ ᑮ ᐃᔑ ᓇᑐᒥᑲᐎᔭᓐ, ᓀᔥᑕ ᐁ ᑮ ᐎᑕᒪᓐ ᒥᓗ ᐎᑕᒫᑫᐎᓐ ᐅᑎᔥᑲᐤ ᒥᒉᑦ ᐅᑎᐹᒋᒧᐗᒃ᙮

ᐦᐃᑉᕉᐗ 10:22

ᐁᑯᔑ ᓈᑖᑕᐤ ᐁ ᑖᐺᐎᓂ ᒥᑌᐃᔭᒃ, ᐁ ᑫᒋᓇᐅᔭᒃ ᑖᐺᔦᓕᑕᒧᐎᓂᒃ, ᑭᑌᐃᓇᐗ ᐸᑭᑲᐎᐯᑳᐋᒋᑳᑌᑭ ᒪᒋ ᒥᑐᓀᓕᒋᑲᓐ ᐅᒋ, ᓀᔥᑕ ᑭᔭᐎᓇᐗ ᐁ ᑭᒋᔅᑖᐸᐗᑖᑲᓂᐎᑭ ᐁ ᐸᔦᑳᑲᒥᒃ ᓂᐱᒃ᙮

ᐦᐃᑉᕉᐗ 11:19

ᐁ ᐃᑕᑭᑕᒃ ᑭᒋᒪᓂᑐ ᐁ ᑫᔥᑭᑖᑦ ᑭᒋ ᐗᓂᔥᑳᓈᑦ, ᐊᐳᒋᑲ ᐅᓂᐱᐗ ᐅᒋ; ᐃᑕ ᓀᔥᑕ ᐁ ᑮ ᐅᒋ ᐋᔭᐙᑦ ᑭᔅᑭᓄᐙᒋᒋᑲᓂᒃ᙮

ᐦᐃᑉᕉᐗ 13:18

ᐋᔭᒥᐁᔅᑕᒫᑯᒃ: ᐌᓴ ᓂ ᐸᑯᓯᓕᒧᓈᓐ ᐁ ᒥᓗ ᒥᑐᓀᓕᒋᑲᓂᔮᒃ, ᒥᓯᐌ ᐃᔑ ᐁ ᐃᑌᓕᒧᔮᒃ ᒀᔭᔉ ᑭᒋ ᐃᔑ ᐱᒫᑎᓯᔮᒃ᙮

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᐦᐃᑉᕉᐗ 9:24

ᐌᓴ ᙭ ᓇᒪᐎᓚ ᑮ ᐱᑐᑫᐤ ᐃᑕ ᑳ ᐸᓓᑲᑭ ᒥᒋᒋᔭ ᑳ ᐅᒋ ᐅᔑᑖᓂᐗᑭ, ᑳ ᓇᔅᐱᑕᒧᒪᑲᑭ ᐃᑕ ᑖᐺ ᑳ ᐸᓓᑲᒃ; ᒫᑲ ᑭᒋᑭᔑᑯᒃ ᑫᒋᐙᒃ ᐁᑯᑕ ᐊᓄᒡ ᑭᒋ ᓄᑯᓯᔅᑕᒫᑕᒃ ᐅᑎᔥᑲᐤ ᑭᒋᒪᓂᑐᐗ:

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᓂᔥᑕᒻ ᐱᑕᕐ 3:16

ᐁ ᒥᓗ ᒥᑐᓀᓕᒋᑲᓂᔦᒃ; ᐁ ᒪᒋ ᐋᓕᒧᒥᑖᑾᒃ, ᑖᐱᔅᑰᒡ ᐅᒪᒋᑐᑕᒧᔅᑲᒃ, ᑭᒋ ᓇᓀᐯᐎᓯᒋᒃ ᐊᓂᑭ ᑳ ᑭᓛᔅᑭᐎ ᒪᒥᔑᑐᑕᑭᒃ ᑭ ᒥᓗ ᐃᔑᐱᒫᑎᓯᐎᓂᐗᐤ ᙭ᑎᒃ᙮