2 ᐃᔅᐱ ᐙᐸᑕᑾᐌ ᑭ ᐸᓓᑭ ᐃᔑᐱᒫᑎᓯᐎᓂᐗᐤ ᐁ ᐊᓯᒋᐸᓕᒃ ᑭ ᓇᓂᒋᐎᓂᐗᐤ᙮
ᐁᓕᐌᒃ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᑲᑕ ᐃᔑ ᓵᑭᐁᐤ ᐎᐗ ᑖᐱᔅᑯᒡ ᐁ ᐃᔑᓵᑭᐃᑎᓱᑦ: ᓀᔥᑕ ᐃᔅᑴᐤ ᑲᑕ ᔮᒀᒥᓯᐤ ᐁ ᑭᔅᑌᓕᒫᑦ ᐅ ᓈᐯᒪ᙮
ᐊᑑᔅᑫᓛᑲᓂᑐᒃ, ᓇᓇᐃᑖᑯᒃ ᐊᓂᑭ ᐎᔮᓯᐎᓂᒃ ᑳ ᐅᑭᒫᒥᔦᒃ, ᑯᔅᐹᓀᓕᑕᒧᐎᓂᒃ ᓀᔥᑕ ᓭᑭᓯᐎᓂᒃ, ᐁ ᒀᔭᔅᑯᑌᐁᔦᒃ, ᑖᐱᔅᑯᒡ ᙭ ᐁ ᑐᑕᒧᐌᒃ;
ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;
ᐌᓴ ᑭᑦ ᐃᔑᐱᒫᑎᓯᐎᓂᓇᐤ ᑭᒋᑭᔑᑯᒃ ᐃᑕᑾᓐ; ᐃᑕ ᓀᔥᑕ ᑭᒋ ᐅᒌᑦ ᑳ ᐊᔕᐙᐸᒪᒃ ᐯᒫᒋᐃᐌᑦ, ᐅᑎᐯᓕᒋᑫᐤ ᒋᓴᔅ ᙭;
ᐊᑑᔅᑫᓛᑲᓂᑐᒃ, ᒥᓯᐌ ᐃᔑ ᓇᓇᐃᑖᑯᒃ ᑭᑦ ᐅᑭᒫᒥᐗᐗᒃ ᐎᔮᓯᐎᓂᒃ ᐃᔑ; ᓇᒪᐎᓚ ᐁ ᑲᓇᐗᐸᒥᑲᐎᔦᒃ ᐱᑯ, ᑖᐱᔅᑯᒡ ᐊᓂᑭ ᑳ ᓇᐃᓚᐌᐋᒋᒃ ᐃᓕᓕᐗ; ᒫᑲ ᐸᓓᑭ ᒥᑌᐃᒃ, ᐁ ᓂᓇᒋᔅᑕᐌᒃ ᑭᒋᒪᓂᑐ:
ᐁᑯᔑ ᐁᑳᐎᓚ ᐊᐌᓇ ᑭ ᑳ ᐋᑕᐌᓕᒥᒃ ᐁ ᐅᔥᑭᓂᑭᔭᓐ; ᒫᑲ ᐁᑯᔑ ᑭ ᑳ ᑭᔅᑭᓄᐙᐸᒥᑾᒃ ᐊᓂᑭ ᑳ ᑖᐺᔦᓕᑕᑭᒃ, ᐋᔭᒥᐎᓂᒃ, ᐊᔭᒥᐃᑐᐎᓂᒃ, ᓵᑭᐃᐌᐎᓂᒃ, ᐊᒑᑯᐎᓂᒃ, ᑖᐺᔦᓕᑕᒧᐎᓂᒃ, ᐸᓓᑭᓯᐎᓂᒃ᙮
ᒫᑲ ᑖᐱᔅᑯᒡ ᐁ ᐃᔑ ᐸᓓᑭᓯᑦ ᐊᓇ ᑳ ᑮ ᓇᑐᒥᑖᒃ, ᐁᑯ ᓀᔥᑕ ᑭᓚᐗᐤ ᐸᓓᑭᓯᒃ ᒥᓯᐌ ᐁ ᐃᔑ ᐱᒫᑎᓯᓈᓂᐗᒃ;
ᒀᔭᔉ ᐁ ᐃᑎᔦᒃ ᑭᑦ ᐃᔑᐱᒫᑎᓯᐎᓂᐙᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ: ᐋᑕ ᐁ ᐸᑾᓄᒥᑖᑾᒃ ᑖᐱᔅᑯᒡ ᐅᒪᒋᐋᔨᑎᐗ, ᐁᓕᐌᒃ ᒫᑲ ᑭ ᒥᓗ ᐊᑑᔅᑫᐎᓂᐙᐗ, ᑫ ᐙᐸᑕᑭᒃ, ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ ᓇᑕᐙᐸᒥᐌᐎ ᑭᔑᑳᑫ᙮
ᑖᐱᔅᑯᒡ ᓀᔥᑕ ᑭᓚᐗᐤ ᐃᔅᑴᑐᒃ, ᓇᓇᐃᑖᑯᒃ ᑎᐱᓚᐌ ᑭ ᓈᐯᒥᐗᐗᒃ; ᑮᔥᐱᓐ ᐊᐌᓇ ᐁᑳ ᑎᐋᐺᑕᒧᐙᑴ ᐋᔭᒥᐎᓂᓕᐤ, ᐁᑳ ᐁ ᐋᐸᒋᑖᓂᐗᓂᓕᒃ ᐋᔭᒥᐎᓂᓕᐤ, ᑭᒋ ᑲᔥᑭᐃᑯᒋᒃ ᐅᑦ ᐃᔑᐱᒫᑎᓯᐎᓂᓕᐤ ᐎᐎᐙᐗ:
ᑭ ᐙᐌᔑᐅᓂᐙᐗ, ᐁᑳᐎᓚ ᐊᓂᒪ ᐗᓚᐎᑎᒥᒃ ᑳ ᐃᑕᑾᑭ, ᐁ ᐊᐱᑳᒋᒋᑳᑌᑭ ᒥᔅᑎᒀᓂᐱᐌᔭ, ᓀᔥᑕ ᐁ ᐎᓛᒫᑲᓂᐎᑦ ᐅᓵᐎᔔᓕᐊᓇᐱᔉ, ᓀᔥᑕ ᐁ ᐳᔅᑎᔥᑭᑳᑌᑭ ᐎᓛᒋᑲᓇ;
ᐁ ᐙᐸᑕᒪᒃ ᒫᑲ ᒥᓯᐌ ᐅᐅ ᑭᒋ ᓂᔑᐗᓈᑕᑭ, ᑫᑯ ᑐᐎ ᐃᓕᓕᐗᒃ ᑫ ᐃᔑᓈᑯᓯᔦᑯᐸᓐ ᒥᓯᐌ ᐸᓓᑭ ᐃᔑᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ,
