ᓂᔥᑕᒻ ᐱᑕᕐ 3:15 - ᐅᔅᑭ ᑎᔅᑌᒥᓐᑦ

¹⁵ ᒫᑲ ᐸᓓᑫᓕᒥᒃ ᑭᒋᒪᓂᑐ ᑭᑌᐃᐙᒃ: ᒧᔕᒃ ᓀᔥᑕ ᐋᔦᔅᑲᐎᓯᒃ ᑭᒋ ᓇᔥᑴᐗᔑᐁᐤ ᒥᓯᐌ ᑕᑐ ᐃᓕᓕᐤ ᑳ ᑲᑴᒋᒥᑖᒃ ᐌᒋ ᐋᔮᔦᒃ ᐊᓂᒪ ᐊᔅᐯᓕᒧᐎᓐ ᑳ ᐱᒋᔅᑳᑯᔦᒃ ᓗᔅᑳᑎᓯᐎᓂᒃ ᓀᔥᑕ ᓇᓂᒋᐎᓂᒃ:

ᓂᔥᑕᒻ ᐱᑕᕐ 3:15 Iomraidhean Croise

ᐊᐸᔅᑕᓚᒃ 21:39

ᒫᑲ ᐹᓪ ᑮ ᐃᑗᐤ, ᓂᓚ ᓂᑦ ᐃᓕᓕᐎᓐ ᐁ ᒎᐎᔮᓐ ᑖᕐᓴᓯᒃ ᐁ ᐅᒋᔮᓐ, ᐃᑖᐎᓐ ᓯᓕᓯᔭᐃᒃ, ᐁ ᐃᑖᐎᓂᐎᓕᓕᐎᔮᓐ ᐁᑳ ᐁ ᐋᐱᔅᑌᓕᑖᑾᒃ ᐃᑖᐎᓐ ᐅᒋ: ᑭ ᐸᑯᓭᓕᒥᑎᓐ ᒫᑲ, ᐃᓕᓈᐎᓐ ᑭᒋ ᐋᔭᒥᐊᑭᒃ ᐃᓕᓕᐗᒃ᙮

ᐊᐸᔅᑕᓚᒃ 24:25

ᒣᒀᒡ ᒫᑲ ᐁ ᐋᓕᒧᑕᒥᓕᒋ ᒀᔭᔅᑭᑖᑎᓯᐎᓂᓕᐤ, ᓇᐃᓕᑯᒀᑎᓯᐎᓂᓕᐤ, ᓀᔥᑕ ᑎᐹᔅᑯᓂᑫᐎᓂᓕᐤ ᑫ ᐅᑎᒋᐸᓕᓕᒃ, ᐱᓕᒃᔅ ᑮ ᓇᓇᒥᐸᓕᐤ, ᓀᔥᑕ ᑮ ᓇᔥᑴᐗᔑᐃᐌᐤ, ᑭᑐᑌ ᐊᓄᒡ, ᐃᔅᐱ ᓇᐗᒡ ᓇᐃᐸᓕᐃᑯᔮᓀ, ᑭ ᑳ ᓇᑐᒥᑎᓐ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᑯᓚᔑᔭᓇ 1:5

ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᑯᓚᔑᔭᓇ 4:6

ᐁᑯᔑ ᑭᑦ ᐋᔭᒥᐎᓂᐗᐤ ᒧᔕᒃ ᑲᑕ ᔕᐌᓕᑖᑾᓐ, ᔑᐎᑖᑲᓐ ᐁ ᐅᒋ ᔑᐎᑖᓂᐗᒃ, ᑭᒋ ᑭᔅᑫᓕᑕᒣᒃ ᑫ ᐃᔑ ᓇᔥᑴᐗᔑᒣᒃ ᒥᓯᐌ ᑕᑐ ᐃᓕᓕᐤ᙮

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᐦᐃᑉᕉᐗ 6:1

ᐁᐗᑯ ᐅᒋ ᐁ ᓇᑲᑕᒪᒃ ᑳ ᓂᑳᓀᓕᑖᑾᓂᓕᒃ ᐅ ᑭᔅᑭᓄᐊᒫᑫᐎᓐ ᙭, ᐁᑯᔑ ᐋᒋᐱᑯ ᓈᑖᑕᐤ ᒥᑐᓂᐎᓯᐎᓐ; ᐁᑳ ᒥᓇ ᐁ ᐅᓚᔅᑕᔭᒃ ᐌᒋᐸᓕᒃ ᒥᒋᓚᐌᔦᓕᑕᒧᐎᓐ ᓂᐱᐎᓂ ᐊᑑᔅᑫᐎᓂᒃ ᐅᒋ, ᓀᔥᑕ ᐁ ᑖᐺᔦᓕᒫᑲᓂᐎᑦ ᑭᒋᒪᓂᑐ;

ᓂᔥᑕᒻ ᐱᑕᕐ 1:17

ᑮᔥᐱᓐ ᒫᑲ ᓈᓇᑕᒣᑴ ᐌᐅᑕᐎᒪᐎᑦ, ᐊᓇ ᐁᑳ ᐹᐱᑐᔥ ᑳ ᐃᑌᓕᒫᑦ ᐃᓕᓕᐗ ᑳ ᑎᐹᔅᑯᓇᒸᑦ ᐁ ᐃᔑᓈᑾᓂᓕᒃ ᒥᓯᐌ ᑕᑐ ᐃᓕᓕᐗ ᐅᑦ ᐊᑑᔅᑫᐎᓂᓕᐤ, ᒣᒀᒡ ᐅᑕ ᐁ ᑕᔑᑫᔦᒃ ᐱᒫᑎᓰᒃ ᓇᓂᒋᐎᓂᒃ:

ᓂᔥᑕᒻ ᐱᑕᕐ 3:2

ᐃᔅᐱ ᐙᐸᑕᑾᐌ ᑭ ᐸᓓᑭ ᐃᔑᐱᒫᑎᓯᐎᓂᐗᐤ ᐁ ᐊᓯᒋᐸᓕᒃ ᑭ ᓇᓂᒋᐎᓂᐗᐤ᙮

ᓂᔥᑕᒻ ᐱᑕᕐ 3:4

ᒫᑲ ᐁᑯᔑ ᐊᓂᒪ ᐊᑖᒥᒃ ᐃᑖᑎᓯᐎᓐ ᒥᑌᐃᒃ ᑳ ᐃᑕᑾᒃ, ᐊᓂᒪ ᐁᑳ ᑫ ᓂᔑᐗᓈᑕᒃ; ᐊᓂᒪ ᐙᐌᔑᐅᓐ ᐅᑎ ᓗᔅᐱᓯᐎ ᓀᔥᑕ ᑳᔮᒣᐎᓯᐎ ᐊᒑᒃ ᑳ ᑭᔅᑕᑭᒥᑯᑦ ᑭᒋᒪᓂᑐᐗ᙮