ᓂᔥᑕᒻ ᐱᑕᕐ 3:14 - ᐅᔅᑭ ᑎᔅᑌᒥᓐᑦ

¹⁴ ᒫᑲ ᑮᔥᐱᓐ ᒀᔭᔅᑭᑖᑎᓯᐎᓐ ᐅᒋ ᓇᓀᑳᒋᐃᑲᐎᔦᑴ, ᑭ ᒥᓚᐙᑌᓇᐗᐤ: ᐁᑳᐎᓚ ᓀᔥᑕ ᑯᔅᑕᒸᒃ ᐊᓂᐃ ᑳ ᐎ ᐅᒋ ᓭᑭᐃᑖᑾᒃ, ᐁᑳ ᓀᔥᑕ ᒥᑯᔥᑳᑌᓕᑕᒧᒃ;

ᓂᔥᑕᒻ ᐱᑕᕐ 3:14 Iomraidhean Croise

ᐅᐸᓓᑭᔅ ᒫᑎᐤ 10:28

ᐁᑳᐎᓚ ᓀᔥᑕ ᑯᔅᑎᑯᒃ ᐊᓂᑭ ᑳ ᓂᐸᑖᒋᒃ ᒥᔭᐎᓕᐤ, ᒫᑲ ᐁᑳ ᑳ ᑲᔥᑭᑖᒋᒃ ᑭᒋ ᓂᐸᐋᒋᒃ ᐊᒑᑾ: ᒫᑲ ᐊᐙᓯᑌ ᑯᔅᑎᒃ ᐊᓇ ᑳ ᑲᔥᑭᑖᑦ ᑭᒋ ᓂᔑᐗᓈᒋᐋᑦ ᐊᒑᑾ ᓀᔥᑕ ᒥᔭᐎᓕᐤ ᒪᒋ ᐃᔥᑯᑌᒃ᙮

ᐅᐸᓓᑭᔅ ᒫᑎᐤ 10:31

ᐁᐗᑯ ᐅᒋ ᐁᑳᐎᓚ ᓱᑫᓰᒃ, ᐊᐙᓯᑌ ᑭ ᑭᔅᑕᑭᒥᑲᐎᓇᐗᐤ ᐃᔥᐱᔥ ᒥᒉᑦ ᒥᒋᔥᑯᔑᔕᒃ᙮

ᐅᐸᓓᑭᔅ ᒫᑎᐤ 10:39

ᐊᓇ ᑳ ᒥᔅᑲᒃ ᐅ ᐱᒫᑎᓯᐎᓐ ᑲᑕ ᐗᓂᑕᐤ: ᐊᓇ ᒫᑲ ᑳ ᐗᓂᑖᑦ ᐅ ᐱᒫᑎᓯᐎᓐ ᓂᓚ ᐅᒋ ᑲᑕ ᒥᔅᑲᒻ᙮

ᐅᐸᓓᑭᔅ ᒫᑎᐤ 16:25

ᐌᓴ ᐊᐌᓇ ᐙ ᐱᒫᒋᑖᑴ ᐅ ᐱᒫᑎᓯᐎᓐ ᑲᑕ ᐗᓂᑕᐤ: ᐊᐌᓇ ᒫᑲ ᑫ ᐗᓂᑖᑴ ᐅ ᐱᒫᑎᓯᐎᓐ ᓂᓚ ᐅᒋ, ᑲᑕ ᒥᔅᑲᒻ᙮

ᐅᐸᓓᑭᔅ ᒫᑎᐤ 19:29

ᒥᓯᐌ ᑕᑐ ᐊᐌᓇ ᒫᑲ ᑳ ᑮ ᓇᑲᑕᒃ ᐙᔅᑳᔨᑲᓇ, ᓀᔥᑕᐱᑯ ᐎᒋᔖᓇ, ᓀᔥᑕᐱᑯ ᐎᒋᔖᓂᔅᑴᒪ, ᓀᔥᑕᐱᑯ ᐅᑖᐎᔭ, ᓀᔥᑕᐱᑯ ᐅᑳᐎᔭ, ᓀᔥᑕᐱᑯ ᐅᑦ ᐊᐙᔑᒥᔕ, ᓀᔥᑕᐱᑯ ᐅᑦ ᐊᔅᑭ, ᓂᑦ ᐃᔑᓂᑲᓱᐎᓂᓕᐤ ᐅᒋ, ᑲᑕ ᒥᓚᐤ ᒥᑖᑐᒥᑕᓇᐗᐤ ᐃᔥᐱᔥ, ᑲᑕ ᐋᔭᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒫᕐᒃ 10:29

ᒋᓴᔅ ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᐊᐌᓇ ᐃᑕᐤ ᑳ ᑮ ᓇᑲᑕᒃ ᐙᔅᑳᔨᑲᓂᓕᐤ, ᓀᔥᑕᐱᑯ ᐎᒋᔖᓇ, ᓀᔥᑕᐱᑯ ᐎᒋᔖᓂᔅᑴᒪ, ᓀᔥᑕᐱᑯ ᐅᑖᐎᔭ, ᓀᔥᑕᐱᑯ ᐅᑳᐎᔭ, ᓀᔥᑕᐱᑯ ᐎᐗ, ᓀᔥᑕᐱᑯ ᐅᑦ ᐊᐙᔑᒥᔕ, ᓀᔥᑕᐱᑯ ᐅᑦ ᐊᔅᑭᔭ, ᓂᓚ ᐅᒋ, ᓀᔥᑕ ᒥᓗᐋᒋᒪᐎᓂᓕᐤ ᐅᒋ,

ᐅᐸᓓᑭᔅ ᒫᕐᒃ 8:35

ᐌᓴ ᐊᐌᓇ ᐙ ᐱᒫᒋᑖᑴ ᐅ ᐱᒫᑎᓯᐎᓐ ᑲᑕ ᐗᓂᑕᐤ; ᒫᑲ ᐊᐌᓇ ᑫ ᐗᓂᑖᑴ ᐅ ᐱᒫᑎᓯᐎᓐ ᓂᓚ ᐅᒋ, ᓀᔥᑕ ᒥᓗᐋᒋᒧᐎᓂᓕᐤ, ᐁᐗᒀᓇ ᑫ ᐱᒫᒋᑖᑦ᙮

ᐅᐸᓓᑭᔅ ᒑᓐ 14:1

ᐁᑳᐎᓚ ᑭᑌᐃᐗᐤ ᑲᑕ ᒥᑯᔥᑳᑌᓕᑕᒧᒪᑲᓐ: ᑭ ᑖᐺᔦᓕᒪᐗᐤ ᑭᒋᒪᓂᑐ, ᑖᐺᔦᓕᒥᒃ ᓂᓚ ᓀᔥᑕ᙮

ᐅᐸᓓᑭᔅ ᒑᓐ 14:27

ᑳᔮᒣᓕᑕᒧᐎᓐ ᑭ ᓇᑲᑕᒫᑎᓇᐗᐤ, ᓂ ᑳᔮᒣᓕᑕᒧᐎᓐ ᑭ ᒥᓕᑎᓇᐗᐤ: ᓇᒪᐎᓚ ᑖᐱᔅᑯᒡ ᐊᔅᑭ ᑳ ᐃᔑ ᒥᓕᐌᒪᑲᒃ, ᑭᑦ ᐃᔑ ᒥᓕᑎᓂᐗᐤ᙮ ᐁᑳᐎᓚ ᑭᑌᐃᐗᐤ ᑲᑕ ᒥᑯᔥᑳᑌᓕᑕᒧᒪᑲᓐ, ᐁᑳᐎᓚ ᓀᔥᑕ ᑲᑕ ᑯᔅᑖᒋᒪᑲᓐ᙮

ᐊᐸᔅᑕᓚᒃ 9:16

ᐌᓴ ᓂ ᑳ ᐙᐸᑎᓛᐤ ᐊᓂᐃ ᑭᒋ ᑫᒀᓇ ᑫ ᐙᐎᓴᑫᓕᑕᒃ ᓂᑦ ᐃᔑᓂᑳᓱᐎᓂᓕᐤ ᐅᒋ᙮

ᓂᔓ ᑯᕆᓐᑎᐊᓇ 12:10

ᐁᐗᑯ ᐌᒋ ᒥᓜᓕᑕᒫᓐ ᓕᓚᒥᓯᐎᓂᒃ, ᑭᑐᑎᑯᓯᐎᓂᒃ, ᐙᐙᓀᓕᑕᒧᐎᓂᒃ, ᑲᒀᑕᑭᐃᑯᓯᐎᓂᒃ, ᐊᓕᒥᐃᑯᓯᐎᓂᒃ ᙭ ᐅᒋ: ᐌᓴ ᐃᔅᐱ ᓕᓚᒥᓯᔮᓐ, ᐁᑯ ᒣᔥᑲᐎᓯᔮᓐ᙮

ᐱᓕᐱᔭᓇ 1:29

ᐌᓴ ᑭᓚᐗᐤ ᑭ ᒥᓕᑲᐎᓇᐗᐤ ᐅᑦ ᐃᑌᓕᑖᑯᓯᐎᓂᒃ ᙭, ᓇᒪᐎᓚ ᐱᑯ ᑭᒋ ᑖᐺᔦᓕᒣᒃ, ᒫᑲ ᐊᓯᒋ ᐎᓚ ᐅᒋ ᑭᒋ ᐎᓴᑫᓕᑕᒣᒃ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:12

ᔕᐌᓕᑖᑯᓯᐤ ᐊᓇ ᐃᓕᓕᐤ ᑳ ᑎᐸᒪᒋᑖᑦ ᑲᑴᒋᐃᑯᓯᐎᓂᓕᐤ: ᐌᓴ ᐃᔅᐱ ᑮ ᑲᑴᒋᐋᑲᓂᐎᑌ, ᑲᑕ ᒥᓚᐤ ᐱᒫᑎᓯᐎᓂ ᑭᒋᐅᑭᒪᐗᔅᑐᑎᓂᓕᐤ, ᐅᑎᐯᓕᒋᑫᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:11

ᒫᑎᑲ, ᑭᑦ ᐊᑭᒫᓇᐗᒃ ᐁ ᒥᓜᓕᑕᑭᒃ ᐊᓂᑭ ᑳ ᔑᐯᓕᑕᑭᒃ᙮ ᑭ ᑮ ᐯᑕᒸᓇᐗᐤ ᐅ ᔑᐱᓚᐌᓯᐎᓐ ᒍᑉ, ᓀᔥᑕ ᑭ ᑮ ᐙᐸᑌᓇᐗᐤ ᒫᒋᒡ ᑳ ᑮ ᑐᑕᒃ ᐅᑎᐯᓕᒋᑫᐤ; ᐅᑎᐯᓕᒋᑫᐤ ᓈᔅᐱᒡ ᐁ ᑭᔐᐙᑎᓰᑦ, ᓀᔥᑕ ᐁ ᓗᔅᐱᓯᐎ ᔕᐌᓕᒋᑫᑦ᙮

ᓂᔥᑕᒻ ᐱᑕᕐ 3:6

ᑖᐱᔅᑯᒡ ᓭᕋ ᑳ ᑮ ᐃᔑ ᓇᓇᐃᑕᐙᑦ ᐁᑉᕃᐊᒪ, ᓂᑦ ᐅᑭᒫᒻ ᐁ ᐃᔑᓂᑳᑖᑦ, ᐁᐗᑯ ᑳ ᐅᑖᓂᓯᒥᑖᒃ ᐃᓕᑯᒃ ᑫ ᒥᓗᑐᑕᒣᒃ, ᓀᔥᑕ ᐁᑳ ᑫ ᑯᔅᑖᒋᔦᒃ ᓈᓐᑕᐤ ᑐᐎ ᒫᒪᑖᐎ ᑫᒀᓐ ᐅᒋ᙮