ᓂᔥᑕᒻ ᐱᑕᕐ 2:5 - ᐅᔅᑭ ᑎᔅᑌᒥᓐᑦ

⁵ ᑭᓚᐗᐤ ᓀᔥᑕ ᑖᐱᔅᑯᒡ ᐱᒫᑎᓯᐎ ᐊᓯᓂᔭᒃ ᑭᑦ ᐅᔑᐃᑲᐎᓇᐗᐤ ᐊᒑᑯᐎ ᐙᔅᑳᔨᑲᓐ, ᐸᓓᑭ ᓵᓵᑭᐎᓕᐌᐎᓕᓕᐎᐎᓐ, ᑭᒋ ᐸᑭᑎᓂᑫᔦᒃ ᐊᒑᑯᐎ ᓵᓵᑭᐎᓕᐌᐎᓇ, ᑳ ᓇᐃᓚᐌᐃᑯᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭᙮

ᓂᔥᑕᒻ ᐱᑕᕐ 2:5 Iomraidhean Croise

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:1

ᐁᐗᑯ ᐅᒋ ᒫᑲ ᑭ ᐸᑯᓭᓕᒥᑎᓇᐗᐤ, ᓂᒋᔖᓂᑐᒃ, ᐅ ᔕᐌᓕᒋᑫᐎᓇ ᐅᒋ ᑭᒋᒪᓂᑐ, ᑭᒋ ᐸᑭᑎᓇᒣᒃ ᑭᔭᐙᐗ ᐁ ᐱᒫᑕᒃ ᓵᓵᑭᐎᓕᐌᐎᓐ, ᐁ ᐸᓓᑲᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ, ᐁᐗᒀᓂᒪ ᐁ ᒀᔭᔅᑭᑌᓕᑖᑾᒃ ᑭᑦ ᐋᔭᒥᐊᐎ ᐊᑑᔅᑫᐎᓂᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:16

ᑭᒋ ᐋᔭᒥᐙᐎ ᐅᑦ ᐊᑑᔅᑫᓛᑲᓂᒥᑦ ᒋᓴᔅ ᙭ ᐁ ᑮ ᐋᔭᒥᐊᑭᒃ ᒉᓐᑖᐃᓚᒃ, ᐁ ᒫᑎᓇᒶᒃ ᐅ ᒥᓗᐋᒋᒧᐎᓐ ᑭᒋᒪᓂᑐ, ᐁ ᐸᑭᑎᓈᑲᓂᐎᒋᒃ ᒉᓐᑖᐃᓚᒃ ᑭᒋ ᓇᐁᓕᑖᑾᓂᓕᒃ, ᐁ ᑮ ᐸᓓᑭᐋᑲᓂᐎᒋᒃ ᐸᓓᑭ ᐊᒑᑾ ᐅᒋ᙮

ᓂᔥᑕᒻ ᑯᕆᓐᑎᐊᓇ 3:16

ᓇᒪ ᓈ ᑭ ᑭᔅᑫᓕᑌᓇᐗᐤ ᐁ ᐅᑦ ᐋᔭᒥᐁᐎᑲᒥᒥᑯᔦᒃ ᑭᒋᒪᓂᑐ, ᓀᔥᑕ ᐅᑦ ᐊᒑᑾ ᑭᒋᒪᓂᑐ ᐁ ᐱᒋᔅᑳᒥᑖᒃ?

ᓂᔥᑕᒻ ᑯᕆᓐᑎᐊᓇ 3:9

ᐌᓴ ᓂ ᐎᒋᐊᑑᔅᑫᒫᓈᓐ ᑭᒋᒪᓂᑐ: ᑭᓚᐗᐤ ᑭᒋᒪᓂᑐ ᐅ ᓂᑕᐎᑭᒋᑫᐎᓐ, ᑭᓚᐗᐤ ᑭᒋᒪᓂᑐ ᐅ ᐙᔅᑳᔨᑫᐎᓐ᙮

ᓂᔥᑕᒻ ᑯᕆᓐᑎᐊᓇ 6:19

ᑫᒀᓐ! ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐎᐗᐤ ᐁ ᐅᑦ ᐋᔭᒥᐁᐎᑲᒥᑯᒥᑦ ᐸᓓᑭ ᐊᒑᒃ, ᑳ ᐱᒋᔅᑳᑖᒃ, ᑳ ᑮ ᒥᓕᑖᒃ ᑭᒋᒪᓂᑐ, ᓀᔥᑕ ᐁᑳ ᐁ ᑎᐯᓕᒥᑎᓱᔦᒃ?

ᓂᔓ ᑯᕆᓐᑎᐊᓇ 6:16

ᓀᔥᑕ ᑖᓂ ᑫ ᐃᔑ ᓇᔅᑯᒥᑐᒪᑲᒃ ᐅᑦ ᐋᔭᒥᐁᐎᑲᒥᒃ ᑭᒋᒪᓂᑐ ᓀᔥᑕ ᒪᓂᑐᑳᓇᒃ? ᐌᓴ ᑭᓚᐗᐤ ᐁᐗᑯ ᐅᑦ ᐋᔭᒥᐁᐎᑳᒥᒃ ᐯᒫᑎᓰᑦ ᑭᒋᒪᓂᑐ; ᑳ ᐃᔑ ᐃᑗᑯᐸᓀ ᑭᒋᒪᓂᑐ, ᓂ ᑳ ᐎᑭᒪᐗᐤ, ᓀᔥᑕ ᓂ ᑳ ᐎᒋᐱᒧᑌᒪᐗᒃ: ᓀᔥᑕ ᓂ ᑳ ᐅ ᑭᒋᒪᓂᑐᒥᒥᑾᒃ, ᓀᔥᑕ ᓂ ᑳ ᐅᑦ ᐃᓕᓕᒥᒪᐗᒃ᙮

ᑲᓓᔕᐊᓇ 6:10

ᒣᒀᒡ ᒫᑲ ᐁ ᓇᐃᐸᓕᐃᑯᔭᒃ, ᐁᑯᔑ ᒥᓄᑐᑕᐙᑖᓇᒃ ᒥᓯᐌ ᐃᓕᓕᐗᒃ, ᐅᓵ ᒫᑲ ᐊᓂᑭ ᑳ ᐊᔑᑕᑭᒫᑲᓂᐎᒋᒃ ᐊᓂᐃ ᑳ ᑖᐺᔦᓕᑕᒥᓕᒋ᙮

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᐱᓕᐱᔭᓇ 2:17

ᐁᐁ, ᑮᔥᐱᓐ ᒫᑲ ᓯᑭᓂᑲᐎᔮᓀ ᐃᑕ ᐁ ᓵᓵᑭᐎᓕᐙᓂᐗᒃ ᓀᔥᑕ ᐁ ᐋᐸᒋᑖᓂᐗᒃ ᑮ ᑖᐺᔦᓕᑕᒧᐎᓂᐗᐤ, ᓂ ᒧᒋᑫᓕᑌᓐ, ᓀᔥᑕ ᐊᓯᒋ ᒥᓯᐌ ᐁ ᐃᑕᔑᔦᒃ ᓂ ᒧᒋᑫᓕᑌᓐ᙮

ᐱᓕᐱᔭᓇ 4:18

ᒫᑲ ᒥᓯᐌ ᓂᑦ ᐋᔮᓐ, ᓀᔥᑕ ᓂ ᐌᓗᒋᐸᓕᐃᑯᓐ: ᓂ ᓵᑲᔅᑭᓀᓕᑯᓐ; ᐁ ᑮ ᒥᓕᑦ ᐃᐹᑉᕈᑖᐃᑕᔅ ᐊᓂᐃ ᑳ ᑮ ᐃᔑᑎᔕᐊᒪᐎᔦᒃ, ᑫᒀᓐ ᐁ ᐎᑭᒫᑾᒃ, ᓵᓵᑭᐎᓕᐌᐎᓐ ᑳ ᐎ ᐅᑎᓇᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ᙮

ᑯᓚᔑᔭᓇ 3:17

ᑫᒀᓐ ᒫᑲ ᑳ ᑐᑕᒣᒃ ᐋᔭᒥᐎᓂᒃ ᓀᔥᑕᐱᑯ ᐋᔨᑎᐎᓂᒃ, ᒥᓯᐌ ᑐᑕᒧᒃ ᐅᑎᐯᓕᒋᑫᐤ ᒋᓴᔅ ᐅᑦ ᐃᔑᓂᑳᓱᐎᓂᒃ, ᐁ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ ᐎᓚ ᐅᒋ᙮

ᓂᔥᑕᒻ ᑎᒧᑎ 3:15

ᒫᑲ ᑮᔥᐱᓐ ᑭᓉᔥ ᐃᑖᐱᒋᔮᓀ, ᑭᒋ ᑭᔅᑫᓕᑕᒪᓐ ᑫ ᐃᑖᑎᓯᔭᓐ ᑭᒋᒪᓂᑐ ᐅ ᐙᔅᑳᔨᑲᓂᒥᒃ, ᐁᐗᑯ ᐅ ᒫᒪᐎᐋᔭᒥᐋᒪ ᐯᒫᑎᓰᑦ ᑭᒋᒪᓂᑐ, ᑳ ᐅᒋ ᓯᑐᓂᑳᑌᒃ ᓀᔥᑕ ᐋᔨᒋᑖᓂᐗᒃ ᑖᐺᐎᓐ᙮

ᐦᐃᑉᕉᐗ 3:6

ᒫᑲ ᙭ ᑖᐱᔅᑯᒡ ᐌᐅᑯᓯᓯᒪᐎᑦ ᐁ ᑎᐯᓕᑕᒃ ᑎᐱᓚᐌ ᐎᑭ; ᑭᓚᓈᓇᐤ ᒫᑲ ᐁᐗᑯ ᐅ ᐙᔅᑳᔨᑲᓂᒻ, ᑮᔥᐱᓐ ᒪᔥᑲᐎ ᒥᒋᒥᓇᒪᒃ ᐊᓂᒪ ᑫᒋᓀᓕᑕᒧᐎᓐ, ᓀᔥᑕ ᐁ ᒥᓚᐙᑕᒪᒃ ᐁ ᐋᔨᒋ ᐊᔅᐯᓕᒧᔭᒃ ᐱᓕᔥ ᑫ ᐃᔥᒀᐸᓕᒃ᙮

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᓂᔥᑕᒻ ᐱᑕᕐ 4:11

ᑮᔥᐱᓐ ᐊᐌᓇ ᐋᔭᒥᑌ, ᐁᑯᔑ ᑲᑕ ᐋᔭᒥᐤ ᑖᐱᔅᑯᒡ ᑭᒋᒪᓂᑐ ᐅᑦ ᐋᔭᒥᐎᓇ: ᑮᔥᐱᓐ ᐊᐌᓇ ᐋᔭᒥᐋᐎ ᐊᑑᔅᑫᑌ, ᐁᑯᔑ ᑲᑕ ᑐᑕᒻ ᐃᔥᐱᔥ ᐁ ᒥᓕᑯᑦ ᑲᔥᑭᐅᐎᓂᓕᐤ ᑭᒋᒪᓂᑐᐗ; ᒥᓯᐌ ᑫᒀᓇ ᑭᒋ ᐅᒋ ᑭᔅᑌᓕᑖᑯᐋᑲᓂᐄᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭; ᑫ ᐎ ᒫᒥᒋᒫᑲᓂᐎᑦ ᓀᔥᑕ ᑎᐯᓕᒋᑫᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᐱᑕᕐ 4:17

ᐌᓴ ᐋᔕᔾ ᐅᑎᒋᐸᓕᐤ ᑎᐹᔅᑯᓂᑫᐎᓐ ᑭᒋ ᒫᒋᐸᓕᐤ ᐅ ᐙᔅᑳᔨᑲᓂᒥᒃ ᑭᒋᒪᓂᑐ: ᑮᔥᐱᓐ ᒫᑲ ᓃᔥᑕᒻ ᑭᓚᓈᓇᐤ ᐌᑎᑎᑯᔭᑯ, ᑫᒀᓕᐤ ᑫᑲ ᑫ ᐅᑎᑎᑯᒋᒃ ᐊᓂᑭ ᐁᑳ ᑳ ᓇᓇᐃᑕᒸᒋᒃ ᑭᒋᒪᓂᑐᐗ ᐅ ᒥᓗᐋᒋᒧᐎᓂᓕᐤ?

ᑭᔅᑫᓕᑖᑯᑖᑫᐎᓐ 1:6

ᓀᔥᑕ ᑳ ᑮ ᐃᑐᑖᑕᒃ ᑭᒋ ᑭᒋᐅᑭᒫᐎᔭᒃ ᓀᔥᑕ ᓵᓵᑭᐎᓕᐌᐎᓕᓕᐎᔭᒃ ᐅᑎᔥᑲᐤ ᑭᒋᒪᓂᑐ ᓀᔥᑕ ᐅᑖᐃᔭ; ᐎᓚ ᑲᑕ ᐎ ᐋᔭᐤ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑎᐯᓕᒥᐌᐎᓂᓕᐤ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 20:6

ᔕᐌᓕᑖᑯᓯᐤ ᓀᔥᑕ ᐸᓓᑭᓯᐤ ᐊᓇ ᑳ ᐎᒋᐃᐌᑦ ᓂᔥᑕᒻ ᐗᓂᔥᑲᐎᓂᒃ: ᐅᑯ ᑐᐎ ᓂᔓ ᓂᐱᐎᓂᓕᐤ ᓇᒪᐎᓚ ᑎᐯᓕᒥᑯᐗᒃ, ᒫᑲ ᑲᑕ ᐋᐎᐗᒃ ᑭᒋᒪᓂᑐ ᐅ ᓵᓵᑭᐎᓕᐌᐎᓕᓕᒪ, ᓀᔥᑕ ᙭, ᓀᔥᑕ ᑲᑕ ᐎᒋᑎᐯᓕᒋᑫᒣᐗᒃ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 3:12

ᐊᓇ ᑳ ᔖᑯᒋᐃᐌᑦ, ᓯᑣᔅᑯᐃᑲᓐ ᓂ ᑳ ᐃᔑᐊᐤ ᐁ ᑭᒋᐋᔭᒥᐁᐎᑲᒥᑯᒃ ᓂ ᑭᒋᒪᓂᑐᒻ, ᓇᒪᐎᔅᑳᑦ ᒥᓇ ᒫᑲ ᑲᑕ ᐗᓚᐎᐤ: ᓂ ᑳ ᒪᓯᓇᐗᐤ ᒫᑲ ᐅᑦ ᐃᔑᓂᑳᓱᐎᓐ ᓂ ᑭᒋᒪᓂᑐᒻ, ᓀᔥᑕ ᐁ ᐃᔑᓂᑳᑌᓕᒃ ᐅᑦ ᐃᑖᐎᓐ ᓂ ᑭᒋᒪᓂᑐᒻ, ᐁᐗᑯ ᐅᔥᑭ ᒋᕉᓴᓚᒻ ᑭᒋᑭᔑᑯᒃ ᑳ ᐅᒋ ᓛᔑᐸᓕᑖᑦ ᓂ ᑭᒋᒪᓂᑐᒻ: ᓂ ᑳ ᒪᓯᓇᐗᐤ ᒫᑲ ᓂᑦ ᐅᔥᑭ ᐃᔑᓂᑳᓱᐎᓐ᙮

ᑭᔅᑫᓕᑖᑯᑖᑫᐎᓐ 5:10

ᓀᔥᑕ ᑭ ᑮ ᐃᔑᐃᓈᓐ ᑭᒋ ᑭᒋᐅᑭᒪᐎᔮᒃ ᓀᔥᑕ ᓵᓵᑭᐎᓕᐌᐎᓕᓕᐎᔮᒃ ᐅᑎᔥᑲᐤ ᓂ ᑭᒋᒪᓂᑐᒥᓈᓐ: ᓂ ᑳ ᑎᐯᓕᒋᑳᓈᓐ ᒫᑲ ᐊᔅᑮᒃ᙮