ᓂᔥᑕᒻ ᐱᑕᕐ 2:23 - ᐅᔅᑭ ᑎᔅᑌᒥᓐᑦ

²³ ᐊᓇ, ᐃᔅᐱ ᑳ ᑮ ᒫᓓᓕᒫᑲᓂᐎᑦ, ᓇᒪᐎᓚ ᒥᓇ ᑮ ᒫᓓᓕᒋᑫᐤ; ᐃᔅᐱ ᑳ ᑮ ᐙᐎᓴᑫᓕᑕᒥᐋᑲᓂᐎᑦ ᓇᒪᐎᓚ ᑮ ᐅᒋ ᐙᔦᔑᒧᑐᑖᑫᐤ; ᒫᑲ ᑮ ᐸᑭᑎᓂᑎᓱ ᐅᒋᒋᓕᒃ ᐊᓂᐃ ᒀᔭᔉ ᑳ ᑎᐹᔅᑯᓂᑫᓕᒋ:

ᓂᔥᑕᒻ ᐱᑕᕐ 2:23 Iomraidhean Croise

ᐅᐸᓓᑭᔅ ᓘᒃ 23:41

ᑭᓚᓈᓇᐤ ᓀᔥᑕ ᑖᐺ ᑭ ᒀᔭᔅᑯ ᑐᑖᑲᐎᓈᓇᐤ; ᐌᓴ ᑭ ᒥᓕᑲᐎᓈᓇᐤ ᒀᔭᔉ ᑎᐸᐊᒫᑯᓯᐎᓐ ᑭᑦ ᐋᔨᑎᐎᓂᓇᐗ ᐅᒋ: ᒫᑲ ᐊᐗ ᐃᓕᓕᐤ ᓇᒪᐎᓚ ᑮ ᑐᑕᒻ ᑫᒀᓕᐤ ᑳ ᒫᓛᑕᓂᓕᒃ᙮

ᐅᐸᓓᑭᔅ ᓘᒃ 23:46

ᐃᔅᐱ ᒫᑲ ᒋᓴᔅ ᑳ ᑮ ᑌᐺᑦ ᐁ ᑭᔗᐌᑦ, ᑮ ᐃᑗᐤ, ᓄᑖ, ᑭᒋᒌᒃ ᑭ ᑲᓇᐌᓕᑎᓕᓐ ᓂᑦ ᐊᒑᒃ: ᐅᒣᓕᐤ ᒫᑲ ᑳ ᑮ ᐃᑗᑦ, ᑮ ᐸᑭᑎᓀᐤ ᐅᑦ ᐊᒑᑾ᙮

ᐅᐸᓓᑭᔅ ᓘᒃ 23:9

ᐁᑯ ᑫᑴᒋᒫᑦ ᒥᒉᑦ ᑫᒀᓇ: ᒫᑲ ᓇᒪᐎᓚ ᐙᔦᔥ ᐅᒋ ᓇᔥᑴᐗᔑᐃᑯ᙮

ᐊᐸᔅᑕᓚᒃ 17:31

ᐌᓴ ᑮ ᐅᓓᓕᑕᒻ ᐊᓂᐁᓕᐤ ᐁ ᑭᔑᑳᓕᒃ, ᐃᔅᐱ ᑫ ᑎᐹᔅᑯᓇᒃ ᐊᔅᑭᓕᐤ ᒀᔭᔅᑭᑖᑎᓯᐎᓂᒃ, ᐊᓇ ᐃᓕᓕᐤ ᐅᒋ ᑳ ᑮ ᐗᐌᓛᐸᒫᑦ; ᐁᐗᑯ ᑳ ᑮ ᐅᒋ ᒥᓛᑦ ᑫᒋᓈᐅᐎᓂᓕᐤ ᒥᓯᐌ ᐃᓕᓕᐗ, ᐁ ᑮ ᐗᓂᔥᑳᓈᑦ ᒥᓇ ᐅᓂᐱᐗ ᐅᒋ᙮

ᐊᐸᔅᑕᓚᒃ 4:29

ᐊᓄᒡ ᒫᑲ, ᑌᐯᓕᒋᑫᔭᓐ, ᐙᐸᑕᒻ ᐅ ᑭᓯᔅᑕᑭᐎᓂᐗᐤ: ᒥᓕᒃ ᒫᑲ ᑭᑦ ᐋᑐᔅᑫᓛᑲᓇᒃ, ᒥᓯᐌ ᓱᑫᓕᒧᐎᓂᒃ ᑭᒋ ᑮ ᐋᓕᒧᑕᑭᒃ ᑭᑦ ᐋᔭᒥᐎᓂᓕᐤ᙮

ᐊᐸᔅᑕᓚᒃ 7:59

ᑮ ᐱᒧᓯᓈᑕᐌᐗᒃ ᒫᑲ ᔅᑎᐱᓇ ᐁ ᒪᐎᒧᔅᑕᐙᓕᒋ ᑭᒋᒪᓂᑐᐗ, ᓀᔥᑕ ᐁ ᐃᑗᓕᒋ, ᑌᐯᓕᒋᑫᔭᓐ ᒋᓴᔅ, ᐅᑎᓐ ᓂᑦ ᐊᒑᒃ᙮

ᐊᐸᔅᑕᓚᒃ 9:1

ᓵᓪ ᒫᑲ, ᑫᔮᐸᒡ ᐁ ᐗᓚᐎ ᓚᑲᑖᒧᑐᑕᒃ ᑭᓯᔅᑖᑫᐎᓇ ᓀᔥᑕ ᓂᐸᐃᐌᐎᓇ ᐅᑎᐯᓕᒋᑫᐤ ᐅ ᑭᔅᑭᓄᐊᒪᐙᑲᓇ ᐅᒋ, ᑮ ᓈᑌᐤ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐗ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:5

ᒫᑲ ᐁ ᐃᔑ ᒪᔥᑲᐙᒃ ᓀᔥᑕ ᐁᑳ ᒥᒋᓚᐌᔦᓕᑌᐁᔭᓐ ᑭ ᒪᐗᒋᑣᓱᓐ ᐋᑯᓚᐌᓯᐎᓐ ᐱᓕᔥ ᐋᑯᓚᐌᓯᐎᓂ ᑭᔑᑳᒃ ᓀᔥᑕ ᐃᔅᐱ ᑫ ᓄᑯᑖᓂᐗᓂᓕᒃ ᑭᒋᒪᓂᑐ ᐅ ᒀᔭᔅᑯ ᑎᐹᔅᑯᓂᑫᐎᓐ;

ᐃᐱᓯᔭᓇ 6:9

ᓀᔥᑕ, ᑭᓚᐗᐤ ᐅᑭᒫᑐᒃ, ᐁᑯ ᑖᐱᔅᑯᒡ ᐃᑐᑖᑯᒃ, ᐁ ᑆᔅᑕᐎ ᐊᔓᒥᐌᔦᒃ: ᐁ ᑭᔅᑫᓕᑕᒣᒃ ᑭᑦ ᐅᑭᒫᒥᐗᐤ ᓀᔥᑕ ᑭᒋᑭᔑᑯᒃ ᐁ ᐃᑖᑦ: ᐎᓚ ᓀᔥᑕ ᓇᒪᐎᓚ ᐹᐱᑐᔥ ᐃᑌᓕᒣᐤ ᐃᓕᓕᐗ᙮

ᓂᔓ ᑌᓴᓗᓂᔭᓇ 1:5

ᐁᐗᑯ ᑳ ᐸᔭᑌᓈᑾᒃ ᑮᔅᑭᓄᐙᒋᒋᑲᓐ ᐁ ᒀᔭᔅᑯ ᑎᐹᔅᑯᓂᑫᑦ ᑭᒋᒪᓂᑐ, ᑭᒋ ᑌᐸᑫᓕᑖᑯᒥᑲᐎᔦᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ, ᐁᐗᑯ ᑳ ᐅᒋ ᐎᓴᑫᓕᑕᒣᒃ:

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᓂᔓ ᑎᒧᑎ 4:8

ᐁᑯᔅᐱ ᓂᑦ ᐊᔅᑕᒫᑲᐎᓐ ᒀᔭᔅᑭᑖᑎᓯᐎ, ᐊᔅᑐᑎᓐ, ᐊᓂᒪ ᐅᑎᐯᓕᒋᑫᐤ, ᑳ ᒀᔭᔅᑭᑖᑎᓯᑦ ᐅᑎᐹᔅᑯᓂᑫᐤ, ᑫ ᒥᓕᑦ ᐁᐗᑯ ᑭᔑᑳᑫ: ᓇᒪ ᓀᔥᑕ ᓂᓚ ᐱᑯ, ᒫᑲ ᒥᓯᐌ ᐊᓂᑭ ᐊᓯᒋ ᑳ ᓵᑭᑕᐙᒋᒃ ᐅ ᓄᑯᓯᐎᓐ᙮

ᐦᐃᑉᕉᐗ 12:3

ᐌᓴ ᒫᒥᑐᓀᓕᒥᒃ ᐊᓇ ᑳ ᑮ ᓇᔭᑕᒫᓱᑦ ᐅᒪᒋᑣᐗ ᐅᑦ ᐋᓉᔦᓕᒋᑫᐎᓂᓕᐤ, ᐁᑳ ᑭᓚᐗᐤ ᑭᒋ ᐋᔦᔅᑯᓯᔦᒃ ᓀᔥᑕ ᓄᑌᓯᔦᒃ ᑭ ᒥᑐᓀᓕᒋᑲᓂᐙᒃ᙮

ᓂᔥᑕᒻ ᐱᑕᕐ 3:9

ᐁᑳ ᐁ ᒪᒋᑐᑖᑫᔦᒃ ᒦᔅᑯᒡ ᐁ ᒪᒋᑐᑖᑲᐎᔦᒃ, ᐁᑳ ᓀᔥᑕ ᐁ ᑭᑳᒥᐌᔦᒃ ᐁ ᑭᑳᒥᑲᐎᔭᒃ: ᒫᑲ ᐋᔑᑌ ᒥᓦᑭᒥᐌᒃ; ᐁ ᑭᔅᑫᓕᑕᒣᒃ ᐅᒪ ᐁ ᐅᒋ ᓇᑐᒥᑲᐎᔦᒃ ᑭᒋ ᐊᑎ ᐋᔮᔦᒃ ᒥᓦᑭᒥᑯᓯᐎᓐ᙮

ᓂᔥᑕᒻ ᐱᑕᕐ 4:19

ᐁᐗᑯ ᐅᒋ, ᐁᑯᔑ ᐊᓂᐃ ᑳ ᐎᓴᑫᓕᑕᑭᒃ ᑳ ᐃᑕᔅᑌᓕᒃ ᑭᒋᒪᓂᑐ ᐅᑦ ᐃᑌᓕᑕᒧᐎᓐ, ᑲᑕ ᑲᓇᐌᓕᑎᓓᐤ ᐅᑦ ᐊᒑᑯᐙᐗ ᒥᓗ ᑐᑕᒧᐎᓂᒃ, ᑖᐱᔅᑯᒡ ᑳ ᒀᔭᔅᑭᑎᓕᑭ ᐅᔑᐃᐌᐗ᙮

ᑭᔅᑫᓕᑖᑯᑖᑫᐎᓐ 19:11

ᓂ ᑮ ᐙᐸᑌᓐ ᒫᑲ ᑭᒋᑭᔑᒃ ᐁ ᐋᐸᐋᔅᑌᒃ, ᒫᑎᑲ, ᒫᑲ, ᐁ ᐙᐱᓯᑦ ᒥᔅᑕᑎᒻ; ᐊᓇ ᒫᑲ ᑳ ᑌᑕᐱᑐᑕᐙᑦ ᑮ ᐃᔑᓂᑳᑕᐤ, ᐅᒀᔭᔅᑭᑎᐤ ᓀᔥᑕ ᐅᑖᐺᐎᐤ, ᒀᔭᔅᑭᑖᑎᓯᐎᓂᒃ ᒫᑲ ᑎᐹᔅᑯᓂᑫᐤ ᓀᔥᑕ ᓇᑐᐸᓕᐤ᙮