22 ᐊᓇ ᐁᑳ ᑳ ᑮ ᒪᒋᑐᑕᒃ, ᐁᑳ ᓀᔥᑕ ᐙᔦᔑᐃᐌᐎᓐ ᑳ ᒥᔅᑭᑳᑌᓕᒃ ᐅᑐᓂᒃ:
ᒣᒀᒡ ᐁ ᐊᐱᑦ ᑎᐹᔅᑯᓂᑫᐎ ᐊᐱᐎᓂᒃ, ᐎᐗ ᑮ ᐯᒋᑎᔕᐅᐌᓕᐗ, ᐁ ᐃᑎᑯᑦ, ᐁᑳᐎᓚ ᐙᔦᔥ ᑐᑕᐤ ᐊᓇ ᑳ ᑾᔭᔅᑭᑎᑦ ᐃᓕᓕᐤ; ᐌᓴ ᓂ ᑮ ᒥᑯᔅᑳᒋᐃᑯᓐ ᒥᒉᑦ ᑫᒀᓇ ᐊᓄᒡ ᑳ ᑭᔑᑳᒃ ᐸᐙᒧᐎᓂᒃ ᐎᓚ ᐅᒋ᙮
ᐁ ᐃᑗᑦ, ᓂ ᑮ ᒪᒋᑐᑌᓐ, ᐁ ᑮ ᐙᔑᔦᐸᑭᑎᓇᒫᓐ ᐊᓂᒪ ᐸᓓᑭ ᒥᑯ᙮ ᑮ ᐃᑗᐗᒃ ᒫᑲ, ᑖᓂ ᒫᑲ ᑫ ᑐᑕᒫᒃ ᓂᓚᓈᓐ? ᑭᓚ ᐁᐗᑯ ᑲᓇᐙᐸᑕ᙮
ᑭᓚᓈᓇᐤ ᓀᔥᑕ ᑖᐺ ᑭ ᒀᔭᔅᑯ ᑐᑖᑲᐎᓈᓇᐤ; ᐌᓴ ᑭ ᒥᓕᑲᐎᓈᓇᐤ ᒀᔭᔉ ᑎᐸᐊᒫᑯᓯᐎᓐ ᑭᑦ ᐋᔨᑎᐎᓂᓇᐗ ᐅᒋ: ᒫᑲ ᐊᐗ ᐃᓕᓕᐤ ᓇᒪᐎᓚ ᑮ ᑐᑕᒻ ᑫᒀᓕᐤ ᑳ ᒫᓛᑕᓂᓕᒃ᙮
ᐃᔅᐱ ᒫᑲ ᓇᑐᐸᓕᐎᑭᒪᐤ ᐎᐋᐸᑕᒃ ᑫᒀᓕᐤ ᐁᑭᓂᓕᒃ, ᑮ ᑭᔅᑖᒋᒣᐤ ᑭᒋᒪᓂᑐᐗ, ᐁ ᐃᑗᑦ, ᑖᐺ ᐊᐗ ᐃᓕᓕᐤ ᑮ ᒀᔭᔅᑭᑖᑎᓯᑯᐸᓐ᙮
ᒋᓴᔅ ᑮ ᐙᐸᒣᐤ ᓇᑕᓂᔭᓚ ᐁ ᐯᒋ ᓈᑎᑯᑦ, ᐃᑌᐤ ᒫᑲ, ᐙᐸᒥᒃ ᐁ ᑖᐺᐎᓂᐎᑦ ᐃᔅᕃᐃᓚᐃᑦ, ᐁᑳ ᐁ ᐱᒋᔅᑳᑯᑦ ᐙᔦᔑᐃᐌᐎᓂᓕᐤ᙮
ᐊᐌᓇ ᐁ ᐃᑕᔑᔦᒃ ᑫ ᑮ ᐙᐸᑎᓕᐌᑦ ᐁ ᒪᒋᑐᑕᒫᓐ? ᑮᔥᐱᓐ ᒫᑲ ᑖᐺᐎᓐ ᐁᑗᐗᓀ, ᑖᓀᑭ ᐌᒋ ᐁᑳ ᑖᐺᑕᐎᔦᒃ?
ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮
ᐌᓴ ᓇᒪᐎᓚ ᑭᑦ ᐋᔭᐙᓇᐤ ᑭᒋ ᓵᓵᑭᐎᓕᐌᐎᓕᓕᐤ ᐁᑳ ᑫ ᑮ ᐃᑕᒪᒋᑖᑦ ᑭᑦ ᐊᓕᒥᓯᐎᓂᓇᐗ; ᒫᑲ ᒥᓯᐌ ᐃᔑ ᑮ ᑲᑴᒋᐊᐤ ᑖᐱᔅᑯᒡ ᑭᓚᓈᓇᐤ, ᓇᒪᐎᓚ ᒫᑲ ᑮ ᒪᒋᑐᑕᒻ᙮
ᐁᑯ ᓂᔥᑕ ᙭ ᐯᔭᑾᐤ ᑳ ᐸᑭᑎᓈᑲᓂᐎᑦ ᑭᒋ ᓇᔭᑕᒸᑦ ᒥᒉᑦ ᐅ ᒪᒋᑣᐎᓂᓕᐗ: ᐊᓂᐃ ᒫᑲ ᑳ ᐊᔕᐙᐸᒥᑯᑦ ᒥᓇ ᑲᑕ ᓄᑯᓰᔅᑕᐌᐤ, ᐁᑳ ᐁ ᐅᑎᓇᒃ ᒪᒋᑣᐎᓂᓕᐤ, ᑭᒋ ᐱᒫᒋᐋᑦ᙮
ᓂᑦ ᐊᐱᔅᑕᐙᔑᒥᔑᒥᑐᒃ, ᐅᐅ ᑫᒀᓇ ᑭ ᒪᓯᓇᐊᒫᑎᓇᐗᐤ, ᐁᑳ ᑭᒋ ᒪᒋᑐᑕᒣᒃ᙮ ᑮᔥᐱᓐ ᒫᑲ ᐊᐌᓇ ᑮ ᒪᒋᑐᑕᒃ, ᑭᑦ ᐋᔭᐙᓇᐤ ᐅᑖᔭᒥᐁᔅᑕᒫᑫᐤ ᑳ ᐋᔭᒥᐋᑦ ᐅᑖᐎᒪᐗ, ᒋᓴᔅ ᙭ ᐅᒀᔭᔅᑭᑖᑎᓯᐤ:
ᑭ ᑭᔅᑫᓕᑌᓇᐗᐤ ᒫᑲ ᐁ ᑮ ᓄᑯᐋᑲᓂᐎᑦ ᑭᒋ ᐅᑎᓇᒃ ᑭ ᒪᒋᑐᑕᒧᐎᓂᓇᐗ: ᐎᓚ ᒫᑲ ᓇᒪᐎᓚ ᐱᒋᔅᑳᑯ ᒪᒋᑣᐎᓂᓕᐤ᙮
ᐅᑐᓂᐙᒃ ᒫᑲ ᓇᒪᐎᓚ ᑮ ᒥᔅᑭᑳᑌᓕᐤ ᐙᔦᔑᒥᐌᐎᓐ: ᐌᓴ ᒥᑐᓂ ᓇᒪᐎᓚ ᐗᓂᑎᐗᒃ ᐅᑎᔥᑲᐤ ᑭᒋᒪᓂᑐᐗ ᓀᔥᑕ ᐅᑭᒪᐗᐱᐎᓂᓕᐤ᙮
