ᓂᔥᑕᒻ ᐱᑕᕐ 2:12 - ᐅᔅᑭ ᑎᔅᑌᒥᓐᑦ

¹² ᒀᔭᔉ ᐁ ᐃᑎᔦᒃ ᑭᑦ ᐃᔑᐱᒫᑎᓯᐎᓂᐙᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ: ᐋᑕ ᐁ ᐸᑾᓄᒥᑖᑾᒃ ᑖᐱᔅᑯᒡ ᐅᒪᒋᐋᔨᑎᐗ, ᐁᓕᐌᒃ ᒫᑲ ᑭ ᒥᓗ ᐊᑑᔅᑫᐎᓂᐙᐗ, ᑫ ᐙᐸᑕᑭᒃ, ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ ᓇᑕᐙᐸᒥᐌᐎ ᑭᔑᑳᑫ᙮

ᓂᔥᑕᒻ ᐱᑕᕐ 2:12 Iomraidhean Croise

ᐅᐸᓓᑭᔅ ᒫᑎᐤ 10:25

ᐁᑯᓕᑯᒃ ᑭᔅᑭᓄᐊᒪᐙᑲᓐ ᑭᒋ ᐃᑌᓕᑖᑯᓯᑦ ᐁᑌᓕᑖᑯᓯᓕᒋ ᑳ ᑭᔅᑭᓄᐊᒫᑯᑦ, ᓀᔥᑕ ᐊᑑᔅᑫᓛᑲᓐ ᐃᔥᐱᔥ ᐅᑦ ᐅᑭᒫᒪ᙮ ᑮᔥᐱᓐ ᐲᓪᓯᐸᓪ ᑳ ᐃᔑᓂᑳᑕᐙᑴ ᑳ ᑎᐯᓕᑕᒥᓕᒋ ᐙᔅᑳᔨᑲᓂᓕᐤ, ᑖᐺ ᐊᐙᓯᑌ ᑲᑕ ᐃᔑᓂᑳᑌᐗᒃ ᐊᓂᐃ ᐅ ᐙᔅᑳᔨᑲᓂᒥᓕᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 5:11

ᑭ ᔕᐌᓕᑖᑯᓯᓇᐗᐤ ᐁ ᓈᔦᑕᐎᐃᑎᑖᑾᒃ ᐃᓕᓕᐗᒃ, ᓀᔥᑕ ᑲᒀᑕᑭᐃᑖᑾᒃ, ᓀᔥᑕ ᒥᓯᐌ ᐃᔑ ᑭᓛᔅᑭ ᐋᓕᒧᒥᑖᑾᒃ ᓂᓚ ᐅᒋ᙮

ᐅᐸᓓᑭᔅ ᒫᑎᐤ 5:16

ᐁᑯᔑ ᑮ ᐙᔅᑌᐄᓂᐗᐤ ᑲᑕ ᐃᔑ ᒐᑳᔅᑌᔅᑳᑯᐗᒃ ᐃᓕᓕᐗᒃ, ᑭᒋ ᑮ ᐙᐸᑕᑭᒃ ᑭ ᒥᓗ ᐊᑑᔅᑫᐄᓂᐙᐗ, ᑭᒋ ᑭᔅᑖᒋᒫᒋᒃ ᒫᑲ ᑯᑖᐎᐙᐗ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 9:8

ᒫᑲ ᐃᔅᐱ ᑳ ᒫᒪᐎᒥᒉᑎᒋᒃ ᐃᓕᓕᐗᒃ ᐎᐋᐸᑕᑭᒃ, ᑮ ᒫᒪᔅᑳᑕᒶᒃ, ᓀᔥᑕ ᑮ ᒫᒥᒋᒣᐗᒃ ᑭᒋᒪᓂᑐᐗ, ᑳ ᑮ ᒥᓛᓕᒋ ᐃᓕᓕᐗ ᐅᒪ ᐃᔑ ᑲᔥᑭᐅᐎᓂᓕᐤ᙮

ᐅᐸᓓᑭᔅ ᓘᒃ 1:68

ᑲᑕ ᐎ ᑭᔅᑖᒋᒪᐤ ᐅᑎᐯᓕᒋᑫᐤ ᐃᔅᕃᐃᓪ ᐅ ᑭᒋᒪᓂᑐᒪ; ᐌᓴ ᑮ ᒪᐗᑎᑌᐤ ᓀᔥᑕ ᑮ ᐱᒫᒋᐁᐤ ᐅᑦ ᐃᓕᓕᒪ᙮

ᐅᐸᓓᑭᔅ ᓘᒃ 19:44

ᓀᔥᑕ ᑭ ᑳ ᑕᑕᑯᐅᑾᒃ ᒧᔅᑕᔅᑲᒥᒃ, ᓀᔥᑕ ᑭᑦ ᐊᐙᔑᒥᔕ ᑳ ᐱᒋᔅᑳᔅᑭᒃ; ᓇᒪᐎᓚ ᒫᑲ ᑲᑕ ᐃᔥᑯᓀᐗᒃ ᐯᔭᒃ ᑭᑦ ᐊᓯᓂᒪ ᑕᑯᒡ ᑯᑕᑭᔭ, ᐁᑳ ᐁ ᐅᒋ ᑭᔅᑫᓕᑕᒪᓐ ᐃᔅᐱ ᐁ ᒫᐗᑎᑎᑲᐎᔭᓐ᙮

ᐅᐸᓓᑭᔅ ᓘᒃ 6:22

ᑭ ᔕᐌᓕᑖᑯᓯᓇᐗᐤ ᐃᔅᐱ ᐗᑳᑎᑖᑾᐌ ᐃᓕᓕᐗᒃ, ᓀᔥᑕ ᐹᑳᓂᐃᑖᑾᐌ ᐁᑳ ᑭᒋ ᐎᒉᐌᑾᒃ, ᓀᔥᑕ ᒪᒋ ᐋᔭᒥᐃᑖᑾᐌ, ᓀᔥᑕ ᐗᓚᐎᐌᐱᓇᑾᐌ ᑭᑦ ᐃᔑᓂᑳᓱᐎᓂᐙᐗ ᑖᐱᔅᑯᒡ ᐁ ᒫᓛᑕᑲ, ᐃᓕᓕᐎᑯᓯᓵᓐ ᐅᒋ᙮

ᐅᐸᓓᑭᔅ ᒑᓐ 13:31

ᑳ ᐗᓚᐎᓕᒋ ᒫᑲ, ᒋᓴᔅ ᑮ ᐃᑗᐤ, ᐊᓄᒡ ᐃᓕᓕᐎᑯᓯᓵᓐ ᑭᔅᑕᑭᒫᑲᓂᐎᐤ, ᓀᔥᑕ ᑭᒋᒪᓂᑐ ᑭᔅᑕᑭᒫᑲᓂᐎᐤ ᐎᓚ ᐅᒋ᙮

ᐊᐸᔅᑕᓚᒃ 15:14

ᓯᒥᔭᓐ ᑮ ᐙᐎᑕᒪᒻ ᑭᒋᒪᓂᑐ ᓃᔥᑕᒻ ᑳ ᐃᔑ ᒫᐗᑎᑖᑦ ᐊᓂᐃ ᒉᓐᑖᐃᓚ, ᐁᐗᒀᓂᐃ ᑭᒋ ᐅᒋ ᐅᑎᓈᑦ ᐃᓕᓕᐗ ᐅᑦ ᐃᔑᓂᑳᓱᐎᓐ ᐅᒋ᙮

ᐊᐸᔅᑕᓚᒃ 24:13

ᓇᒪᐎᓚ ᓀᔥᑕ ᑲᔥᑭᑖᐗᒃ ᑭᒋ ᑖᐺᑕᒥᑖᒋᒃ ᐊᓂᐃ ᑫᒀᓇ ᐊᓄᒡ ᑳ ᒪᒥᔑᒥᒋᒃ᙮

ᐊᐸᔅᑕᓚᒃ 25:7

ᐃᔅᐱ ᒫᑲ ᑎᑯᔑᓂᓕᒋ, ᐊᓂᑭ ᒎᐗᒃ ᒋᕉᓴᓚᒥᒃ ᑳ ᑮ ᐱᒋ ᐅᑐᑌᒋᒃ ᐙᔅᑲ ᐁ ᓂᐹᐎᒋᒃ, ᓈᔅᐱᒡ ᒥᔅᑕᐃ ᑮ ᒪᒋ ᒫᒥᔑᒣᐗᒃ ᐹᓚ, ᐁᑳ ᑳ ᑲᔥᑭᑖᒋᒃ ᑭᒋ ᑖᐺᔦᓕᑖᑯᑖᒋᒃ᙮

ᐊᐸᔅᑕᓚᒃ 28:22

ᒫᑲ ᓂ ᓇᑕᐌᓕᑌᓈᓐ ᑭᒋ ᐯᑖᑖᒃ ᑖᓂ ᐁᑌᓕᑕᒪᓐ: ᐌᓴ ᐅᒪ ᐋᔭᒥᐋᐎᓐ ᐁ ᐋᓕᒧᒋᑳᑌᒃ, ᓂ ᑭᔅᑫᓕᑌᓈᓐ ᒥᓯᐌ ᐃᑕ ᐁ ᒪᒋ ᐋᓕᒧᒋᑳᑌᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:17

ᐁᑳᐎᓚ ᐊᐌᓇ ᑭᐌ ᑎᐸᐊᒪᐤ ᒪᒋ ᑫᒀᓕᐤ ᒦᔅᑯᒡ ᒪᒋ ᑫᒀᓕᐤ᙮ ᐙᐸᑎᓕᑯᒃ ᒥᓯᐌ ᐃᓕᓕᐗᒃ ᐊᓂᐃ ᑫᒀᓇ ᑳ ᒥᓗ ᑎᐹᑐᑖᑾᑭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:13

ᐁᑯᔑ ᒀᔭᔉ ᐃᔑ ᐱᒧᑌᑕᐤ ᑖᐱᔅᑯᒡ ᐁ ᑭᔑᑳᒃ; ᐁᑳᐎᓚ ᒪᒋ ᒪᑯᔕᐎᓂᒃ ᓀᔥᑕ ᑮᔥᑴᐯᐎᓂᒃ; ᐁᑳᐎᓚ ᒪᒋ ᑳᐎᔑᒧᑐᑖᑐᐎᓂᒃ ᓀᔥᑕ ᐱᔑᑳᑎᓯᐎᓂᒃ; ᐁᑳᐎᓚ ᒀᓗᑖᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:18

ᐌᓴ ᐊᓇ ᐅᐅ ᑫᒀᓇ ᑳ ᐅᒋ ᐊᑑᔅᑲᐙᑦ ᙭ᑕ, ᒥᓜᓕᒥᑯ ᑭᒋᒪᓂᑐᐗ, ᓀᔥᑕ ᓇᐁᓕᒥᑯ ᐃᓕᓕᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:9

ᓀᔥᑕ ᒉᑣᐃᓚᒃ ᐅ ᔕᐌᓕᒋᑫᐎᓂᓕᐤ ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ; ᐁ ᐃᑕᓯᓇᐃᑳᑌᒃ, ᐅᒪ ᑭ ᑳ ᐅᒋ ᐋᓕᒧᒥᑎᓐ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᓀᔥᑕ ᓂ ᑳ ᓂᑲᒧᔅᑌᓐ ᑭᑦ ᐃᔑᓂᑳᓱᐎᓐ᙮

ᓂᔥᑕᒻ ᑯᕆᓐᑎᐊᓇ 14:25

ᐁᑯ ᐃᔑ ᓀᔥᑕ ᓂᐅᑯᑖᓂᐗᓂᓕᑭ ᑭᒧᑎᓯᐎᓇ ᐅᑌᐃᒃ; ᐁᑯ ᒫᑲ, ᐁ ᐅᑎᐱᐸᓕᐅᑦ, ᑲᑕ ᐋᔭᒥᐁᔅᑕᐌᐤ ᑭᒋᒪᓂᑐᐗ, ᓀᔥᑕ ᑲᑕ ᐎᑕᒻ ᑖᐺ ᐁ ᐎᒉᐅᑖᒃ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᓂᔓ ᑯᕆᓐᑎᐊᓇ 13:7

ᓂᑦ ᐋᔭᒥᐁᔅᑕᐗᐤ ᒫᑲ ᑭᒋᒪᓂᑐ ᐁᑳ ᑭᒋ ᑐᑕᒣᒃ ᑳ ᒫᓛᑕᒃ; ᓇᒪᐎᓚ ᓂᓚᓈᓐ ᑭᒋ ᐃᔑᓈᑯᓯᔮᒃ ᐁ ᓇᐁᓕᑖᑯᓯᔮᒃ, ᒫᑲ ᑭᓚᐗᐤ ᑭᒋ ᑐᑕᒣᒃ ᐊᓂᒪ ᑳ ᒀᔭᔅᑭᑌᓕᑖᑾᒃ, ᐋᑕ ᓂᓚᓈᓐ ᑖᐱᔅᑯᒡ ᐌᐱᓂᑲᓇᒃ ᐁ ᐃᑕᑭᒥᑲᐎᔮᒃ᙮

ᓂᔓ ᑯᕆᓐᑎᐊᓇ 8:21

ᐁ ᓄᑯᑖᔮᒃ ᐁ ᒀᔭᔅᑭᑎᔮᒃ, ᓇᒪᐎᓚ ᐱᑯ ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᒫᑲ ᐁ ᑲᓇᐙᐸᒥᔭᒥᒋᒃ ᓀᔥᑕ ᐃᓕᓕᐗᒃ᙮

ᐃᐱᓯᔭᓇ 2:3

ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮

ᐃᐱᓯᔭᓇ 4:22

ᑭᒋ ᑫᒋᑾᓇᒣᒃ ᑭ ᑳᔮᔥ ᐃᔑᐱᒫᑎᓯᐎᓂᐗᐤ ᐊᓂᒪ ᑳᔮᔥ ᐃᑖᑎᓯᐎᓐ, ᑳ ᒫᓛᑕᒃ, ᑖᐱᔅᑯᒡ ᐁ ᐃᔑ ᐙᔦᔑᐃᐌᒪᑲᑭ ᒪᒋ ᓇᑕᐌᓕᑕᒧᐎᓇ;

ᐱᓕᐱᔭᓇ 1:27

ᐁᑯᔑ ᐱᑯ ᑭᑦ ᐃᔑ ᐱᒫᑎᓯᐎᓂᐗᐤ ᑲᑕ ᐎ ᐃᔑᓈᑾᓐ ᐁ ᐃᔑᓈᑾᓂᓕᒃ ᐅᒥᓗᐋᒋᒧᐎᓐ ᙭: ᑮᔥᐱᓐ ᑫ ᑕᑯᔑᓄᐙᓀ ᑭᒋ ᐙᐸᒥᑕᑾᒃ, ᓀᔥᑕᐱᑯ ᑫ ᐃᑖᐱᒋᐙᓀ, ᓂ ᑳ ᐯᑌᓐ ᐁ ᐋᔨᑎᔦᒃ, ᓀᔥᑕ ᐁ ᐋᔭᒋᑳᐸᐎᔦᒃ ᐯᔭᒃ ᐊᒑᑯᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ ᒫᒪᐎ ᑭᑐᒋᑲᓇᐌᓕᑕᒣᒃ ᒥᓗᐋᒋᒧᐎᓂ ᑖᐺᔦᓕᑕᒧᐎᓐ;

ᐱᓕᐱᔭᓇ 4:8

ᒫᒋᒡ ᒫᑲ ᓂᒋᔖᓂᑐᒃ, ᑫᒀᓇ ᑎᐋᐺᒪᑲᓄᑴ, ᑫᒀᓇ ᐁ ᒀᔭᔅᑾᓄᑴ, ᑫᒀᓇ ᐁ ᒀᔭᔅᑳᑎᓯᒪᑲᓄᑴ, ᑫᒀᓇ ᐯᓓᑲᓄᑴ, ᑫᒀᓇ ᓯᐋᑭᑖᓂᐗᓄᑴ, ᑫᒀᓇ ᒣᓗᐋᓕᒧᒋᑖᓂᐗᓄᑴ; ᐁᑕᑾᓄᑴ ᒥᓨᑎᓯᐃᓐ, ᑮᔥᐱᓐ ᓀᔥᑕ ᐁᑕᑾᓄᑴ ᒫᒪᑖᑯᒥᑯᓯᐎᓐ, ᒫᒥᑐᓀᓕᑕᒧᒃ ᐅᐅ ᑫᒀᓇ᙮

ᓂᔥᑕᒻ ᑌᓴᓗᓂᔭᓇ 4:12

ᑭᒋ ᒀᔭᔅᑯ ᐱᒧᑌᔅᑕᐌᑾᒃ ᐊᓂᑭ ᐗᓚᐎᑎᒥᒃ ᑳ ᐃᑖᒋᒃ, ᓀᔥᑕ ᐁᑳ ᑫᒀᓐ ᑭᒋ ᑶᑕᒫᔦᒃ᙮

ᓂᔥᑕᒻ ᑎᒧᑎ 2:2

ᑭᒋᐅᑭᒪᐗᒃ, ᓀᔥᑕ ᒥᓯᐌ ᑳ ᑎᐯᓕᒋᑫᒋᒃ; ᑭᒋ ᑳᔮᒣᐎᓯᐎ ᓀᔥᑕ ᑳᔮᒣᓕᑕᒧᐎ ᐱᒫᑎᓯᔭᒃ ᒥᓯᐌ ᒪᓂᑐᐙᑎᓯᐎᓂᒃ ᓀᔥᑕ ᑾᔭᔅᑭᑎᐎᓂᒃ᙮

ᓂᔥᑕᒻ ᑎᒧᑎ 4:12

ᐁᑯᔑ ᐁᑳᐎᓚ ᐊᐌᓇ ᑭ ᑳ ᐋᑕᐌᓕᒥᒃ ᐁ ᐅᔥᑭᓂᑭᔭᓐ; ᒫᑲ ᐁᑯᔑ ᑭ ᑳ ᑭᔅᑭᓄᐙᐸᒥᑾᒃ ᐊᓂᑭ ᑳ ᑖᐺᔦᓕᑕᑭᒃ, ᐋᔭᒥᐎᓂᒃ, ᐊᔭᒥᐃᑐᐎᓂᒃ, ᓵᑭᐃᐌᐎᓂᒃ, ᐊᒑᑯᐎᓂᒃ, ᑖᐺᔦᓕᑕᒧᐎᓂᒃ, ᐸᓓᑭᓯᐎᓂᒃ᙮

ᓂᔥᑕᒻ ᑎᒧᑎ 5:10

ᐁ ᒥᓗᐃᑖᒋᒫᑲᓂᐎᑦ ᒥᓗ ᐊᑑᔅᑫᐎᓇ ᐅᒋ; ᑮᔥᐱᓐ ᑳ ᐅᐱᑭᐋᑴ ᐊᐙᔑᔕ, ᑮᔥᐱᓐ ᑳ ᐱᑐᑲᐋᑴ ᒫᓐᑌᐗ, ᑮᔥᐱᓐ ᑳ ᑭᓯᐯᑭᓇᒧᑴ ᐅᐸᓓᑭᓴ ᐅᓯᑎᓕᐗ, ᑮᔥᐱᓐ ᑳ ᓂᔕᑲᒪᐙᑴ ᑳ ᑲᒀᑕᑭᓯᓕᒋ, ᑮᔥᐱᓐ ᑳ ᑭᓯᓴᐎᓯᐎ ᐱᒥᑎᔕᐊᒧᑴ ᒥᓯᐌ ᑕᑐ ᒥᓗ ᐊᑖᔅᑫᐎᓂᓕᐤ᙮

ᐦᐃᑉᕉᐗ 13:18

ᐋᔭᒥᐁᔅᑕᒫᑯᒃ: ᐌᓴ ᓂ ᐸᑯᓯᓕᒧᓈᓐ ᐁ ᒥᓗ ᒥᑐᓀᓕᒋᑲᓂᔮᒃ, ᒥᓯᐌ ᐃᔑ ᐁ ᐃᑌᓕᒧᔮᒃ ᒀᔭᔉ ᑭᒋ ᐃᔑ ᐱᒫᑎᓯᔮᒃ᙮

ᐦᐃᑉᕉᐗ 13:5

ᐁᑯᔑ ᑭᑦ ᐃᔑᐱᒫᑎᓯᐎᓂᐗᐤ ᐁᑳᐎᓚ ᒧᔅᑌᓇᒫᑫᐎᓐ ᑲᑕ ᐊᓯᒋᐸᓕᐤ; ᑌᐯᓕᑕᒧᒃ ᒫᑲ ᐊᓂᐃ ᐁ ᐃᔑ ᐋᔮᔦᒃ: ᐌᓴ ᑮ ᐃᑗᐤ, ᓇᒪᐎᔅᑳᑦ ᑭ ᑳ ᓇᑲᑎᑎᓐ, ᓇᒪᐎᔅᑳᑦ ᑭ ᑳ ᐌᐱᓂᑎᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:13

ᐊᐌᓇ ᐁ ᐃᑕᔑᔦᒃ ᑳ ᑲᑫᑕᐌᓕᑕᒃ ᐃᓕᓕᐤ ᓀᔥᑕ ᐁ ᓵᑲᔅᑭᓀᔅᑳᑯᑦ ᑭᔅᑫᓕᑕᒧᐎᓂᓕᐤ; ᐁᑯᔑ ᑲᑕ ᐙᐸᑎᓕᐌᐤ ᐁ ᒥᓗ ᐃᑖᑎᓰᑦ ᐅᑦ ᐊᑑᔅᑫᐎᓇ ᑲᑫᑕᐌᓕᑕᒧᐎᓂ ᓗᔅᑳᑎᓯᐎᓂᒃ᙮

ᓂᔥᑕᒻ ᐱᑕᕐ 2:15

ᐌᓴ ᐁᑯ ᐁ ᐃᑌᓕᑕᒃ ᑭᒋᒪᓂᑐ, ᐁ ᒥᓗ ᐋᔨᑎᔦᒃ ᑭᒋ ᐅᒋ ᑭᐳᑐᓀᐌᑾᒃ ᐅᑲᑫᐹᑎᓯᐗᒃ ᐁ ᑲᑫᐹᑎᓯᐎ ᐃᑗᒋᒃ:

ᓂᔥᑕᒻ ᐱᑕᕐ 3:16

ᐁ ᒥᓗ ᒥᑐᓀᓕᒋᑲᓂᔦᒃ; ᐁ ᒪᒋ ᐋᓕᒧᒥᑖᑾᒃ, ᑖᐱᔅᑰᒡ ᐅᒪᒋᑐᑕᒧᔅᑲᒃ, ᑭᒋ ᓇᓀᐯᐎᓯᒋᒃ ᐊᓂᑭ ᑳ ᑭᓛᔅᑭᐎ ᒪᒥᔑᑐᑕᑭᒃ ᑭ ᒥᓗ ᐃᔑᐱᒫᑎᓯᐎᓂᐗᐤ ᙭ᑎᒃ᙮

ᓂᔥᑕᒻ ᐱᑕᕐ 4:11

ᑮᔥᐱᓐ ᐊᐌᓇ ᐋᔭᒥᑌ, ᐁᑯᔑ ᑲᑕ ᐋᔭᒥᐤ ᑖᐱᔅᑯᒡ ᑭᒋᒪᓂᑐ ᐅᑦ ᐋᔭᒥᐎᓇ: ᑮᔥᐱᓐ ᐊᐌᓇ ᐋᔭᒥᐋᐎ ᐊᑑᔅᑫᑌ, ᐁᑯᔑ ᑲᑕ ᑐᑕᒻ ᐃᔥᐱᔥ ᐁ ᒥᓕᑯᑦ ᑲᔥᑭᐅᐎᓂᓕᐤ ᑭᒋᒪᓂᑐᐗ; ᒥᓯᐌ ᑫᒀᓇ ᑭᒋ ᐅᒋ ᑭᔅᑌᓕᑖᑯᐋᑲᓂᐄᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭; ᑫ ᐎ ᒫᒥᒋᒫᑲᓂᐎᑦ ᓀᔥᑕ ᑎᐯᓕᒋᑫᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔓ ᐱᑕᕐ 3:11

ᐁ ᐙᐸᑕᒪᒃ ᒫᑲ ᒥᓯᐌ ᐅᐅ ᑭᒋ ᓂᔑᐗᓈᑕᑭ, ᑫᑯ ᑐᐎ ᐃᓕᓕᐗᒃ ᑫ ᐃᔑᓈᑯᓯᔦᑯᐸᓐ ᒥᓯᐌ ᐸᓓᑭ ᐃᔑᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ,