ᓂᔥᑕᒻ ᐱᑕᕐ 1:5 - ᐅᔅᑭ ᑎᔅᑌᒥᓐᑦ

⁵ ᑭᒋᒪᓂᑐ ᐅ ᑲᔥᑭᐅᐎᓐ ᑳ ᐅᒋ ᑲᓇᐌᓕᒥᑲᐎᔦᒃ ᐁ ᑖᐺᔦᓕᑕᒣᒃ ᐱᒫᒋᐃᐌᐎᓂᒃ ᐃᔑ ᑳ ᐋᔦᔅᑯᐗᒃ ᒫᒋᒡ ᐁ ᑭᔑᑳᑭ ᑭᒋ ᓄᑯᑖᓂᐗᒃ᙮

ᓂᔥᑕᒻ ᐱᑕᕐ 1:5 Iomraidhean Croise

ᐅᐸᓓᑭᔅ ᒑᓐ 12:48

ᐊᓇ ᑳ ᐋᑕᐌᓕᒥᑦ, ᓀᔥᑕ ᐁᑳ ᑳ ᐅᑎᓇᒃ ᓂᑦ ᐋᔭᒥᐎᓇ, ᐋᔭᐌᐤ ᐊᐌᓕᐗ ᑳ ᑎᐹᔅᑯᓂᑯᑦ: ᐊᓂᒪ ᐋᔭᒥᐎᓐ ᑳ ᑮ ᐃᑗᔮᓐ, ᐁᐗᑴᓕᐤ ᑫ ᑎᐹᔅᑯᓂᑯᑦ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 17:15

ᓇᒪᐎᓚ ᓂᑦ ᐋᔭᒥᐋᓐ ᐊᔅᑮᒃ ᑭᒋ ᐅᒋ ᐅᑎᓇᒋᒃ, ᒫᑲ ᑭᒋ ᑲᓇᐌᓕᒪᒋᒃ ᑳ ᒫᓛᑕᓂᓕᒃ ᐅᒋ᙮

ᐅᐸᓓᑭᔅ ᒑᓐ 4:14

ᒫᑲ ᑕᑐ ᐊᐌᓇ ᑫ ᒥᓂᑴᑦ ᐊᓂᐁᓕᐤ ᓂᐱᓕᐤ ᑫ ᒥᓚᒃ ᓇᒪᐎᔅᑳᑦ ᑲᑕ ᓄᑌᔮᐸᑴᐤ; ᒫᑲ ᓂᐱᓕᐤ ᑫ ᒥᓚᒃ ᑲᑕ ᐱᒋᔅᑳᑯ ᐁ ᒧᓇᐃᐹᓂᐗᓂᓕᒃ, ᐁ ᒧᔅᑭᒋᐗᓂᓕᒃ ᑭᒋ ᐅᒋ ᑳᑭᑫ ᐱᒫᑎᓰᑦ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:20

ᐁᐁ; ᐗᓉᔦᓕᑕᒧᐎᓐ ᑮ ᐅᒋ ᓈᑣᐸᓕᑖᓂᐗᓋ; ᑭᓚ ᒫᑲ ᑖᐺᔦᓕᑕᒧᐎᓐ ᑭᑦ ᐅᒋ ᓂᐸᐎᓐ᙮ ᐁᑳᐎᓚ ᐎ ᑭᔅᑌᓕᒥᑎᓱ, ᒫᑲ ᓇᓂᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:18

ᐌᓴ ᓂᑦ ᐊᑭᑌᓐ ᐊᓂᐃ ᐎᓴᑫᓕᑕᒧᐎᓇ ᐊᓄᒡ ᑳ ᐃᑕᑾᑭ ᐁᑳ ᐙᔦᔥ ᐁ ᐃᑌᓕᑖᑾᑭ ᐃᔥᐱᔥ ᐊᓂᒪ ᑭᔅᑌᓕᑖᑯᓯᐎᓐ ᑫ ᐙᐸᑎᓕᑲᐎᔭᒃ᙮

ᓂᔥᑕᒻ ᑯᕆᓐᑎᐊᓇ 1:21

ᐌᓴ ᐹᑎᒫ, ᐅ ᑲᑫᑕᐌᓕᑕᒧᐎᓂᒃ ᑭᒋᒪᓂᑐ, ᐊᔅᑮᒃ ᑳ ᐃᑖᒋᒃ ᑲᑫᑕᐌᓕᑕᒧᐎᓂᒃ ᐁᑳ ᐁ ᐅᒋ ᑭᔅᑫᓕᒫᒋᒃ ᑭᒋᒪᓂᑐᐗ, ᑮ ᐃᔑ ᒥᓜᓕᑕᒻ ᑭᒋᒪᓂᑐ ᐁ ᐃᔑ ᑮᔥᑴᒪᑲᒃ ᑲᑫᔅᑭᒥᐌᐎᓐ ᐅᒋ ᑭᒋ ᐱᒫᒋᐋᑦ ᐊᓂᐃ ᑳ ᑖᐺᔦᓕᑕᒥᓕᒋ᙮

ᓂᔓ ᑯᕆᓐᑎᐊᓇ 1:24

ᓇᒪᐎᓚ ᐁ ᑎᐯᓕᑕᒫᒃ ᑭ ᑖᐺᔦᓕᑕᒧᐎᓂᐗᐤ, ᒫᑲ ᐁ ᐎᒋᑖᔦᒃ ᑭ ᒧᒋᑫᓕᑕᒧᐎᓂᐗᐤ: ᐌᓴ ᑖᐺᔦᓕᑖᒧᐎᓐ ᑭᑦ ᐅᒋ ᓂᐸᐎᓇᐗᐤ᙮

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᐃᐱᓯᔭᓇ 2:8

ᐌᓴ ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ ᑖᐺᔦᓕᑕᒧᐎᓐ ᐅᒋ; ᓇᒪᐎᓚ ᒫᑲ ᑭᓚᐗᐤ ᑎᐱᓚᐌ ᐅᒋ; ᐁᐗᑯ ᑭᒋᒪᓂᑐ ᐅ ᒥᓕᐌᐎᓐ:

ᐃᐱᓯᔭᓇ 3:17

᙭ ᑭᒋ ᐎᑭᑦ ᑭᑌᐃᐙᒃ ᑖᐺᔦᓕᑕᒧᐎᓐ ᐅᒋ; ᑭᓚᐗᐤ ᐁ ᒪᔥᑲᐎ ᑳᐸᐎᐃᑲᐎᔦᒃ ᓀᔥᑕ ᐊᓕᒋᐃᑲᐎᔦᒃ ᓵᑭᐃᐌᐎᓂᒃ,

ᐱᓕᐱᔭᓇ 1:6

ᐁ ᑫᒋᓇᐅᔮᓐ ᐅᒪ ᑫᒀᓐ, ᐊᓇ ᑳ ᑮ ᑭᒋᑖᑦ ᒥᓗ ᐊᑑᔅᑫᐎᓂᓕᐤ ᐁ ᐱᒋᔅᑳᑯᔦᒃ, ᑲᑕ ᑎᐱᑐᑕᒻ ᐱᓕᔥ ᐅᑎᒋᐸᓕᓕᑫ ᒋᓴᔅ ᙭ ᐅ ᑭᔑᑳᒻ:

ᐱᓕᐱᔭᓇ 4:7

ᓀᔥᑕ ᒫᑲ ᑭᒋᒪᓂᑐ ᐅ ᑳᔮᒣᓕᑕᒧᐎᓐ, ᐁᑳ ᑎᐁᐱ ᓂᓯᑐᑖᑲᓂᐗᒃ ᑭ ᑳ ᑲᓇᐌᓕᑕᒫᑯᓇᐗᐤ ᑭᑌᐃᐙᐗ ᓀᔥᑕ ᑭ ᒥᑐᓀᓕᒋᑲᓂᐗᐗ ᐎᓚ ᐅᒋ ᒋᓴᔅ ᙭᙮

ᓂᔓ ᑎᒧᑎ 3:15

ᓀᔥᑕ ᐁ ᐊᐙᔑᔑᐎᔭᓐ ᐁ ᑮ ᐯᒋ ᑭᔅᑫᓕᑕᒪᓐ ᐸᓓᑭ ᒪᓯᓇᐃᑫᐎᓇ, ᑫ ᑮ ᑲᑫᑕᐌᓕᑕᒥᐃᑯᔭᓐ ᐱᒫᒋᐃᐌᐎᓂᒃ ᐃᔑ, ᑖᐺᔦᓕᑕᒧᐎᓐ ᐅᒋ ᙭ ᒋᓴᓯᒃ ᑳ ᐃᑕᑾᒃ᙮

ᑕᐃᑕᔅ 2:13

ᐁ ᐊᔕᐙᐸᑕᒪᒃ ᐊᓂᒪ ᑳ ᒥᓦᑭᑖᑾᒃ ᐊᔅᐯᓕᒧᐎᓐ, ᓀᔥᑕ ᐅ ᑭᔅᑌᓕᑖᑯᓯᐎ ᓄᑯᓯᐎᓐ ᑫᔅᑎᓯᑦ ᑭᒋᒪᓂᑐ, ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭;

ᐦᐃᑉᕉᐗ 6:12

ᐁᑳ ᑭᒋ ᑭᑎᒥᔦᒃ, ᒫᑲ ᐁ ᓄᔅᐱᓇᑌᑾᒃ ᐊᓂᑭ, ᑖᐺᔦᓕᑕᒧᐎᓐ ᐅᒋ ᓀᔥᑕ ᔑᐱᓚᐌᓯᐎᓐ ᑳ ᐊᑎ ᐋᔮᒋᒃ ᐊᓂᐃ ᐊᔓᑕᒫᑫᐎᓇ᙮

ᐦᐃᑉᕉᐗ 9:28

ᐁᑯ ᓂᔥᑕ ᙭ ᐯᔭᑾᐤ ᑳ ᐸᑭᑎᓈᑲᓂᐎᑦ ᑭᒋ ᓇᔭᑕᒸᑦ ᒥᒉᑦ ᐅ ᒪᒋᑣᐎᓂᓕᐗ: ᐊᓂᐃ ᒫᑲ ᑳ ᐊᔕᐙᐸᒥᑯᑦ ᒥᓇ ᑲᑕ ᓄᑯᓰᔅᑕᐌᐤ, ᐁᑳ ᐁ ᐅᑎᓇᒃ ᒪᒋᑣᐎᓂᓕᐤ, ᑭᒋ ᐱᒫᒋᐋᑦ᙮

ᓂᔥᑕᒻ ᐱᑕᕐ 1:13

ᐁᐗᑯ ᐅᒋ, ᐸᑾᑌᐊᒧᒃ ᑭ ᒥᑐᓀᓕᒋᑲᓂᐙᐗ, ᐯᑳᒡ ᐃᑖᑎᓰᒃ, ᓀᔥᑕ ᐃᔅᒀᔮᒡ ᐃᔅᑯ ᐊᔅᐯᓕᒧᑐᑕᒧᒃ ᐊᓂᒪ ᔕᐌᓕᒋᑫᐎᓐ ᑫ ᐯᒋ ᒥᓕᑲᐎᔦᒃ ᑭᔅᑫᓕᑖᑯᐋᑲᓂᐎᑌ ᒋᓴᔅ ᙭;

ᓂᔥᑕᒻ ᐱᑕᕐ 4:13

ᒫᑲ ᒥᓚᐙᑕᒧᒃ, ᐁ ᑮ ᐎᒋᐃᐌᔦᐤ ᙭ ᐅ ᐙᐎᓴᑫᓕᑕᒧᐎᓇ; ᐃᔅᐱ ᓄᑾᓂᓕᑫ ᐅ ᑭᔅᑌᓕᑖᑯᓯᐎᓐ, ᑭᓚᐗᐤ ᓀᔥᑕ ᑭᒋ ᓯᑭᓓᓯᔦᑳ ᑭᒋ ᒥᓚᐙᑕᒧᐎᓂᒃ᙮

ᓂᔥᑕᒻ ᐱᑕᕐ 5:1

ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:

ᓂᔓ ᐱᑕᕐ 1:3

ᑳ ᐃᑕᔅᑌᓕᒃ ᐅ ᒪᓂᑐᐎ ᑲᔥᑭᐅᐎᓐ, ᑳ ᑮ ᐃᔑ ᒥᓕᑯᐗᒃ ᒥᓯᐌ ᑫᒀᓇ ᐱᒫᑎᓯᐎᓂᒃ ᓀᔥᑕ ᒪᓂᑐᐙᑎᓯᐎᓂᒃ ᑳ ᑎᐯᓕᑖᑾᑭ, ᐅ ᑭᔅᑫᓕᑕᒧᐎᓂᒃ ᐅᒋ ᐊᓇ ᑳ ᑮ ᓇᑐᒥᑕᒃ ᑭᔅᑌᓕᑖᑯᓯᐎᓂᒃ ᓀᔥᑕ ᒥᓨᑎᓯᐎᓂᒃ:

ᓂᔥᑕᒻ ᒑᓐ 3:2

ᓯᐋᑭᐃᑕᑾᒃ, ᐊᓄᒡ ᑭᒋᒪᓂᑐ ᑭᑦ ᐅᑯᓯᓯᒥᑯᓇᐤ, ᓀᔥᑕ ᓇᒪᐎᓚ ᐁᔥᑾ ᓄᑾᓐ ᑫ ᐃᔑ ᐋᔮᔭᒃ; ᒫᑲ ᑭ ᑭᔅᑫᓕᑌᓈᓇᐤ, ᐃᔅᐱ ᓄᑯᓯᑌ, ᑭ ᑳ ᓇᔅᐱᑕᐙᓇᐤ; ᐌᓴ ᑭ ᑳ ᐙᐸᒫᓇᐤ ᐁ ᐃᔑᓈᑯᓯᑦ᙮

ᒎᑦ 1:1

ᒎᑦ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᓀᔥᑕ ᐎᒋᔖᓇ ᒉᒻᔅ, ᐁ ᒪᓯᓇᐊᒪᐙᑦ ᐊᓂᐃ ᑳ ᐸᓓᑭᐃᑯᓕᒋ ᑭᒋᒪᓂᑐᐗ ᐌᐅᑕᐎᒪᐎᓕᒋ, ᓀᔥᑕ ᑳ ᑲᓇᐌᓕᒫᑲᓂᐎᓕᒋ ᒋᓴᔅ ᙭ᑎᒃ, ᓀᔥᑕ ᑳ ᓇᑐᒫᑲᓂᐎᓕᒋ᙮

ᒎᑦ 1:24

ᐁᑯ ᐊᓇ ᑳ ᑲᔥᑭᑖᑦ ᑭᒋ ᑲᓇᐌᓕᒥᑖᒃ ᐁᑳ ᑭᒋ ᐸᑭᔑᓂᔦᒃ, ᓀᔥᑕ ᑭᒋ ᓄᑯᐃᑖᒃ ᐁ ᒥᓗᐃᑌᓕᑖᑯᓯᔦᒃ ᐅᑎᔥᑲᐤ ᐁ ᐃᔑᓈᑾᓂᓕᒃ ᐅ ᑭᔅᑌᓕᑖᑯᓯᐎᓐ ᑭᒋ ᒥᓚᐙᑕᒧᐎᓂᒃ,