ᓂᔥᑕᒻ ᒑᓐ 5:4 - ᐅᔅᑭ ᑎᔅᑌᒥᓐᑦ

⁴ ᐌᓴ ᒥᓯᐌ ᑫᒀᓕᐤ ᑳ ᓂᑕᐎᑭᑖᑦ ᑭᒋᒪᓂᑐ ᔖᑯᒋᐃᐌᒪᑲᓐ ᐊᔅᑭ: ᓀᔥᑕ ᐁᐗᑯ ᐅᒪ ᔖᑯᒋᐃᐌᐎᓐ ᑳ ᔖᑯᒋᑖᒪᑲᒃ ᐊᔅᑭ, ᑭ ᑖᐺᔦᓕᑕᒧᐎᓂᓇᐤ ᐅᑎ᙮

ᓂᔥᑕᒻ ᒑᓐ 5:4 Iomraidhean Croise

ᐅᐸᓓᑭᔅ ᒑᓐ 1:13

ᐊᓂᑭ ᐁᑳ ᒥᑯᒃ ᑳ ᐅᒋ ᓂᑖᐎᑭᒋᒃ, ᐁᑳ ᓀᔥᑕ ᐎᔮᓯᐎ ᐃᑌᓕᑕᒧᐎᓂᒃ, ᐁᑳ ᓀᔥᑕ ᐃᓕᓕᐎ ᐃᑌᓕᑕᒧᐎᓂᒃ, ᒫᑳ ᑭᒋᒪᓂᑐᒃ ᐅᒋ᙮

ᐅᐸᓓᑭᔅ ᒑᓐ 16:33

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮

ᐅᐸᓓᑭᔅ ᒑᓐ 3:3

ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᒥᓇ ᓂᑖᐎᑭᑌ, ᓇᒪᐎᓚ ᑲᑕ ᑮ ᐙᐸᑕᒬᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 15:57

ᒫᑲ ᑲᑕ ᐎ ᓇᓈᔅᑯᒫᑲᓂᐎᐤ ᑭ ᒪᓂᑐ, ᑳ ᒥᓕᑕᒃ ᔖᑯᒋᐃᐌᐎᓂᓕᐤ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᓂᔥᑕᒻ ᒑᓐ 2:29

ᑮᔥᐱᓐ ᑭᔅᑫᓕᑕᒣᒃ ᐁ ᒀᔭᔅᑭᑖᑎᓰᑦ, ᑭ ᑭᔅᑫᓕᑌᓇᐗᐤ ᒥᓯᐌ ᑕᑐ ᐊᐌᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᐁ ᓂᑕᐎᑭᐃᑯᑦ᙮

ᓂᔥᑕᒻ ᒑᓐ 3:9

ᐊᐌᓇ ᑭᒋᒪᓂᑐᒃ ᑳ ᐅᒋ ᓂᑖᐎᑭᑦ, ᓇᒪᐎᓚ ᒪᒋᑐᑕᒻ: ᐌᓴ ᐅ ᓯᒥᓂᒪ ᐱᒋᔅᑳᑯᓕᐗ; ᓇᒪᐎᓚ ᒫᑲ ᑲᑕ ᑮ ᒪᒋᑐᑕᒻ, ᑭᒋᒪᓂᑐᒃ ᐁ ᑮ ᐅᒋ ᓂᑕᐎᑭᑦ᙮

ᓂᔥᑕᒻ ᒑᓐ 4:4

ᑭᓚᐗᐤ ᑭᒋᒪᓂᑐᒃ ᑭᑦ ᐅᒋᓇᐗᐤ, ᐊᐱᔅᑕᐙᔑᔑᑐᒃ, ᑭ ᑮ ᔖᑯᒋᐊᐗᐗᒃ ᒫᑲ: ᐌᓴ ᐊᐙᓯᑌ ᑭᔅᑎᓯᐤ ᐊᓇ ᑳ ᐱᒋᔅᑳᑖᒃ ᐃᔥᐱᔥ ᐊᓇ ᐊᔅᑮᒃ ᑳ ᐃᑖᑦ᙮

ᓂᔥᑕᒻ ᒑᓐ 5:1

ᐊᐌᓇ ᑎᐋᐺᑕᒧᑴ ᒋᓴᓴ ᐁ ᙭ᑎᐎᓕᒋ, ᑭᒋᒪᓂᑐᒃ ᑮ ᐅᒋ ᓂᑕᐎᑭᐤ: ᒥᓯᐌ ᑕᑐ ᐊᐌᓇ ᒫᑲ ᑳ ᓵᑭᐋᑦ ᐊᓂᐃ ᑳ ᑮ ᓂᑕᐎᑭᐃᐌᓕᑭ, ᓵᑭᐁᐤ ᓀᔥᑕ ᐊᓂᐃ ᑳ ᑮ ᓂᑕᐎᑭᐃᑯᓕᒋ᙮

ᓂᔥᑕᒻ ᒑᓐ 5:18

ᑭ ᑭᔅᑫᓕᑌᓈᓇᐤ ᐊᐌᓇ ᑳ ᓂᑖᐎᑭᐃᑯᑦ ᑭᒋᒪᓂᑐᐗ ᓇᒪᐎᓚ ᒪᒋᑐᑕᒻ; ᒫᑲ ᐊᓇ ᑳ ᓂᑕᐎᑭᐃᑯᑦ ᑭᒋᒪᓂᑐᐗ ᑲᓇᐌᓕᒥᑎᓱ, ᓇᒪ ᓀᔥᑕ ᓵᒥᓂᑯ ᐊᓂᐃ ᒣᒋᑣᓕᒋ᙮

ᓂᔥᑕᒻ ᒑᓐ 5:5

ᐊᐌᓇ ᐊᓇ ᑳ ᔖᑯᒋᑖᑦ ᐊᔅᑭᓕᐤ, ᐊᓇ ᐱᑯ ᑳ ᑖᐺᑕᒃ ᒋᓴᓴ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ?

ᑭᔅᑫᓕᑖᑯᑖᑫᐎᓐ 12:11

ᑮ ᔖᑯᒋᐁᐗᒃ ᒫᑲ ᒫᓂᔥᒑᓂᔑᔕ ᐅ ᒥᑯᓕᐤ ᐅᒋ, ᓀᔥᑕ ᐊᓂᐁᓕᐤ ᐋᔭᒥᐎᓂᓕᐤ ᑳ ᑎᐹᑐᑕᒃ; ᓇᒪᐎᓚ ᒫᑲ ᐅᒋ ᓵᑭᑕᐗᒃ ᐅ ᐱᒫᑎᓯᐎᓂᐙᐗ ᐱᓕᔥ ᓂᐱᐎᓂᒃ᙮

ᑭᔅᑫᓕᑖᑯᑖᑫᐎᓐ 15:2

ᓂ ᑮ ᐙᐸᑌᓐ ᒫᑲ, ᒫᓇ ᐱᑯ ᑭᒋᑲᒥ ᐁᑯᑕ ᐁ ᐃᑕᑾᒃ ᐙᓭᓂᑖᑲᓐ ᐁ ᑭᓕᑲᐎᓂᑳᑌᒃ ᐃᔥᑯᑌᒃ: ᐊᓂᑭ ᒫᑲ ᑳ ᑭ ᔖᑯᒋᐋᒋᒃ ᐊᐌᓯᓴ ᓀᔥᑕ ᐅ ᒪᓯᓕᓕᒥᓕᐗ, ᓀᔥᑕ ᐅ ᑭᔅᑭᓄᐙᒋᐅᓂᓕᐤ, ᓀᔥᑕ ᐁ ᑕᑡᑭᒋᑳᑌᓕᒃ ᐅᑦ ᐃᔑᓂᑳᓱᐎᓐ, ᓂᐸᐎᐗᒃ ᐙᓭᓂᑖᑲᓂ ᑭᒋᑲᒥᒃ, ᐁ ᐊᔭᐙᒋᒃ ᑭᒋᒪᓂᑐᐗ ᐅ ᑭᑐᒋᑲᓂᓕᐗ᙮

ᑭᔅᑫᓕᑖᑯᑖᑫᐎᓐ 2:11

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ; ᐊᓇ ᑳ ᔖᑯᒋᐃᐌᑦ ᓇᒪᐎᓚ ᑲᑕ ᐊᑯᐃᑯ ᐊᓂᐁᓕᐤ ᓂᔓ ᓂᐱᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 2:17

ᐊᓇ ᑳ ᐅᑖᐗᑳᑦ ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ! ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᒥᒋᑦ ᑳ ᑳᒋᑳᑌᓕᒃ ᒫᓇ, ᓂ ᑳ ᒥᓚᐤ ᓀᔥᑕ ᐙᐸᓯᓂᔭ, ᓀᔥᑕ ᐊᓯᓂᒃ ᐅᔥᑭ ᐃᔑᓂᑳᓱᐎᓐ ᐁ ᒪᓯᓇᐃᑳᑌᒃ, ᐁᑳ ᐊᐌᓇ ᐃᓕᓕᐤ ᑳ ᑭᔅᑫᓕᑕᒃ, ᐊᓇ ᐱᑯ ᑳ ᐅᑎᓇᒃ᙮

ᑭᔅᑫᓕᑖᑯᑖᑫᐎᓐ 2:26

ᐊᓇ ᒫᑲ ᑳ ᔖᑯᒋᐃᐌᑦ, ᓀᔥᑕ ᐃᔅᒀᔮᒡ ᐃᔅᑯ ᑫ ᑲᓇᐌᓕᑕᒃ ᓂᑦ ᐋᔭᒥᐎᓇ, ᓂ ᑳ ᒥᓚᐤ ᑭᒋ ᑎᐯᓕᒫᑦ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ:

ᑭᔅᑫᓕᑖᑯᑖᑫᐎᓐ 2:7

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐋᒑᒃ ᑳ ᐃᑖᑦ ᒫᒪᐎᐋᔭᒥᐋᐗ; ᐊᓇ ᑳ ᔖᑯᒋᐃᐌᑦ, ᓂ ᑳ ᒥᓚᐤ ᐱᒫᑎᓯᐎᓂ ᒥᔅᑎᑯᒃ ᑭᒋ ᐅᒋ ᒥᒋᓱᑦ, ᑳ ᐃᑖᓕᒋ ᑌᑖᐎᒡ ᐅ ᐹᕋᑕᐃᓯᒥᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 3:12

ᐊᓇ ᑳ ᔖᑯᒋᐃᐌᑦ, ᓯᑣᔅᑯᐃᑲᓐ ᓂ ᑳ ᐃᔑᐊᐤ ᐁ ᑭᒋᐋᔭᒥᐁᐎᑲᒥᑯᒃ ᓂ ᑭᒋᒪᓂᑐᒻ, ᓇᒪᐎᔅᑳᑦ ᒥᓇ ᒫᑲ ᑲᑕ ᐗᓚᐎᐤ: ᓂ ᑳ ᒪᓯᓇᐗᐤ ᒫᑲ ᐅᑦ ᐃᔑᓂᑳᓱᐎᓐ ᓂ ᑭᒋᒪᓂᑐᒻ, ᓀᔥᑕ ᐁ ᐃᔑᓂᑳᑌᓕᒃ ᐅᑦ ᐃᑖᐎᓐ ᓂ ᑭᒋᒪᓂᑐᒻ, ᐁᐗᑯ ᐅᔥᑭ ᒋᕉᓴᓚᒻ ᑭᒋᑭᔑᑯᒃ ᑳ ᐅᒋ ᓛᔑᐸᓕᑖᑦ ᓂ ᑭᒋᒪᓂᑐᒻ: ᓂ ᑳ ᒪᓯᓇᐗᐤ ᒫᑲ ᓂᑦ ᐅᔥᑭ ᐃᔑᓂᑳᓱᐎᓐ᙮

ᑭᔅᑫᓕᑖᑯᑖᑫᐎᓐ 3:21

ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᐎᑕᐱᒥᑦ ᓂᑦ ᐅᑭᒪᐗᐱᐎᓂᒃ, ᑖᐱᔅᑯᒡ ᓂᓚ ᓀᔥᑕ ᐁ ᑮ ᔖᑯᒋᐃᐌᔮᓐ, ᓀᔥᑕ ᐁ ᐎᑕᐱᒪᒃ ᓄᑖᐎ ᐅᑦ ᐅᑭᒪᐗᐱᐎᓂᒃ᙮

ᑭᔅᑫᓕᑖᑯᑖᑫᐎᓐ 3:5

ᐊᓇ ᑳ ᔖᑯᒋᐃᐌᑦ, ᐁᐗᒀᓇ ᑫ ᐙᐱᐅᑦ: ᓇᒪᐎᓚ ᒫᑲ ᓂ ᑳ ᑳᓯᐊᒸᓐ ᐅᑦ ᐃᔑᓂᑳᓱᐎᓐ ᐱᒫᑎᓯᐎᓂ ᒪᓯᓇᐃᑲᓂᒃ ᐅᒋ, ᒫᑲ ᓂ ᑳ ᐎᑕᒸᓐ ᐅᑦ ᐃᔑᓂᑳᓱᐎᓐ ᐅᑎᔥᑲᐤ ᓄᑖᐎ, ᓀᔥᑕ ᐅᑎᔥᑲᐤ ᐅᑦ ᐁᓐᒐᓕᒪ᙮