8 ᐊᓇ ᐁᑳ ᑳ ᓵᑭᐃᐌᑦ, ᓇᒪᐎᓚ ᑭᔅᑫᓕᒣᐤ ᑭᒋᒪᓂᑐᐗ; ᐌᓴ ᑭᒋᒪᓂᑐ ᓵᑭᐃᐌᐎᓂᐎᐤ᙮
ᒫᒋᒡ, ᓂᒋᔖᓂᑐᒃ, ᓇᑕᒫ ᒥᓗᐋᔮᔦᒃ, ᒥᑐᓂ ᒥᓨᑎᓰᒃ, ᒥᓜᓕᒧᒃ, ᐯᔭᑴᓕᑕᒧᒃ, ᐎᒋᐱᒫᑎᓯᒥᑐᒃ ᑳᔮᒣᓕᑕᒧᐎᓂᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᓵᑭᐃᐌᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮
ᒫᑲ ᑭᒋᒪᓂᑐ, ᑳ ᐌᓗᒋ ᔕᐌᓕᒋᑫᑦ, ᐅ ᑭᒋ ᓵᑭᐃᐌᐎᓐ ᑳ ᑮ ᐅᒋ ᓵᑭᐃᑕᒃ,
ᐌᓴ ᑭ ᑭᒋᒪᓂᑐᒥᓇᐤ ᐃᔅᒀᓱᐌᐎ ᐃᔥᑯᑌᐎᐤ᙮
ᐁᐗᑯ ᐅᒪ ᒫᑲ ᐎᑕᒫᑫᐎᓐ ᐎᓚ ᑳ ᑮ ᐅᒋ ᐯᑕᒫᒃ, ᓀᔥᑕ ᑳ ᐋᓕᒧᑕᒫᑖᒃ, ᑭᒋᒪᓂᑐ ᐁ ᐙᔅᑌᐎᓂᑦ, ᓀᔥᑕ ᐁᑳ ᐙᐙᒡ ᑎᐱᔅᑭᓯᐎᓂᓕᐤ ᐁ ᐱᒋᔅᑳᑯᑦ᙮
ᐊᓇ ᑳ ᐃᑗᑦ, ᓂ ᑭᔅᑫᓕᒪᐤ ᐁᑳ ᒫᑲ ᑳ ᑲᓇᐌᓕᑕᒸᑦ ᐅ ᑲᑫᔅᑴᐎᓂᓕᐗ, ᑭᓛᔅᑭᔅᑭᐤ, ᓇᒫᐎᓚ ᒫᑲ ᐱᒋᔅᑳᑯ ᑖᐺᐎᓂᓕᐤ᙮
ᐊᓇ, ᓂᑦ ᐃᑖᓐ ᐙᓭᔮᓯᐎᓂᒃ ᑳ ᐃᑗᑦ, ᐁ ᐸᒀᑖᑦ ᒫᑲ ᐎᒋᔖᓇ, ᐗᓂᑎᐱᔅᑭᓯᐎᓂᒃ ᐃᑖᐤ ᐱᓕᔥ ᐊᓄᒡ᙮
ᐁᐗᑯ ᐁ ᐃᔑ ᑭᔅᑫᓕᑖᑯᓯᓕᒋ ᑭᒋᒪᓂᑐ ᐅᑦ ᐊᐙᔑᒥᔕ ᓀᔥᑕ ᒪᒋᒪᓂᑐ ᐅᑦ ᐊᐙᔑᒥᔕ: ᐊᐌᓇ ᐁᑳ ᑎᐅᑕᒧᑴ ᒀᔭᔅᑭᑖᑎᓯᐎᓂᓕᐤ, ᓇᒪᐎᓚ ᑭᒋᒪᓂᑐᒃ ᐅᒋᐤ, ᓇᒪ ᓀᔥᑕ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ᙮
ᒥᓯᐌ ᐊᐌᓇ ᒫᑲ ᑕᑭ ᑳ ᐱᒋᔅᑲᐙᑦ, ᓇᒪᐎᓚ ᒪᒋᑐᑕᒻ: ᐊᐌᓇ ᒣᒋᑐᑕᒣᑴ ᓇᒪᐎᓚ ᐅᒋ ᐙᐸᒣᐤ, ᓇᒪ ᓀᔥᑕ ᐅᒋ ᑭᔅᑫᓕᒣᐤ᙮
ᑭ ᑮ ᑭᔅᑫᓕᑌᓈᓇᐤ ᒫᑲ ᓀᔥᑕ ᑭ ᑮ ᑖᐺᑌᓈᓇᐤ ᐁ ᐃᔑ ᓵᑭᐃᑕᒃ ᑭᒋᒪᓂᑐ᙮ ᑭᒋᒪᓂᑐ ᓵᑭᐃᐌᐎᓂᐎᐤ; ᐊᓇ ᒫᑲ ᑳ ᐃᑖᑦ ᓵᑭᐃᐌᐎᓂᒃ, ᐱᒋᔅᑲᐌᐤ ᑭᒋᒪᓂᑐᐗ ᓀᔥᑕ ᐱᒋᔅᑳᑯ ᑭᒋᒪᓂᑐᐗ᙮
ᓯᐋᑭᐃᑕᑾᒃ, ᐁᑯᔑ ᓵᑭᐃᑐᑕᐤ: ᐌᓴ ᓵᑭᐃᐌᐎᓐ ᑭᒋᒪᓂᑐᒃ ᐅᒋᐸᓕᐤ; ᓀᔥᑕ ᒥᓯᐌ ᑕᑐ ᐊᐌᓇ ᑳ ᓵᑭᐃᐌᑦ ᑭ ᓂᑕᐎᑭᐃᑯ ᑭᒋᒪᓂᑐᐗ, ᓀᔥᑕ ᑭᔅᑫᓕᒣᐤ ᑭᒋᒪᓂᑐᐗ᙮
