ᓂᔥᑕᒻ ᒑᓐ 4:7 - ᐅᔅᑭ ᑎᔅᑌᒥᓐᑦ

⁷ ᓯᐋᑭᐃᑕᑾᒃ, ᐁᑯᔑ ᓵᑭᐃᑐᑕᐤ: ᐌᓴ ᓵᑭᐃᐌᐎᓐ ᑭᒋᒪᓂᑐᒃ ᐅᒋᐸᓕᐤ; ᓀᔥᑕ ᒥᓯᐌ ᑕᑐ ᐊᐌᓇ ᑳ ᓵᑭᐃᐌᑦ ᑭ ᓂᑕᐎᑭᐃᑯ ᑭᒋᒪᓂᑐᐗ, ᓀᔥᑕ ᑭᔅᑫᓕᒣᐤ ᑭᒋᒪᓂᑐᐗ᙮

ᓂᔥᑕᒻ ᒑᓐ 4:7 Iomraidhean Croise

ᐅᐸᓓᑭᔅ ᒑᓐ 13:34

ᐅᔥᑭ ᑲᑫᔅᑴᐎᓐ ᑭ ᒥᓕᑎᓇᐗᐤ, ᑭᒋ ᓵᑭᐃᑐᔦᒃ; ᑖᐱᔅᑯᒡ ᐁ ᑮ ᐃᔑ ᓵᑭᐃᑕᑾᒃ, ᑭᓚᐗᐤ ᓀᔥᑕ ᑭᒋ ᐃᔑ ᓵᑭᐃᑐᔦᒃ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᓂᔥᑕᒻ ᑯᕆᓐᑎᐊᓇ 8:3

ᒫᑲ ᑮᔥᐱᓐ ᐊᐌᓇ ᐃᓕᓕᐤ ᓯᐋᑭᐋᑴ ᑭᒋᒪᓂᑐᐗ, ᐁᐗᒀᓇ ᓀᔥᑕ ᑳ ᑭᔅᑫᓕᒥᑯᑦ᙮

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᑲᓓᔕᐊᓇ 4:9

ᒫᑲ ᐊᓄᒡ, ᐋᔕᔾ ᐁ ᑮ ᑭᔅᑫᓕᒣᒃ ᑭᒋᒥᓂᑐ, ᓀᔥᑕᐱᑯ ᓇᐗᒡ ᐁ ᑮ ᑭᔅᑫᓕᒥᑖᒃ ᑭᒋᒪᓂᑐ, ᑖᓀᑭ ᐌᒋ ᒥᓇ ᑴᔅᑭᔅᑕᒣᒃ ᑳ ᓕᓚᒥᓯᒪᑲᑭ ᓀᔥᑕ ᑭᑎᒫᑲᑭ ᓂᔥᑕᒻ ᑭᔅᑭᓄᐊᒫᑫᐎᓇ, ᐊᓂᐃ ᑳ ᓇᑕᐌᓕᑕᒣᒃ ᒥᓇ ᑭᒋ ᐊᐗᑳᑎᑯᔦᒃ?

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᓂᔓ ᑎᒧᑎ 1:7

ᐌᓴ ᑭᒋᒪᓂᑐ ᓇᒪᐎᓚ ᑯᔅᑖᒋᐎᓂ ᐊᒑᑾ ᑭ ᑮ ᒥᓕᑯᓇᐤ; ᒫᑲ ᑲᔥᑭᐅᐎᓂ, ᓀᔥᑕ ᓵᑭᐃᐌᐎᓂ, ᓀᔥᑕ ᐁ ᒪᔥᑲᐙᒃ ᒥᑐᓀᓕᒋᑲᓂᐎ ᐊᒑᑾ᙮

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᒑᓐ 2:10

ᐊᓇ ᑳ ᓵᑭᐋᑦ ᐎᒋᔖᓇ ᐙᓭᔮᓯᐎᓂᒃ ᐃᑖᐤ, ᓇᒪᐎᓚ ᒫᑲ ᐱᒋᔅᑳᑯ ᑫᒀᓕᐤ ᑫ ᐅᒋ ᐱᓱᔑᒃ᙮

ᓂᔥᑕᒻ ᒑᓐ 2:29

ᑮᔥᐱᓐ ᑭᔅᑫᓕᑕᒣᒃ ᐁ ᒀᔭᔅᑭᑖᑎᓰᑦ, ᑭ ᑭᔅᑫᓕᑌᓇᐗᐤ ᒥᓯᐌ ᑕᑐ ᐊᐌᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᐁ ᓂᑕᐎᑭᐃᑯᑦ᙮

ᓂᔥᑕᒻ ᒑᓐ 2:3

ᐁᐗᑯ ᑳ ᐅᒋ ᑭᔅᑫᓕᑕᒪᒃ ᐁ ᑭᔅᑫᓕᒪᒃ, ᑮᔥᐱᓐ ᑲᓇᐌᓕᑕᒶᒃ ᐅ ᑲᑫᔅᑴᐎᓇ᙮

ᓂᔥᑕᒻ ᒑᓐ 2:4

ᐊᓇ ᑳ ᐃᑗᑦ, ᓂ ᑭᔅᑫᓕᒪᐤ ᐁᑳ ᒫᑲ ᑳ ᑲᓇᐌᓕᑕᒸᑦ ᐅ ᑲᑫᔅᑴᐎᓂᓕᐗ, ᑭᓛᔅᑭᔅᑭᐤ, ᓇᒫᐎᓚ ᒫᑲ ᐱᒋᔅᑳᑯ ᑖᐺᐎᓂᓕᐤ᙮

ᓂᔥᑕᒻ ᒑᓐ 2:7

ᓂᒋᔖᓂᑐᒃ, ᓇᒪᐎᓚ ᐅᔥᑭ ᑲᑫᔅᑴᐎᓐ ᑭ ᒪᓯᓇᐊᒫᑎᓇᐗᐤ, ᒫᑲ ᑳᔭᔥ ᑲᑫᔅᑴᐎᓐ ᓂᔥᑕᒻ ᐅᒋ ᑳ ᑮ ᐋᔮᔦᒃ; ᐊᓂᒪ ᑳᔮᔥ ᑲᑫᔅᑴᐎᓐ ᐁᐗᑯ ᐊᓂᒪ ᐋᔭᒥᐎᓐ ᓃᔥᑕᒻ ᐅᒋ ᑳ ᑮ ᐯᑕᒣᒃ᙮

ᓂᔥᑕᒻ ᒑᓐ 3:9

ᐊᐌᓇ ᑭᒋᒪᓂᑐᒃ ᑳ ᐅᒋ ᓂᑖᐎᑭᑦ, ᓇᒪᐎᓚ ᒪᒋᑐᑕᒻ: ᐌᓴ ᐅ ᓯᒥᓂᒪ ᐱᒋᔅᑳᑯᓕᐗ; ᓇᒪᐎᓚ ᒫᑲ ᑲᑕ ᑮ ᒪᒋᑐᑕᒻ, ᑭᒋᒪᓂᑐᒃ ᐁ ᑮ ᐅᒋ ᓂᑕᐎᑭᑦ᙮

ᓂᔥᑕᒻ ᒑᓐ 4:11

ᓯᐋᑭᐃᑕᑾᒃ, ᑮᔥᐱᓐ ᑭᒋᒪᓂᑐ ᐅᒪ ᐃᔑ ᑮ ᓵᑭᐃᑕᒃ, ᑭᓚᓈᓇᐤ ᑭ ᑳ ᓵᑭᐃᑐᑖᓇᐤ᙮

ᓂᔥᑕᒻ ᒑᓐ 4:12

ᓇᒪᐎᓚ ᐊᐌᓇ ᐃᓕᓕᐤ ᐎᔅᑳᑦ ᐅᒋ ᐙᐸᒣᐤ ᑭᒋᒪᓂᑐᐗ᙮ ᑮᔥᐱᓐ ᓯᐋᑭᐃᑐᐗᑴ ᑭᒋᒪᓂᑐ ᑭ ᐱᒋᔅᑳᑯᓇᐤ, ᓀᔥᑕ ᐅ ᓵᑭᐃᐌᐎᓐ ᒥᑐᓂᐎᐃᑳᑌᓕᐤ ᐁ ᐱᒋᔅᑳᑯᐗᒃ᙮

ᓂᔥᑕᒻ ᒑᓐ 4:16

ᑭ ᑮ ᑭᔅᑫᓕᑌᓈᓇᐤ ᒫᑲ ᓀᔥᑕ ᑭ ᑮ ᑖᐺᑌᓈᓇᐤ ᐁ ᐃᔑ ᓵᑭᐃᑕᒃ ᑭᒋᒪᓂᑐ᙮ ᑭᒋᒪᓂᑐ ᓵᑭᐃᐌᐎᓂᐎᐤ; ᐊᓇ ᒫᑲ ᑳ ᐃᑖᑦ ᓵᑭᐃᐌᐎᓂᒃ, ᐱᒋᔅᑲᐌᐤ ᑭᒋᒪᓂᑐᐗ ᓀᔥᑕ ᐱᒋᔅᑳᑯ ᑭᒋᒪᓂᑐᐗ᙮

ᓂᔥᑕᒻ ᒑᓐ 4:20

ᑮᔥᐱᓐ ᐊᐌᓇ ᐁᑗᑶ, ᓂ ᓵᑭᐊᐤ ᑭᒋᒪᓂᑐ, ᐁ ᐸᒀᑖᑦ ᐎᒋᔖᓇ, ᑭᓛᔅᑭᔅᑭᐤ: ᐌᓴ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ ᑳ ᑮ ᐙᐸᒫᑦ, ᑖᓂ ᑫ ᑮ ᐃᔑ ᓵᑭᐋᑦ ᑭᒋᒪᓂᑐᐗ ᐁᑳ ᑳ ᑮ ᐙᐸᒫᑦ?

ᓂᔥᑕᒻ ᒑᓐ 4:8

ᐊᓇ ᐁᑳ ᑳ ᓵᑭᐃᐌᑦ, ᓇᒪᐎᓚ ᑭᔅᑫᓕᒣᐤ ᑭᒋᒪᓂᑐᐗ; ᐌᓴ ᑭᒋᒪᓂᑐ ᓵᑭᐃᐌᐎᓂᐎᐤ᙮

ᓂᔥᑕᒻ ᒑᓐ 5:1

ᐊᐌᓇ ᑎᐋᐺᑕᒧᑴ ᒋᓴᓴ ᐁ ᙭ᑎᐎᓕᒋ, ᑭᒋᒪᓂᑐᒃ ᑮ ᐅᒋ ᓂᑕᐎᑭᐤ: ᒥᓯᐌ ᑕᑐ ᐊᐌᓇ ᒫᑲ ᑳ ᓵᑭᐋᑦ ᐊᓂᐃ ᑳ ᑮ ᓂᑕᐎᑭᐃᐌᓕᑭ, ᓵᑭᐁᐤ ᓀᔥᑕ ᐊᓂᐃ ᑳ ᑮ ᓂᑕᐎᑭᐃᑯᓕᒋ᙮

ᓂᔓ ᒑᓐ 1:5

ᐊᓄᒡ ᒫᑲ ᑭ ᐸᑯᓭᓕᒥᑎᓐ, ᐅᑭᒫᔅᑴᐤ, ᓇᒪᐎᓚ ᒫᑲ ᐱᑯ ᐅᔥᑭ ᑲᑫᔅᑴᐎᓐ ᐁ ᒪᓯᓇᐊᒫᑖᓐ, ᒫᑲ ᐊᓂᒪ ᓃᔥᑕᒻ ᐅᒋ ᑳ ᑮ ᐋᔮᔭᒃ, ᑭᒋ ᓵᑭᐃᑐᔭᒃ᙮