ᓂᔥᑕᒻ ᒑᓐ 4:16 - ᐅᔅᑭ ᑎᔅᑌᒥᓐᑦ

¹⁶ ᑭ ᑮ ᑭᔅᑫᓕᑌᓈᓇᐤ ᒫᑲ ᓀᔥᑕ ᑭ ᑮ ᑖᐺᑌᓈᓇᐤ ᐁ ᐃᔑ ᓵᑭᐃᑕᒃ ᑭᒋᒪᓂᑐ᙮ ᑭᒋᒪᓂᑐ ᓵᑭᐃᐌᐎᓂᐎᐤ; ᐊᓇ ᒫᑲ ᑳ ᐃᑖᑦ ᓵᑭᐃᐌᐎᓂᒃ, ᐱᒋᔅᑲᐌᐤ ᑭᒋᒪᓂᑐᐗ ᓀᔥᑕ ᐱᒋᔅᑳᑯ ᑭᒋᒪᓂᑐᐗ᙮

ᓂᔥᑕᒻ ᒑᓐ 4:16 Iomraidhean Croise

ᐅᐸᓓᑭᔅ ᒑᓐ 6:69

ᓂ ᑖᐺᑌᓈᓐ ᒫᑲ, ᓀᔥᑕ ᓂ ᑫᒋᓇᐅᓈᓐ ᑭᓚ ᐁ ᐋᐎᔭᓐ ᐊᓇ ᙭ ᐯᒫᑎᓰᑦ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒑᓐ 9:3

ᒋᓴᔅ ᑮ ᓇᔥᑴᐗᔑᐃᐌᐤ, ᓇᒪᐎᓚ ᐊᐗ ᐃᓕᓕᐤ ᐅᒋ ᒪᒋᑐᑕᒻ, ᓇᒪ ᓀᔥᑕ ᐅᓂᑭᐃᑾ: ᒫᑲ ᑭᒋᒪᓂᑐ ᐅᑦ ᐋᔨᑎᐎᓇ ᑭᒋ ᓄᑯᑖᓂᐗᓂᓕᑭ ᐅᐅ ᐃᓕᓕᐗ ᐅᒋ᙮

ᓂᔥᑕᒻ ᑯᕆᓐᑎᐊᓇ 2:9

ᒫᑲ, ᐁ ᐃᑕᓯᓇᐃᑳᑌᒃ, ᒥᔅᑭᔑᒃ ᓇᒪᐎᓚ ᑮ ᐅᒋ ᐙᐸᑕᒧᒪᑲᓐ, ᓇᒪ ᓀᔥᑕ ᒥᑕᐗᑳᔾ ᑮ ᐯᑕᒧᒪᑲᓐ, ᓇᒪ ᓀᔥᑕ ᑮ ᐱᑐᑫᒪᑲᓂᓕᐗ ᐅᑌᐃᒃ ᐃᓕᓕᐤ, ᐊᓂᐃ ᑭᒋᒪᓂᑐ ᑳ ᑮ ᐙᐌᔑᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᓂᔥᑕᒻ ᒑᓐ 3:1

ᑲᓇᐙᐸᑕᒧᒃ ᑫᑯ ᑐᐎ ᓵᑭᐃᐌᐎᓂᓕᐤ ᐅᑖᐎᒪᐤ ᑳ ᑮ ᒥᓕᑕᒃ, ᑭᒋᒪᓂᑐ ᐅᑯᓯᓴ ᑭᒋ ᐃᔑᓂᑳᑎᑲᐎᔭᒃ! ᐁᐗᑯ ᐌᒋ ᐁᑳ ᑭᔅᑫᓕᒥᑯᔭᒃ ᐊᔅᑭ, ᐎᓚ ᐁᑳ ᐁ ᐅᒋ ᑭᔅᑫᓕᒥᑯᑦ᙮

ᓂᔥᑕᒻ ᒑᓐ 3:16

ᐁᑯᑕ ᑳ ᐅᒋ ᐙᐸᑕᒶᒃ ᑭᒋᒪᓂᑐ ᐅ ᓵᑭᐃᐌᐎᓐ, ᐁ ᑮ ᐱᒥᑎᑖᑦ ᐅ ᐱᒫᑎᓯᐎᓐ ᑭᓚᓈᓇᐤ ᐅᒋ: ᑭᓚᓈᓇᐤ ᓀᔥᑕ ᑭ ᑳ ᐱᒥᑎᑖᑖᓇᐤ ᑭ ᐱᒫᑎᓯᐎᓂᓇᐗ ᑳ ᐋᔭᒥᐋᐎ ᐎᒋᔖᓂᑐᒋᒃ ᐅᒋ᙮

ᓂᔥᑕᒻ ᒑᓐ 3:24

ᐊᓇ ᒫᑲ ᑳ ᑲᓇᐌᓕᑕᒸᑦ ᐅ ᑲᑫᔅᑴᐎᓂᓕᐗ, ᐱᒋᔅᑲᐌᐤ, ᓀᔥᑕ ᐱᒋᔅᑳᑯ᙮ ᓀᔥᑕ ᐁᑯᑕ ᐌᒋ ᑭᔅᑫᓕᑕᒪᒃ ᑕᑭ ᐁ ᐱᒋᔅᑳᑕᒃ, ᐊᓂᐃ ᐊᒑᑾ ᐅᒋ ᑳ ᑮ ᒥᓕᑕᒃ᙮

ᓂᔥᑕᒻ ᒑᓐ 4:7

ᓯᐋᑭᐃᑕᑾᒃ, ᐁᑯᔑ ᓵᑭᐃᑐᑕᐤ: ᐌᓴ ᓵᑭᐃᐌᐎᓐ ᑭᒋᒪᓂᑐᒃ ᐅᒋᐸᓕᐤ; ᓀᔥᑕ ᒥᓯᐌ ᑕᑐ ᐊᐌᓇ ᑳ ᓵᑭᐃᐌᑦ ᑭ ᓂᑕᐎᑭᐃᑯ ᑭᒋᒪᓂᑐᐗ, ᓀᔥᑕ ᑭᔅᑫᓕᒣᐤ ᑭᒋᒪᓂᑐᐗ᙮