ᓂᔥᑕᒻ ᒑᓐ 4:14 - ᐅᔅᑭ ᑎᔅᑌᒥᓐᑦ

¹⁴ ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᓂᔥᑕᒻ ᒑᓐ 4:14 Iomraidhean Croise

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 1:29

ᐎᐋᐸᓂᓕᒃ ᒑᓐ ᐙᐸᒣᐤ ᒋᓴᓴ ᐁ ᐯᒋ ᐱᒧᑌᓕᒋ, ᐃᑗᐤ ᒫᑲ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ, ᑳ ᐎᐗᔑᑦ ᒪᒋᑐᑕᒧᐎᓂᓕᐤ ᐊᔅᑮᒃ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒑᓐ 10:36

ᑭᑦ ᐃᑖᐗᐤ ᓈ ᐊᓇ ᑳ ᐸᓓᑭᐃᑯᑦ ᐅᑖᐎᒪᐗ, ᓀᔥᑕ ᑳ ᑮ ᐯᒋᑎᔕᐅᑯᑦ ᐊᔅᑮᒃ, ᑭ ᐹᔅᑕᒧᓐ; ᐁ ᑮ ᐃᑗᔮᓐ, ᓂᓚ ᑭᒋᒪᓂᑐ ᐅᑯᓯᓴ?

ᐅᐸᓓᑭᔅ ᒑᓐ 12:47

ᑮᔥᐱᓐ ᓀᔥᑕ ᐊᐌᓇ ᐱᐁᑕᒧᑴ ᓂᑦ ᐋᔭᒥᐎᓇ, ᓀᔥᑕ ᐁᑳ ᑎᐋᐺᑕᒧᑴ, ᓂᓚ ᓇᒪᐎᓚ ᓂ ᑎᐹᔅᑯᓇᐤ: ᐌᓴ ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᑎᐹᔅᑯᓇᒫᓐ ᐊᔅᑭ, ᒫᑲ ᑭᒋ ᐱᒫᒋᑖᔮᓐ ᐊᔅᑭ᙮

ᐅᐸᓓᑭᔅ ᒑᓐ 3:11

ᑖᐺ, ᑖᐺ, ᑭᑦ ᐃᑎᓐ, ᓂ ᐎᑌᓈᓐ ᐊᓂᒪ ᑳ ᑭᔅᑫᓕᑕᒫᒃ, ᓀᔥᑕ ᓂᑦ ᐋᓕᒧᑌᓈᓐ ᐊᓂᒪ ᑳ ᑮ ᐙᐸᑕᒫᒃ, ᓇᒪᐎᓚ ᒫᑲ ᑭᑦ ᐅᑎᓀᓇᐗᐤ ᓂ ᑎᐹᒋᒧᐎᓂᓈᓐ᙮

ᐅᐸᓓᑭᔅ ᒑᓐ 3:32

ᐊᓂᐁᓕᐤ ᒫᑲ ᑳ ᑮ ᐙᐸᑕᒃ ᓀᔥᑕ ᑳ ᑮ ᐯᑕᒃ ᐁᐗᑴᓕᐤ ᑳ ᑎᐹᑐᑕᒃ; ᓇᒪᐎᓚ ᐊᐌᓇ ᒫᑲ ᐅᑎᓇᒬᐤ ᐅ ᑎᐹᒋᒧᐎᓂᓕᐤ᙮

ᐅᐸᓓᑭᔅ ᒑᓐ 3:34

ᐌᓴ ᐊᓇ ᑳ ᐃᑎᔕᐅᑯᑦ ᑭᒋᒪᓂᑐᐗ, ᐋᔭᒥᐌᐤ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐗ: ᐌᓴ ᑭᒋᒪᓂᑐᐗ ᓇᒪᐎᓚ ᑎᐯᓕᑕᒫᑯ ᐊᒑᑾ᙮

ᐅᐸᓓᑭᔅ ᒑᓐ 4:42

ᓀᔥᑕ ᑮ ᐃᑌᐗᒃ ᐃᔅᑴᐗ, ᐁᑯ ᑎᐋᐺᑕᒫᒃ, ᓇᒪᐎᓚ ᑭᓚ ᑭᑦ ᐃᑗᐎᓐ ᐅᒋ: ᐌᓴ ᓂᓚᓈᓐ ᑫᒋᐙᒃ ᓂ ᑮ ᐯᑕᐙᓈᓐ, ᓀᔥᑕ ᓂ ᑭᔅᑫᓕᑌᓈᓐ ᐊᐗ ᑖᐺ ᐁᐗᒀᓇ ᙭, ᑳ ᐱᒫᒋᑖᑦ ᐊᔅᑭᓕᐤ᙮

ᐅᐸᓓᑭᔅ ᒑᓐ 5:39

ᓈᓇᑕᐙᐸᑕᒧᒃ ᑭᒋ ᒪᓯᓇᐃᑫᐎᓇ; ᐌᓴ ᐁᑯᑕ ᑭᑦ ᐃᑌᓕᑌᓇᐗᐤ ᐁ ᐋᔮᔦᒃ ᑳᑭᑫ ᐱᒫᑎᓯᐎᓐ: ᐅᐅ ᓀᔥᑕ ᐁᐗᒀᓂᐃ ᑳ ᑎᐹᒋᒥᑯᔮᓐ᙮

ᐊᐸᔅᑕᓚᒃ 18:5

ᐃᔅᐱ ᒫᑲ ᓵᐃᓚᔅ ᓀᔥᑕ ᑕᐃᒧᑎᐊᔅ ᑳ ᐯᒋ ᐅᑐᑌᒋᒃ ᒫᓯᑐᓂᐊᐃᒃ ᐅᒋ, ᐹᓪ ᑮ ᐋᑲᒣᓕᑕᒻ ᐅᑦ ᐊᒑᑯᒃ, ᓀᔥᑕ ᑮ ᑎᐸᒋᒧᔅᑕᐌᐤ ᐊᓂᐃ ᒎᐗ ᒋᓴᓴ ᐁ ᙭ᑎᐎᓕᒋ᙮

ᓂᔥᑕᒻ ᐱᑕᕐ 5:12

ᓯᓪᐯᓇᔅ ᐅᒋ ᑳ ᒀᔭᔅᑯᑐᑖᑖᒃ ᑭᒋᔖᓂᐗᐤ, ᐁ ᐃᑌᓕᑕᒫᓐ, ᐋᐱᔑᔥ ᓂ ᑮ ᒪᓯᓇᐃᑳᓐ, ᐁ ᔑᑭᒥᐌᔮᓐ ᓀᔥᑕ ᐁ ᐋᓕᒧᑕᒫᓐ ᐁᐗᑯ ᐅᒪ ᑖᐺ ᑭᒋᒪᓂᑐ ᐅ ᔕᐌᓕᒋᑫᐎᓐ ᐃᑕ ᑳ ᓂᐸᐎᔦᒃ᙮

ᓂᔥᑕᒻ ᒑᓐ 4:10

ᐁᐗᑯ ᐅᒪ ᓵᑭᐃᐌᐎᓐ, ᓇᒪᐎᓚ ᑭᓚᓈᓇᐤ ᐁ ᑮ ᓵᑭᐊᒃ ᑭᒋᒪᓂᑐ, ᒫᑲ ᐎᓚ ᐁ ᑮ ᓵᑭᐃᑕᒃ, ᓀᔥᑕ ᐁ ᑮ ᐯᒋᑎᔕᐙᑦ ᐅᑯᓯᓴ ᑭᒋ ᑎᐸᐊᒫᑫᔅᑕᒫᑕᒃ ᑭ ᒪᒋᑐᑕᒧᐎᓂᓇᐗ᙮

ᓂᔥᑕᒻ ᒑᓐ 5:9

ᑮᔥᐱᓐ ᐌᑎᓇᒧᐙᐙᑴ ᐃᓕᓕᐗᒃ ᐅ ᑎᐹᒋᒧᐎᓂᐗᐤ, ᐊᐗᓯᑌ ᑭᔅᑌᓕᑖᑾᓂᓕᐤ ᑭᒋᒪᓂᑐ ᐅ ᑎᐹᒋᒧᐎᓐ: ᐌᓴ ᐁᐗᑯ ᐅ ᑎᐹᒋᒧᐎᓈ ᑭᒋᒪᓂᑐ ᑳ ᑮ ᑎᐹᒋᒫᑦ ᐅᑯᓯᓴ᙮