ᓂᔥᑕᒻ ᒑᓐ 3:23 - ᐅᔅᑭ ᑎᔅᑌᒥᓐᑦ

²³ ᐅᒪ ᒫᑲ ᐁᐗᑯ ᐅ ᑲᑫᔅᑴᐎᓐ, ᑭᒋ ᑖᐺᔦᓕᑕᒶᒃ ᐅᑦ ᐃᔑᓂᑳᓱᐎᓂᓕᐤ ᐅᑯᓯᓴ ᒋᓴᔅ ᙭, ᓀᔥᑕ ᑭᒋ ᓵᑭᐃᑐᔭᒃ ᑖᐱᔅᑯᒡ ᐁ ᑮ ᐃᔑ ᐅᓚᔓᐙᑎᑕᒃ᙮

ᓂᔥᑕᒻ ᒑᓐ 3:23 Iomraidhean Croise

ᐅᐸᓓᑭᔅ ᒫᑎᐤ 22:39

ᐊᓂᒪ ᓂᔓ ᒫᑲ ᓇᔅᐱᑐᐌᒪᑲᓐ, ᑭ ᑳ ᓵᑭᐋᐤ ᑮᒋᐃᓕᓕᐤ ᑖᐱᔅᑯᒡ ᐁ ᐃᔑ ᓵᑭᐃᑎᓱᔭᓐ᙮

ᐅᐸᓓᑭᔅ ᒫᕐᒃ 9:7

ᑮ ᐃᑕᑾᓐ ᒫᑲ ᐗᔅᑯ ᑳ ᐊᑲᐙᔅᑌᐅᑯᒋᒃ: ᓀᔥᑕ ᐯᑖᑯᓯᐎᓐ ᐗᔅᑯᒃ ᑮ ᐅᒋᐸᓕᐤ, ᑳ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ; ᓇᑐᑖᐎᒃ᙮

ᐅᐸᓓᑭᔅ ᒑᓐ 1:12

ᒥᓯᐌ ᐊᓂᐃ ᒫᑲ ᑳ ᐅᑎᓂᑯᑦ, ᐁᐗᒀᓂᐃ ᒫᓛᑦ ᑲᔥᑭᐅᐎᓂᓕᐤ ᑭᒋ ᐅᑯᓯᓯᒥᑯᓕᒋ ᑭᒋᒪᓂᑐᐗ, ᐊᓂᐃ ᐅᑎ ᑳ ᑖᐺᔦᓕᑕᒥᓕᒋ ᐅᑦ ᐃᔑᓂᑳᓱᐎᓐ᙮

ᐅᐸᓓᑭᔅ ᒑᓐ 13:34

ᐅᔥᑭ ᑲᑫᔅᑴᐎᓐ ᑭ ᒥᓕᑎᓇᐗᐤ, ᑭᒋ ᓵᑭᐃᑐᔦᒃ; ᑖᐱᔅᑯᒡ ᐁ ᑮ ᐃᔑ ᓵᑭᐃᑕᑾᒃ, ᑭᓚᐗᐤ ᓀᔥᑕ ᑭᒋ ᐃᔑ ᓵᑭᐃᑐᔦᒃ᙮

ᐅᐸᓓᑭᔅ ᒑᓐ 14:1

ᐁᑳᐎᓚ ᑭᑌᐃᐗᐤ ᑲᑕ ᒥᑯᔥᑳᑌᓕᑕᒧᒪᑲᓐ: ᑭ ᑖᐺᔦᓕᒪᐗᐤ ᑭᒋᒪᓂᑐ, ᑖᐺᔦᓕᒥᒃ ᓂᓚ ᓀᔥᑕ᙮

ᐅᐸᓓᑭᔅ ᒑᓐ 15:12

ᐁᐗᑯ ᐅᒪ ᓂ ᑲᑫᔅᑴᐎᓐ, ᑭᒋ ᓵᑭᐃᑐᔦᒃ, ᑖᐱᔅᑯᒡ ᐁ ᑮ ᐃᔑ ᓵᑭᐃᑕᑾᒃ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᐅᐸᓓᑭᔅ ᒑᓐ 2:23

ᐃᔅᐱ ᒫᑲ ᒋᕉᓴᓚᒥᒃ ᐁᑖᑦ ᒥᔮᔥᑳᑫᐎ ᒪᑯᔐᐎᓂᒃ, ᐁ ᒪᑯᔐᑭᔑᑳᓕᒃ, ᒥᒉᑦ ᑖᐺᔦᓕᑕᒬᐗᒃ ᐅᑦ ᐃᔑᓂᑳᓱᐎᓂᓕᐤ, ᐃᔅᐱ ᐎᐋᐸᑕᒸᒋᒃ ᒫᒪᑖᐎ ᐃᓯᒋᑫᐎᓇ ᑳ ᑐᑕᒥᓕᒋ᙮

ᐅᐸᓓᑭᔅ ᒑᓐ 3:18

ᐊᓇ ᑳ ᑖᐺᔦᓕᒫᑦ ᓇᒪᐎᓚ ᓂᔑᐗᓈᒋᒪᐤ: ᒫᑲ ᐊᓇ ᐁᑳ ᑳ ᑖᐺᔦᓕᒫᑦ ᐋᔕᔾ ᓂᔑᐗᓈᒋᒪᐤ, ᐁᑳ ᐁ ᐅᒋ ᑖᐺᔦᓕᑕᒸᑦ ᐅᑦ ᐃᔑᓂᑳᓱᐎᓂᓕᐤ ᑳ ᐯᔭᑯᓕᒋ ᐅᑯᓯᓴ ᑭᒋᒪᓂᑐ᙮

ᐅᐸᓓᑭᔅ ᒑᓐ 6:29

ᒋᓴᔅ ᐁ ᓇᔥᑴᐗᔑᐋᑦ ᑮ ᐃᑌᐤ, ᐁᐗᑯ ᐅᒪ ᑭᒋᒪᓂᑐ ᐅᑦ ᐋᔨᑎᐎᓐ ᑭᒋ ᑖᐺᔦᓕᒥᒣᒃ ᐊᓂᐃ ᑳ ᑮ ᐯᒋᑎᔕᐙᑦ᙮

ᐊᐸᔅᑕᓚᒃ 16:31

ᑮ ᐃᑌᐗᒃ ᒫᑲ, ᑖᐺᔦᓕᒻ ᐅᑎᐯᓕᒋᑫᐤ ᒋᓴᔅ ᙭, ᑭ ᑳ ᐱᒪᒋᐅᓐ ᒫᑲ, ᓀᔥᑕ ᑳ ᑕᑐᑫᔭᓐ᙮

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᓂᔥᑕᒻ ᑌᓴᓗᓂᔭᓇ 4:9

ᒫᑲ ᐁ ᐃᑖᒋᒧᓈᓂᐗᒃ ᐎᒋᔖᓂᒪᐎ ᓵᑭᐃᑐᐎᓐ ᓇᒪᐎᓚ ᑭ ᓇᑕᐌᓕᑌᓇᐗᐤ ᑭᒋ ᒪᓯᓈᐊᒫᑕᑾᒃ: ᐌᓴ ᑭᓚᐗᐤ ᑫᒋᐙᒃ ᑭ ᑭᔅᑭᓄᐊᒫᑯᐗᐤ ᑭᒋᒪᓂᑐ ᑭᒋ ᓵᑭᐃᑐᔦᒃ᙮

ᓂᔥᑕᒻ ᑎᒧᑎ 1:15

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮

ᓂᔥᑕᒻ ᐱᑕᕐ 1:22

ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:

ᓂᔥᑕᒻ ᐱᑕᕐ 4:8

ᐊᐙᓯᑌ ᒥᓯᐌ ᑫᒀᓇ ᒫᑲ ᐋᔮᒃ ᒫᒥᔅᑯᒃ ᓵᑭᐎᑐᐎᓐ ᒥᓯᐌ ᐁ ᐃᑕᔑᔦᒃ: ᐌᓴ ᓵᑭᐃᐌᐎᓐ ᑲᑕ ᐊᑾᓇᐊᒧᒪᑲᓐ ᓈᔅᐱᒡ ᒥᒉᑦ ᒪᒋᑐᑕᒧᐎᓇ᙮

ᓂᔥᑕᒻ ᒑᓐ 2:7

ᓂᒋᔖᓂᑐᒃ, ᓇᒪᐎᓚ ᐅᔥᑭ ᑲᑫᔅᑴᐎᓐ ᑭ ᒪᓯᓇᐊᒫᑎᓇᐗᐤ, ᒫᑲ ᑳᔭᔥ ᑲᑫᔅᑴᐎᓐ ᓂᔥᑕᒻ ᐅᒋ ᑳ ᑮ ᐋᔮᔦᒃ; ᐊᓂᒪ ᑳᔮᔥ ᑲᑫᔅᑴᐎᓐ ᐁᐗᑯ ᐊᓂᒪ ᐋᔭᒥᐎᓐ ᓃᔥᑕᒻ ᐅᒋ ᑳ ᑮ ᐯᑕᒣᒃ᙮

ᓂᔥᑕᒻ ᒑᓐ 3:11

ᐌᓴ ᐁᐗᑯ ᐅᒪ ᐅᓚᔓᐌᐎᓐ ᓃᔥᑕᒻ ᐅᒋ ᑳ ᑮ ᐯᑕᒣᒃ ᑭᒋ ᓵᑭᐃᑐᔦᒃ᙮

ᓂᔥᑕᒻ ᒑᓐ 4:15

ᒥᓯᐌ ᐊᐌᓇ ᑫ ᐎᑕᒧᑴ ᒋᓴᓴ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ, ᑭᒋᒪᓂᑐᐗ ᐱᒋᔅᑳᑯ, ᐎᓚ ᓀᔥᑕ ᐱᒋᔅᑲᐌᐤ ᑭᒋᒪᓂᑐᐗ᙮

ᓂᔥᑕᒻ ᒑᓐ 4:21

ᐅᒪ ᑲᑫᔅᑴᐎᓐ ᒫᑲ ᑭ ᑮ ᒥᓕᑯᓇᐤ, ᐊᓇ ᑳ ᓵᑭᐋᑦ ᑭᒋᒪᓂᑐᐗ ᐎᒋᔖᓇ ᐊᓯᒋ ᑭᒋ ᓵᑭᐋᑦ᙮

ᓂᔥᑕᒻ ᒑᓐ 5:13

ᐅᐅ ᑫᒀᓇ ᑭ ᑮ ᒪᓯᓇᐊᒫᑎᓇᐗᐤ ᑭᓚᐗᐤ ᑳ ᑖᐺᔦᓕᑕᒬᒃ ᐅᑦ ᐃᔑᓂᑳᓱᐎᓐ ᑭᒋᒪᓂᑐ ᐅᑯᓯᓴ; ᑭᒋ ᑭᔅᑫᓕᑕᒣᒃ ᐁ ᐋᔭᔦᒃ ᑳᑭᑫ ᐱᒫᑎᓯᐎᓐ, ᓀᔥᑕ ᑭᒋ ᑖᐺᔦᓕᑕᒬᒃ ᐅᑦ ᐃᔑᓂᑳᓯᐎᓈ ᑭᒋᒪᓂᑐ ᐅᑯᓯᓴ᙮