ᓂᔥᑕᒻ ᒑᓐ 3:22 - ᐅᔅᑭ ᑎᔅᑌᒥᓐᑦ

²² ᒥᓯᐌ ᑫᒀᓐ ᒫᑲ ᑳ ᓇᑐᑕᒪᐋᒃ ᑭ ᒥᓕᑯᓇᐤ, ᐁ ᑲᓇᐌᓕᑕᒶᒃ ᐅ ᑲᑫᔅᑴᐎᓇ, ᓀᔥᑕ ᐁ ᑐᑕᒪᒃ ᐊᓂᐃ ᑫᒀᓇ ᑳ ᒥᓗ ᑲᓇᐙᐸᑕᒃ:

ᓂᔥᑕᒻ ᒑᓐ 3:22 Iomraidhean Croise

ᐅᐸᓓᑭᔅ ᒫᑎᐤ 17:5

ᒣᒀᒡ ᑫᔮᐸᒡ ᐁ ᐋᔭᒥᐤ, ᒫᑎᑲ, ᐁ ᐙᓭᔮᒃ ᐗᔅᑯ ᑮ ᐊᑳᐙᔅᑌᐅᑯᐗᒃ: ᒫᑎᑲ, ᒫᑲ, ᐯᑖᑯᓯᐎᓐ ᐗᔅᑯᒃ ᐅᒋ, ᑳ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ; ᓇᑐᑖᐎᒃ᙮

ᐅᐸᓓᑭᔅ ᒫᑎᐤ 21:22

ᒥᓯᐌ ᑫᒀᓇ ᒫᑲ ᑳ ᓇᑐᑕᒫᔦᒃ ᐁ ᐋᔭᒥᐋᔦᒃ, ᐁ ᑖᐺᑕᒣᒃ, ᑭ ᑳ ᒥᓕᑲᐎᓇᐗᐤ᙮

ᐅᐸᓓᑭᔅ ᒫᕐᒃ 11:24

ᐁᐗᑯ ᐌᒋ ᐃᑎᑕᑾᒃ, ᐱᑯ ᑫᒀᓐ ᑫ ᓇᑕᐌᓕᑕᒧᐌᑴ ᐃᔅᐱ ᐁ ᐋᔭᒥᐋᔦᒃ, ᑖᐺᑕᒧᒃ ᐁ ᒥᓕᑳᐎᔦᒃ, ᐁᑯ ᒫᑲ ᑫ ᐋᔮᔦᒃ᙮

ᐅᐸᓓᑭᔅ ᒑᓐ 14:13

ᓀᔥᑕ ᒫᑲ ᐱᑯ ᑫᒀᓐ ᑫ ᓇᑐᑕᒫᔦᒃ ᓂᑦ ᐃᔑᓂᑳᓱᐎᓂᒃ, ᐁᐗᑯ ᑫ ᑐᑕᒫᓐ, ᐅᑖᐎᒪᐤ ᑭᒋ ᑭᔅᑕᑭᒫᑲᓂᐎᑦ ᐅᑯᓯᓯᒫᐗ ᐅᒋ᙮

ᐅᐸᓓᑭᔅ ᒑᓐ 15:10

ᑮᔥᐱᓐ ᑲᓇᐎᑕᒣᑴ ᓂ ᑲᑫᔅᑴᐎᓇ, ᑭ ᑳ ᑕᔑᑳᓇᐗᐤ ᓂ ᓵᑭᐃᐌᐎᓂᒃ; ᑖᐱᔅᑯᒡ ᐁ ᑮ ᐃᔑ ᑲᓇᐎᑕᐗᒃ ᓄᑖᐎ ᐅ ᑲᑫᔅᑴᐎᓇ, ᓀᔥᑕ ᐁ ᐃᔑ ᑕᔑᑫᐗᒃ ᐅ ᓵᑭᐃᐌᐎᓂᒃ᙮

ᐅᐸᓓᑭᔅ ᒑᓐ 15:7

ᑮᔥᐱᓐ ᐱᒋᔅᑲᐎᔦᑴ, ᓀᔥᑕ ᓂᑦ ᐋᔭᒥᐎᓐ ᐱᒋᔅᑳᑯᔦᑶ, ᑭ ᑳ ᓇᑐᑕᒫᓇᐗᐤ ᑫᒀᓐ ᐁ ᐃᔑ ᓇᑕᐌᓕᑕᒣᒃ, ᐁᑯ ᑫ ᑐᑕᒫᑲᐎᔦᒃ᙮

ᐅᐸᓓᑭᔅ ᒑᓐ 6:29

ᒋᓴᔅ ᐁ ᓇᔥᑴᐗᔑᐋᑦ ᑮ ᐃᑌᐤ, ᐁᐗᑯ ᐅᒪ ᑭᒋᒪᓂᑐ ᐅᑦ ᐋᔨᑎᐎᓐ ᑭᒋ ᑖᐺᔦᓕᒥᒣᒃ ᐊᓂᐃ ᑳ ᑮ ᐯᒋᑎᔕᐙᑦ᙮

ᐅᐸᓓᑭᔅ ᒑᓐ 8:29

ᓀᔥᑕ ᐊᓇ ᑳ ᑮ ᐯᒋᑎᔕᐅᑦ ᓂ ᐎᒉᐎᒃ: ᐅᑖᐎᒪᐤ ᓇᒪᐎᓚ ᓂ ᐅᒋ ᓇᑲᑎᒃ ᑭᒋ ᐯᔭᑯᐗᒃ; ᐌᓴ ᒧᔕᒃ ᓂᑦ ᐃᑐᑕᒸᓐ ᐊᓂᐃ ᑫᒀᓇ ᑳ ᓇᐃᓚᐌᐃᑯᑦ᙮

ᐅᐸᓓᑭᔅ ᒑᓐ 9:31

ᑭ ᑭᔅᑫᓕᑌᓈᓇᐤ ᒫᑲ ᑭᒋᒪᓂᑐ ᐁᑳ ᐁ ᓇᑐᑕᐙᑦ ᐅᒪᒋᑣᐗ: ᒫᑲ ᑮᔥᐱᓐ ᐊᐌᓇ ᓀᐗᑮᔅᑕᐙᑴ ᑭᒋᒪᓂᑐᐗ, ᓀᔥᑕ ᐁᑐᑕᒸᑴ ᐅᑦ ᐃᑌᓕᑐᒧᐎᓂᓕᐤ, ᐁᐗᑯ ᓀᑐᑖᑯᑦ᙮

ᐊᐸᔅᑕᓚᒃ 17:30

ᒣᒀᒡ ᒫᑲ ᐅᒪ ᑳ ᐃᔑ ᑲᑫᐸᑎᓯᓈᓂᐗᒃ ᑭᒋᒪᓂᑐ ᓇᒪᐎᓚ ᐅᒋ ᐱᓯᔅᑫᓕᑕᒻ; ᐊᓄᒡ ᒫᑲ ᐅᓚᔓᐙᑌᐤ ᒥᓯᐌ ᐃᓕᓕᐗ ᒥᓯᐌ ᐃᑕ ᑭᒋ ᑴᔅᑳᑎᓯᓕᒋ;

ᐊᐸᔅᑕᓚᒃ 20:21

ᐁ ᐙᐎᑕᒫᐗᑭᒃ ᒎᐗᒃ, ᓀᔥᑕ ᒃᕆᑲᒃ ᑖᐱᔅᑯᒡ, ᑭᒋ ᑴᔅᑳᑎᓰᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑖᐺᔦᓕᒫᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ᙮

ᐱᓕᐱᔭᓇ 4:18

ᒫᑲ ᒥᓯᐌ ᓂᑦ ᐋᔮᓐ, ᓀᔥᑕ ᓂ ᐌᓗᒋᐸᓕᐃᑯᓐ: ᓂ ᓵᑲᔅᑭᓀᓕᑯᓐ; ᐁ ᑮ ᒥᓕᑦ ᐃᐹᑉᕈᑖᐃᑕᔅ ᐊᓂᐃ ᑳ ᑮ ᐃᔑᑎᔕᐊᒪᐎᔦᒃ, ᑫᒀᓐ ᐁ ᐎᑭᒫᑾᒃ, ᓵᓵᑭᐎᓕᐌᐎᓐ ᑳ ᐎ ᐅᑎᓇᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ᙮

ᑯᓚᔑᔭᓇ 1:10

ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:5

ᑮᔥᐱᓐ ᒫᑲ ᐊᐌᓇ ᐁ ᐃᑕᔑᔦᒃ ᐁᑳ ᐁᔮᑴ ᑲᑫᑕᐌᓕᑕᒧᐎᓂᓕᐤ, ᐁᑯᔑ ᑲᑕ ᓇᑐᑕᒪᐌᐤ ᑭᒋᒪᓂᑐᐗ, ᐊᓇ ᑳ ᑭᔐᐙᑎᓯᐎ ᒥᓛᑦ ᒥᓯᐌ ᐃᓕᓕᐗ, ᐁᑳ ᓀᔥᑕ ᑳ ᑭᑐᑖᑦ; ᑲᑕ ᒥᓛᑲᓂᐎᐤ ᒫᑲ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:3

ᑭ ᓇᑐᑌᓇᐗᐤ, ᓇᒪ ᒫᑲ ᑭᑦ ᐅᑎᓀᓇᐗᐤ, ᓇᔅᐹᒡ ᐁ ᐃᔑ ᓇᑐᑕᒫᔦᒃ, ᑭᒋ ᒣᔅᑎᓇᒣᒃ ᑭ ᒪᒋ ᓇᑕᐌᓕᑕᒧᐎᓂᐙᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:16

ᐙᐎᑕᒫᑐᒃ ᑭ ᐗᓂᐋᔨᑎᐎᓂᐗᐗ, ᓀᔥᑕ ᐋᔭᒥᐁᔅᑕᒫᑐᒃ, ᑭᒋ ᒥᓇᐙᒋᐃᑲᐎᔦᒃ᙮ ᐅ ᓇᑐᑕᒫᑫᐎᓐ ᑳ ᒀᔭᔅᑭᑖᑎᓰᑦ ᐃᓕᓕᐤ ᒥᔅᑕᐃ ᐃᑖᐸᑕᓂᓕᐤ᙮

ᓂᔥᑕᒻ ᒑᓐ 2:3

ᐁᐗᑯ ᑳ ᐅᒋ ᑭᔅᑫᓕᑕᒪᒃ ᐁ ᑭᔅᑫᓕᒪᒃ, ᑮᔥᐱᓐ ᑲᓇᐌᓕᑕᒶᒃ ᐅ ᑲᑫᔅᑴᐎᓇ᙮

ᓂᔥᑕᒻ ᒑᓐ 5:14

ᐁᐗᑯ ᒫᑲ ᐅᒪ ᐁ ᐃᔑ ᑫᒋᓇᐅᐎᐊᔅᐯᓕᒧᑐᑕᐗᒃ, ᑮᔥᐱᓐ ᓇᑐᑕᒫᔭᒃ ᑫᒀᓐ ᑳ ᐃᑕᔅᑌᓕᒃ ᐅᑦ ᐃᑌᓕᑕᒧᐎᓐ, ᑭ ᓇᑐᑖᑯᓇᐤ: