ᓂᔥᑕᒻ ᒑᓐ 3:1 - ᐅᔅᑭ ᑎᔅᑌᒥᓐᑦ

¹ ᑲᓇᐙᐸᑕᒧᒃ ᑫᑯ ᑐᐎ ᓵᑭᐃᐌᐎᓂᓕᐤ ᐅᑖᐎᒪᐤ ᑳ ᑮ ᒥᓕᑕᒃ, ᑭᒋᒪᓂᑐ ᐅᑯᓯᓴ ᑭᒋ ᐃᔑᓂᑳᑎᑲᐎᔭᒃ! ᐁᐗᑯ ᐌᒋ ᐁᑳ ᑭᔅᑫᓕᒥᑯᔭᒃ ᐊᔅᑭ, ᐎᓚ ᐁᑳ ᐁ ᐅᒋ ᑭᔅᑫᓕᒥᑯᑦ᙮

ᓂᔥᑕᒻ ᒑᓐ 3:1 Iomraidhean Croise

ᐅᐸᓓᑭᔅ ᓘᒃ 20:36

ᓇᒪᐎᔅᑳᑦ ᒫᑲ ᒥᓇ ᑲᑕ ᑮ ᓂᐱᐗᒃ: ᐌᓴ ᓇᔅᐱᑕᐌᐗᒃ ᐁᓐᒐᓚ: ᓀᔥᑕ ᐅᑦ ᐊᐙᔑᒥᔑᒥᑯᐗᒃ ᑭᒋᒪᓂᑐᐗ, ᐁ ᐅᑦ ᐊᐙᔑᒥᔑᒥᑯᒋᒃ ᐗᓂᔥᑳᐎᓂᓕᐤ᙮

ᐅᐸᓓᑭᔅ ᒑᓐ 1:12

ᒥᓯᐌ ᐊᓂᐃ ᒫᑲ ᑳ ᐅᑎᓂᑯᑦ, ᐁᐗᒀᓂᐃ ᒫᓛᑦ ᑲᔥᑭᐅᐎᓂᓕᐤ ᑭᒋ ᐅᑯᓯᓯᒥᑯᓕᒋ ᑭᒋᒪᓂᑐᐗ, ᐊᓂᐃ ᐅᑎ ᑳ ᑖᐺᔦᓕᑕᒥᓕᒋ ᐅᑦ ᐃᔑᓂᑳᓱᐎᓐ᙮

ᐅᐸᓓᑭᔅ ᒑᓐ 11:52

ᓇᒪᐎᓚ ᒫᑲ ᐱᑯ ᐊᓂᐃ ᐃᓕᓕᐗ ᐅᒋ, ᒫᑲ ᐊᓯᒋ ᑭᒋ ᒪᐗᒋᐃᒫᓕᒋ ᑭᒋᒪᓂᑐᐗ ᐅᑦ ᐊᐙᔑᒥᔑᓕᐗ ᑭᒋ ᐯᔭᑯᓕᒋ ᑳ ᓇᓈᓂᔅ ᐃᑖᓕᒋ᙮

ᐅᐸᓓᑭᔅ ᒑᓐ 15:21

ᒫᑲ ᒥᓯᐌ ᐅᐅ ᑫᒀᓇ ᑭ ᑳ ᑐᑖᑯᐙᐗᒃ ᓂᑦ ᐃᔑᓂᑳᓱᐎᓂᓕᐤ ᐅᒋ, ᐁᑳ ᐁ ᑭᔅᑫᓕᒫᒋᒃ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᐅᐸᓓᑭᔅ ᒑᓐ 16:3

ᐅᐅ ᑫᒀᓇ ᒫᑲ ᑭ ᑳ ᑐᑖᑯᐙᐗᒃ ᐁᑳ ᑳ ᐅᒋ ᑭᔅᑫᓕᒫᒋᒃ ᐅᑖᐎᒪᐗ ᓀᔥᑕ ᓂᓚ᙮

ᐅᐸᓓᑭᔅ ᒑᓐ 17:25

ᐅ ᑳ ᒀᔭᔅᑭᑖᑎᓯᔭᓐ ᐅᑖᐎᒪᐤ, ᐊᔅᑭ ᓇᒪᐎᓚ ᑮ ᐅᒋ ᑭᔅᑫᓕᒥᑯᓐ: ᒫᑲ ᓂᓚ ᑭ ᑮ ᑭᔅᑫᓕᒥᑎᓐ, ᓀᔥᑕ ᐅᑯ ᑭᔅᑫᓕᑕᒶᒃ ᐁ ᑮ ᐱᒋᑎᔕᐅᔭᓐ᙮

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:8

ᒫᑲ ᑭᒋᒪᓂᑐ ᑭ ᐙᐸᑎᓕᑯᓇᐤ ᐅ ᓵᑭᐃᐌᐎᓐ, ᒣᒀᒡ ᑫᔮᐸᒡ ᐁ ᑮ ᒪᒋᑣᔭᒃ, ᙭ ᑭ ᑮ ᓂᐸᔅᑕᒫᑯᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:19

ᐌᓴ ᑳ ᐅᔑᐋᑲᓂᐎᑦ ᐅ ᑭᐗᔐᓕᑕᒧᐎᓐ ᐯᑖᒪᑲᓂᓕᐤ ᑭᒋ ᓄᑯᐋᑲᓂᐎᓕᒋ ᐊᓂᐃ ᑳ ᐅᑯᓯᓯᒥᑯᓕᒋ ᑭᒋᒪᓂᑐᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:21

ᐌᓴ ᑳ ᐅᔑᐋᑲᓂᐎᑦ ᑫᒋᐙᒃ ᑲᑕ ᐅᒋ ᐱᒫᒋᐋᑲᓂᐎᐤ ᓂᔑᐗᓈᑎᓯᐎ ᑎᐯᓕᒋᑫᐎᓂᓕᐤ ᑭᒋ ᐋᔭᐙᑦ ᑭᒋᒪᓂᑐᐗ ᐅᑦ ᐊᐙᔑᒥᔑᓕᐗ ᐅ ᑎᐯᓕᒥᑎᓱᐎᓂᓕᐤ ᑳ ᑭᔅᑌᓕᑖᑾᓂᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:32

ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ?

ᓂᔓ ᑯᕆᓐᑎᐊᓇ 6:18

ᓀᔥᑕ ᑭ ᑳ ᐅᑦ ᐅᑕᐎᒥᓇᐗᐤ, ᓀᔥᑕ ᑭᓚᐗᐤ ᑭ ᑳ ᐅᑯᓯᓯᒥᑎᓇᐗᐤ ᓀᔥᑕ ᑭ ᑳ ᐅᑖᓂᓯᒥᑎᓇᐗᐤ, ᐃᑗᐤ ᐅᑎᐯᓕᒋᑫᐤ ᒥᓯᐌ ᓯᔫᑳᑎᓰᑦ᙮

ᑲᓓᔕᐊᓇ 3:26

ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮

ᑲᓓᔕᐊᓇ 3:29

ᑮᔥᐱᓐ ᒫᑲ ᑎᐯᓕᒥᑯᔦᑭ ᙭, ᐁᑯ ᐌᑕᐗᔑᒥᔑᒥᑖᒃ ᐁᑉᕃᐊᒻ, ᓀᔥᑕ ᑫ ᐊᑎ ᑎᐱᓚᐌᐎᓯᔦᒃ ᐁ ᐃᑕᔅᑌᒃ ᐊᓂᒪ ᐊᔓᑕᒫᑫᐎᓐ᙮

ᑯᓚᔑᔭᓇ 3:3

ᐌᓴ ᑭ ᓂᐱᓇᐗᐤ, ᓀᔥᑕ ᑭ ᐱᒫᑎᓯᐎᓂᐗᐤ ᑳᑖᓂᐗᓐ ᐊᓯᒋ ᙭ ᑭᒋᒪᓂᑐᓈᒃ᙮

ᓂᔥᑕᒻ ᒑᓐ 3:10

ᐁᐗᑯ ᐁ ᐃᔑ ᑭᔅᑫᓕᑖᑯᓯᓕᒋ ᑭᒋᒪᓂᑐ ᐅᑦ ᐊᐙᔑᒥᔕ ᓀᔥᑕ ᒪᒋᒪᓂᑐ ᐅᑦ ᐊᐙᔑᒥᔕ: ᐊᐌᓇ ᐁᑳ ᑎᐅᑕᒧᑴ ᒀᔭᔅᑭᑖᑎᓯᐎᓂᓕᐤ, ᓇᒪᐎᓚ ᑭᒋᒪᓂᑐᒃ ᐅᒋᐤ, ᓇᒪ ᓀᔥᑕ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ᙮

ᓂᔥᑕᒻ ᒑᓐ 3:2

ᓯᐋᑭᐃᑕᑾᒃ, ᐊᓄᒡ ᑭᒋᒪᓂᑐ ᑭᑦ ᐅᑯᓯᓯᒥᑯᓇᐤ, ᓀᔥᑕ ᓇᒪᐎᓚ ᐁᔥᑾ ᓄᑾᓐ ᑫ ᐃᔑ ᐋᔮᔭᒃ; ᒫᑲ ᑭ ᑭᔅᑫᓕᑌᓈᓇᐤ, ᐃᔅᐱ ᓄᑯᓯᑌ, ᑭ ᑳ ᓇᔅᐱᑕᐙᓇᐤ; ᐌᓴ ᑭ ᑳ ᐙᐸᒫᓇᐤ ᐁ ᐃᔑᓈᑯᓯᑦ᙮

ᓂᔥᑕᒻ ᒑᓐ 4:17

ᐅᒪ ᐁᑯ ᐁ ᐃᔑ ᒥᑐᓂᐎᐃᑳᑌᒃ ᑭ ᓵᑭᐃᐌᐎᓂᐗᐤ, ᑭᒋ ᐋᔮᔭᒃ ᑫᒋᓇᐅᐎᓐ ᑎᐹᔅᑯᓂᑫᐎ ᑭᔑᑳᑫ: ᐌᓴ ᐁ ᐃᔑ ᐋᔮᑦ, ᐁᑯ ᓀᔥᑕ ᐁ ᐃᔑ ᐋᔭᔭᒃ ᐅᑕ ᐊᔅᑭᒃ᙮

ᑭᔅᑫᓕᑖᑯᑖᑫᐎᓐ 21:7

ᐊᓇ ᑳ ᔖᑯᒋᐃᐌᑦ ᑲᑕ ᐊᑎ ᐋᔭᐤ ᐅᐅ ᑫᒀᓇ; ᓂ ᑳ ᐅ ᑭᒋᒪᓂᑐᒥᒥᒃ ᒫᑲ, ᓂᓚ ᓀᔥᑕ ᓂ ᑳ ᐅᑯᓯᓯᒪᐤ᙮