26 ᐅᐅ ᑫᒀᓇ ᑭᑭ ᒪᓯᓇᐊᒫᑎᓇᐗᐤ ᐁ ᐋᓕᒧᒪᑭᒃ ᐊᓂᑭ ᑳ ᐙᔦᔑᒥᑖᑾᒃ᙮
ᐌᓴ ᓇᔅᐹᒡ ᙭ᑕᒃ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ ᑲᑕ ᐃᑖᐗᒃ, ᓀᔥᑕ ᑲᑕ ᐙᐸᑎᓕᐌᐗᒃ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ, ᑫ ᐅᒋ ᐙᔦᔑᐋᒋᒃ ᐋᐳᒋᑲ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮
ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ ᑭ ᑎᐸᐊᒫᑯᓯᐎᓂᐗᐤ, ᐃᑌᓕᑕᒪᐎ ᑕᐸᑌᓕᒥᑎᓱᐎᓂᒃ, ᓀᔥᑕ ᐁ ᓇᐗᑮᔅᑕᐙᒋᒃ ᐁᓐᒐᓚ, ᐁ ᑭᔅᑫᓕᑕᒥᑳᓱᑦ ᐊᓂᐃ ᐁᑳ ᑳ ᑮ ᐙᐸᑕᒃ, ᐸᑾᓐᑕᐤ ᐁ ᑭᔅᑌᓕᒧᐃᑯᑦ ᐅ ᐎᔮᓯᐎ ᒥᑐᓀᓕᒋᑲᓐ,
ᔮᒀᒥᓯᒃ ᐁᑳᐎᓚ ᐊᐌᓇ ᐃᓕᓕᐤ ᑭᒋ ᐊᐗᑳᓂᐃᑖᒃ ᒥᔅᑲᐙᑕᐎᓐ ᐅᒋ ᓀᔥᑕ ᐸᑾᓐᑕᐤ ᑲᑳᔦᓕᓯᐎᓐ, ᐁ ᐃᔑ ᑭᔅᑭᓄᐊᒫᑫᒋᒃ ᐃᓕᓕᐗᒃ, ᑳ ᐃᑕᔅᑌᑭ ᓂᔥᑕᒻ ᑭᔅᑭᓄᐊᒫᑫᐎᓇ ᐅᑕ ᐊᔅᑮᒃ, ᓇᒪᐎᓚ ᒫᑲ ᑳ ᐃᔑ ᑭᔅᑭᓄᐊᒫᑫᑦ ᙭᙮
ᐊᒑᒃ ᒫᑲ ᐸᔭᑌ ᐃᑗᐤ, ᒫᒋᒡ ᐊᑎ ᑳ ᑭᔑᑳᑭ ᐋᑎᑦ ᑲᑕ ᓇᑲᑕᒶᒃ ᑖᐺᔦᓕᑕᒧᐎᓂᓕᐤ, ᐁ ᐱᔑᒋᐋᒋᒃ ᑲᑳᔦᓕᓯᐃᐌᐎ ᐊᒑᑾ, ᓀᔥᑕ ᐅ ᑭᔅᑭᓄᐊᒫᑫᐎᓂᓕᐤ ᒪᒋᒪᓂᑐᐗ;
ᒫᑲ ᒪᒋ ᐃᓕᓕᐗᒃ ᓀᔥᑕ ᐅᐙᔦᔑᐃᐌᐗᒃ ᐋᒋᐱᑯ ᐋᒋᐱᑯ ᑲᑕ ᒪᒋᑣᐗᒃ, ᐁ ᐙᔦᔑᐃᐌᒋᒃ ᓀᔥᑕ ᐁ ᐙᔦᔑᐋᑲᓂᐎᒋᒃ᙮
ᐊᐱᔅᑕᐙᔑᔑᑐᒃ, ᐁᑯᔑ ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ: ᐊᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᒀᔭᔅᑭᑖᑎᓯᐤ, ᑖᐱᔅᑯᒡ ᐎᓚ ᐁ ᐃᔑ ᒀᔭᔅᑭᑖᑎᓯᓕᒋ᙮
ᐌᓴ ᒥᒉᑦ ᐅᑲᑳᔦᓕᓰᔅᑲᒃ ᑮ ᐯᒋ ᐃᑐᑌᐗᒃ ᐊᔅᑮᒃ, ᐁᑳ ᑳ ᐎᑕᑭᒃ ᒋᓴᔅ ᙭ᑕ ᐁ ᐯᒋ ᑕᑯᔑᓂᓕᒋ ᐎᔮᓯᒃ᙮ ᐊᐗ ᐁᐗᑯ ᐅᑲᑳᔦᓕᓯᐃᐌᔉ ᓀᔥᑕ ᓇᔅᐹᒡ ᙭᙮
