ᓂᔥᑕᒻ ᒑᓐ 2:15 - ᐅᔅᑭ ᑎᔅᑌᒥᓐᑦ

¹⁵ ᐁᑳᐎᓚ ᓵᑭᑖᒃ ᐊᔅᑭ, ᐁᑳ ᓀᔥᑕ ᐊᓂᐃ ᑫᒀᓇ ᐊᔅᑮᒃ ᑳ ᐃᑕᑾᑭ᙮ ᑮᔥᐱᓐ ᐊᐌᓇ ᓰᐊᑭᑖᑴ ᐊᔅᑭᓕᐤ, ᐅᑖᐎᒪᐤ ᐅ ᓵᑭᐃᐌᐎᓐ ᓇᒪᐎᓚ ᐱᒋᔅᑳᑯᓕᐗ᙮

ᓂᔥᑕᒻ ᒑᓐ 2:15 Iomraidhean Croise

ᐅᐸᓓᑭᔅ ᒫᑎᐤ 4:8

ᒥᓇ ᒪᒋᒪᓂᑐ ᐃᑐᑕᐁᐤ ᐗᒋᒃ ᓈᔅᐱᒡ ᐁ ᐃᔅᐸᑎᓈᓕᒃ, ᐙᐸᑎᓓᐤ ᒫᑲ ᒥᓯᐌ ᐅᑭᒫᐎᐎᓇ ᐅᑕ ᐊᔅᑮᒃ, ᓀᔥᑕ ᐁᔅᐱᒋ ᒥᓗᓈᑾᓂᓕᑭ;

ᐅᐸᓓᑭᔅ ᒫᑎᐤ 6:24

ᓇᒪᐎᓚ ᐊᐌᓇ ᐃᓕᓕᐤ ᑲᑕ ᑮ ᐊᑑᔅᑲᐌᐤ ᓂᔓ ᐅᑭᒫᐗ: ᐌᓴ ᐯᔭᒃ ᑲᑕ ᐸᒀᑌᐤ, ᓀᔥᑕ ᑯᑕᑭᔭ ᑲᑕ ᓵᑭᐁᐤ; ᓀᔥᑕᐱᑯ ᐯᔭᒃ ᑲᑕ ᑭᔅᑌᓕᒣᐤ, ᑯᑕᑭᔭ ᒫᑲ ᑲᑕ ᐋᑕᐌᓕᒣᐤ᙮ ᓇᒪᐎᓚ ᑭ ᑳ ᑮ ᐊᑐᔅᑫᔅᑕᐗᐗᐤ ᑭᒋᒪᓂᑐ ᓀᔥᑕ ᒥᔕᑭᓯᐎᓐ᙮

ᐅᐸᓓᑭᔅ ᓘᒃ 16:13

ᓇᒪᐎᓚ ᐊᐌᓇ ᐁ ᐊᑑᔅᑫᓛᑲᓂᐎᑦ ᑲᑕ ᑮ ᐊᑐᔅᑲᐌᐤ ᓂᔓ ᐅᑭᒫᐗ: ᐌᓴ ᐯᔭᒃ ᑲᑕ ᐸᒀᑌᐤ, ᓀᔥᑕ ᑯᑕᑭᔭ ᑲᑕ ᓵᑭᐁᐤ; ᓀᔥᑕᐱᑯ ᐯᔭᒃ ᑲᑕ ᑭᔅᑌᓕᒣᐤ, ᑯᑕᑭᔭ ᒫᑲ ᑲᑕ ᐋᑕᐌᓕᒣᐤ, ᓇᒪᐎᓚ ᑭ ᑳ ᑮ ᐊᑐᔅᑫᔅᑕᐙᐗᐤ ᑭᒋᒪᓂᑐ ᓀᔥᑕ ᒥᔕᑭᓯᐎᓐ᙮

ᐅᐸᓓᑭᔅ ᒑᓐ 15:19

ᑮᔥᐱᓐ ᐊᔅᑮᒃ ᑮ ᐅᒋᐌᑯᐸᓀ, ᐊᔅᑭ ᑲᑕ ᓵᑭᑖᒪᑲᓄᐸᓐ ᐊᓂᒪ ᑳ ᑎᐱᓚᐌᐎᓯᒪᑲᒃ: ᐁᑳ ᒫᑲ ᐊᔅᑮᒃ ᐁ ᐅᒋᔦᒃ, ᐁ ᑮ ᐙᐌᓛᐸᒥᑕᑾᒃ ᒫᑲ ᐊᔅᑮᒃ ᐅᒋ, ᐁᐗᑯ ᐌᒋ ᐸᒀᑎᑯᔦᒃ ᐊᔅᑭ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:2

ᓀᔥᑕ ᒫᑲ ᐁᑳᐎᓚ ᓇᔅᐱᑕᒧᒃ ᐊᔅᑭᐎ ᐃᔑᑣᐎᓇ; ᒫᑲ ᑴᔅᑳᑎᓰᒃ ᐁ ᐅᔥᑭᑖᓂᐗᒃ ᑭ ᒥᑐᓀᓕᒋᑲᓂᐗᐤ, ᑭᒋ ᓇᑕᐎ ᑭᔅᑫᓕᑕᒬᒃ ᐅᑦ ᐃᑌᓕᑕᒧᐎᓐ ᑭᒋᒪᓂᑐ, ᐁᐗᒀᓂᒪ ᑳ ᒥᓨᔑᒃ, ᓀᔥᑕ ᑳ ᓇᐃᓕᐌᐃᐌᒪᑲᒃ, ᓀᔥᑕ ᒥᑐᓂ ᑳ ᒀᔭᔅᑭᑌᓕᑖᑾᒃ᙮

ᑲᓓᔕᐊᓇ 1:10

ᐌᓴ ᓂᓚ ᓈ ᐊᓄᒡ ᓂ ᔑᑭᒪᐗᒃ ᐃᓕᓕᐗᒃ, ᓀᔥᑕᐱᑯ ᑭᒋᒪᓂᑐ? ᓀᔥᑕᐱᑯ ᓂ ᑯᒋ ᓇᐃᓚᐌᐋᐗᒃ ᓈ ᐃᓕᓕᐗᒃ? ᐌᓴ ᑮᔥᐱᓐ ᑫᔮᐸᒡ ᓇᐃᓚᐌᐊᑭᒃ ᐃᓕᓕᐗᒃ, ᓇᒪᐎᓚ ᓂ ᑳ ᐅᑦ ᐊᑑᔅᑫᓚᑲᓂᐎᑕᐃ ᙭᙮

ᐃᐱᓯᔭᓇ 2:2

ᐃᑕ ᑲᔮᔥ ᑳ ᑮ ᐃᔑ ᐱᒧᑌᔦᒃ, ᐁ ᐃᔑᑡᒪᑲᒃ ᐅᒪ ᐊᔅᑭ, ᐁ ᐃᔑᑣᑦ ᐊᓇ ᑳ ᐅᑭᒫᑲᑕᒃ ᑭᔑᑯᓕᐤ, ᐊᓇ ᐊᒑᒃ ᐊᓄᒡ ᑳ ᐊᑑᔅᑫᑦ ᐁ ᐱᒋᔅᑲᐙᑦ ᐊᓂᐃ ᑳ ᐅᑦ ᐊᐙᔑᒥᔑᒥᑯᓕᒋ ᔑᐱᑕᒧᐎᓂᓕᐤ:

ᓂᔥᑕᒻ ᑎᒧᑎ 6:10

ᐌᓴ ᐁ ᓵᑭᐊᑲᓂᐎᑦ ᔔᓕᐋᓐ ᐁᐗᑯ ᑳ ᐅᒉᐱᑭᐎᒃ ᒥᓯᐌ ᑳ ᒫᓚᑕᒃ: ᐊᓂᒪ ᒣᒀᒡ ᐋᑎᑦ ᐁ ᑮ ᒧᔅᑌᓇᑭᒃ, ᑮ ᐗᓂᔑᓋᒃ ᑖᐺᔦᓕᑕᒧᐎᓂᒃ ᐅᒋ, ᓀᔥᑕ ᑮ ᔖᐳᔅᑕᐅᓱᐗᒃ ᒥᒉᑦ ᒥᒋᓚᐌᓯᐎᓇ ᐅᒋ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:27

ᐊᓂᒪ ᐋᔭᒥᐋᐎᓐ ᑳ ᐃᑌᓕᑕᒃ ᑭᒋᒪᓂᑐ ᐌᐅᑖᐎᒫᐎᑦ ᐁ ᒀᔭᔅᑾᓂᓕᒃ ᓀᔥᑕ ᐸᓓᑲᓂᓕᒃ, ᐁᐗᑯ ᐅᒪ, ᐊᐌᓇ ᑭᒋ ᒪᐗᑎᑖᑦ ᐁᑳ ᑳ ᐅᑖᐎᓕᒋ ᓀᔥᑕ ᐃᔅᑴᐗ ᑳ ᓂᐱᓕᒋ ᐅ ᓈᐯᒥᓕᐗ ᐅᑦ ᐊᓕᒥᓯᐎᓂᓕᒃ, ᓀᔥᑕ ᑭᒋ ᑲᓇᐌᓕᒥᑎᓱᑦ ᐁᑳ ᒥᑐᓂ ᑭᒋ ᐎᓕᐱᐃᑯᑦ ᐊᔅᑭᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:4

ᑭᓚᐗᐤ ᐱᔑᒀᑎᓰᔅᑐᒃ ᓀᔥᑕ ᐱᔑᒀᑎᔅᑴᑐᒃ, ᓇᒪ ᓈ ᑭ ᑭᔅᑫᓕᑌᓇᐗᐤ ᐅᒪ ᐊᔅᑭ ᐅᑐᑌᒥᐌᐎᓐ ᐁᐗᑯ ᐌᒋ ᐸᒀᑖᑲᓂᐎᑦ ᑭᒋᒪᓂᑐ? ᐊᐌᓇ ᒫᑲ ᑫ ᐎ ᐅᑐᑌᒥᒥᑦ ᐊᔅᑭ, ᐸᒀᑌᐤ ᑭᒋᒪᓂᑐᐗ᙮

ᓂᔥᑕᒻ ᒑᓐ 3:17

ᐊᐌᓇ ᒫᑲ ᐁ ᐋᔮᑦ ᐅᒪ ᐊᔅᑭ ᐌᓗᑎᓯᐎᓇ, ᐁ ᐙᐸᒫᑦ ᒫᑲ ᐎᒋᔖᓇ ᐁ ᒪᓀᓯᓕᒋ, ᐁᑳ ᒫᑲ ᐁ ᑭᔐᐙᑐᑕᐙᑦ, ᑖᓂ ᑫ ᑮ ᐃᔑ ᐱᒋᔅᑳᑯᐙᑦ ᑭᒋᒪᓂᑐᐗ ᐅ ᓵᑭᐃᐌᐎᓂᓕᐤ?

ᓂᔥᑕᒻ ᒑᓐ 4:5

ᐎᓚᐗᐤ ᐊᔅᑮᒃ ᐅᒋᐗᒃ; ᐁᐗᑯ ᐌᒋ ᐋᓕᒧᑕᑭᒃ ᐊᔅᑭᓕᐤ, ᓀᔥᑕ ᓇᑐᑖᑯᐗᒃ ᐊᔅᑭᓕᐤ᙮

ᓂᔥᑕᒻ ᒑᓐ 5:10

ᐊᓇ ᑳ ᑖᐺᔦᓕᒥᒫᑦ ᑭᒋᒪᓂᑐ ᐅᑯᓯᓴ, ᐋᔭᐤ ᐅᒣᓕᐤ ᑎᐹᒋᒧᐎᓂᓕᐤ ᐁ ᐱᒋᔅᑳᑯᑦ: ᐊᓇ ᐁᑳ ᑳ ᑖᐺᑕᐙᑦ ᑭᒋᒪᓂᑐᐗ, ᑭᓛᔅᑭᔉ ᑮ ᐃᔑᐁᐤ: ᐁᑳ ᐁ ᑖᐺᑕᒸᑦ ᐅ ᑎᐹᒋᒧᐎᓂᓕᐤ ᑭᒋᒪᓂᑐᐗ ᑳ ᑮ ᐃᑖᒋᒫᓕᒋ ᐅᑯᓯᓴ᙮