ᓂᔥᑕᒻ ᒑᓐ 2:11 - ᐅᔅᑭ ᑎᔅᑌᒥᓐᑦ

¹¹ ᒫᑲ ᐊᓇ ᑳ ᐸᒀᑖᑦ ᐎᒋᔖᓇ ᐗᓂᑎᐱᔅᑭᓯᐎᓂᒃ ᐃᑖᐤ, ᐱᒧᑌᐤ ᓀᔥᑕ ᐗᓂᑎᐱᔅᑭᓯᐎᓂᒃ, ᓇᒪ ᓀᔥᑕ ᑭᔅᑫᓕᑕᒻ ᑖᓐᑌ ᐁᑐᑌᑦ, ᐌᓴ ᐙᓂᑎᐱᔅᑭᓯᐎᓂᓕᐤ ᑮ ᑭᑆᐱᔅᑳᑯ᙮

ᓂᔥᑕᒻ ᒑᓐ 2:11 Iomraidhean Croise

ᐅᐸᓓᑭᔅ ᒑᓐ 12:35

ᐁᑯ ᒋᓴᔅ ᐁᑖᑦ, ᑫᔮᐸᒡ ᐎᓕᐱᔉ ᑭ ᐎᒉᐎᑯᓇᐗᐤ ᐙᔅᑌᐎᓐ᙮ ᐱᒧᑌᒃ ᐁᔥᑾ ᐁᐋᔮᔦᒃ ᐙᔅᑌᐎᓐ, ᐁᑳ ᐗᓂᑎᐱᔅᑭᓯᐎᓐ ᑭᒋ ᐅᑎᑎᑯᔦᒃ: ᐌᓴ ᐊᓇ ᑳ ᐱᒧᑌᑦ ᐗᓂᑎᐱᔅᑭᓯᐎᓂᒃ ᓇᒪᐎᓚ ᑭᔅᑫᓕᑕᒻ ᑖᓐᑌ ᐁᑐᑌᑦ᙮

ᐅᐸᓓᑭᔅ ᒑᓐ 12:40

ᑮ ᐋᑲᐙᐱᓀᐤ, ᓀᔥᑕ ᑮ ᒪᔥᑲᐎᑕᐌᐤ ᐅᑌᐃᓕᐗ; ᐁᑳ ᑭᒋ ᐙᐱᓕᒋ ᐅᔅᑭᔑᑯᓕᐗ ᐅᒋ, ᐁᑳ ᓀᔥᑕ ᑭᒋ ᓂᓯᑐᑕᒥᓕᒋ ᐅᑌᐃᓕᐗ ᐅᒋ, ᓀᔥᑕ ᐁᑳ ᑭᒋ ᑴᔅᑳᑎᓯᐋᑲᓂᐎᓕᒋ, ᐁᑳ ᒫᑲ ᑭᒋ ᒥᓇᐙᒋᐊᑭᒃ᙮

ᓂᔓ ᑯᕆᓐᑎᐊᓇ 3:14

ᒫᑲ ᓇᒪᐎᓚ ᑮ ᐙᐱᒫᑲᓂᓕᐗ ᐅ ᒥᑐᓀᓕᒋᑲᓂᐗᐗ: ᐌᓴ ᐱᓕᔥ ᐊᓄᒡ ᐁ ᑭᔑᑳᒃ ᐃᑕᑾᓐ ᑫᔮᐸᒡ ᐊᓂᒪ ᐊᑯᐙᐱᑴᐙᓐ ᐁᑳ ᐁ ᐅᒋ ᐃᑲᑌᓂᑳᑌᒃ ᐁ ᐋᔭᒥᑖᓂᐗᒡ ᐊᓂᒪ ᑳᔮᔥ ᓇᔅᑯᒥᑐᐎᓐ; ᐁᐗᑯ ᐊᑯᐙᐱᑴᐙᓐ ᐃᑲᑌᓂᑳᑌᐤ ᙭ᑎᒃ᙮

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᑕᐃᑕᔅ 3:3

ᐌᓴ ᑭᓚᓈᓇᐤ ᑫᒋᐙᒃ ᐊᓯᒋ ᐌᔅᑲᒃ ᑭ ᑮ ᑲᑫᐹᑎᓯᓈᓇᐤ, ᐁ ᑮ ᔑᐱᑕᒪᒃ, ᐁ ᐙᔦᔑᐃᑲᐎᔭᒃ, ᐁ ᑮ ᐊᑑᔅᑳᑕᒪᒃ ᓇᓈᑲᐤ ᒪᒋ ᓇᑕᐌᓕᒋᑫᐎᓇ ᓀᔥᑕ ᒥᓚᐙᑎᑾᑲᒥᑭᓯᐎᓇ, ᐁ ᑮ ᐱᒫᑎᓯᔭᒃ ᑭᒧᒋ ᐸᒀᑎᑐᐎᓂᒃ ᓀᔥᑕ ᐅᑌᓕᒥᑐᐎᓂᒃ, ᐁ ᑮ ᐸᒀᑎᑯᓯᔭᒃ ᓀᔥᑕ ᐁ ᑮ ᐸᒀᑎᑐᔭᒃ᙮

ᓂᔓ ᐱᑕᕐ 1:9

ᒫᑲ ᐊᓇ ᑳ ᒪᓀᓯᑦ ᐅᐅ ᓇᒪᐎᓚ ᐙᐱᐤ, ᓇᒪ ᓀᔥᑕ ᓚᐙᐱᐤ, ᑮ ᐗᓂᑭᔅᑭᓯᐤ ᒫᑲ ᐁ ᑮ ᐸᔦᑭᐋᑲᓂᐎᑦ ᐅ ᑳᔮᔑ ᒪᒋᑐᑕᒧᐎᓇ ᐅᒋ᙮

ᓂᔥᑕᒻ ᒑᓐ 1:6

ᑮᔥᐱᓐ ᐃᑗᔭᒃ ᑭᑦ ᐃᑕᐙᓈᓇᐤ ᐅᑐᑌᒥᐌᐎᓂᒃ, ᓀᔥᑕ ᐱᒧᑖᑕᒪᒃ ᐗᓂᑎᐱᔅᑭᓯᐎᓐ, ᑭ ᑭᓛᔅᑭᓈᓇᐤ, ᓇᒪ ᓀᔥᑕ ᑭ ᑐᑌᓈᓇᐤ ᑖᐺᐎᓐ:

ᓂᔥᑕᒻ ᒑᓐ 2:10

ᐊᓇ ᑳ ᓵᑭᐋᑦ ᐎᒋᔖᓇ ᐙᓭᔮᓯᐎᓂᒃ ᐃᑖᐤ, ᓇᒪᐎᓚ ᒫᑲ ᐱᒋᔅᑳᑯ ᑫᒀᓕᐤ ᑫ ᐅᒋ ᐱᓱᔑᒃ᙮

ᓂᔥᑕᒻ ᒑᓐ 2:9

ᐊᓇ, ᓂᑦ ᐃᑖᓐ ᐙᓭᔮᓯᐎᓂᒃ ᑳ ᐃᑗᑦ, ᐁ ᐸᒀᑖᑦ ᒫᑲ ᐎᒋᔖᓇ, ᐗᓂᑎᐱᔅᑭᓯᐎᓂᒃ ᐃᑖᐤ ᐱᓕᔥ ᐊᓄᒡ᙮

ᓂᔥᑕᒻ ᒑᓐ 3:15

ᐊᐌᓇ ᐯᒀᑖᑴ ᐎᒋᔕᓇ ᐅᓂᐹᔨᐌᐎᐤ: ᑭ ᑭᔅᑫᓕᑌᓇᐗᐤ ᒫᑲ ᐅᓂᐹᔨᐌᐤ ᐁᑳ ᐁ ᐱᒋᔅᑳᑯᑦ ᑳᑭᑫ ᐱᒫᑎᓯᐎᓂᓕᐤ᙮

ᓂᔥᑕᒻ ᒑᓐ 4:20

ᑮᔥᐱᓐ ᐊᐌᓇ ᐁᑗᑶ, ᓂ ᓵᑭᐊᐤ ᑭᒋᒪᓂᑐ, ᐁ ᐸᒀᑖᑦ ᐎᒋᔖᓇ, ᑭᓛᔅᑭᔅᑭᐤ: ᐌᓴ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ ᑳ ᑮ ᐙᐸᒫᑦ, ᑖᓂ ᑫ ᑮ ᐃᔑ ᓵᑭᐋᑦ ᑭᒋᒪᓂᑐᐗ ᐁᑳ ᑳ ᑮ ᐙᐸᒫᑦ?

ᑭᔅᑫᓕᑖᑯᑖᑫᐎᓐ 3:17

ᐌᓴ ᑭᑦ ᐃᑣᓐ, ᓂ ᒥᔕᑭᓰᓐ, ᓀᔥᑕ ᓂ ᐌᓗᑎᓰᓐ, ᓇᒪ ᓀᔥᑕ ᑫᒀᓐ ᓂ ᒪᓀᓯᓐ; ᓇᒪ ᒫᑲ ᑭ ᑭᔅᑫᓕᑌᓐ ᐁ ᑲᒀᑕᑭᓯᔭᓐ, ᓀᔥᑕ ᐁ ᑭᑎᒫᑭᓈᑯᓯᔭᓐ, ᓀᔥᑕ ᐁ ᑭᑎᒫᑭᓯᔭᓐ, ᓀᔥᑕ ᐁᑳ ᐁ ᐙᐱᔭᓐ, ᓀᔥᑕ ᐁ ᒧᔑᔥᑲᑌᔭᓐ: