ᓂᔥᑕᒻ ᒑᓐ 1:8 - ᐅᔅᑭ ᑎᔅᑌᒥᓐᑦ

⁸ ᑮᔥᐱᓐ ᐃᑗᔭᑴ, ᓇᒪᐎᓚ ᑭᑦ ᐋᔮᓈᓇᐤ ᒪᒋᑣᐎᓐ, ᑭ ᐙᔦᔑᐃᑎᓱᓈᓇᐤ, ᓇᒪ ᓀᔥᑕ ᑖᐺᐎᓐ ᑭ ᐱᒋᔅᑳᑯᓈᓇᐤ᙮

ᓂᔥᑕᒻ ᒑᓐ 1:8 Iomraidhean Croise

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:10

ᐁ ᐃᑕᓯᓇᐃᑳᑌᒃ, ᓇᒪᐎᓚ ᐊᐌᓇ ᒀᔭᔅᑭᑖᑎᓯᐤ, ᓇᒪᐎᓚ, ᓇᒪ ᐙᐙᒡ ᐯᔭᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:23

ᐌᓴ ᒥᓯᐌ ᑮ ᒪᒋᑐᑕᒶᒃ, ᓀᔥᑕ ᑮ ᓄᑌᐊᒬᐗᒃ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓂᓕᐤ;

ᓂᔥᑕᒻ ᑯᕆᓐᑎᐊᓇ 3:18

ᐁᑯᔑ ᐁᑳᐎᓚ ᐊᐌᓇ ᑲᑕ ᐙᔦᔑᐃᑎᓱ: ᑮᔥᐱᓐ ᐊᐌᓇ ᐃᓕᓕᐤ ᐁ ᐃᑕᔑᔦᒃ ᑫᑫᑕᐌᓕᒥᒋ ᐅᑕ ᐊᔅᑮᒃ, ᐁᑯᔑ ᑲᑕ ᑮᔥᑴᑲᓂᐎᐤ, ᐁᑯ ᐃᔑ ᑭᒋ ᑲᑫᑕᐌᓕᑕᒃ᙮

ᑲᓓᔕᐊᓇ 6:3

ᐌᓴ ᑮᔥᐱᓐ ᐊᐌᓇ ᐃᓕᓕᐤ ᐙᔦᔥ ᐁᑌᓕᒥᑎᓱᒋ, ᐋᑕ ᐁᑳ ᐙᔦᔥ ᐁ ᐃᑌᓕᑖᑯᓯᑦ, ᐙᔦᔑᐃᑎᓱ᙮

ᓂᔥᑕᒻ ᑎᒧᑎ 6:5

ᐃᓕᓕᐗᒃ ᐁ ᒪᒋᑡᒪᑲᓂᓕᑭ ᐅ ᒥᑐᓀᓕᒋᑲᓂᐗᐗ ᐁ ᒪᒋ ᐋᔑᑌᒥᑐᒋᒃ, ᐁᑳ ᓀᔥᑕ ᐁ ᐋᔮᒋᒃ ᑖᐺᐎᓂᓕᐤ, ᐅᑎᓯᐎᓐ ᐁᐗᑯ ᒪᓂᑐᐙᑎᓯᐎᓐ ᐁ ᐃᑌᓕᑕᑭᒃ: ᐁᑯ ᑐᐎ ᓇᑲᔑᒃ᙮

ᓂᔓ ᑎᒧᑎ 3:13

ᒫᑲ ᒪᒋ ᐃᓕᓕᐗᒃ ᓀᔥᑕ ᐅᐙᔦᔑᐃᐌᐗᒃ ᐋᒋᐱᑯ ᐋᒋᐱᑯ ᑲᑕ ᒪᒋᑣᐗᒃ, ᐁ ᐙᔦᔑᐃᐌᒋᒃ ᓀᔥᑕ ᐁ ᐙᔦᔑᐋᑲᓂᐎᒋᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:22

ᒫᑲ ᑐᑕᒧᒃ ᑳ ᐃᑗᒪᑲᒃ ᐋᔭᒥᐎᓐ, ᐁᑳ ᒫᑲ ᐯᑕᒧᒃ ᐱᑯ, ᐁ ᐙᔦᔑᐃᑎᓱᔦᒃ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:26

ᑮᔥᐱᓐ ᐊᐌᓇ ᐁ ᐃᑕᔑᔦᒃ ᐅᑖᔭᒥᐊᐤ ᐙ ᐃᑌᓕᑖᑯᓯᑴ, ᐁᑳ ᒫᑲ ᑌᐯᓕᑕᑭ ᐅᑌᓕᓕ, ᒫᑲ ᐁ ᐙᔦᔑᑖᑦ ᑎᐱᓚᐌ ᐅᑌᐃ, ᐊᐗ ᐃᓕᓕᐤ ᐅᑦ ᐋᔭᒥᐋᐎᓐ ᓇᒪᐎᓚ ᐙᔦᔥ ᐃᑖᐸᑕᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:2

ᐌᓴ ᒥᒉᑦ ᑫᒀᓇ ᑭᑦ ᐃᔑ ᐗᓂᐋᔨᑎᓈᓇᐤ ᒥᓯᐌ ᐁ ᐃᑕᔑᔭᒃ᙮ ᑮᔥᐱᓐ ᐊᐌᓇ ᐁᑳ ᐗᓂᐋᔨᑎᑦ ᐋᔭᒥᐎᓂᒃ, ᐁᐗᑯ ᑳ ᒥᑐᓂᐎᓯᑦ ᐃᓕᓕᐤ, ᑲᔥᑭᑕᐤ ᓀᔥᑕ ᑭᒋ ᑎᐯᓕᑕᒃ ᒥᓯᐌ ᒥᔭᐎᓕᐤ᙮

ᓂᔓ ᐱᑕᕐ 2:13

ᑲᑕ ᐅᑎᓇᒶᒃ ᒫᑲ ᐁ ᐃᔑ ᑎᐸᐃᑳᑌᓕᒃ ᒪᒑᑎᓯᐎᓐ, ᑖᐱᔅᑯᒡ ᐊᓂᑭ ᒥᓚᐙᑎᑾᓐ ᑳ ᐃᑌᓕᑕᑭᒃ ᑭᒋ ᑭᔥᑴᔮᑎᓯᓈᓂᐗᒃ ᒣᒀᒡ ᐁ ᑭᔑᑳᒃ: ᒪᓯᓈᓱᐗᒃ ᓀᔥᑕ ᐅᐎᓕᐱᓯᐗᒃ, ᐁ ᒥᓚᐙᑎᑯᐃᑎᓱᒋᒃ ᐅ ᑲᑳᔦᓕᓯᐎᓂᐙᒃ ᒣᒀᒡ ᐁ ᐎᒋᐎᑯᑐᒥᑖᑾᒃ;

ᓂᔥᑕᒻ ᒑᓐ 1:10

ᑮᔥᐱᓐ ᐃᑗᔭᑴ, ᓇᒪᐎᓚ ᑭ ᑮ ᐅᒋ ᒪᒋᑐᑌᓈᓇᐤ ᑭᓛᔅᑭᔉ ᑭᑦ ᐃᔑᐋᓇᐤ, ᓀᔥᑕ ᐅᑦ ᐋᔭᒥᐎᓐ ᓇᒪᐎᓚ ᑭ ᐱᒋᔅᑳᑯᐙᓈᓇᐤ᙮

ᓂᔥᑕᒻ ᒑᓐ 1:6

ᑮᔥᐱᓐ ᐃᑗᔭᒃ ᑭᑦ ᐃᑕᐙᓈᓇᐤ ᐅᑐᑌᒥᐌᐎᓂᒃ, ᓀᔥᑕ ᐱᒧᑖᑕᒪᒃ ᐗᓂᑎᐱᔅᑭᓯᐎᓐ, ᑭ ᑭᓛᔅᑭᓈᓇᐤ, ᓇᒪ ᓀᔥᑕ ᑭ ᑐᑌᓈᓇᐤ ᑖᐺᐎᓐ:

ᓂᔥᑕᒻ ᒑᓐ 2:4

ᐊᓇ ᑳ ᐃᑗᑦ, ᓂ ᑭᔅᑫᓕᒪᐤ ᐁᑳ ᒫᑲ ᑳ ᑲᓇᐌᓕᑕᒸᑦ ᐅ ᑲᑫᔅᑴᐎᓂᓕᐗ, ᑭᓛᔅᑭᔅᑭᐤ, ᓇᒫᐎᓚ ᒫᑲ ᐱᒋᔅᑳᑯ ᑖᐺᐎᓂᓕᐤ᙮

ᓂᔥᑕᒻ ᒑᓐ 4:20

ᑮᔥᐱᓐ ᐊᐌᓇ ᐁᑗᑶ, ᓂ ᓵᑭᐊᐤ ᑭᒋᒪᓂᑐ, ᐁ ᐸᒀᑖᑦ ᐎᒋᔖᓇ, ᑭᓛᔅᑭᔅᑭᐤ: ᐌᓴ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ ᑳ ᑮ ᐙᐸᒫᑦ, ᑖᓂ ᑫ ᑮ ᐃᔑ ᓵᑭᐋᑦ ᑭᒋᒪᓂᑐᐗ ᐁᑳ ᑳ ᑮ ᐙᐸᒫᑦ?

ᓂᔓ ᒑᓐ 1:2

ᑖᐺᐎᓐ ᐅᒋ ᑳ ᐱᒋᔅᑳᑯᔭᒃ, ᓀᔥᑕ ᑳᑭᑫ ᑫ ᐎᒉᐎᑯᔭᒃ᙮

ᓂᔅᑐ ᒑᓐ 1:3

ᐌᓴ ᓈᔅᐱᒡ ᓂ ᑮ ᒥᓚᐙᑌᓐ ᐃᔅᐱ ᐎᒋᔖᓂᒪᐗᒃ ᑳ ᑕᑯᔑᑭᒃ ᐁ ᐋᓕᒧᑕᑭᒃ ᐁ ᐃᔑ ᐱᒋᔅᑳᑯᔭᓐ ᑖᐺᐎᓐ, ᑖᐱᔅᑯᒡ ᓀᔥᑕ ᐁ ᐃᔑ ᐱᒧᑌᔭᓐ ᑖᐺᐎᓂᒃ᙮