ᓂᔥᑕᒻ ᒑᓐ 1:7 - ᐅᔅᑭ ᑎᔅᑌᒥᓐᑦ

⁷ ᒫᑲ ᑮᔥᐱᓐ ᐱᒧᑖᑕᒪᒃ ᐙᔅᑌᐎᓐ, ᑖᐱᔅᑯᒡ ᐁ ᐃᔑ ᐃᑖᑦ ᐙᔅᑌᐎᓂᒃ, ᑭᑦ ᐅᑐᑌᒥᒥᑐᓈᓇᐤ, ᓀᔥᑕ ᐅᑯᓯᓴ ᒋᓴᔅ ᙭ ᐅᒥᑯᒻ ᑭ ᐸᔦᑭᐃᑯᐙᓈᓇᐤ ᒥᓯᐌ ᒪᒋᑣᐎᓂᒃ ᐅᒋ᙮

ᓂᔥᑕᒻ ᒑᓐ 1:7 Iomraidhean Croise

ᐅᐸᓓᑭᔅ ᒫᑎᐤ 6:12

ᐌᐯᓕᑕᒪᐎᓈᓐ ᒫᑲ ᓂ ᒪᓯᓇᐃᑲᓂᓈᓇ, ᐁ ᐃᔑ ᐌᐯᓕᑕᒪᐗᑭᒋᒃ ᐊᓂᑭ ᑳ ᒪᓯᓇᐃᑫᑐᑕᐎᔭᒥᒋᒃ᙮

ᐅᐸᓓᑭᔅ ᒑᓐ 1:29

ᐎᐋᐸᓂᓕᒃ ᒑᓐ ᐙᐸᒣᐤ ᒋᓴᓴ ᐁ ᐯᒋ ᐱᒧᑌᓕᒋ, ᐃᑗᐤ ᒫᑲ, ᑲᓇᐙᐸᒥᒫᒃ ᑭᒋᒪᓂᑐ ᐅ ᒫᓂᔥᒑᓂᔑᔑᒪ, ᑳ ᐎᐗᔑᑦ ᒪᒋᑐᑕᒧᐎᓂᓕᐤ ᐊᔅᑮᒃ ᑳ ᐃᑕᑾᓂᓕᒃ᙮

ᐅᐸᓓᑭᔅ ᒑᓐ 12:35

ᐁᑯ ᒋᓴᔅ ᐁᑖᑦ, ᑫᔮᐸᒡ ᐎᓕᐱᔉ ᑭ ᐎᒉᐎᑯᓇᐗᐤ ᐙᔅᑌᐎᓐ᙮ ᐱᒧᑌᒃ ᐁᔥᑾ ᐁᐋᔮᔦᒃ ᐙᔅᑌᐎᓐ, ᐁᑳ ᐗᓂᑎᐱᔅᑭᓯᐎᓐ ᑭᒋ ᐅᑎᑎᑯᔦᒃ: ᐌᓴ ᐊᓇ ᑳ ᐱᒧᑌᑦ ᐗᓂᑎᐱᔅᑭᓯᐎᓂᒃ ᓇᒪᐎᓚ ᑭᔅᑫᓕᑕᒻ ᑖᓐᑌ ᐁᑐᑌᑦ᙮

ᐅᐸᓓᑭᔅ ᒑᓐ 5:4

ᐌᓴ ᐁᓐᒐᓪ ᐋᔅᑲᐤ ᑮ ᐃᑐᑌᐤ ᓵᑲᐃᑲᓂᔑᒃ, ᓀᔥᑕ ᑮ ᐋᑕᑳᒪᐊᒻ ᓂᐱᓕᐤ: ᐊᓇ ᐊᐌᓇ ᒫᑲ ᓃᔥᑕᒻ ᑳ ᐸᑯᐯᑦ ᑳ ᐋᑕᑲᒪᐃᑳᑌᓕᒃ ᓂᐱᓕᐤ, ᑮ ᒥᓇᐙᒋᐋᑲᓂᐎᐤ ᐱᑯ ᐊᓂᐁᓕᐤ ᐋᑯᓯᐎᓂᓕᐤ ᑳ ᐋᔮᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:12

ᐋᔕᔾ ᐁ ᑎᐱᔅᑳᒃ ᒥᔅᑕᐃ ᒥᔭᐎᐸᓕᐤ, ᐁ ᑭᔑᑳᒃ ᑭᔑᐙᒃ ᐃᑕᒀᓐ: ᐁᐗᑯ ᐅᒋ ᐌᐱᓈᑕᐤ ᐗᓂᑎᐱᔅᑭᓯᐎ ᐊᑑᔅᑫᐎᓇ, ᐳᔅᑎᔥᑳᑕᐤ ᒫᑲ ᐙᔅᑌᐎᓂ ᓇᑐᐸᓕᐎ ᐗᐸᒋᑖᐎᓇ᙮

ᓂᔥᑕᒻ ᑯᕆᓐᑎᐊᓇ 6:11

ᐁᑯ ᓀᔥᑕ ᑳ ᑮ ᐃᔑᓈᑯᓯᔦᒃ ᐋᑎᑦ ᐁ ᐃᑕᔑᔦᒃ: ᒫᑲ ᑭ ᑮ ᑭᒋᔅᑖᐸᐗᓕᑲᐎᓇᐗᐤ, ᒫᑲ ᑭ ᑮ ᐸᓓᑭᐃᑲᐎᓇᐗᐤ, ᒫᑲ ᑭ ᑮ ᒀᔭᔅᑭᑖᑎᓯᐃᑲᐎᓇᐗᐤ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐅᑦ ᐊᒑᑾ ᑭ ᑭᒋᒪᓂᑐᒥᓇᐤ᙮

ᐃᐱᓯᔭᓇ 1:7

ᐊᓇ ᑳ ᐅᒋ ᐋᔮᔭᒃ ᐱᒫᒋᐃᑯᓯᐎᓐ ᐅᒥᑯ ᐅᒋ, ᐁ ᐌᐯᓕᒋᑳᑌᑭ ᒪᒋᑣᐎᓇ, ᐁ ᐃᔑ ᐌᓗᑕᓂᓕᒃ ᐅ ᔕᐌᓕᒋᑫᐎᓐ;

ᐃᐱᓯᔭᓇ 5:8

ᐌᓴ ᐌᔅᑲᒡ ᑭ ᑮ ᐗᓂᑎᐱᔅᑭᓯᓇᐗᐤ, ᐊᓄᒡ ᒫᑲ ᑭ ᐙᔅᑌᐎᓇᐗᐤ ᐅᑎᐯᓕᒋᑫᒃ: ᐱᒧᑌᒃ ᑖᐱᔅᑯᒡ ᐙᔅᑌᐎᓂ ᐊᐙᔑᔕᒃ᙮

ᓂᔥᑕᒻ ᑎᒧᑎ 6:16

ᐊᓇ ᐱᑯ ᑳ ᐋᔮᑦ ᑳᑭᑫ ᐱᒫᑎᓯᐎᓂᓕᐤ, ᐁ ᑕᔑᑫᑦ ᐙᓭᔮᓯᐎᓂᒃ, ᐃᑕ ᐁᑳ ᐊᐌᓇ ᐃᓕᓕᐤ ᑫ ᑮ ᓈᑕᒃ; ᐊᓇ ᐁᑳ ᑳ ᑮ ᐙᐸᒥᑯᑦ ᐃᓕᓕᐗ, ᐁᑳ ᓀᔥᑕ ᑳ ᑲᔥᑭᑖᓕᒋ ᑭᒋ ᐙᐸᒥᑯᑦ: ᐊᓇ ᑫ ᐋᔮᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ ᑳᑭᑫ᙮ ᐁᒣᓐ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 9:14

ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:17

ᒥᓯᐌ ᑕᑐ ᒥᓗ ᒥᓕᐌᐎᓐ ᓀᔥᑕ ᑕᑐ ᒫᐗᒋ ᒥᓗ ᒥᓕᐌᐎᓐ ᐃᔥᐱᒥᒃ ᐅᒋᐸᓕᐤ ᐅᒋ ᓛᔑᐸᓕᐤ ᒫᑲ ᐊᓇ ᑳ ᐅᑖᐎᒥᑯᑦ ᐙᔅᑌᐎᓇ, ᐊᓇ ᒥᑐᓂ ᐁᑳ ᑳ ᑳᑭᐌᔦᓕᑕᒃ ᐁᑳ ᓀᔥᑕ ᒥᑐᓂ ᑳ ᑴᔅᑳᑎᓰᑦ᙮

ᓂᔥᑕᒻ ᐱᑕᕐ 1:19

ᒫᑲ ᑳ ᑭᔅᑕᑭᑖᑾᓂᓕᒃ ᐅᒥᑯ ᙭ ᐅᒋ, ᑖᐱᔅᑯᒡ ᒫᓂᔥᒑᓂᔑᔥ ᐁᑳ ᑳ ᒫᔅᑭᓯᑦ ᐁᑳ ᓀᔥᑕ ᑳ ᐎᓕᐱᓯᑦ:

ᓂᔥᑕᒻ ᒑᓐ 1:3

ᐊᓂᒪ ᑳ ᑮ ᐙᐸᑕᒫᒃ ᓀᔥᑕ ᑳ ᑮ ᐯᑕᒫᒃ, ᑭᑦ ᐋᓕᒧᑕᒫᑎᓈᓐ, ᑭᓚᐗᐤ ᓀᔥᑕ ᑭᒋ ᐃᑖᔦᒃ ᓂᑦ ᐅᑐᑌᒥᐌᐎᓂᓈᒃ; ᑖᐺ ᓀᔥᑕ ᓂᑦ ᐃᑖᐙᓈᓐ ᐅᑐᑌᒥᐌᐎᓂᒃ ᐅᑖᐎᒪᐤ ᓀᔥᑕ ᐅᑯᓯᓴ ᒋᓴᔅ ᙭᙮

ᓂᔥᑕᒻ ᒑᓐ 1:5

ᐁᐗᑯ ᐅᒪ ᒫᑲ ᐎᑕᒫᑫᐎᓐ ᐎᓚ ᑳ ᑮ ᐅᒋ ᐯᑕᒫᒃ, ᓀᔥᑕ ᑳ ᐋᓕᒧᑕᒫᑖᒃ, ᑭᒋᒪᓂᑐ ᐁ ᐙᔅᑌᐎᓂᑦ, ᓀᔥᑕ ᐁᑳ ᐙᐙᒡ ᑎᐱᔅᑭᓯᐎᓂᓕᐤ ᐁ ᐱᒋᔅᑳᑯᑦ᙮

ᓂᔥᑕᒻ ᒑᓐ 5:6

ᐊᐗ ᐁᐗᒀᓇ ᑳ ᑮ ᐯᒋ ᐃᑐᑌᑦ ᓂᐱᓕᐤ ᓀᔥᑕ ᒥᑯᓕᐤ ᐅᒋ, ᒋᓴᔅ ᙭ ᐅᑎ; ᓇᒪᐎᓚ ᓂᐱᓕᐤ ᐅᒋ ᐱᑯ, ᒫᑲ ᓂᐱᓕᐤ ᓀᔥᑕ ᒥᑯᓕᐤ ᐅᒋ᙮ ᓀᔥᑕ ᐊᒑᒃ ᐁᐗᒀᓇ ᑳ ᑎᐹᑐᑕᒃ, ᐊᒑᒃ ᐁ ᑖᐺᐎᓂᐎᑦ᙮

ᓂᔥᑕᒻ ᒑᓐ 5:8

ᐃᑕᑾᓋ ᓀᔥᑕ ᓂᔅᑐ ᑳ ᑎᐹᑐᑕᒧᒪᑲᑭ ᐊᔅᑮᒃ, ᐊᒑᒃ, ᓀᔥᑕ ᓂᐱ, ᓀᔥᑕ ᒥᑯ: ᐅᐅ ᒫᑲ ᑳ ᓂᔅᑎᑭ ᐯᔭᒃ ᐃᔑ ᑎᐹᑐᑕᒧᒪᑲᓋ᙮

ᓂᔓ ᒑᓐ 1:4

ᓈᔅᐱᒡ ᓂ ᑮ ᒥᓚᐙᑌᓐ ᐁ ᑮ ᒥᔅᑲᐗᑭᒃ ᑭᑦ ᐊᐙᔑᒥᔕᒃ ᐁ ᐱᒧᑌᒋᒃ ᑖᐺᐎᓂᒃ, ᑳ ᑮ ᐃᑕᔓᐙᑎᑕᒃ ᐅᑖᐎᒪᐤ᙮

ᓂᔅᑐ ᒑᓐ 1:4

ᓇᒪᐎᓚ ᐊᐙᓯᑌ ᓂ ᒥᓚᐙᑌᓐ ᐃᔥᐱᔥ ᑭᒋ ᐯᑕᒫᓐ ᓂᑦ ᐊᐙᔑᒥᔕᒃ ᐁ ᐱᒧᑌᒋᒃ ᑖᐺᐎᓂᒃ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,

ᑭᔅᑫᓕᑖᑯᑖᑫᐎᓐ 12:11

ᑮ ᔖᑯᒋᐁᐗᒃ ᒫᑲ ᒫᓂᔥᒑᓂᔑᔕ ᐅ ᒥᑯᓕᐤ ᐅᒋ, ᓀᔥᑕ ᐊᓂᐁᓕᐤ ᐋᔭᒥᐎᓂᓕᐤ ᑳ ᑎᐹᑐᑕᒃ; ᓇᒪᐎᓚ ᒫᑲ ᐅᒋ ᓵᑭᑕᐗᒃ ᐅ ᐱᒫᑎᓯᐎᓂᐙᐗ ᐱᓕᔥ ᓂᐱᐎᓂᒃ᙮

ᑭᔅᑫᓕᑖᑯᑖᑫᐎᓐ 7:14

ᓂ ᑮ ᐃᑕᐤ ᒫᑲ, ᐅᑭᒪᐤ, ᑭᓚ ᑭ ᑭᔅᑫᓕᑌᓐ᙮ ᓂ ᑮ ᐃᑎᒃ ᒫᑲ, ᐅᑯ ᐁᐗᒀᓂᑭ ᑭᒋ ᐊᓕᒥᓯᐎᓂᒃ ᑳ ᑮ ᐯᒋ ᐅᑐᑌᒋᒃ, ᑮ ᑭᒋᔅᑕᐸᐎᑖᐗᒃ ᒫᑲ ᐅᑦ ᐊᑯᐅᓂᐙᐗ, ᓀᔥᑕ ᑮ ᐙᐱᑖᐗᒃ ᐅ ᒥᑯᒥᓕᒃ ᒫᓂᔥᒑᓂᔑᔕ᙮