4 ᐅᐅ ᑫᒀᓇ ᒫᑲ ᑭ ᒪᓯᓇᐊᒫᑎᓈᓐ ᑭᒋ ᓵᑲᔅᑭᓀᔅᑳᑯᔦᒃ ᑭ ᒥᓚᐙᑕᒧᐎᓂᐗᐤ᙮
ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ, ᓂ ᒥᓚᐙᑕᒧᐎᓐ ᑭᒋ ᐱᒋᔅᑳᑯᔦᒃ, ᓀᔥᑕ ᑭ ᒥᓚᐙᑕᒧᐎᓂᐗᐤ ᑭᒋ ᓵᑲᔅᑭᓀᒃ᙮
ᐊᓄᒡ ᐃᔅᑯ ᓇᒪᐎᓚ ᑫᒀᓐ ᑭ ᑮ ᐅᒋ ᓇᑐᑌᓇᐗᐤ ᓂᑦ ᐃᔑᓂᑳᓱᐎᓂᒃ: ᓇᑐᑕᒫᒃ, ᑭ ᑳ ᒥᓕᑲᐎᓇᐗᐤ ᒫᑲ, ᑭ ᒥᓚᐙᑕᒧᐎᓂᐗᐤ ᑭᒋ ᓵᑲᔅᑭᓀᒃ᙮
ᐊᓇ ᑳ ᐋᔭᐙᑦ ᐅᔥᑭᔅᑴᐙᓇ, ᐁᐗᑯ ᐅᔥᑭᔅᑴᐌᐤ: ᒫᑲ ᐅᔥᑭᔅᑴᐌᐤ ᐅᑐᑌᒪ ᑳ ᓂᐸᐎᓕᒋ ᓀᔥᑕ ᑳ ᐯᑖᑯᑦ, ᓈᔅᐱᒡ ᒥᓜᓕᑕᒥᓕᐗ ᐁ ᐯᑕᐙᓕᒋ ᐅᔥᑭᔅᑴᐌᐗ: ᐁᐗᑯ ᐅᒪ ᒫᑲ ᓂ ᒥᓚᐙᑕᒧᐎᓐ ᑎᐱᐸᓕᐤ᙮
ᓇᒪᐎᓚ ᐁ ᑎᐯᓕᑕᒫᒃ ᑭ ᑖᐺᔦᓕᑕᒧᐎᓂᐗᐤ, ᒫᑲ ᐁ ᐎᒋᑖᔦᒃ ᑭ ᒧᒋᑫᓕᑕᒧᐎᓂᐗᐤ: ᐌᓴ ᑖᐺᔦᓕᑖᒧᐎᓐ ᑭᑦ ᐅᒋ ᓂᐸᐎᓇᐗᐤ᙮
ᓀᔥᑕ ᑭᒋ ᑭᔅᑫᓕᑕᒬᒃ ᙭ ᐅ ᓵᑭᐃᐌᐎᓐ, ᑳ ᒥᔮᔥᑲᒧᒪᑲᐤ ᑭᔅᑫᓕᑕᒧᐎᓐ, ᑭᒋ ᐅᒋ ᓵᑲᔅᑭᓇᐃᑲᐎᔦᒃ ᒥᓯᐌ ᐅ ᓵᑲᔅᑭᓀᐎᓐ ᑭᒋᒪᓂᑐ᙮
ᓂᑦ ᐊᐱᔅᑕᐙᔑᒥᔑᒥᑐᒃ, ᐅᐅ ᑫᒀᓇ ᑭ ᒪᓯᓇᐊᒫᑎᓇᐗᐤ, ᐁᑳ ᑭᒋ ᒪᒋᑐᑕᒣᒃ᙮ ᑮᔥᐱᓐ ᒫᑲ ᐊᐌᓇ ᑮ ᒪᒋᑐᑕᒃ, ᑭᑦ ᐋᔭᐙᓇᐤ ᐅᑖᔭᒥᐁᔅᑕᒫᑫᐤ ᑳ ᐋᔭᒥᐋᑦ ᐅᑖᐎᒪᐗ, ᒋᓴᔅ ᙭ ᐅᒀᔭᔅᑭᑖᑎᓯᐤ:
ᐁ ᐋᔮᔮᓐ ᒥᒉᑦ ᑫᒀᓇ ᑭᒋ ᒪᓯᓇᐊᒫᑕᑾᒃ, ᓇᒪᐎᓚ ᓂ ᑳ ᐎᑌᓐ ᐁ ᐋᐸᒋᑖᔮᓐ ᒪᓯᓇᐃᑲᓍᓐ ᓀᔥᑕ ᒪᓯᓇᐃᑲᓇᐳ: ᒫᑲ ᓂ ᐸᑯᓭᓕᑌᓐ ᑭᒋ ᓈᑎᑖᑾᒃ, ᐁᑯ ᑭᑐᓂᓈᒃ ᑭᒋ ᐋᔭᒥᐃᑐᔭᒃ, ᑭ ᒥᓚᐙᑕᒧᐎᓂᐗᐤ ᑭᒋ ᓵᑲᔅᑭᓀᒃ᙮
