ᓂᔥᑕᒻ ᒑᓐ 1:2 - ᐅᔅᑭ ᑎᔅᑌᒥᓐᑦ

² (ᐌᓴ ᐊᓂᒪ ᐱᒫᑎᓯᐎᓐ ᑮ ᓄᑯᑖᑲᓂᐗᓐ, ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᑎᐹᑐᑌᓈᓐ, ᑭ ᐙᐸᑎᓕᑎᓈᓐ ᒫᑲ ᐊᓂᒪ ᑳᑭᑫ ᐱᒫᑎᓯᐎᓐ, ᑳ ᑮ ᐎᒋᑕᔑᑫᒥᑯᑦ ᐅᑖᐎᒪᐤ, ᓀᔥᑕ ᑳ ᑮ ᐙᐸᑎᓕᑲᐎᔮᒃ;)

ᓂᔥᑕᒻ ᒑᓐ 1:2 Iomraidhean Croise

ᐅᐸᓓᑭᔅ ᒑᓐ 1:18

ᓇᒪᐎᓚ ᐊᐌᓇ ᐎᔅᑳᒡ ᐅᒋ ᐙᐸᒣᐤ ᑭᒋᒪᓂᑐᐗ: ᐯᔭᑯᑯᓯᓵᓐ, ᑳ ᐃᑖᑦ ᐅ ᐱᓗᒧᐎᓂᓕᒃ ᐅᑖᐎᒪᐗ, ᑮ ᑭᔅᑫᓕᑖᑯᐁᐤ᙮

ᐅᐸᓓᑭᔅ ᒑᓐ 1:4

ᐎᓚ ᑮ ᐱᒋᔅᑳᑯ ᐱᒫᑎᓯᐎᓂᓕᐤ; ᐊᓂᐁᓕᐤ ᐱᒫᑎᓯᐎᓂᓕᐤ ᒫᑲ ᑮ ᐙᔅᑌᓇᒫᑯᐗᒃ ᐃᓕᓕᐗᒃ᙮

ᐅᐸᓓᑭᔅ ᒑᓐ 10:28

ᓀᔥᑕ ᓂ ᒥᓛᐗᒃ ᑳᑭᑫ ᐱᒫᑎᓯᐎᓂᓕᐤ; ᓇᒪᐎᔅᑳᑦ ᒫᑲ ᑲᑕ ᓂᔑᐗᓈᑎᓯᐗᒃ, ᓇᒪᐎᓚ ᓀᔥᑕ ᐊᐌᓇ ᓂ ᑳ ᑮ ᒪᔅᑲᒥᒃ ᓂᒌᒌᒃ ᐅᒋ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 15:27

ᓀᔥᑕ ᑭᓚᐗᐤ ᐊᓯᒋ ᑭ ᑳ ᑎᐹᒋᒥᓇᐗᐤ, ᐁ ᑮ ᐎᒉᐎᔦᒃ ᓃᔥᑕᒻ ᐅᒋ᙮

ᐅᐸᓓᑭᔅ ᒑᓐ 16:28

ᐅᑖᐎᒫᒃ ᓂ ᑮ ᐅᒌᓐ, ᓀᔥᑕ ᓂ ᑮ ᐯᒋ ᐃᑐᑖᓐ ᐊᔅᑮᒃ: ᒥᓇ, ᓂ ᓇᑲᑌᓐ ᐊᔅᑭ, ᓂ ᓈᑕᐤ ᒫᑲ ᐅᑖᐎᒪᐤ᙮

ᐅᐸᓓᑭᔅ ᒑᓐ 17:3

ᐁᐗᑯ ᐅᒪ ᒫᑲ ᑳᑭᑫ ᐱᒫᑎᓯᐎᓐ, ᑭᒋ ᑭᔅᑫᓕᒥᔅᑭᒃ ᐁ ᐯᔭᑯᔭᓐ ᑖᐺ ᐁ ᑭᒋᒪᓂᑕᐎᔭᓐ, ᓀᔥᑕ ᑭᒋ ᑭᔅᑫᓕᒫᒋᒃ ᒋᓴᔅ ᙭ᑕ ᑳ ᑮ ᐯᒋᑎᔕᐅᒪᑦ᙮

ᐅᐸᓓᑭᔅ ᒑᓐ 17:5

ᐁᑯ ᒫᑲ, ᐅ ᓄᑖ, ᑭᔅᑌᓕᑖᑯᐃᓐ ᐊᓯᒋ ᑭᓚ ᓀᔥᑕ, ᐊᓂᒪ ᑭᔅᑌᓕᑖᑯᓯᐎᓐ ᐅᒋ ᑳ ᑮ ᐋᔮᔮᓐ ᐁᔥᑾ ᐁ ᐎᒋᑕᔑᑫᒥᑖᓐ ᐸᒧᔑ ᐃᑕᑾᒃ ᐊᔅᑭ᙮

ᐅᐸᓓᑭᔅ ᒑᓐ 19:35

ᐊᓇ ᒫᑲ ᑳ ᑮ ᐙᐸᑕᒃ ᑎᐹᒋᒣ, ᓀᔥᑕ ᐅ ᑎᐹᒋᒧᐎᓐ ᑖᐺᐎᓂᐗᓂᓕᐤ: ᓀᔥᑕ ᑭᔅᑫᓕᑕᒻ ᐁ ᑖᐺᑦ, ᑭᒋ ᑖᐺᑕᒣᒃ᙮

ᐅᐸᓓᑭᔅ ᒑᓐ 21:14

ᐁᐗᑯ ᐅᒪ ᓂᔅᑡᐤ ᒋᓴᔅ ᑳ ᓄᑯᐃᑎᓱᔅᑕᐙᑦ ᐅ ᑭᔅᑭᓄᐊᒪᐙᑲᓇ ᐃᔅᑯᓈᒃ ᑳ ᐗᓂᔥᑳᑦ ᐅᓂᐱᐗ ᐅᒋ᙮

ᐅᐸᓓᑭᔅ ᒑᓐ 3:13

ᓀᔥᑕ ᒫᑲ ᓇᒪᐎᓚ ᐊᐌᓇ ᐅᒋ ᐅᐱᔅᑲᐤ ᑭᒋᑭᔑᑯᒃ, ᐱᑯ ᐊᓇ ᑭᒋᑭᔑᑯᒃ ᑳ ᑮ ᐅᒋ ᐯᒋ ᓛᔑᑦ ᑭᒋᑭᔑᑯᒃ, ᐃᓕᓕᐎᑯᓯᓵᓐ ᐅᑎ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒑᓐ 7:29

ᒫᑲ ᓂᓚ ᓂ ᑭᔅᑫᓕᒪᐤ: ᐌᓴ ᐎᓚ ᐁᑯᑕ ᐌᒋᔮᓐ, ᐎᓚ ᓀᔥᑕ ᓂ ᑮ ᐯᒋᑎᔕᐅᒃ᙮

ᐅᐸᓓᑭᔅ ᒑᓐ 8:38

ᓂᑦ ᐃᑣᓐ ᐊᓂᒪ ᑳ ᑮ ᐙᐸᑕᒫᓐ ᐁ ᐎᒉᐗᒃ ᓄᑖᐎ: ᑭᓚᐗᐤ ᒫᑲ ᑭᑦ ᐃᑐᑌᓇᐗᐤ ᐊᓂᒪ ᑳ ᑮ ᐙᐸᑕᒣᒃ ᐁ ᐎᒉᐌᒃ ᑯᑖᐎᐗᐤ᙮

ᐊᐸᔅᑕᓚᒃ 1:22

ᐁ ᒫᒋ ᐊᑭᑕᒪᒃ ᐅ ᓯᑲᐋᑖᑫᐎᓐ ᒑᓐ, ᐱᓕᔥ ᐊᓂᒪ ᐁ ᑭᔑᑳᒃ ᐃᔅᐱ ᐃᔥᐱᒥᒃ ᑳ ᐅᑎᓈᑲᓂᐎᑦ ᑭᓚᓈᓇᐤ ᐅᒋ, ᑫᒋᓈᔥ ᐯᔭᒃ ᑲᑕ ᐹᑳᓂᐋᑲᓂᐎᐤ ᑭᒋ ᑎᐹᑐᑕᒃ ᐊᓯᒋ ᑭᓚᓈᓇᐤ ᐁ ᑮ ᐗᓂᔥᑳᓕᒋ᙮

ᐊᐸᔅᑕᓚᒃ 10:41

ᓇᒪᐎᓚ ᒥᓯᐌ ᐃᓕᓕᐗ, ᒫᑲ ᐅᑎᐸᒋᒧᐗ ᓂᔮᑲᓇ ᑳ ᑮ ᐗᐌᓚᐸᒥᑯᓕᒋ ᑭᒋᒪᓂᑐᐗ, ᐙᐙᒡ ᓂᓚᓈᓐ, ᑳ ᑮ ᐎᒋᒥᒋᓱᒪᑭᑦ ᓀᔥᑕ ᐎᒋᒥᓂᑴᒪᑭᑦ ᐸᑎᒪ ᑳ ᐗᓂᔥᑳᑦ ᐅᓂᐱᐗ ᐅᒋ᙮

ᐊᐸᔅᑕᓚᒃ 2:32

ᐅᐅ ᒋᓴᓴ ᒫᑲ ᑭᒋᒪᓂᑐ ᒥᓇ ᑮ ᐗᓂᔥᑳᓀᐤ, ᐁᐗᒀᓂᒪ ᒫᑲ ᒥᓯᐌ ᐁ ᐃᑕᔑᔮᒃ ᓂ ᑎᐸᑐᑌᓈᓐ᙮

ᐊᐸᔅᑕᓚᒃ 3:15

ᑭ ᑮ ᓂᐸᐋᐗᐤ ᒫᑲ ᐊᓇ ᑳ ᑎᐯᓕᑕᒃ ᐱᒫᑎᓯᐎᓂᓕᐤ, ᐊᓇ ᑭᒋᒪᓂᑐᐗ ᑳ ᑮ ᐗᓂᔥᑳᓂᑯᑦ ᐅᓂᐱᐗ ᐅᒋ; ᐁᐗᒀᓇ ᑳ ᑎᐸᒋᒪᑭᑦ᙮

ᐊᐸᔅᑕᓚᒃ 5:32

ᓂᓚᓈᓐ ᒫᑲ ᓂ ᑎᐸᒋᒨᔅᑕᒪᐙᓇᓐ ᐅᐅ ᑫᒀᓇ; ᐁᒀᓂ ᓀᔥᑕ ᐁ ᑐᑕᒃ ᑳ ᐸᓓᑭᓯᑦ ᐊᒑᒃ, ᐊᓂᐃ ᑭᒋᒪᓂᑐ ᑳ ᑮ ᒥᓛᑦ ᒥᓯᐌ ᑕᑐ ᑳ ᓇᓇᐃᑖᑯᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᑲᓓᔕᐊᓇ 4:4

ᒫᑲ ᐃᔅᐱ ᒥᑐᓂᐌᑎᒋᐸᓕᒃ, ᑭᒋᒪᓂᑐ ᑮ ᑭᒋᑎᔕᐌᐤ ᐅᑯᓯᓴ, ᐃᔅᑴᒃ ᑳ ᐅᒋ ᓂᑕᐎᑭᓕᒋ, ᐁ ᓂᑕᐎᑭᓕᒋ ᐁᔥᑾ ᐁ ᐊᓕᑕᓂᓕᒃ ᐅᓚᔓᐌᐎᓂᓕᐤ;

ᓂᔥᑕᒻ ᑎᒧᑎ 3:16

ᓀᔥᑕ ᐁᑳ ᐁ ᑶᑕᐎᐃᑌᓕᒋᑳᑌᒃ ᑭᔅᑌᓕᑖᑾᓐ ᐁ ᐃᔑ ᒫᒪᔅᑳᑌᓕᑖᑾᒃ ᒪᓂᑐᐙᑎᓯᐎᓐ: ᑭᒋᒪᓂᑐ ᑮ ᓄᑯᐊᐤ ᐎᔮᓯᒃ, ᑭ ᒀᔭᔅᑲᑎᓯᐊᐤ ᐊᒑᑯᒃ, ᑮ ᐙᐸᒥᑯ ᐁᓐᒐᓚ, ᑮ ᐋᓕᒧᑕᒧᐗᐗᒃ ᒉᓐᑖᐃᓚᒃ, ᑮ ᑖᐺᔦᓕᒪᐤ ᐊᔅᑮᒃ, ᐃᔥᐱᒥᒃ ᑮ ᐅᑎᓇᐤ ᑭᔅᑌᓕᑖᑯᓯᐎᓂᒃ᙮

ᓂᔓ ᑎᒧᑎ 1:10

ᒫᑲ ᐊᓄᒡ ᓄᑯᑖᓂᐗᓐ ᐁ ᑮ ᐯᒋ ᓄᑯᓯᑦ ᑭ ᐱᒫᒋᐃᐌᒥᓇᐤ ᒋᓴᔅ ᙭, ᑳ ᑮ ᓂᔑᐗᓈᒋᑖᑦ ᓂᐱᐎᓂᓕᐤ, ᓀᔥᑕ ᑮ ᐹᔭᑌ ᐙᐸᑎᓕᐌᐤ ᐱᒫᑎᓯᐎᓂᓕᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ ᒥᓗᐋᒋᒧᐎᓐ ᐅᒋ:

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᓂᔥᑕᒻ ᐱᑕᕐ 5:1

ᐊᓂᑭ ᑳ ᓂᑳᓀᓕᑖᑯᓯᒋᒃ ᑳ ᐎᒉᐎᑖᑾᒃ ᓂ ᔑᑭᒪᐗᑳ, ᓂᓚ ᓀᔥᑕ ᑳ ᓂᑳᓀᓕᑖᑯᓯᔮᓐ, ᓀᔥᑕ ᑳ ᐋᓕᒧᑕᒶᒃ ᙭ ᐅ ᐙᐎᓴᑫᓕᑕᒧᐎᓇ, ᓀᔥᑕ ᑳ ᐅᐎᒋᐃᐌᔮᓐ ᐊᓂᒪ ᑭᔅᑌᓕᑖᑯᓯᐎᓐ ᑫ ᐯᒋ ᓄᑯᑖᓂᐗᒃ:

ᓂᔥᑕᒻ ᒑᓐ 1:1

ᐊᓂᒪ ᒪᐗᒋ ᓃᔥᑕᒻ ᑳ ᑮ ᐅᒌᒃ, ᑳ ᑮ ᐯᑕᒫᒃ, ᓂᔥᑭᔑᑯᓈᓇ ᑳ ᑮ ᐅᒋ ᐙᐸᑕᒫᒃ, ᑳ ᑮ ᑲᓇᐙᐸᑕᒫᒃ, ᓀᔥᑕ ᑳ ᑮ ᓵᒥᓇᒫᒃ ᐱᒫᑎᓯᐎᓂ ᐋᔭᒥᐎᓐ;

ᓂᔥᑕᒻ ᒑᓐ 2:25

ᐁᐗᑯ ᒫᑲ ᐅᒪ ᐊᔓᑕᒫᑫᐎᓐ ᑳ ᑮ ᐊᔓᑕᒫᑕᒃ, ᑳᑭᑫ ᐱᒫᑎᓯᐎᓐ ᐅᑎ᙮

ᓂᔥᑕᒻ ᒑᓐ 3:5

ᑭ ᑭᔅᑫᓕᑌᓇᐗᐤ ᒫᑲ ᐁ ᑮ ᓄᑯᐋᑲᓂᐎᑦ ᑭᒋ ᐅᑎᓇᒃ ᑭ ᒪᒋᑐᑕᒧᐎᓂᓇᐗ: ᐎᓚ ᒫᑲ ᓇᒪᐎᓚ ᐱᒋᔅᑳᑯ ᒪᒋᑣᐎᓂᓕᐤ᙮

ᓂᔥᑕᒻ ᒑᓐ 3:8

ᐊᓇ ᑳ ᒪᒋᑐᑕᒃ ᒪᒋᒪᓂᑐᒃ ᐅᒋᐤ; ᐌᓴ ᒪᒋᒪᓂᑐ ᓃᔥᑕᒻ ᐅᒋ ᑮ ᐯᒋ ᒪᒋᑐᑕᒻ᙮ ᐁᐗᑯ ᐌᒋ ᑮ ᓄᑯᐋᑲᓂᐎᓕᒋ ᑭᒋᒪᓂᑐ ᐅᑯᓯᓴ, ᑭᒋ ᓂᔑᐗᓈᒋᑕᐙᓕᒋ ᒪᒋᒪᓂᑐᐗ ᐅᑦ ᐊᑑᔅᑫᐎᓂᓕᐗ᙮

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᓂᔥᑕᒻ ᒑᓐ 4:2

ᐅᒪ ᑭ ᑳ ᐅᒋ ᑭᔅᑫᓕᒥᒪᐙᐗ ᑭᒋᒪᓂᑐ ᐅᑦ ᐊᒑᑾ᙮ ᒥᓯᐌ ᑕᑐ ᐊᒑᒃ ᑳ ᐃᑕᒃ ᒋᓴᔅ ᙭ᑕ ᐎᔮᓯᒃ ᐁ ᑮ ᑕᑯᔑᓂᓕᒋ, ᑭᒋᒪᓂᑐᒃ ᐅᒋᐤ᙮

ᓂᔥᑕᒻ ᒑᓐ 5:11

ᐁᐗᑯ ᐅᒪ ᒫᑲ ᑎᐹᒋᒧᐎᓐ, ᐁ ᑮ ᒥᓕᑕᒃ ᑭᒋᒪᓂᑐ ᑳᑭᑫ ᐱᒫᑎᓯᐎᓂᓕᐤ; ᐅᒣᓕᐤ ᐱᒫᑎᓯᐎᓂᓕᐤ ᒫᑲ ᐱᒋᔅᑳᑯᓕᐗ ᐅᑯᓯᓴ᙮

ᓂᔥᑕᒻ ᒑᓐ 5:13

ᐅᐅ ᑫᒀᓇ ᑭ ᑮ ᒪᓯᓇᐊᒫᑎᓇᐗᐤ ᑭᓚᐗᐤ ᑳ ᑖᐺᔦᓕᑕᒬᒃ ᐅᑦ ᐃᔑᓂᑳᓱᐎᓐ ᑭᒋᒪᓂᑐ ᐅᑯᓯᓴ; ᑭᒋ ᑭᔅᑫᓕᑕᒣᒃ ᐁ ᐋᔭᔦᒃ ᑳᑭᑫ ᐱᒫᑎᓯᐎᓐ, ᓀᔥᑕ ᑭᒋ ᑖᐺᔦᓕᑕᒬᒃ ᐅᑦ ᐃᔑᓂᑳᓯᐎᓈ ᑭᒋᒪᓂᑐ ᐅᑯᓯᓴ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮