3 ᒫᑲ ᑮᔥᐱᓐ ᐊᐌᓇ ᐃᓕᓕᐤ ᓯᐋᑭᐋᑴ ᑭᒋᒪᓂᑐᐗ, ᐁᐗᒀᓇ ᓀᔥᑕ ᑳ ᑭᔅᑫᓕᒥᑯᑦ᙮
ᐁᑯ ᒫᑲ ᑫ ᐃᑕᑭᒃ, ᓇᒪᐎᔅᑳᑦ ᑭ ᐅᒋ ᑭᔅᑫᓕᒥᑎᓇᐗᐤ: ᐊᐗᔅ ᓇᑲᔒᒃ ᑭᓚᐗᐤ ᑳ ᒪᒋᑐᑕᒣᒃ᙮
ᓂᓚ ᐁᐗᑯ ᒥᓗ ᒫᓂᔥᒑᓂᔑᐎᓕᓕᐤ, ᓀᔥᑕ ᓂ ᑭᔅᑫᓕᒫᐗᒃ ᓂ ᒫᓂᔥᒑᓂᔑᒪᒃ, ᓀᔥᑕ ᓂ ᑭᔅᑫᓕᒥᑾᒃ ᐊᓂᑭ ᑳ ᑎᐱᓚᐌᐎᓯᔮᓐ᙮
ᐃᑌᐤ ᐁᑯ ᓂᔅᑡᐤ, ᓵᐃᒪᓐ, ᒑᓐ ᐅᑯᓯᓴ, ᑭ ᓵᑭᐃᓐ ᓈ? ᐱᑕᕐ ᓇᒪ ᑭ ᓇᐁᓕᑕᒻ ᐁᑯ ᓂᔅᑡᐤ ᐁ ᑮ ᐃᑎᑯᑦ, ᑭ ᓵᑭᐃᓐ ᓈ? ᑮ ᐃᑌᐤ ᒫᑲ, ᑌᐯᓕᒋᑫᔭᓐ, ᑭ ᑭᔅᑫᓕᑌᓐ ᒥᓯᐌ ᑫᒀᓇ; ᑭ ᑭᔅᑫᓕᑌᓐ ᐁ ᓵᑭᐃᑖᓐ᙮ ᒋᓴᔅ ᐃᑌᐤ, ᐊᔕᒥᒃ ᓂ ᒫᓂᔥᒑᓂᔑᒪᒃ᙮
ᑭᒋᒪᓂᑐ ᓇᒪᐎᓚ ᑮ ᐌᐱᓀᐤ ᐅᑦ ᐃᓕᓕᒪ ᐊᓂᐃ ᑳ ᑮ ᓂᑳᓂᑭᔅᑫᓕᒫᑦ᙮ ᓇᒪ ᓈ ᑭ ᑭᔅᑫᓕᑌᓇᐗᐤ ᑖᓐ ᐁᑗᒪᑲᒃ ᐅᒪᓯᓇᐃᑫᐎᓂᒃ ᐃᓛᐃᒐ? ᐁ ᑮ ᐃᔑ ᐋᔭᒥᐁᔅᑕᐙᐧ ᑭᒋᒪᓂᑐᐗ ᐃᔅᕃᐃᓚ ᐁ ᒫᒥᔑᒫᑦ, ᐁ ᐃᑗᑦ,
ᐌᓴ ᐊᓄᒡ ᑭ ᐸᔅᐹᐱᓈᓇᐤ ᐁᑳ ᐁ ᐸᑲᔅᑭᓇᒪᒃ; ᒫᑲ ᐊᓂᒪ ᐃᔅᐱ ᒥᑖᔅᑕᒥᒃ ᑲᑕ ᐸᑲᔅᑭᓇᒧᒪᑲᓐ ᒥᑖᔅᑕᒥᒃ: ᐊᓄᒡ ᐸᔅᑭ ᓂ ᑭᔅᑫᓕᒋᑳᓐ; ᒫᑲ ᐊᓂᒪ ᐃᔅᐱ ᓂ ᑳ ᑭᔅᑫᓕᒋᑳᐤ ᑖᐱᔅᑯᒡ ᐁ ᐃᔑ ᑭᔅᑫᓕᒥᑲᐎᔮᓐ᙮
ᒫᑲ, ᐁ ᐃᑕᓯᓇᐃᑳᑌᒃ, ᒥᔅᑭᔑᒃ ᓇᒪᐎᓚ ᑮ ᐅᒋ ᐙᐸᑕᒧᒪᑲᓐ, ᓇᒪ ᓀᔥᑕ ᒥᑕᐗᑳᔾ ᑮ ᐯᑕᒧᒪᑲᓐ, ᓇᒪ ᓀᔥᑕ ᑮ ᐱᑐᑫᒪᑲᓂᓕᐗ ᐅᑌᐃᒃ ᐃᓕᓕᐤ, ᐊᓂᐃ ᑭᒋᒪᓂᑐ ᑳ ᑮ ᐙᐌᔑᑕᒪᐙᑦ ᐊᓂᐃ ᑳ ᓵᑭᐃᑯᑦ᙮
ᒫᑲ ᐊᓄᒡ, ᐋᔕᔾ ᐁ ᑮ ᑭᔅᑫᓕᒣᒃ ᑭᒋᒥᓂᑐ, ᓀᔥᑕᐱᑯ ᓇᐗᒡ ᐁ ᑮ ᑭᔅᑫᓕᒥᑖᒃ ᑭᒋᒪᓂᑐ, ᑖᓀᑭ ᐌᒋ ᒥᓇ ᑴᔅᑭᔅᑕᒣᒃ ᑳ ᓕᓚᒥᓯᒪᑲᑭ ᓀᔥᑕ ᑭᑎᒫᑲᑭ ᓂᔥᑕᒻ ᑭᔅᑭᓄᐊᒫᑫᐎᓇ, ᐊᓂᐃ ᑳ ᓇᑕᐌᓕᑕᒣᒃ ᒥᓇ ᑭᒋ ᐊᐗᑳᑎᑯᔦᒃ?
ᐁᓕᐌᒃ ᒫᑲ, ᑭᒋᒪᓂᑐ ᐅᑦ ᐅᓚᔅᑕᒋᑲᓐ ᐊᔨᑕᔅᑌᓕᐤ, ᐅᒪ ᐁ ᐃᔑ ᑭᔅᑭᓄᐙᒋᒋᑳᑌᒃ, ᐅᑎᐯᓕᒋᑫᐤ ᑭᔅᑫᓕᒣᐤ ᐊᓂᐃ ᑳ ᑎᐱᓚᐌᐎᓯᑦ: ᓀᔥᑕ ᐁᑯᔑ ᒥᓯᐌ ᑕᑐ ᐊᐌᓇ ᑳ ᐙᐎᑕᒸᑦ ᐅᑦ ᐃᔑᓂᑳᓱᐎᓂᓕᐤ ᙭ᑕ, ᑲᑕ ᓇᑲᑕᒻ ᒪᒑᑎᓯᐎᓂᓕᐤ᙮
ᔕᐌᓕᑖᑯᓯᐤ ᐊᓇ ᐃᓕᓕᐤ ᑳ ᑎᐸᒪᒋᑖᑦ ᑲᑴᒋᐃᑯᓯᐎᓂᓕᐤ: ᐌᓴ ᐃᔅᐱ ᑮ ᑲᑴᒋᐋᑲᓂᐎᑌ, ᑲᑕ ᒥᓚᐤ ᐱᒫᑎᓯᐎᓂ ᑭᒋᐅᑭᒪᐗᔅᑐᑎᓂᓕᐤ, ᐅᑎᐯᓕᒋᑫᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ᙮
ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?
ᐊᓇ ᐋᑕ ᐁᑳ ᐁ ᑮ ᐙᐸᒣᒃ, ᑭ ᓵᑭᐊᐗᐤ; ᐊᓇ, ᐋᑕ ᐁᑳ ᐊᓄᒡ ᐁ ᐙᐸᒣᒃ, ᐁᓕᐌᒃ ᒫᑲ ᐁ ᑖᐺᑕᒣᒃ, ᑭ ᒥᓚᐙᑌᓇᐗᐤ ᐊᓂᒪ ᒥᓚᐙᑕᒧᐎᓂᒃ ᐁᑳ ᑫ ᑮ ᐎᒋᑳᑌᒃ ᓀᔥᑕ ᐁ ᓵᑲᔅᑭᓀᒃ ᑭᔅᑌᓕᑖᑯᓯᐎᓐ:
ᑭ ᓵᑭᐋᓇᐤ ᐎᓕᔅᑕᒻ ᐁ ᑮ ᓵᑭᐃᑕᒃ᙮
ᓯᐋᑭᐃᑕᑾᒃ, ᐁᑯᔑ ᓵᑭᐃᑐᑕᐤ: ᐌᓴ ᓵᑭᐃᐌᐎᓐ ᑭᒋᒪᓂᑐᒃ ᐅᒋᐸᓕᐤ; ᓀᔥᑕ ᒥᓯᐌ ᑕᑐ ᐊᐌᓇ ᑳ ᓵᑭᐃᐌᑦ ᑭ ᓂᑕᐎᑭᐃᑯ ᑭᒋᒪᓂᑐᐗ, ᓀᔥᑕ ᑭᔅᑫᓕᒣᐤ ᑭᒋᒪᓂᑐᐗ᙮
ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᐃᑕ ᑳ ᐎᑭᔭᓐ, ᐊᓐᑕ ᐅᑎ ᐁ ᐃᑕᑾᓂᓕᒃ ᓭᑕᓐ ᐅᑦ ᐊᐱᐎᓐ: ᑭ ᒪᔥᑲᐎ ᒥᒋᒥᓀᓐ ᒫᑲ ᓂᑦ ᐃᔑᓂᑳᓱᐎᓐ, ᓇᒪ ᓀᔥᑕ ᑭ ᑮ ᐋᓉᑌᓐ ᓂ ᑖᐺᔦᓕᑕᒧᐎᓐ, ᐊᐳᒋᑲ ᒣᒀᒡ ᐊᓂᐃ ᐁ ᑭᔑᑳᑭ ᐃᔅᐱ ᐋᓐᑎᐹᔅ ᑳ ᒀᔭᔅᑭᑎᑦ ᓂ ᒫᕐᑕᐱᒻ, ᑳ ᑭ ᓂᐸᐋᑲᓂᐎᑦ ᐃᑕ ᐁ ᐃᑖᔦᒃ, ᐃᑕ ᓭᑖᓐ ᑳ ᐎᑭᑦ᙮
ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭ ᓵᑭᐃᐌᐎᓐ, ᓀᔥᑕ ᑭᑦ ᐋᐸᑎᓯᐎᓐ, ᓀᔥᑕ ᑭ ᑖᐺᔦᓕᑕᒧᐎᓐ, ᓀᔥᑕ ᑭ ᔑᐱᓚᐌᓯᐎᓐ, ᓀᔥᑕ ᑭᑦ ᐊᑑᔅᑫᐎᓇ; ᓀᔥᑕ ᐊᓂᐃ ᒫᒋᒡ ᐊᐙᓯᑌ ᐁ ᑭᔅᑕᑭᑖᑾᑭ ᐃᔥᐱᔥ ᐊᓂᐃ ᓃᔥᑕᒻ᙮
ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᑭᑦ ᐊᓕᒥᓯᐎᓐ, ᓀᔥᑕ ᑭ ᒪᓀᓯᐎᓐ, (ᒫᑲ ᑮ ᒥᔕᑭᓯᓐ,) ᓂ ᑭᔅᑫᓕᑕᒸᓐ ᐅ ᐹᔅᑕᒧᐎᓂᐙᐗ ᐊᓂᑭ ᓂ ᒎᐎᓈᓐ ᑳ ᐃᑗᒋᒃ ᐁᑳ ᒫᑲ ᐁᐗᑯ ᑳ ᑐᐎᑳᓂᐎᒋᒃ, ᒫᑲ ᑳ ᐅᑦ ᐋᔭᒥᐁᐎᑲᒥᒥᑯᒋᒃ ᓭᑕᓇ᙮
