9 ᑭ ᑮ ᒪᓯᓇᐊᒫᑎᓇᐗᐤ ᒪᓯᓇᐊᒫᑫᐎᓂᒃ ᐁᑳ ᑭᒋ ᐅ ᐎᒉᐙᑲᓂᔦᒃ ᐅᐱᔑᒀᑎᓯᔅᑲᒃ:
ᐁᓕᐌᒃ ᒫᑲ ᓇᒪᐎᓚ ᒥᑐᓂ ᑭ ᑭᑕᐊᒫᑎᓇᐗᐤ ᑭᒋ ᐎᒉᐌᑾᒃ ᐅᐱᔑᒀᑎᓰᔅᑲᒃ ᐅᑕ ᐊᔅᑮᒃ, ᓀᔥᑕ ᐅ ᒧᔅᑌᓇᒫᑫᔅᑲᒃ, ᓀᔥᑕ ᐅᒪᔅᑲᑗᔅᑲᒃ, ᓀᔥᑕ ᑳ ᓇᐗᑭᔅᑕᐙᒋᒃ ᒪᓂᑐᑳᓇ; ᐌᓴ ᐁᑯᔅᐱ ᑫ ᐗᓚᐎᔦᑯᐸᓐ ᐊᔅᑮᒃ ᐅᒋ᙮
ᓀᔥᑕ ᑭ ᑭᔅᑌᓕᒧᓇᐗᐤ, ᓇᒪ ᓀᔥᑕ ᓇᐗᒡ ᑭ ᓇᓀᑳᒋᒧᓇᐗᐤ, ᐊᓇ ᑳ ᑮ ᑐᑕᒃ ᐅᒣᓕᐤ ᑭᒋ ᐃᑲᑌᓈᑲᓂᐎᑦ ᐃᑕ ᐁ ᐃᑕᔦᒃ᙮
ᐌᐱᓂᒃ ᒫᑲ ᑳᔮᔥ ᐅᐱᓯᑲᓐ, ᑭᒋ ᐅᔥᑭ ᒥᓯᐌᓯᔦᒃ, ᐁᑳ ᐁ ᐅᐱᓯᐃᑲᐎᔦᒃ᙮ ᐌᓴ ᐙᐙᒡ ᙭ ᑮ ᒥᔮᔥᑳᑫᐎ ᒫᓂᔥᒑᓂᔑᔑᒪᐤ ᓂᐸᐋᑲᓂᐎᐤ ᑭᓚᓈᓇᐤ ᐅᒋ:
ᐁᑳᐎᓚ ᓇᔅᐹᒡ ᑭ ᑳ ᐊᓯᒋᐱᓱᓇᐗᐤ ᐊᓂᑭ ᐁᑳ ᑳ ᑖᐺᑕᑭᒃ: ᐌᓴ ᑖᓂ ᑫ ᐃᔑ ᐎᒉᑐᒪᑲᒃ ᒀᔭᔅᑭᑖᑎᓯᐎᓐ ᐊᓯᒋ ᒪᒑᑎᓯᐎᓐ? ᓀᔥᑕ ᑖᓂ ᑫ ᐃᔑ ᐎᒉᑐᒪᑲᒃ ᐙᓭᔮᓯᐎᓐ ᐊᓯᒋ ᐗᓂᑎᐱᔅᑭᓯᐎᓐ?
ᐁᐗᑯ ᐅᒋ ᐯᒋ ᐙᓚᐎᒃ ᐃᑕ ᐁ ᐃᑖᒋᒃ, ᓀᔥᑕ ᐸᑳᓂᐃᑎᓱᒃ, ᐃᑗᐤ ᐅᑎᐯᓕᒋᑫᐤ, ᐁᑳᐎᓚ ᓀᔥᑕ ᓵᒥᓇᒧᒃ ᐊᓂᒪ ᑳ ᐎᓕᐹᒃ; ᑭ ᑳ ᐅᑎᓂᑎᓇᐗᐤ ᒫᑲ,
ᐁᑳᐎᓚ ᒫᑲ ᐎᒉᐙᑲᓂᑕᒪᒃ ᐊᓂᐃ ᐁᑳ ᑳ ᒥᓂᔑᐗᑭ ᐗᓂᑎᐱᔅᑭᓯᐎ ᐊᑑᔅᑫᐎᓇ, ᒫᑲ ᐊᐙᓯᑌ ᑭᑐᑕᒧᒃ᙮
ᑮᔥᐱᓐ ᒫᑲ ᐊᐌᓇ ᐃᓕᓕᐤ ᐁᑳ ᓇᓇᐃᑕᑫ ᓂᑦ ᐋᔭᒥᐎᓂᓈᓐ ᐅᒪ ᒪᓯᓇᐃᑫᐎᓂᒃ, ᒪᓯᓇᐅᒃ ᐊᓇ ᐃᓕᓕᐤ, ᐁᑳᐎᓚ ᓀᔥᑕ ᐎᒉᐎᒃ, ᑭᒋ ᓇᓀᐯᐎᓯᑦ᙮
ᑭᑦ ᐃᑕᔓᒥᑎᓈᓐ ᒫᑲ, ᓂᒋᔖᓂᑐᒃ, ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᑭᒋ ᓇᑲᑌᒃ ᒥᓯᐌ ᑕᑐ ᐎᒋᔖᓂᒪᐤ ᐁᑳ ᒀᔭᔉ ᑳ ᐱᒧᑌᑦ, ᓀᔥᑕ ᐁᑳ ᑳ ᓄᔅᐱᓇᑕᒃ ᐊᓂᐁᓕᐤ ᑭᔅᑭᓄᐊᒫᑫᐎᓂᓕᐤ ᑳ ᑮ ᒥᓚᒃ᙮
