ᓂᔥᑕᒻ ᑯᕆᓐᑎᐊᓇ 4:6 - ᐅᔅᑭ ᑎᔅᑌᒥᓐᑦ

⁶ ᐅᐅ ᑫᒀᓇ, ᓂᒋᔖᓂᑐᒃ, ᑭᔅᑭᓄᐙᒋᒋᑲᓇᒃ ᓂ ᑮ ᐊᔓᐃᐎᓇᒫᓱᓐ ᓀᔥᑕ ᐊᐸᓚᔅ ᑭᓚᐗᐤ ᐅᒋ; ᑭᒋ ᐃᔑ ᑭᔅᑫᓕᑕᒣᒃ ᓂᓚᓈᓐ ᐅᒋ ᐁᑳ ᐋᓕᐙᒃ ᑭᒋ ᐃᑌᓕᒣᑾᒃ ᐃᓕᓕᐗᒃ, ᐃᔥᐱᔥ ᑳ ᐃᑕᓯᓇᐃᑳᑌᒃ, ᐁᑳ ᐊᐌᓇ ᐁ ᐃᑕᔑᔦᒃ ᑭᒋ ᑭᔅᑌᓕᒥᑎᓱᔅᑕᐙᑦ ᑯᑕᑭᔭ᙮

ᓂᔥᑕᒻ ᑯᕆᓐᑎᐊᓇ 4:6 Iomraidhean Croise

ᐊᐸᔅᑕᓚᒃ 18:24

ᐯᔭᒃ ᒫᑲ ᒎ, ᐊᐳᓚᔅ ᑳ ᐃᔑᓂᑳᓱᑦ, ᐁ ᑮ ᓂᑖᐎᑭᑦ ᐋᓕᒃᓴᓐᑦᕆᔭᐃᒃ, ᑳ ᓂᑕ ᐊᔭᒥᑦ ᐃᓕᓕᐤ, ᓀᔥᑕ ᐁ ᑲᑫᑕᐌᓕᑕᒃ ᑭᒋᒪᓯᓇᐃᑫᐎᓂᒃ, ᑮ ᐯᒋ ᑕᑯᔑᓐ ᐊᓐᑕ ᐃᐱᓴᓯᒃ᙮

ᐊᐸᔅᑕᓚᒃ 19:1

ᑮ ᐃᑭᓐ ᒫᑲ, ᒣᒀᒡ ᐊᐳᓚᔅ ᑳ ᐃᑖᑦ ᑯᕆᓐᑎᒃ, ᐹᓪ ᐋᔕᔾ ᐁ ᑮ ᔕᐳᔥᑲᒃ ᓐᑎᒥᒃ ᐃᑌᑫ ᐊᓂᐁᓕᐤ ᐊᔅᑭᓕᐤ, ᑮ ᐯᒋ ᐃᑐᑌᐤ ᐃᐱᓴᓯᒃ: ᐁ ᒥᔅᑲᐙᑦ ᒫᑲ ᐊᑎᑦ ᑭᔅᑭᓄᐊᒪᐗᑲᓇ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:3

ᐌᓴ ᓂᑦ ᐃᑡᓐ, ᐊᓂᒪ ᔕᐌᓕᒋᑫᐎᓐ ᐅᒋ ᑳ ᒥᓕᑳᐎᔮᓐ, ᒥᓯᐌ ᑕᑐ ᐊᐌᓇ ᐁ ᐃᑕᔑᔦᒃ, ᐁᑳᐎᓚ ᐊᐙᓯᑌ ᑭᒋ ᑭᔅᑌᓕᒥᑎᓱᑦ ᐃᔥᐱᔥ ᑫ ᐃᑌᓕᒥᑎᓱᔅᐸᓐ; ᒫᑲ ᑭᒋ ᐯᑳᒡ ᐃᑌᓕᑕᒃ, ᑖᐱᔅᑯᒡ ᑭᒋᒪᓂᑐ ᐁ ᑭᑮ ᐃᔥᐱᔑ ᒫᑎᓇᒫᐙᑦ ᒥᓯᐌ ᑕᑐ ᐊᐌᓕᐗ ᑖᐺᔦᓕᑕᒧᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 1:12

ᐅᒪ ᒫᑲ ᓂᑦ ᐃᑣᓐ, ᒥᓯᐌ ᑕᑐ ᐁ ᐃᑕᔑᔦᒃ ᐁ ᐃᑗᑦ, ᓂᓚ ᓂ ᓄᔅᐱᓇᑕᐤ ᐹᓪ; ᓀᔥᑕ ᓂᓚ ᐊᐸᓚᔅ; ᓀᔥᑕ ᓂᓚ ᓯᐸᔅ; ᓀᔥᑕ ᓂᓚ ᙭᙮

ᓂᔥᑕᒻ ᑯᕆᓐᑎᐊᓇ 1:19

ᐌᓴ ᐃᑕᓯᓇᐃᑳᑌᐤ, ᓂ ᑳ ᓂᔑᐗᓈᒋᑕᐙᓐ ᐅ ᑲᑫᑕᐌᓕᑕᒧᐎᓂᐗᐤ ᐅᑲᑫᑕᐌᓕᑕᒶᒃ, ᓀᔥᑕ ᓂ ᑳ ᐃᔥᒀᐸᓕᑕᒸᓐ ᐅ ᓂᓯᑐᑕᒧᐎᓂᐗᐤ ᐅᓕᑆᑳᐗᒃ᙮

ᓂᔥᑕᒻ ᑯᕆᓐᑎᐊᓇ 1:31

ᑭᒋ ᐃᑭᒃ ᐁ ᐃᑕᓯᓇᐃᑳᑌᒃ, ᐊᓇ ᑳ ᒫᒫᑖᑯᒧᑦ, ᐁᑯᔑ ᑲᑕ ᒫᒫᑖᑯᒧ ᐅᑎᐯᓕᒋᑫᒃ᙮

ᓂᔥᑕᒻ ᑯᕆᓐᑎᐊᓇ 13:4

ᓵᑭᐃᐌᐎᓐ ᔑᐱᓚᐌᓯᒪᑲᓐ, ᓀᔥᑕ ᑭᔐᐙᑎᓯᒪᑲᓐ; ᓵᑭᐃᐌᐎᓐ ᓇᒪᐎᓚ ᐅᑌᓕᒋᑫᒪᑲᓐ; ᓵᑭᐃᐌᐎᓐ ᓇᒪᐎᓚ ᒫᒪᑖᑯᒥᑎᓱᒪᑲᓐ, ᓇᒪᐎᓚ ᒫᒪᑖᑯᓯᒪᑲᓐ,

ᓂᔥᑕᒻ ᑯᕆᓐᑎᐊᓇ 3:19

ᐌᓴ ᐅᒪ ᐊᔅᑭ ᑲᑫᑕᐌᓕᑕᒧᐎᓐ ᑲᑫᐹᑎᓯᐎᓐ ᐃᑌᓕᑕᒻ ᑭᒋᒪᓂᑐ᙮ ᐌᓴ ᐃᑕᓯᓇᐃᑳᑌᐤ, ᑎᐱᓚᐌ ᐅ ᑲᑳᔦᓕᓯᐎᓂᓕᒃ ᒫᒋᑯᓀᐤ ᐊᓂᐃ ᑳ ᑲᑫᑕᐌᓕᑕᒥᓕᒋ᙮

ᓂᔥᑕᒻ ᑯᕆᓐᑎᐊᓇ 3:21

ᐁᐗᑯ ᐅᒋ ᐁᑳᐎᓚ ᐊᐌᓇ ᑲᑕ ᒫᒪᑖᑯᒧ ᐃᓕᓕᓈᒃ ᐃᔑ; ᐌᓴ ᒥᓯᐌ ᑫᒀᓇ ᑭᑦ ᐅᑦ ᐋᔮᓂᓇᐗᐤ:

ᓂᔥᑕᒻ ᑯᕆᓐᑎᐊᓇ 5:2

ᓀᔥᑕ ᑭ ᑭᔅᑌᓕᒧᓇᐗᐤ, ᓇᒪ ᓀᔥᑕ ᓇᐗᒡ ᑭ ᓇᓀᑳᒋᒧᓇᐗᐤ, ᐊᓇ ᑳ ᑮ ᑐᑕᒃ ᐅᒣᓕᐤ ᑭᒋ ᐃᑲᑌᓈᑲᓂᐎᑦ ᐃᑕ ᐁ ᐃᑕᔦᒃ᙮

ᓂᔥᑕᒻ ᑯᕆᓐᑎᐊᓇ 5:6

ᑭ ᒫᒪᑖᑯᒧᐎᓂᐗᐤ ᓇᒪᐎᓚ ᒥᓨᔑᓐ, ᓇᒪ ᓈ ᑭ ᑭᔅᑫᓕᑌᓇᐗᐤ ᒫᓐᔑᔥ ᐅᐱᓯᑲᓐ ᒥᓯᐌ ᐁ ᐅᐱᓯᑫᒪᑲᒃ?

ᓂᔥᑕᒻ ᑯᕆᓐᑎᐊᓇ 8:1

ᐊᓂᐃ ᑫᒀᓇ ᒫᑲ ᑳ ᐸᑭᑎᓇᒫᒋᒃ ᒪᓂᑐᑳᓂᒃ, ᑭ ᑭᔅᑫᓕᑌᓈᓇᐤ ᒥᓯᐌ ᐁ ᐃᑕᔑᔭᒃ ᐁ ᐊᔮᔭᒃ ᑭᔅᑫᓕᑕᒧᐎᓐ᙮ ᑭᔅᑫᓕᑕᒧᐎᓐ ᑭᔅᑌᓕᒧᔅᑳᑫᒪᑲᓐ, ᒫᑲ ᓵᑭᐃᐌᐎᓐ ᑭᔅᑭᓄᐊᒫᑫᒪᑲᓐ᙮

ᓂᔥᑕᒻ ᑯᕆᓐᑎᐊᓇ 9:23

ᐅᒪ ᓀᔥᑕ ᓂ ᑐᑌᓐ ᒥᓗᐋᒋᒧᐎᓐ ᐅᒋ, ᑭᒋ ᑮ ᐅᑎᓇᒫᓐ ᐊᓯᒋ ᑯᑕᑭᔭᒃ᙮

ᓂᔓ ᑯᕆᓐᑎᐊᓇ 10:12

ᐌᓴ ᓇᒪᐎᓚ ᓂ ᑳ ᑮ ᐊᔑᑕᑭᒥᑎᓱᓈᓐ, ᓇᒪ ᓀᔥᑕ ᓂ ᑳ ᑮ ᐊᓯᒋ ᐃᑌᓕᒥᑎᓱᓈᓐ ᐊᓂᑭ ᐋᑎᑦ ᑳ ᒥᓗᐋᓕᒧᒥᑎᓱᒋᒃ: ᒫᑲ ᐎᓇᐗᐤ ᑖᑎᐱᓚᐌ ᐁ ᑖᑎᐸᐅᓱᒋᒃ, ᓀᔥᑕ ᑖᑎᐱᓚᐌ ᐁ ᑖᐱᔅᑯᑌᓕᒥᑎᓱᒋᒃ, ᓇᒪᐎᓚ ᑲᑫᑕᐌᓕᑕᒶᒃ᙮

ᓂᔓ ᑯᕆᓐᑎᐊᓇ 10:15

ᐁᑳ ᐊᐙᓯᑌ ᐁ ᒫᒫᑖᑯᒧᔮᒃ ᑳ ᐃᔅᐱᒋᑭᑎᔮᒃ, ᑯᑕᑭᔭᒃ ᐃᓕᓕᐗᒃ ᐅᑦ ᐊᑑᔅᑫᐎᓂᐙᒃ; ᒫᑲ ᐁ ᐊᔅᐯᓕᒧᔮᒃ, ᐃᔅᐱ ᑭ ᑖᐺᔦᓕᑕᒧᐎᓂᐗᐤ ᐊᑎ ᓚᑭᐸᓕᑫ ᑭᒋ ᑭᔅᑌᓕᑖᑯᐃᑲᐎᔮᒃ ᑭᓚᐗᐤ ᐅᒋ ᑳ ᐃᑕᔅᑌᒃ ᐅᒪ ᓂ ᑎᐹᔨᑲᓂᓈᓐ,

ᓂᔓ ᑯᕆᓐᑎᐊᓇ 10:7

ᑭ ᑲᓇᐙᐸᑌᓇᐗᐤ ᓈ ᑫᒀᓇ ᐁ ᐃᔑᓈᑾᑭ ᐗᔅᑮᒡ? ᑮᔥᐱᓐ ᐊᐌᓇ ᐃᓕᓕᐤ ᒣᒥᔑᑐᑕᓱᒋ ᐁ ᑎᐯᓕᒥᑯᑦ ᙭ᑕ, ᐁᑯᔑ ᐅᒣᓕᐤ ᓀᔥᑕ ᑲᑕ ᐃᑌᓕᑕᒻ, ᑖᐱᔅᑯᒡ ᐁ ᐃᔑ ᑎᐯᓕᒥᑯᑦ ᙭ᑕ, ᐁᑯ ᑖᐱᔅᑯᒡ ᓀᔥᑕ ᓂᓚᓈᓐ ᐁ ᑎᐯᓕᒥᔭᒥᑦ ᙭᙮

ᓂᔓ ᑯᕆᓐᑎᐊᓇ 11:4

ᐌᓴ ᑮᔥᐱᓐ ᐊᓇ ᑳ ᐯᒋ ᐃᑐᑌᑦ ᑲᑫᔅᑭᒥᐌᑌ ᑯᑕᑭᔭ ᒋᓴᓴ, ᐁᑳ ᑳ ᑮ ᑲᑫᔅᑭᒥᐌᔮᒃ ᓂᓚᓈᓐ, ᓀᔥᑕᐱᑯ ᑮᔥᐱᓐ ᐅᑎᓀᑴ ᑯᑕᒃ ᐊᒑᒃ ᐁᑳ ᑳ ᑮ ᐅᑎᓀᒃ, ᓀᔥᑕᐱᑯ ᑯᑕᒃ ᒥᓗᐋᒋᒧᐎᓐ, ᐁᑳ ᑳ ᑮ ᐅᑎᓇᒣᒃ, ᑖᐺ ᑭ ᑳ ᔑᐱᓚᐌᓯᔅᑕᐙᑕᐗᐤ᙮

ᓂᔓ ᑯᕆᓐᑎᐊᓇ 12:19

ᒥᓇ, ᑭᑦ ᐃᑌᓕᑌᓇᐗᐤ ᓈ ᐁ ᐎ ᒫᒥᓄᒥᑎᓯᔅᑖᑕᑾᒃ? ᐅᑎᔥᑲᐤ ᑭᒋᒪᓂᑐ ᙭ᑎᒃ ᓂᑦ ᐋᔭᒥᓈᓐ: ᒫᑲ ᒥᓯᐌ ᑫᒀᓇ ᓂ ᑐᑌᓈᓐ, ᑫᒋ ᓵᑭᐃᑕᑾᒃ, ᑭᓚᐗᐤ ᑭᒋ ᑭᔅᑭᓄᐊᒫᑲᐎᔦᒃ᙮

ᓂᔓ ᑯᕆᓐᑎᐊᓇ 12:20

ᐌᓴ ᓂ ᑯᔅᑖᒋᓐ, ᒫᔅᑯᒡ, ᐃᔅᐱ ᑕᑯᔑᓂᔮᓀ, ᓇᒪᐎᓚ ᑭ ᑳ ᒥᔅᑳᑎᓇᐗᐤ ᑫ ᐃᔑ ᓇᑕᐌᓕᑕᒫᓐ, ᓀᔥᑕ ᓇᒪᐎᓚ ᑭ ᑳ ᒥᔅᑲᐎᓇᐗᐤ ᒬᒋ ᐁ ᐃᔑ ᓇᑕᐌᓕᑕᒣᒃ: ᒫᔅᑯᒡ ᑲᑕ ᐃᑕᑾᓋ ᐊᔑᑌᒥᑐᐎᓇ, ᐅᑌᓕᒥᑐᐎᓇ, ᐋᑯᓚᐌᓰᐎᓇ, ᒀᓗᑐᑖᑐᐎᓇ, ᐸᑾᓄᒥᑐᐎᓇ, ᑭᒧᒋᐃᑗᐎᓇ, ᑭᔅᑌᓕᒥᑎᓱᐎᓇ, ᐊᓕᒥᒥᑐᐎᓇ:

ᓂᔓ ᑯᕆᓐᑎᐊᓇ 12:6

ᐌᓴ ᐋᑕ ᐁ ᐎ ᓇᑕᐌᓕᑕᒫᐸᓐ ᑭᒋ ᒫᒪᑖᑯᒧᔮᓐ, ᓇᒪᐎᓚ ᓂ ᑳ ᑮᔥᒀᓐ: ᐌᓴ ᓂ ᑳ ᑖᑆᓐ: ᒫᑲ ᐊᓄᒡ ᓂ ᐳᓃᓐ, ᐁᑳᐎᓚ ᐊᐌᓇ ᐃᓕᓕᐤ ᐊᐙᓯᑌ ᑭᒋ ᐃᑌᓕᒥᑦ ᐃᔥᐱᔥ ᐊᓂᒪ ᐁ ᐃᔑ ᐙᐸᒥᑦ, ᓀᔥᑕᐱᑯ ᐃᔥᐱᔥ ᑳ ᐯᑕᒃ ᐁ ᐃᑖᒋᒥᑲᐎᔮᓐ᙮

ᓂᔓ ᑯᕆᓐᑎᐊᓇ 4:15

ᐌᓴ ᒥᓯᐌ ᑫᒀᓇ ᑭᓚᐗᐤ ᐅᒋ ᐃᑭᓋ, ᐊᓂᒪ ᐁ ᒥᒉᑎᒃ ᔕᐌᓕᒋᑫᐎᓐ, ᐅ ᓇᓈᔅᑯᒧᐎᓂᐗᐤ ᐁ ᒥᒉᑎᒋᒃ ᐅᒋ, ᑭᒋ ᐃᔅᐸᓕᓕᒃ ᑭᒋ ᐅᒋ ᑭᔅᑌᓕᑖᑯᐋᑲᓂᐎᑦ ᑭᒋᒪᓂᑐ᙮

ᑯᓚᔑᔭᓇ 2:18

ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ ᑭ ᑎᐸᐊᒫᑯᓯᐎᓂᐗᐤ, ᐃᑌᓕᑕᒪᐎ ᑕᐸᑌᓕᒥᑎᓱᐎᓂᒃ, ᓀᔥᑕ ᐁ ᓇᐗᑮᔅᑕᐙᒋᒃ ᐁᓐᒐᓚ, ᐁ ᑭᔅᑫᓕᑕᒥᑳᓱᑦ ᐊᓂᐃ ᐁᑳ ᑳ ᑮ ᐙᐸᑕᒃ, ᐸᑾᓐᑕᐤ ᐁ ᑭᔅᑌᓕᒧᐃᑯᑦ ᐅ ᐎᔮᓯᐎ ᒥᑐᓀᓕᒋᑲᓐ,

ᓂᔥᑕᒻ ᑌᓴᓗᓂᔭᓇ 1:5

ᐌᓴ ᓂ ᒥᓗᐋᒋᒧᐎᓂᓈᓐ ᓇᒪᐎᓚ ᐱᑯ ᐊᔮᒥᐎᓂᒃ ᑭ ᑮ ᐅᑎᑎᑯᓇᐗᐤ, ᒫᑲ ᑲᔥᑭᐅᐎᓂᒃ ᐊᓯᒋ, ᓀᔥᑕ ᐸᓓᑭ ᐊᒑᑯᒃ, ᓀᔥᑕ ᒥᔅᑕᐃ ᑫᒋᓇᐅᐎᓂᒃ; ᐁ ᐃᔑ ᑭᔅᑫᓕᑕᒣᒃ ᑳ ᑮ ᐃᔑᑣᔮᒃ ᐃᑕ ᐁ ᐃᑖᔦᒃ ᑭᓚᐗᐤ ᐅᒋ᙮

ᓂᔓ ᑎᒧᑎ 2:10

ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮