ᓂᔥᑕᒻ ᑯᕆᓐᑎᐊᓇ 4:5 - ᐅᔅᑭ ᑎᔅᑌᒥᓐᑦ

⁵ ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔥᑕᒻ ᑯᕆᓐᑎᐊᓇ 4:5 Iomraidhean Croise

ᐅᐸᓓᑭᔅ ᒫᑎᐤ 10:26

ᐁᐗᑯ ᐅᒋ ᐁᑳᐎᓚ ᑯᔅᑎᑯᒃ: ᐌᓴ ᓇᒪᐎᓚ ᑫᒀᓐ ᐊᑾᓇᐃᑳᑌᐤ, ᐁᑳ ᑫ ᓄᑯᑖᓂᐗᒃ; ᓀᔥᑕ ᐁ ᑳᑖᓂᐗᒃ, ᐁᑳ ᑫ ᑭᔅᑫᓕᒋᑳᑌᒃ᙮

ᐅᐸᓓᑭᔅ ᒫᑎᐤ 24:30

ᐁᑯ ᒫᑲ ᑫ ᓄᑾᓂᓕᒃ ᐅ ᑭᔅᑭᓄᐙᒋ ᐙᐸᑎᓕᐌᐎᓐ ᐃᓕᓕᐎᑯᓯᓵᓐ ᑭᔑᑯᒃ: ᐁᑯ ᒫᑲ ᒥᓯᐌ ᐁ ᐃᑕᑐᑌᐎᓯᒋᒃ ᐃᓕᓕᐗᒃ ᐅᑕ ᐊᔅᑮᒃ ᑫ ᓇᓀᑳᑌᓕᒧᒋᒃ, ᑲᑕ ᐙᐸᒣᐗᒃ ᒫᑲ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᑭᒋᑭᔑᑳᐎ ᐗᔅᑯᒃ, ᑲᔥᑭᐅᐎᓂᒃ ᓀᔥᑕ ᑭᒋ ᑭᔅᑌᓕᑖᑯᓯᐎᓂᒃ᙮

ᐅᐸᓓᑭᔅ ᒫᑎᐤ 24:46

ᔕᐌᓕᑖᑯᓯᐤ ᐊᓇ ᐊᑑᔅᑫᓛᑲᓐ ᑫ ᒥᔅᑳᑯᑦ ᐅᑦ ᐅᑭᒫᒪ ᐅᒪ ᐁ ᐃᔑ ᑐᑕᒃ ᑕᑯᔑᓂᓕᑌ᙮

ᐅᐸᓓᑭᔅ ᒫᑎᐤ 25:21

ᑮ ᐃᑎᑯ ᒫᑲ ᐅᑦ ᐅᑭᒫᒪ, ᐁᑯᔖᓂ, ᑭᓚ ᒥᓗ ᐊᑑᔅᑫᓛᑲᓐ ᐁ ᒀᔭᔅᑭᑎᔭᓐ; ᑭ ᑮ ᒀᔭᔅᑯᑐᑌᓐ ᐋᑎᑦ ᑫᒀᓇ, ᑭ ᑳ ᑎᐯᓕᑕᒥᐃᑎᓐ ᒥᒉᑦ ᑫᒀᓇ; ᐱᑐᑫᐤ ᑭᑦ ᐅᑭᒫᒻ ᐅ ᒧᒋᑫᓕᑕᒧᐎᓂᒃ᙮

ᐅᐸᓓᑭᔅ ᒫᑎᐤ 25:23

ᑮ ᐃᑎᑯ ᐅᑦ ᐅᑭᒫᒪ, ᐁᑯᔖᓂ, ᑭᓚ ᒥᓗ ᐊᑑᔅᑫᓛᑲᓐ ᐁ ᒀᔭᔅᑭᑎᔭᓐ, ᑭ ᑮ ᒀᔭᔅᑯᑐᑌᓐ ᐋᑎᑦ ᑫᒀᓇ, ᑭ ᑳ ᑎᐯᓕᑕᒥᐃᑎᓐ ᒥᒉᑦ ᑫᒀᓇ: ᐱᑐᑫᐤ ᑭᑦ ᐅᑭᒫᒻ ᐅ ᒧᒋᑫᓕᑕᒧᐎᓂᒃ᙮

ᐅᐸᓓᑭᔅ ᓘᒃ 6:37

ᐁᑳᐎᓚ ᑎᐹᔅᑯᓂᑫᒃ, ᐁᑯ ᐁᑳ ᑫ ᑎᐹᔅᑯᓂᑲᐎᔦᒃ: ᐁᑳᐎᓚ ᓂᔑᐗᓈᒋᒥᐌᒃ, ᐁᑯ ᐁᑳ ᑫ ᓂᔑᐗᓈᒋᒥᑲᐎᔦᒃ: ᐌᐯᓕᑕᒫᑫᒃ, ᐁᑯ ᒫᑲ ᑫ ᐌᐯᓕᑕᒫᑲᐎᔦᒃ᙮

ᐅᐸᓓᑭᔅ ᒑᓐ 21:22

ᒋᓴᔅ ᐃᑌᐤ, ᑮᔥᐱᓐ ᐃᑌᓕᑕᒫᓐ ᑭᒋ ᐃᑖᑦ ᐹᑎᒪ ᑕᑯᔑᓂᔮᓀ, ᑖᓂ ᑫ ᐃᑖᐸᒋᑖᔭᓐ ᑭᓚ? ᓄᔅᐱᓇᔑᓐ ᑭᓚ᙮

ᐅᐸᓓᑭᔅ ᒑᓐ 21:23

ᐁᑯ ᐅᒪ ᐃᑗᐎᓐ ᐯᐹᒥᐸᓕᒃ ᐁ ᐎᑕᒫᑐᒋᒃ ᑳ ᐎᒋᔓᓂᑐᒋᒃ, ᐊᓇ ᑭᔅᑭᓄᐊᒪᐙᑲᐤ ᐁᑳ ᑭᒋ ᓂᐱᑦ: ᐁᓕᐌᒃ ᒫᑲ ᒋᓴᔅ ᓇᒪᐎᓚ ᐅᒋ ᐃᑌᐤ, ᓇᒪᐎᓚ ᑲᑕ ᓂᐱᐤ; ᒫᑲ, ᑮᔥᐱᓐ ᐃᑌᓕᑕᒫᓐ ᑭᒋ ᐃᑖᑦ ᐹᑎᒫ ᑕᑯᔑᓂᔮᓀ, ᑖᓂ ᑫ ᐃᑖᐸᒋᑖᔭᓐ ᑭᓚ?

ᐅᐸᓓᑭᔅ ᒑᓐ 5:44

ᑖᓐᑌ ᑫ ᑮ ᐅᒋ ᑖᐺᑕᒣᒃ, ᑭᓚᐗᐤ ᑳ ᑭᔅᑌᓕᑖᑯᐃᑐᔦᒃ, ᓀᔥᑕ ᐁᑳ ᑳ ᓈᓇᑕᐙᐸᑕᒣᒃ ᐊᓂᒪ ᑭᔅᑌᓕᑖᑯᓯᐎᓐ ᑭᒋᒪᓂᑐᒃ ᐱᑯ ᑳ ᐅᒋᒪᑲᒃ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:4

ᐊᐌᓇ ᑭᓚ ᑳ ᑎᐹᔅᑯᓂᒪᑦ ᑯᑕᒃ ᐃᓕᓕᐤ ᐅᑦ ᐊᑑᔅᑫᓛᑲᓂᒪ? ᑎᐱᓚᐌ ᐅᑦ ᐅᑭᒫᒪ ᐅᒋ ᓂᐸᐎᐤ ᓀᔥᑕ ᐸᑭᔑᓐ, ᐁᐁ, ᑲᑕ ᓯᑐᓇᐤ: ᐌᓴ ᑭᒋᒪᓂᑐ ᑲᔥᑭᑕᐤ ᑭᒋ ᓂᐸᐎᐋᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:1

ᐁᐗᑯ ᐅᒋ ᓇᒪᐎᓚ ᑭ ᑳ ᑮ ᑶᑕᐎᐃᑣᓐ, ᐅ ᐃᓕᓕᐤ, ᐊᐌᓇ ᐁᑐᑫ ᑳ ᑎᐹᔅᑯᓂᑫᔭᓐ: ᐌᓴ ᐃᑕ ᐌᒋ ᑎᐹᔅᑯᓇᑦ ᑯᑕᒃ, ᑭ ᓂᔑᐗᓈᒋᒥᑎᓯᓐ; ᐌᓴ ᑭᓚ ᑳ ᑎᐹᔅᑯᓂᑫᔭᓐ ᒣᒋ ᓀᔥᑕ ᐁ ᐃᔑ ᐊᔨᑐᑕᒪᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:16

ᐊᓂᒪ ᑫ ᑭᔑᑳᒃ ᐃᔅᐱ ᑭᒋᒪᓂᑐ ᑫ ᑎᐹᔅᑯᓇᒸᑦ ᐃᓕᓕᐗ ᐅ ᑭᒧᑎᓯᐎᓂᓕᐗ ᐎᓚ ᐅᒋ ᒋᓴᔅ ᙭, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:29

ᒫᑲ ᐁᐗᑯ ᑖᐺ ᒎᐎᐤ, ᐊᓇ ᐅᑎ ᐱᒋ ᐁ ᐃᔑᓈᑯᓯᑦ; ᓀᔥᑕ ᑭᔅᑭᓄᐙᒋᔓᐎᓐ ᐁᐗᑯ ᒥᑌᐃᒃ ᑳ ᐃᑐᒋᑳᑌᒃ, ᐊᒑᑯᒃ, ᓇᒪᐎᓚ ᒫᑲ ᐁ ᐃᑕᓯᓇᐃᑳᑌᒃ; ᐁᑳ ᑲ ᒫᒪᑖᑯᑕᑭᒃ ᐃᓕᓕᐗᒃ, ᒫᑲ ᐱᑯ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7

ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

ᓂᔥᑕᒻ ᑯᕆᓐᑎᐊᓇ 1:7

ᑳ ᐅᒋ ᐁᑳ ᓈᓐᑕᐤ ᒥᓕᐌᐎᓐ ᐁ ᓄᑌᐸᓕᔦᒃ; ᐁ ᐊᔕᐙᐸᑕᒬᒃ ᐅ ᑕᑯᔑᓄᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭;

ᓂᔥᑕᒻ ᑯᕆᓐᑎᐊᓇ 11:16

ᒫᑲ ᑮᔥᐱᓐ ᐊᐌᓇ ᐃᓕᓕᐤ ᐎ ᐋᓉᔦᓕᑖᑯᓯᒋ, ᓇᒪᐎᓚ ᐊᓂᒪ ᑐᐎ ᐃᔑᒋᑫᐎᓐ ᑭᑦ ᐋᔮᓈᓇᐤ, ᓇᒪ ᓀᔥᑕ ᐅ ᒫᒪᐎᐗᔭᒥᐋᒪ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 11:26

ᐌᓴ ᑕᑡᐤ ᒥᔪᐌᑯ ᐊᐗ ᐊᓚᑯᓇᐤ, ᓀᔥᑕ ᒣᓂᑴᔦᑯ ᐅᒪ ᒥᓂᒀᑲᓐ, ᑭ ᐙᐸᑎᓕᐌᐙᓇᐗᐤ ᐅᑎᐯᓕᒋᑫᐤ ᐅ ᓂᐱᐎᓐ ᐹᑎᒫ ᑕᑯᔑᑫ᙮

ᓂᔥᑕᒻ ᑯᕆᓐᑎᐊᓇ 15:23

ᒫᑲ ᒥᓯᐌ ᑕᑐ ᐃᓕᓕᐤ ᐃᔅᐱ ᐁ ᐃᑌᓕᑖᑯᓯᑦ: ᙭ ᑳ ᓂᑳᓄᑖᑫᑦ; ᐹᑎᒫ ᒫᑲ ᐊᓂᐃ ᙭ ᑳ ᑎᐱᓚᐌᐎᓯᑦ ᐯᒋ ᑕᑯᔑᑫ᙮

ᓂᔥᑕᒻ ᑯᕆᓐᑎᐊᓇ 3:13

ᒥᓯᐌ ᑕᑐ ᐃᓕᓕᐤ ᐅᑦ ᐊᑑᔅᑫᐎᓐ ᑲᑕ ᑭᔅᑫᓕᑖᑾᓂᓕᐤ: ᐌᓴ ᐊᓂᒪ ᑭᔑᑳᐤ ᑲᑕ ᑭᔅᑫᓕᑖᑯᑖᒪᑲᓐ, ᐌᓴ ᐃᔥᑯᑌᒃ ᑲᑕ ᐅᒋ ᑭᔅᑫᓕᑖᑾᓐ; ᓀᔥᑕ ᐃᔥᑯᑌᒃ ᑲᑕ ᐅᒋ ᑲᑴᒋᑖᓂᐙᓂᓕᐤ ᒥᓯᐌ ᑕᑐ ᐃᓕᓕᐤ ᐅᑦ ᐊᑑᔅᑫᐎᓐ ᑫᑯ ᑐᐎᑲᓂᐗᓂᓕᑴ᙮

ᓂᔥᑕᒻ ᑯᕆᓐᑎᐊᓇ 3:14

ᑮᔥᐱᓐ ᒫᑲ ᐊᐌᓇ ᐃᓕᓕᐤ ᐅᑦ ᐊᑑᔅᑫᐎᓐ ᐊᔨᑕᔅᑌᓕᑫ ᐁᑯᑕ ᑳ ᑮ ᐙᔅᑳᔨᑲᓂᑫᑦ, ᑲᑕ ᒥᓛᑲᓂᐎᐤ ᑎᐸᐊᒫᑯᓯᐎᓂᓕᐤ᙮

ᓂᔥᑕᒻ ᑯᕆᓐᑎᐊᓇ 3:8

ᐊᓇ ᒫᑲ ᑳ ᓂᑕᐎᑭᒋᑫᑦ, ᐊᓇ ᓀᔥᑕ ᑳ ᐗᓴᓶᐯᑲᐃᑫᑦ ᐯᔭᑯᐗᒃ: ᒥᓯᐌ ᑕᑐ ᐃᓕᓕᐤ ᒫᑲ ᑲᑕ ᒥᓛᑲᓂᐎᐤ ᑎᐱᓚᐌ ᐅ ᑎᐸᐊᒫᑯᓯᐎᓐ ᑳ ᑮ ᐃᔑ ᐊᑑᔅᑫᑦ᙮

ᓂᔓ ᑯᕆᓐᑎᐊᓇ 10:18

ᐌᓴ ᓇᒪᐎᓚ ᓇᐁᓕᑖᑯᓯᐤ ᐊᓇ ᑳ ᒥᓗᐋᓕᒧᒥᑎᓱᑦ, ᒫᑲ ᐊᓇ ᑳ ᒥᓗᐋᓕᒧᒥᑯ ᐅᑎᐯᓕᒋᑫᐗ᙮

ᓂᔓ ᑯᕆᓐᑎᐊᓇ 10:9

ᐁᑳ ᑭᒋ ᐃᑌᓕᑖᑯᓯᔮᓐ ᒫᓇ ᐱᑯ ᐁ ᐎ ᑯᔅᑕᒋᐃᑕᑾᒃ ᐁ ᒪᓯᓇᐊᒫᑕᑾᒃ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 5:10

ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᓄᑯᓯᓈᓇᐤ ᐅᑎᔥᑲᐤ ᙭ ᐅ ᑎᐹᔅᑯᓂᑫᐎ ᐊᐱᐃᓂᒃ; ᒥᓯᐌ ᑕᑐ ᐊᐌᓇ ᑭᒋ ᒥᓚᑲᓂᐎᑦ ᐊᓂᐃ ᑳ ᑮ ᑐᒋᑳᑌᓕᑭ ᐎᔭᐎᒃ, ᒬᒋ ᐊᓂᐁᓕᐤ ᑳ ᑳ ᑐᑕᒃ, ᑮᔥᐱᓐ ᒣᓨᔑᓂᓕᑴ ᓀᔥᑕᐱᑯ ᒥᐋᓛᑕᓂᓕᑴ᙮

ᓂᔥᑕᒻ ᑌᓴᓗᓂᔭᓇ 5:2

ᐌᓴ ᑭᓚᐗᐤ ᑫᒋᐙᒃ ᒥᑐᓂ ᑭ ᑭᔅᑫᓕᑌᓇᐗᐤ ᐅᑎᐯᓕᒋᑫᐤ ᐅ ᑭᔑᑳᒻ ᑭᒋ ᐃᔑ ᐅᑎᒋᐸᓕᓕᒃ ᑖᐱᔅᑯᒡ ᑭᒧᑎᔉ ᒣᒀᒡ ᐁ ᑎᐱᔅᑳᓕᒃ᙮

ᐦᐃᑉᕉᐗ 4:13

ᓇᒪᐎᓚ ᓀᔥᑕ ᐊᐌᓇ ᐃᑖᐤ ᐁᑳ ᑳ ᐹᔭᑌᓈᑯᓯᑦ ᐁ ᑲᓇᐙᐸᒥᑯᑦ: ᒫᑲ ᒥᓯᐌ ᑫᒀᓇ ᒧᔐᔅᑌᐗ ᓀᔥᑕ ᐸᔭᑕᔅᑌᐗ ᐅᔅᑭᔑᑯᒃ ᐊᓇ ᑳ ᑲᓇᐙᐸᒥᑕᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:11

ᐁᑳᐎᓚ ᒪᒋ ᐋᓕᒧᒥᑐᒃ, ᓂᒋᔖᓂᑐᒃ᙮ ᐊᓇ ᑳ ᒪᒋ ᐋᓕᒧᒫᑦ ᐎᒋᔖᓇ, ᓀᔥᑕ ᑳ ᑎᐹᔅᑯᓈᑦ ᐎᒋᔖᓇ ᒪᒋ ᐋᓕᒧᑕᒻ ᐅᓚᔔᐌᐎᓂᓕᐤ, ᓀᔥᑕ ᑎᐹᔅᑯᓓᓕᑕᒻ ᐅᓚᔓᐌᐎᓂᓕᐤ: ᒫᑲ ᑮᔥᐱᓐ ᑌᐹᔅᑯᓀᓕᑕᒪᓂ ᐅᓚᔔᐌᐎᓐ, ᓇᒪᐎᓚ ᑭᑦ ᐃᑐᑌᓐ ᐅᓚᔓᐌᐎᓐ, ᒫᑲ ᑭ ᑎᐹᔅᑯᓀᓕᑌᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:7

ᔑᐱᓚᐌᓯᒃ ᒫᑲ, ᓂᒋᔖᓂᑐᒃ, ᐱᓕᔥ ᑭᒋ ᑕᑯᔑᒃ ᐅᑎᐯᓕᒋᑫᐤ᙮ ᒫᑎᑲ, ᐅᓂᑕᐎᑭᒋᑫᐤ ᐯᑕᐤ ᑳ ᒥᓨᔑᓂᓕᑭ ᑳ ᓂᑕᐎᑭᓂᓕᑭ ᐊᔅᑮᒃ, ᓀᔥᑕ ᑭᓉᔥ ᔑᐯᓕᑕᒻ, ᐹᑎᒫ ᐙᐸᑕᑫ ᓃᔥᑕᒻ ᓀᔥᑕ ᒫᒋᒡ ᑭᒋ ᑭᒥᐗᓂᓕᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:9

ᐁᑳᐎᓚ ᒪᒥᔕᒣᓕᑌᒥᐃᑐᒃ, ᓂᒋᔖᓂᑐᒃ, ᐁᑳ ᑭᒋ ᓂᔑᐗᓈᒋᒥᑲᐎᔦᒃ: ᒫᑎᑲ, ᐅᑎᐹᔅᑯᓂᑫᐤ ᓂᐸᐎᐤ ᐅᑎᔥᑲᐤ ᐃᔥᒀᑌᒥᒃ᙮

ᓂᔥᑕᒻ ᐱᑕᕐ 1:7

ᐁ ᑲᑴᒋᑖᓂᐗᒃ ᑭ ᑖᐺᔦᓕᑕᒧᐎᓂᐗᐤ, ᐊᐙᓯᑌ ᐁ ᑭᔅᑕᑭᑖᑾᒃ ᐃᔥᐱᔥ ᐅᓵᐎᔔᓕᐋᓈᐱᔉ ᑳ ᓂᔑᐗᓈᑕᒃ, ᐋᑕ ᐃᔥᑯᑌᒃ ᐁ ᑮ ᑯᒋᑖᓂᐗᒃ, ᑭᒋ ᒥᔅᑭᑳᑌᒃ ᑭᒋ ᐅᒋ ᒫᒪᑕᑯᒥᑲᐎᔦᒃ, ᓀᔥᑕ ᑭᔅᑌᓕᒥᑲᐎᔦᒃ, ᓀᔥᑕ ᑭᔅᑌᓕᑖᑯᐃᑲᐎᔦᒃ ᐯᒋ ᓄᑯᓯᑌ ᒋᓴᔅ ᙭;

ᓂᔥᑕᒻ ᐱᑕᕐ 5:4

ᐃᔅᐱ ᒫᑲ ᐯᒋ ᓄᑯᓯᑌ ᒫᐗᒋ ᑳ ᓂᑳᓀᓕᑖᑯᓯᑦ ᒫᓂᔥᒑᓂᔑᐎᓕᓕᐤ, ᑭ ᑳ ᒥᓕᑲᐎᓇᐗᐤ ᑭᔅᑌᓕᑖᑯᓯᐎ ᐅᑭᒪᐗᔅᑐᑎᓐ ᐁᑳ ᑳ ᐊᑎ ᓂᐳᐎᓈᑾᒃ᙮

ᓂᔓ ᐱᑕᕐ 3:12

ᐁ ᐊᔕᐙᐸᑕᒬᒃ ᓀᔥᑕ ᐁ ᐯᒋ ᑭᔑᐸᓕᑕᐌᒃ ᑭᒋᒪᓂᑐ ᐅ ᑭᔑᑳᒻ, ᐁᑯᔅᐱ ᑭᔑᑾ ᐁ ᐃᔅᒀᓯᑳᑌᑭ ᑲᑕ ᓂᔑᐗᓇᑕᓋ, ᓀᔥᑕ ᑭᔑᑯᒃ ᑳ ᐊᑯᑎᑭ ᑲᑕ ᑎᑭᑌᐗ ᑫ ᐃᔅᐱᑭ ᑭᔑᑌᒃ᙮

ᓂᔓ ᐱᑕᕐ 3:4

ᐁ ᐃᑗᒋᒃ ᒫᑲ, ᑖᓐᑌ ᐊᓂᒪ ᐊᔓᑕᒫᑫᐎᓐ ᑭᒋ ᑕᑯᔑᒃ? ᐌᓴ ᐊᔅᐱᓐ ᐅᑖᐎᒪᐗᒃ ᑳ ᑮ ᓂᐹᒋᒃ, ᒥᓯᐌ ᑫᒀᓇ ᐃᑕᑾᓋ ᑳ ᐃᔑ ᐃᑕᑾᑭᐸᓐ ᐊᔅᐱᓐ ᑳ ᒫᒋ ᐅᔑᑖᓂᐗᒃ ᐅᒋ᙮

ᒎᑦ 1:14

ᐃᓇᒃ ᒫᑲ ᓀᔥᑕ, ᐊᓇ ᓂᑯᑣᔅ ᑳ ᐋᓂᔅᑫ ᐅᒌᑦ ᐋᑕᒥᒃ, ᑮ ᑭᔅᑭᐙᐃᑫᐎ ᐋᓕᒧᒣᐤ ᐅᐅ, ᐁ ᐃᑗᑦ, ᒫᑎᑲ, ᐅᑎᐯᓕᒋᑫᐤ ᐯᒋ ᐃᑐᑌᐤ ᐁ ᐎᒉᐙᑦ ᒥᑖᑡᐤ ᑭᒋᒥᑖᑐᒥᑕᓇᐤ ᐅ ᐸᓓᑭᓯᒪ,

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 20:12

ᓂ ᑮ ᐙᐸᒫᐗᒃ ᒫᑲ ᑳ ᓂᐱᒋᒃ, ᐁ ᐋᐱᔑᔑᔑᒋᒃ ᓀᔥᑕ ᐁ ᒥᔑᑭᑎᒋᒃ, ᐁ ᐅᑎᔥᑲᐎᑳᐸᐐᔅᑕᐙᒋᒃ ᑭᒋᒪᓂᑐᐗ: ᒪᓯᓇᐃᑲᓇ ᒫᑲ ᑮ ᐋᐸᐃᑳᑌᐗ; ᑯᑕᒃ ᒪᓯᓇᐃᑲᓐ ᓀᔥᑕ ᑮ ᐋᐸᐃᑳᑌᐤ, ᐁᐗᑯ ᐱᒫᑎᓯᐎᓂ ᒪᓯᓇᐃᑲᓐ; ᑳ ᓂᐱᒋᒃ ᒫᑲ ᑮ ᐅᒋ ᑎᐹᔅᑯᓇᐗᒃ ᐊᓂᐃ ᒪᓯᓇᐃᑲᓂᒃ ᑳ ᒪᓯᓇᐃᑳᑌᓕᑭ, ᒬᒋ ᑳ ᑮ ᐃᔑ ᐊᑑᔅᑫᒋᒃ᙮